+5 əjdaha
1.
Qırıq qəlb sindromu (Takotsubo kardiomiyopatiyası) var da, daşlaşmış ürək niyə olmasın? Doğrudan da mı daşlaşır? Niyə ona "tüklü" ürək deyirlər? Revmatizmli biri nəyə diqqət etmədikdə xəstəlik ağırlaşır? Uşaqlarda ürək qüsurunun yaranması xəstəliyin "cavanlaşdığını" mı bizə deyir?
çox soyuqqanlıdır. başqalarının hisslərinə qarşı laqeyddir. rəhm etməz, asanlıqla təsirlənməz,
emosional olaraq incə ruhlu deyil. Yo, yo, yox. Bunlardan danışmırıq. Biz başlığa "tibbən" toxunacağıq.
Ürəyin daşlaşması - Concretio cordis
Bu, revmatik xəstəliklərdən biri olan revmatizmin endokardit xəstəliyinin 3-cü mərhələsi olan fibrinoz perikarditdə görülür. Sadə dildə izah etməyə çalışacağam.
Perikard (ürək kisəsi) iltihablanır. Onun səthində fibrin adlı zülal çökür. Bu fibrin lifləri ürəyin səthini tüklü, saplı kimi göstərir. Buna görə buna “tüklü ürək” (Cor villosum) deyilir. Bu zaman ürək döyünərkən sürtünmə artır (auskultasiyada sürtünmə səsi eşidilə bilər).
Növbəti: sklerotik dəyişmələr. Epikard (ürəyin üst qatı) ilə perikard arasında
ocaqlı və ya diffuz yapışmalar yaranır. Bu yapışmalar fibroz (skar, çapıq toxuma) xarakterlidir. Ürək normal hərəkət edə bilmir. Perikard boşluğu daralır və ya tam itə bilər. (Obliterasiya)
Əgər proses davam edərsə: Konstriktiv və restriktiv perikardit, yəni perikard qalınlaşır və sərtləşir. Ürəyi mexaniki olaraq sıxır. Ürəyin dolması məhdudlaşır, xüsusilə diastola pozulur. kifayət qədər qanla dolmur.
Ürək çatışmazlığı əlamətləri yaranır.
Uzun müddətli xroniki prosesdə isə Perikardda kalsium duzları yığılır (kalsinoz), perikard sərt, daş kimi olur. Əslində ürək yox, ürəyin divarı "daşlaşır". Ürək demək olar ki, hərəkətsiz qalır. Beləcə, Ağır konstriktiv perikardit inkişaf edir.
indilərdə müasir antibiotik və hormonal preparatlarla müalicə və profilaktik tədbirlər revmokarditin kəskin gedişi, ağırlaşması və ölümünün qarşısını alır.
Amma bu, "problem həll olur" demək deyil.
uşaqlarda latent (gizli), xroniki (uzunmüddətli), remissiyalı (bəzən sakitləşən) formada gedir. Yəni xəstəlik uzun müddət, səssiz davam edir və ürək tədricən zədələnir. Beləcə, ürək qüsurları daha erkən yaşda yaranır.
"Xəstəlik cavanlaşıb" bu halda deyilir.
Uşaqlarda tez-tez angina, düzgün müalicə olunmamış boğaz ağrısı varsa antibiotik kursu yarımçıq saxlanmamalıdır. Çünki revmatizmin əsas səbəbi streptokokk infeksiyasıdır. tez yorulma, səbəbsiz halsızlıq, ürəkdöyünmə, yüngül təngnəfəslik, oynaqlarda keçici ağrılar xəstəliyin gizli (yüngül) əlamətləridir. həkim müayinəsi (auskultasiya), ExoKQ (ECHO) ən vacib üsullardan biridir. Erkən aşkarla isə ürək qüsurunun qarşısını almaq mümkündür.