1. Cabanı, Azərbaycanda tarixi yerdir. Şamaxı rayonunda Gülüstan qalası yaxınlığında, indiki Sabir qəsəbəsi ərazisində idi. “Cabanı” sözünün etimologiyası Azərbaycanda fəaliyyət göstərmiş və mənbələrdə 13-cü əsrdən cəbən, çapanı, çibni, çipki, cəbni, çəpni kimi göstərilən oğuz tayfasının (bax: Çəpnilər) adı ilə əlaqədardır. 1500-cü ildə gələcək Səfəvi hökmdarı ismayılın başçılıq etdiyi qızılbaş qoşunu Cabanı döyüşündə Şirvanşah Fərrux Yasarı məğlubiyyətə uğratmışdı. 1546-cı ildə qardaşı Əlqas Mirzənin qiyamını yatıran Səfəvi Şahı Təhmasib (1524–76) yay fəslini Cabanıda keçirmişdi.