+3 əjdaha
1. Resident evil silsiləsində hər şeyin başlanğıcı olan şəhərdir.ilk oyunda s.t.a.r.s komandası şəhərin kənarında yerləşən bir malikanədə həyata keçirilən gizli virus layihələrinə şahid olur. Bu, umbrella şirkətinin t-virus layihəsidir. Uğursuz olan layihə insanları zombilərə və müxtəlif bədheybətlərə çevirir.
Əsl fəlakət isə 1998-ci ildə başlayır. Nəzarətdən çıxan t-virus, raccoon city-də böyük zombi fəlakətinə səbəb olur. Baş qəhrəman leon kennedy, vəzifəsinə yeni başlamış gənc bir polisdir və şəhərdəki fəlakətdən xəbərsizdir. Yanacaqdoldurma məntəqəsində ilk oyundakı qəhrəmanlardan olan chris redfield-in bacısı claire redfield ilə qarşılaşır. Claire ise itmiş qardaşını tapmaq üçün yola çıxıb. Maşınla şəhərə çatan ikili, şəhərin zombilərlə dolu olduğunu görür və yolları ayrılır. irəlilədikcə, virusun əsas yaradıcısı olan birkin ailəsi ilə tanış olurlar. mr-x adlı nəhəngi də öldürdükdən sonra birkin ailəsinin qızı sherry birkin ilə də birlikdə şəhərdən qaçmağa nail olurlar. silsilənin digər ikonik qəhrəmanı ada wong da ilk dəfə resident evil 2-də görünür.
resident evil 3 isə t-virusun şəhərdə necə yayıldığını jill valentine-ın gözündən əks etdirir. S.t.a.r.s üzvləri, sağ qalan dinc insanları da yığaraq metro vasitəsilə şəhərdən qaçmağı planlaşdırır. Ancaq yola çıxdıqları zaman umbrella-nın digər güclü nəhəngi nemesis qatara hücum edərək hər kəsi öldürür. S.t.a.r.s.-dan nikolay isə jill və carlos-a xəyanət edərək qaçır. Radioda şəhərdəki fəlakətin qarşısı alına bilmədiyi üçün hökümətin şəhəri nüvə bombası ilə xəritədən siləcəyi bildirilir. Oyunun sonunda nemesis-i öldürdükdən sonra jill və carlos, virusun nümunəsini oğurlamış yaralı nikolayı ölümə tərk edərək helikopterlə şəhərdən çıxmağa nail olurlar.
Şəhərdəki fəlakət resident evil outbreak və resident evil operation raccoon city kimi yan oyunlarda da təsvir olunub.
Raccoon city isə bu il çıxacaq yeni oyun resident evil requiem ilə geri qayıdır. Bu vaxta qədər yayımlanmış trailer videolarından da şəhərin nüvə partlayışı sonrası xarabalıqlarını görmək mümkündür. fbi agenti grace ashcroft böyük bir sirri aşkara çıxarmaq üçün yola çıxarkən, leon isə gənclik travmasının başladığı şəhərə geri qayıdır.