+1 əjdaha
1. yazıçı şea serrano və rəssam arturro torresin 2015-ci ildə ərsəyə gətirdikləri kitab. əsl adı "The Rap Year Book"-dur.kitab repin yaranma tarixindən bu yana, bu janrın küçədən necə çoxmilyardlı bir industriyaya çevrilməsindən bəhs edir. əsas ideya hər il üçün həmin dövrün ən əhəmiyyətli replərindən birini seçmək və onun niyə vacib olduğunu izah etməkdir. əsərdə yalnız mahnının özü təhlil edilmir, həm də onun yarandığı dövrü, sənətçisini, musiqi sənayesinə və hip-hop mədəniyyətinə təsirini araşdırıb ortaya qoyur.
hadisələr 1979-cu ildən başlayaraq cərəyan edir. daha sonra 1980-ci illərə keçid olunur. Bu illərdə Run-DMC, Grandmaster Flash and the Furious Five, LL Cool J və digər reperlərin meydana çıxması, repin populyarlaşması və yeni musiqi üslubunun yaranması göstərilir.
1980-ci illərin sonlarında isə gangster rap və siyasi xarakterli rep daha böyük əhəmiyyət qazanır. N.W.A. kimi qrupların fəaliyyəti, küçə həyatı, polis zorakılığı, irqçilik və sosial problemlərin rep musiqisində əks olunmağıda kitabda mühüm mövzulardan biridir.
1990-cı illərə gələrkən isə artıq hip-hopun, böyük musiqi sənayesinin əsas hissəsinə çevrildiyindən danışılır. Bu dövrlərdə 2pac Shakur, The Notorious B.I.G., Nas, Wu-Tang Clan, Jay-Z, Dr. Dre və Snoop Dogg kimi hazırda cult olan sənətçilərin yüksəlişi müzakirə olunur. East Coast və West Coast arasındakı əzəli rəqabət, Tupac və Biggie arasında yaranan beef və həmin dövrün musiqi atmosferi, kitabın diqqət çəkən mövzularındandır.
Serano rep haqqında çox şəxsi, yumorlu və bəzən mübahisəli fikirlər irəli sürür. O müxtəlif mahnıları müqayisə edir, onların hansı səbəbdən o dövr üçün vacib olduğunu izah edir və oxucunu seçimlər qarşısında. Torresində illüstrasiyaları isə kitabın yumorlu və qeyri-formal üslubunu ustalıqla tamamlayır.
qeyd: mən bu kitab haqqında 2019-da eşitmişəm, buna baxmayaraq almamışam. almaq istəməmişəm. istəmişəm ki, kimsə tərəfindən hədiyyə olunsun. bu yaşa gəlmişəm, hələki qismət olmayıb. 25-ə kimi gözləyəcəm kimsə almasa gərəkdir ki, özüm alım.
