məlumatların mühafizəsi günü

1. 28 yanvar dünyada "Məlumatların Mühafizəsi Günü" kimi qeyd olunur. 28 yanvar 1981-ci ildə Fransanın Strasburq şəhərində Avropa Şurası “Fərdi məlumatların avtomatlaşdırılmış qaydada işlənilməsi ilə əlaqədar şəxslərin qorunması haqqında” konvensiyanı (108 nömrəli) qəbul edib. Konvensiya Avropa Şurasına (AŞ) üzv olan 43 ölkə tərəfindən ratifikasiya olunmuşdur və AŞ-nin üzvü olmasından asılı olmayaraq hər bir ölkə tərəfindən imzalanmaq üçün açıqdır.

2009-cu ildə Konvensiya Azərbaycan Respublikasının Milli Məclisi tərəfindən təsdiq edilmiş və Azərbaycan Respublikası Avropa Şurasının həmin konvensiyasına 2009-cu ildə qoşulmuşdur. Milli səviyyədə fərdi məlumatların toplanılması, işlənilməsi və mühafizəsi ilə bağlı münasibətləri tənzimləyən hüquqi akt isə 11 may 2010-cu il 998-IIIQ nömrəli “Fərdi məlumatlar haqqında” Azərbaycan Respublikasının Qanunu qəbul edilib.

Azərbaycan Respublikası Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidmətinin Cert link

rəsmi saytında fərdi məlumatlarla bağlı hüququ pozulan subyektlərin müraciətlərinin operativ qəbulu üçün “Fərdi məlumatlarla bağlı insidenti bildir” elektron müraciət forması fəaliyyət göstərir.

(youtube:

)

2. fərdi məlumatların qorunması, istifadəsi mövzusunun önəminin vurğulanması baxımından dəyərli bir gündür. son bir neçə ildə, azərbaycanda sima, asan imza ilə aparılan kritik əməliyyatların, maliyyə əməliyyatlarının, o cümlədən, bank və digər maliyyə texnologiyaları (baxma: fintex) tətbiqlərinin geniş istifadə olunması mövzu üzrə savadlılığın və fərqindəliyin artırılmasını zəruri qılır. belə ki, yaranacaq sui-istifadə hallarında bəzən ictimai rəyə, baxışa ehtiyac duyulur. məlumatların mühafizəsi günü kimi xatırlatma və önəm vurğulama məqsədli günlər, ildə bir dəfə də olsa insanları önəmli mövzulara kütləvi şüurla yanaşmağa sövq etmək baxımından dəyərlidir.

məlumatların mühafizəsi günü

Yalnız deyilsən!