+5 əjdaha
1. üç qardaşın ən böyüyü olan Tezuka, 1928-ci ildə Yaponiyada anadan olub. tezuka-nın ailəsi əsasən həkimlər, hüquqşünaslar və hərbçilərdən ibarət idi. Atası manga sevən və manga kolleksiyasına sahib olan bir mühəndis idi. Manga ilə yanaşı, o, Tezukanı gələcəkdə təsirləri altına alacaq insanlardan olan Walt Disney və Max Fleischerin əsərləri ilə tanış etmişdir.Tezuka, ibtidai məktəbin ikinci ilindən öz mangasını çəkməyə başladı. Ailəsinin ciddi nizam-intizamına baxmayaraq, onlar Tezukanın bədii maraq və məqsədlərinə dəstək verirdilər. Buna görə də aldığı dəstək sayəsində Tezuka, o dövrün eskiz dəftərlərinə və bədii materiallarına çıxış əldə etdi. Gəncliyində bəzi sağlamlıq təhlükələrindən sonra Tezuka, başqalarına kömək etmək üçün tibb öyrənmək qərarına gəldi. O, manga hobbisini tibb fakültəsi boyu çətinliklə də olsa davam etdirdi və ilk mangasını Osaka uşaq qəzetinə satdı. Onun ilk işi olan Maa-chan no Nikkichou (azərbaycan dilində: Maa-chanın gündəliyi) dörd paneldən ibarət seriya idi.
1961-ci ildə Tezuka, Toei Animation ilə rəqabət aparmaq üçün Mushi Productions animasiya şirkətini quraraq Yaponiyada animasiya sənayesinə daxil oldu. ilk dəfə 1963-cü ildə Astro Boyun cizgi versiyasının yayınlanması ilə sənayeni təkamülə sövq etməyə başladı. Bu seriya Yaponiyada animasiya istehsalı üçün ilk uğurlu model olmuş və eyni zamanda Amerika auditoriyası üçün ingilis dilinə dublyaj edilən ilk Yapon animesidir. Bu yenilikçi model ilk rəngli animasiya seriyası olan Kimba the White Lion ilə davam etdi.
Tezuka 9 fevral 1989-cu ildə Tokioda mədə xərçəngindən vəfat etmişdir. iş həvəskarı kimi onun son sözləri rəsm avadanlığını almağa çalışan tibb bacısına “yalvarıram, icazə verin işləməyəm!” olmuşdur.
