justice league adlı animasiya serialının davamı kimi çəkilmiş cizgi serial. DC Animated Universe-ün sonuncu tv cizgi serialıdır. 2004-2006-cı illərdə Cartoon Network-də yayımlanıb. 39 bölüm - 3 sezondan ibarətdir.
Justice league-dən fərqli olaraq, burada daha çox superqəhrəman var - 50-dən çox. Bu da əlbəttə, əsas qəhrəmanların daha az görünməsinə səbəb olur. Buna görə də bir çoxları justice league seriyasının daha yaxşı olduğunu vurğulayır. Komandada az adam olsa da, münasibətlər, xarakterlərin özü daha yaxşı işlənib və ortaya daha keyfiyyətli iş çıxıb. Eyni zamanda izləyənə də daha səmimi gəlir. Amma yenə də unlimited seriyası ən yaxşı cizgi filmlər sırasına daxil olmağı bacarmışdır.
Eyni zamanda görünüş, musiqi baxımdan da əvvəlki seriyanın daha yaxşı olduğunu bildirənlər var.
Mən isə ilk bu seriyadan başladım. Justice league nədənsə şəkillərdən daha sıxıcı görünür. Burda daha çox obrazın, superqəhrəmanın olması DC Universe-i daha çox öyrənməyimə kömək olacaq deyə düşünürəm. Hələlik 2 bölümünü izləmişəm, izlədikcə fikirlərimi yazacam.