əxlaq

timidus · 2013-07-09

sındırılması, məhv edilməsi gərəkən ilk tabu. əxlaq cəmiyyətin yüklədiyi bir tabudur. adada böyümüş bir uşaqda əxlaq olmur, ama əxlaqsız da ..

11. insanın doğuşdan yaxud zamanla inkişaf etdirdiyi davranışlar bütünü. əxlaq anlayışı insandan insana, cəmiyyətdən cəmiyyətə, bəzəndə zamanla dəyişə bilər. əxlaq nisbi bir şeydi. məsələn, bir cəmiyyətdə insan öldürüb ətini yemək əxlaq qaydalarına zidd davranışdırsa, bir digər cəmiyyətdə bu olduqca normal qarşılana bilər. əxlaqı təməlləndirən əsas üç amil din, insanın özü yəni doğuşdan gələn, və ətraf yəni cəmiyyətdir. əxlaq əsasən nəyin pis, nəyin yaxşı olduğuna qərar verir. cəmiyyət əxlaqını əxlaqa sahib olan insanlar təməlləndirir. insanların öz əxlaqı isə bəzən doğuşdan təməllənir, bəzənsə din üzərində. əxlaq dediyimiz şeyin, pis və yaxşı hesab olunan davranışın ilk yarandığı dövrə teistik pəncərədən baxsaq, bir-başa ilk səbəbdən, yəni tanrıdan gəldiyini görə bilərik. din dediyimiz şeyin içərisində eləcə də bəzi əxlaq qaydaları və normaları vardır ki, bunlar tanrı tərəfindən qoyulmuş qayda qanunlardı. orginal və düzgün olan əxlaq qaydaları hansılardı sualı isə biraz qəliz məsələdi və müzakirəyə açıq mövzudur. şəxsi fikrimcə orginal və düzgün olan əxlaq qaydalarını bir başa tanrının özü qoyub və əxlaqı onun üzərində təməlləndirmək doğru olar. nəticədə pis və yaxşı anlayışını yaradan elə məhz özü olduğu üçün tanrısal əxlaq qəbul edilməli olmalı olan əxlaqdır

12. zamana, məkana və mədəniyyətə görə dəyişə bilən bütün sosial anlayışlar

Tarixdə bəzi mədəniyyətlərdə ər evə gələn qonağa arvadını təklif etməli olurdu, bunu etməmək əxlaqsızlıq və hörmətsizlik kimi qəbul edilirdi.

Xristianlıqda monoqamiya var və həyat yoldaşı ölməyincə / ona xəyanət etmədikcə boşanmaq çox əxlaqsızlıq və utancvericidir.
islamda çoxarvadlılıq hüququ kişilərə müəyyən şərtlərlə verilir və ər-arvadın boşanması əxlaqsız vəziyyət kimi qəbul edilmir.

Sivilizasiyanın inkişaf etmədiyi dövrlərdə gecələr küçəyə çıxmaq, qadınların şalvar geyinməsi və daha bir çox məsələlər əxlaqsızlıq kimi qiymətləndirilib və bu gün dəyişənlərdən asılı olaraq yeni məna kəsb edir.

Nəticə etibarı ilə ümumbəşəri əxlaq yoxdur, hər kəsin əxlaq anlayışı insanın əqidəsindən, mühitindən, həyata baxışından asılıdır.Bir insan üçün əxlaqsızlıq digəri üçün normal ola bilər.

əxlaq boş bir anlayışdır
Əhəmiyyətli olan etikadır.

Yalnız deyilsən!