qərbin məkrli planları nədir

+1 əjdaha

1. tarix kitablarından başlayaraq azərbaycanlı uşaqların başına yeridilən ifadə. eyni zamanda dövlətin mükəmməl refleksidir. səfəvi-osmanlı, xanlıqlar, şahlıqlar, monarxiyalar və bu tip feodal qurumların qərbin məkrli planları sayəsində yıxıldığını öyrənir uşaqlar. sənaye inqilabı, fikir geriliyi xanlıq qurumunun səhvliyindən çox qərb, çar, ermənilər və s. səbəb göstərilir.sadəcə bizə deyil başda şimali afrika və orta asiya dövlətləri olmaqla bir çox ölkələrə də aiddir bu. xarici düşmən ehtiyacı.

+1 əjdaha

4. başlıq üçün tanım: qərbin öz keçmiş müstəmləkələri və indiki yeni iştahlarının açıqlanması
vacib bir not: aşağıda fikirlərindən iqtibas verdiyim insan bu cür düşünmür lakin qərb institutlarının necə korrupsiyalaşmasını düzgün şəkildə göstərdiyi üçün bura əlavə elədim. bir daha deyirəm, altay müəllim qərb əleyhdarı deyil əksinə dünyagörüşü etibariylə həmin dəyərlərinin müdafiəçisidir.

həmin yazı:
Daily Mailin dünən Tony Blair haqqında yazdığını oxuduqca Məşədi ibad filmindən burada da yerləşdirdiyim bir məşhur epizod yadıma düşürdü.
Deməli, bu keçmiş Britaniya rəhbəri Nursultan Nazarbayevə deyirmiş ki, mənə 5 milyon funt ver, sənin etirazçılara qarşı silah işlətməyini Qərbdə əsaslandırım.
Öz camaatının varidatını əlindən alırsan, sonra o puldan bir hissəsini də aparıb Qərbdə xərcləyirsən ki, sənin cinayətlərinə göz yumsunlar. Xeyli də bu işi sənin üçün görə biləcək xidmət tapırsan: lobbi qrupları, siyasətçilər, diplomatlar, universitetlər, tədqiqatçılar və sairə.
Dediyim odur ki, bu diktaturalardan biz itiririksə, sözsüz ki, Qərb ilk baxışda müxtəlif yollarla qazanır. Rüşvətlər olsun, kontraktlar olsun, nə bilim oradakı tarixi abidələrin bərpasına, universitetlərə, fikir mərkəzlərinə "xeyriyyələr" olsun, lap elə idman yarışları olsun - fərq eləmir.
Lakin məsələnin digər tərəfi də var. Qərb elə bilməsin ki, bu ancaq bizə pislikdir. Çünki oralara daşınan pullar çirkli pullardır. "Pul iy vermir" söhbəti burada işləmir. Tarix sübut edib bunu. Bu çirkli, korrupsiya ənənəsi o boyda sovet ölkəsinin bütün institutlarını addım-addım deformasiyaya uğradıb, o boyda ölkəni yıxdı qoydu yerə.
Bu çirkli pullar tutaq ki, Avropa Şurası kimi institutun bütün cəlbediciliyini gözümüzn qabağında öldürdü, onları bankrot elədi. indi şəxsən bu quruma münasibətim SSRi Ali Sovetinə münasibətimdən fərqlənmir. Formal, hansısa məsələyə fundamental ədalət prinsiplərindən deyil, sırf Qərbin praqmatik maraqlarından yanaşan bir qurumdur. Hələ bunu da hardasa praqmatizmlə əsaslandırmaq olardı ki, ümumi strateji ali naminə taktiki addımlardır. Amma, görünən budur ki, AŞ, sistemin komprometasiyası nəticəsində, Qərbin özünün fundamental maraqlarını belə asanlıqla ucuz satmağa hazır olan korrupsiyalamış fərdlərdən ibarət bir struktura çevrilib.
Hər halda yaxşı perspektiv odur ki, bu çürüdücü virus, ya sistemin, əgər qalıbsa, özünüqoruma immunitetini hərəkətə gətirəcək, saflaşma istiqamətində inqilabi dəyişikliklər olacaq, ya da çürüdüb tamamən sıradan çıxardacaqdır.
Məsələn, Qərbi Avropada təhkimçiliyin məhvinə səbəb olan hadisə 1346-cı ildən oraları sarımış, "Qara Ölüm" adını almış taun epidemiyası olmuşdu. Korrupsiya epidemiyası isə Qərbə daha böyük fəlakətlər gətirmək gücünə malikdir.
(c) altay göyüşov

link link