1. Future Technology Devices International Ltd. — qısaca FTDI — USB körpü həlləri üzrə ixtisaslaşmış şotlandiyalı yarımkeçirici şirkətidir. Şirkətin əsas məqsədi müxtəlif texnologiyalar arasında "körpü" yaratmaq, yəni mühəndislərə yüksək performanslı, sadə istifadəli və az enerji tələb edən elektron dizaynlar hazırlamaqda kömək etməkdir.
FTDI ən çox USB-to-Serial (USB-UART) çevirici mikrosxemləri ilə tanınır. Bu mikrosxemlər köhnə serial portları (RS-232, RS-422, RS-485) olan avadanlıqları müasir USB portlarına qoşmaq üçün istifadə olunur. Sənaye avtomatikası, tibbi cihazlar, test avadanlıqları və hobbiçi elektronika layihələrində geniş yayılmışdır.
ən məşhur məhsulları FT232R (USB-to-UART, tək kanal), FT2232H (ikili kanal, yüksək sürət), FT4232H (dörd kanal) seriyalarıdır. bunlara əlavə olaraq USB-to-SPI, USB-to-I²C, USB-to-JTAG kimi inteqrasiya həlləri də təqdim edir.
FTDI-nin sürücüləri (VCP — Virtual COM Port və D2XX) Windows, macOS və Linux əməliyyat sistemlərini dəstəkləyir. Arduino kimi populyar mikrokontroller platformalarının bir çox nüsxəsində FTDI çipləri USB proqramlaşdırma interfeysini təmin edir.
şirkət həmçinin USB Type-C və Power Delivery 3.0 standartlarını dəstəkləyən yeni nəsil FT233HPQ, FT2232HPQ kimi yüksək sürətli USB çiplər də istehsal edir.

Rəsmi veb səhifəsi: https://ftdichip.com/
sifarişi verən: ubermensch