1. atacağı addımın, deyəcəyi sözün, verəcəyi məlumatın ziyanına ola biləcəyini düşünüb əksər hallarda o addımı atmaqdan imtina edən psixi pozğunluğu olan insana deyilir. bu pozğunluq özünü daha çox qorxu, təlaş kimi göstərir. bu insan özünə dəyəcək ziyanın əsasən fiziki zorakılıq, məhdudiyyət/həbs, hətta ölüm olacağını da düşünə bilər. bununla əlaqəli olaraq, izləndiyini də düşünə bilər.
kiminləsə danışdıqda, xüsusilə anonim mühitlərdə bilgi verməkdən çəkinir, ətrafındakı hamıya şühbə ilə baxır. bəzi "sirli" işlər gördüyü üçün özünün müəyyən qurumlar, qruplaşmalar tərəfindən axtarıldığını düşünür.

sirli işlər nədir?
əsasən adi işlərdir, ancaq xəstəmiz asosial olduğu üçün fəaliyyətini/məşğuliyyətini cəmiyyətlə paylaşmaqdan çəkinir. cəmiyyətin özünün fəaliyyətinə olan münasibətini bilmir, o an üçün bunu dəqiq öyrənmək heç mümkün də deyil. görülən iş, məşğuliyyət zərərsiz olsa da, şübhələr onu narahat edir.

paranoyaklar qaçmağı və gizlənməyi sevirlər.