kreutzer sonata



facebook twitter əjdaha lazımdı   izlə   lələ   mən   googllalink

    1. Beethovenin tanınmış sonatası. Tolstoyun eyni adlı dəhşətli hekayəsi var. Hər ikisi insanın ürəyini deşir.
    2. incil' den "Bir kişi bir qadına tamah və şəhvətlə baxsa onun ürəyi zina günahıyla kirlənmişdir" ile başlayan kitab
    3. Bethovenin ilk əvvəl george bridgetoweri nəzərdə tutaraq bəstələdiyi sonatası. sonralar george onun sevdiyi qadınlardan biri haqqında xoşagəlməz ifadələr işlətdiyindən bəstəkar sonatasını dövrünün məşhur skripkaçısı rodolphe kreutzerə həsr edir. ilk ifaçısı elə bridgetower olub, kreutzer tərəfindən isə heç vaxt ifa olunmayıb.

    Lev tolstoyun da adını bu 3 hissədən ibarət, hardasa 40 dəqiqəlik musiqi əsərindən almış hekayəsi var. ən çox senzuraya məruz qalmış əsərlərindəndir. Niyəsi dahinin lap ağın çıxardıb dediyiniz fikirləridir ki, onun qəhrəmanına görə sevgi sekslə bilavasitə əlaqədardır deyə ülvi deyil iyrəncdir, cinsi əlaqənin sağlamlıq üçün zəruri olması həkimlərin uydurmasından başqa bir şey deyil və insanın ən böyük ehtirası olan cinsi tələbatlardan yayınmaq əxlaqi cəhətdən təmiz qalmağın olmazsa olmazıdır. gənc qızların ərə getmək üçün bəzənməsini də fahişəlik hesab edir. deyir ki, qısamüddətli fahişələr təhqir olunur, belə uzunmüddətli fahişələrsə hörmət görür. bir yerində qadınları yəhudilərə də bənzədir: yəhudilər əzilmələrinin acığını necə ticarətdə hökmranlıq etməklə çıxırlarsa, qadınlar da eynisini sekslə edirmiş. girişin müəllifi doris lessingə görə tolstoyun bu hekayədəki fikirlərinin qaynağı o idi ki, o, seksdə uğurlu olmayanlardan idi. belə bir cümlə də işlədib ki: sofiya tolstaya həyatı boyunca tək bir kişiylə yatdı - deyilənlərə görə bu kişi, lev tolstoy, birini qucaqlayanda insandan çox ayıya oxşayırdı.

    bir də tolstoyun bu hekayəsi 1889-cu ildə çap olunub, nə vaxt ki, etirafı yazmasından, yəni inancını itirdiyi vaxtlardan təxminən on, mən nəyə inanıramı yazıb xristianlığı mənimsədiyini bildirməsindən isə altı il keçirdi. artıq o, şopenhauerin mənimsədiyi ideyalarına din əxlaqı prizmasından baxırdı və 61 yaşında, 30-una qədər gününü gün etmiş, sonrasında 18 yaşlı sofiya ilə evlənib 13 uşaq atası olduqdan sonra cinsi münasibətlərə qarşı bu mövqeyi onun üçün o qədər baha başa gəlmiş sayılmazdı. amma və lakin tolstoy oxunacaqsa, yan keçməməli əsərlərindəndir, zira tolstoyu heç pozdnışev kimi görmədiniz. evlilik, uşaq sahibi olmaq kimi mövzulara hər nə qədər dövr, hakəsə şərtlər dəyişmiş olsa da, pozdnışevin perspektivindən baxmaq düşündürür. ikinci dəfə qayıdıb oxudum bu günlərdə, baxırsan ailə xoşbəxtliyi də bu adamın qələmindən çıxıb. niyəsə ailədaxili münasibətlərə çox baş sındırıb.


sən də yaz!