1. call of duty: black ops silsiləsinin baş qəhrəmanı olan hərbçi və cia agentidir.
https://i.imgur.com/CFOg25G.jpg

spoiler!



1933-cü ildə anadan olub. gənclik illərindən hərbçi kimi yetişib. ilk oyunda fidel castro-ya sui-qəsd üçün kubaya göndərilən komandanın tərkibində yer alır. ancaq missiya uğursuz olur və mason da əsir düşür. hədiyyə olaraq sovet generalı nikira draqoviçə verilir və 2 il vorkutadakı düşərgədə saxlanılır. burada call of duty: world at war-un baş qəhrəmanlarından viktor reznov ilə tanış olur. birlikdə plan quraraq, düşərgədə üsyan çıxarıb qaçırlar. ancaq reznov özünü fəda edir. mason isə xilas olur. bundan sonra daha bir çox bölgədə həyata keçirilən əməliyyatlarda iştirak edən mason, vyetnamda ölmüş bildiyi reznov ilə yenidən qarşılaşır. ancaq çox sonra anlayır ki, reznov əslində vorkutada ölüb və bu vaxtacan sadəcə mason-un zehnində imiş. draqoviç, mason kimi bir çox agentdən amerikaya ediləcək böyük hücum üçün istifadə edirdi və bunun üçün də onların beyinləri yuyulmuşdu. reznov isə öz niyyətləri üçün mason-un beynini ikinci dəfə yuyur. mason sonda draqoviçi də öldürür və zehnindəki oyunlardan xilas olur.
ilk oyundan sonra uzun illər oğlu david mason ilə alyaskada sakit həya sürərkən, silah yoldaşı frank woods-un anqolada itkin düşdüyü xəbərini aldığı üçün yenidən orduya qayıtmalı olur. frank-i xilas etdikdən sonra oyunun əfsanəvi villain-ı raul menendez ilə mübarizə aparır. panamada ikən menendez tərəfindən ələ keçirilir və woods öz dostu mason-u menendez bilərək öldürür (oyundakı seçimlərə əsasən mason ölməyə də bilər və sonlardan birində yaşlı halı da görünür).
mason, hekayəsi ilk iki oyunun arasında keçən call of duty: black ops cold war-da da görünür. ancaq bu oyunda həm mason, həm də woods-un rolu olduqca zəifdir. üstəlik, ilk oyunlarda sam worthington tərəfindən səsləndirilmiş mason-un bu oyunda səs aktyoru da dəyişdirilmişdi.