nankor insan — ən bəyənilən yazılar

+12 əjdaha

1. Bir az öncə yazdığım entry'də ağlıma gələn insab tipi. Belə bir dostum var idi mənim. Qız çox nankor idi. Ona nə qədər yaxşılıq etsəm də çox sağol zad eşitmirdim. Əksinə mənim əliaçıq olmadığımı və xəsis olduğumu deyirdi. Halbuki ona həmişə öz pulumdan verirdim yoxsa həmişə aclıqdan ölə-ölə gəzirdi. Heç vaxt ondan bir şeyimi əsirgəməzdim. Sinif gəzintisində nənəmin verdiyi 50 manatı birlikdə xərcləmişdik. Deyə bilərsiniz ki "gəzintiyə gedirsə niyə pul gətirmir bu aq". Gətirdiyi pul 5 manat zad olurdu həmişə. Başa düşmürəm KFC'də 5 manatla keçinmək olar? Mən də yazığım gəlirdi deyə pulumu onunla bölüşürdüm. Üstəlik həmişə ac olan sinif rəhbərimizə də lahmacun dönər zad sifariş eliyirdim. Daha doğrusu o qız edirdi mən də müəllimin yanında alçalmayım deyə qəbul edirdim. Ad günündə 20 manat xərcləmişdim o da mənim yeni il hədiyyəsi olaraq aldığım pul idi. Üstəlik ad günü üçün yığılan pula da qatılmışdım və o gün üstümdə qalan bütün pulları vermişdim. Qıza hədiyyə olaraq bir kofta və bir də koftanı bəyənməz bəlkə deyə qar kürəsi almışdım. Birlikdə 23 manat nə qədərsə eləmişdi və mən də 20 manatın üstünə yol pulumu və üstümdə qalan artlq pulumu qoydum və satıcı üstəlik bir endirim də etdi mənə və onları aldım qıza. Qız evdə yox idi ona görə evinə qoyub üstünə də məktub yazıb çıxdım evdən. Ertəsi gün nə olsa yaxşıdır? Mənə "eeh akira kofta mənə biraz dar idiye" dedi. Ala o koftanı almaq üçün digər alıcılarla yarışa çıxmışdım sən nə danışırsan?? Sənə uyğun olan bircə bu idi. Sonra mənə qar kürəsinin qırıldığını dedi. Puluma çox heyfim gəldi. Mənim ad günüm gələndə isə o "ayda səninçün elə gözəl birşey sifariş eləmişdim ki heyif kargo gətirmədi onu" deyirdi. Heç olmasa düz əməlli yalan uydur da. Hər il eyni yalan. Hədiyyəm gəlib çıxmadı yalanı. Mənə ən çox toxunan isə boş dərslərin birində bufetdə oturanda bufetçi xalanın mənim haqqımda "akira çox əliaçıq qızdır. Onun qəlbi qızıl kimidir gələcəyi də gözəldir" deməsindən sonra o qızın istehza ilə "bu əliaçıqdır?? Valla mən bunun qədər xəsis insan görməmişəm" deməsi idi. Ala necə yəni bu 4 ildə məni biraz olsun belə tanımamısan? Yaxşı, oğlan kimi ola bilərəm və duyğularımı digər insanlardan çox vaxt gizlədə bilərəm. Hətta ən kədərləndiyim hallarda belə oğlan kimi danışaraq məsələni öz dünyamda məzəli hala gətirə bilərəm amma bu mənim duyğusuz olduğum mənasına gəlməz. O qızın dediklərindən sonra o söhbət hər ağlıma gəldikcə gecə ağlıyaram. Kaş həqiqətən də xəsis olaydım. Heç olmasa qızın gözü biraz xəsis insan görərdi. indi o qız ilə 10 aydır ki əlaqəni kəsmişəm. Orta barmaq göstərən bir şəkil ilə 4 illik dostluğu bitirdime çox mükəmməl insanam. Nəysə söhbət burda mənim mükəmməl olmağımdan getmir. Demək istədiyim odur ki gərək həyatda özünü ön planda tutasan həmişə. Çünki bu həyatı sən yaşayırsan və əsas obraz burda sənsən. O qızla əlaqəni kəsdikdən sonra daha da mı eqoist oldum yoxsa həqiqətən də mi türklər demişkən bencil bir insanam artıq. Nəysə vecimə də deyil.

+7 əjdaha

2. hər şeyin qiymətini bilən, lakin heç bir şeyin dəyərini bilməyən insandır. nankor insanlar özlərini cəmiyyətdə çox tez bəlli edərlər. bütün mövzulara həmişə tənqidi yanaşarlar, doyumsuzdurlar. təşəkkür etməsini bilməzlər. özlərinə qulluq edilməsindən kayf tutarlar. hətta köməkçilərinin xidməti qarşılığını yetərincə verməyib daha da artığınə etmələrini istəyərlər.
nankor insan özünü cəmiyyətdə mərkəz olaraq görər. yoldaşıına və yaxınlarına belə tənqidi yanaşarlar. heç bir şeyi bəyənməzlər. ətrafındakıların ona qulluq etməyini məcburiyyətdən sayarlar. ilk fürsətdə insanları aşağı səviyyədə görərlər.
nankor insanlar yalnız olarlar.
əslində nankor insan bir xəstədir. onun xəstəliyi öz iç dünyasında yaşadıqlarının ətrafa negatif olaraq yansımasıdır. kompleksli (heydər əliyev kompleksi yox, insan kompleksi) və utancaq olarlar.
özündə olan bu narahatlığın günahını cəmiyyətdə görən insanlardır.

+1 əjdaha

3. Ən iyrənc bir xasiyyətə malik insanlardır. Əgər cavan yaşda qocalmaq istəmirsinizsə kimliyindən asılı olmayaraq belə tipli insanlardan uzaqlaşın.