+3 əjdaha
1. bu silah "machine gun" (avtomat) deyilən silahların ilklərindəndi. 1861-ci ildə Richard Jordan Gatling tərəfindən icad edilib. əslində çox marağlı bir nüans da var. gatling deyir ki, "mənim ağlıma gəldi ki, əgər mən atəş sürəti sayəsində bir adamın yüzə yaxın döyüş vəzifələrini yerinə yetirməsinə imkan verə biləcək bir pulemyot icad edə bilsəydim, bu, böyük orduların ehtiyacını əhəmiyyətli dərəcədə əvəz edərdi və buna görə də orduların döyüşlərə və xəstəliklərə məruz qalması əhəmiyyətli dərəcədə azalmış olardı." yəni ki, qaqaş fikirləşib ki, bir nəfər əlində avtomatla 300 əlində qılınc olan spartalıya qarşı dayansa hamısını biçər. ayrıca o vaxtkı tüfənglər də dayan doldurum olduqları üçün o 300 spartalının əlində lap tüfəng də olsa yenə onlarçun bir kar etməz. avtomatlı qaqaş hamsını biçəcəy.amma ki, gatling hardan biləyi ki, əslində onun bucür humanist addımının daha tragedik nəticələri ola bilər. belə ki, bu avtomatik silahların istifadəsi artdıqdan sonra bu silahlar artıq araba üzərində yox, tüfənglər kimi ələ alına biləcək şəkildə düzəldilməyə başlandı. bundan sonra isə, hər əsgərə bir avtomat, həm orduların dağıdıcılıq qabiliyyətini artırdı, həm də daha çox əsgərin ölümləri ilə nəticələnən (dünya savaşları) savaşlarda aktiv istifadə edildi.
amma ki, bir şey də var, texnologiya inkişaf etdikcə gələcəkdəki mümkün döyüşlərin daha çox robotlar və komputerlər arasında aparılması da ehtimal olunur. yəni, silaha zada ehtiyac qalmadan, şahmat da oynayaraq qarşındakı ilə döyüşə biləcəksən. bəlkə də o şahmatı heç sən yox, sənin düzəltdiyin süni zəka oynayacaq.
yenə də çoxsağol gatling. niyyətin yaxşı olması da yaxşı şeydir.