1. kristofer nolanın 2012-ci ildə ekranlaşdırdığı, "qara cəngavər" üçləməsinin sonuncu filmi. (bkz:dark knight ).
film batmanın və dc tarixinin ən bomba villainlərindən olan bane-nin kəsişməsini hədəf alır.

Bane Gothama, Ras al Ghulun (baxma: Ras al Ghul) yarım qalmış məsələsini bitirmək üçün geri dönür. Bruce isə Rachel-in ölümündən sonra çox pis çortdadır. Silahdaşı Alfred, bir zamanlar Rachel-in Bruce-ə yazdığı məktubu Bruce-ə vermədiyinə görə Bruce tərəfindən qovulur.

Burda ekranlara komikslərdə və digər filmlərdə qabağımıza çıxan Robin-i görürük. O polisdir və Jim Gordonun ən yaxın adamlarındandır. irəliləyən dəqiqələrdə Bane Gothamı xəritədən silmək üçün nüvə bombası mütəxəssisini qaçırır. Məhz bu təyyarədən qaçırma səhnəsini Kristofer Nolan indiyə kimi çəkdiyi ən yaxşı sekans kimi dəyərləndirir. Və məncədə belədir, adamlar bir təyyarəni CGI olmadan, real şəkildə havada parçalayırlar.

Daha sonra bu filmdə, Tim Burtonun Batman filmindəki Michelle Pfeiffer-in Catwoman-ı ilə yarışacaq potensialda olan, baxanda ağzımızın suyunu axıtdığımız Anne Hathaway-in Catwoman-nı görürük. Hathaway öz müsahibələrində bu rolda oynamağı çox istədiyini demişdi.

Catwoman, yəni Selina Kyle, əvvəlcə Bruce üçün təhlükə yaradır, amma sonradan hadisələrin gedişində onunla əlbir olmaq qərarına gəlir. O, həm həyatda qalmaq instinktinə sahib bir qadındır, həm də içində gizli bir ədalət hissi var.

Bane Gothamda xaos yaratmaq üçün planını işə salır. O, şəhərin bütün polis qüvvələrini yeraltı tunellərə salaraq tələyə salır və nüvə bombasını ələ keçirir. Bomba 5 ay içində partlayacaq şəkildə tənzimlənir. Bane özünü xalqın xilaskarı kimi təqdim edir, amma əslində Ras al Ghulun “Gothamı xəritədən silmək” planını tamamlayır.

Bu vaxt Bruce Wayne uzun müddət gizləndiyi yerdən çıxır, yenidən Batman kostyumunu geyinir və Bane ilə üz-üzə gəlir. Burda Catwomanın satqınlığına şahid olur. ilk döyüşdə Bane onu top kimi çiləyir, hətta onun belini qırır və onu uzaq bir zindana atır. Orda Bruce həm fiziki, həm də ruhi olaraq sınır. Lakin o, ruhən dirçəlir və “qorxu ilə yaşamaq” dərsini öyrənərək, özünü bərpa edib zindandan çıxmağı bacarır.

(məhz burda bildirmək istəyirəm ki, zidandan xilas olma səhnəsi hər dəfə baxanda mənim tüklərimi biz biz edir. və mən bundan qaça bilmirəm)

Bruce qayıdanda Gotham tamamilə Bane-in nəzarəti altındadır. Küçələrdə xaos hökm sürür, varlılar linç edilir, məhkəmələrdə saxta “ədalət” oyunları oynanır. Batman qayıdaraq Jim Gordon, Catwoman və Robinlə birlikdə şəhəri xilas etməyə çalışır.

Filmin finalında Batman nüvə bombasını Gothamdan uzağa apararaq şəhəri xilas edir. Bomba partlayır və hamı Batmanın öldüyünü düşünür. Amma filmin sonunda Alfred italiyada bir kafedə oturarkən Bruce və Selina-nı birlikdə görür. Yəni o, nəhayət rahatlıq tapıb.

Son səhnələrdə isə Robin-in – yəni John Blake-in – Batmanın gizli mağarasını tapdığını görürük. Bu da gələcəkdə onun Batmanın varisi olacağına bir işarədir.

Film mənim, "ölmədən izləməli olduqlarım" spisokumda öz yerini tutub, məndə məsləhət görürəm ki baxasız