ingilis diliylə bəzi oxşarlıqları olan və maraqlı faktlara sahib dil.
isveçcə ailə adları:
ana - mor
ata - far
nənə (ana tərəfdən) - mormor
nənə (ata tərəfdən) - farmor
baba (ana tərəfdən) - morfar
baba (ata tərəfdən) - farfar
uşaq - barn
nəvə - barnbarn
nəticə - barnbarnsbarn
köticə - barnbarnsbarnbarn
bu dayanmadan sonsuz davam edir; barnbars barnbars barnbarn, barnbars barnbars barnbars barn və s.
çox babat dildi, isveç dili -* . az-çox internetdə də öyrənmək olar. *
qrammatikasını deyə bilmərəm
vaxtilə liviyada yaşayış bölgələrinin birinə bir əjdaha hücum edir. krallıq bu əjdahaya qarşı mübarizə aparmaq məqsədilə öz ordusuyla çox saylı hücumlar edir, amma hər birində məğlub olur. əjdaha isə hər gün insanların mal-heyvanını yemək üçün istifadə edir, beləcə bölgədə aclıq başlayır. Buna görə də, insanlar qızlarını öz mal-heyvanlarının əvəzinə əjdahaya təklif edirlər. bunu eşidən qəhrəmanımız hadisə yerinə gəlir, sadəcə bir nizə ilə əjdahanı məhv edir və onu atının ayaqları altına alaraq krallığın şəhzadəsini xilas edir.
bundan sonra, krallıq mükafat olaraq qəhrəmana çoxlu qızıl verir və qəhrəmanımız bu qızılları xalqa paylayaraq öz yoluna davam edir.
həmin bu mif orta əsrlər xristianlığı üçün çox önəmli bir yerə sahibdir. belə ki, həmin zamanlar bilirsiniz ki, avropa daha çox xristianlıq qaydaları ilə idarə olunurdu, bu səbəbdən o dönəmin rahibləri bu hadisədən pisliyə qarşı mübarizə, qadınları qorumağın lazımlığı, xeyirxahlıq kimi mövzularda istifadə edirdilər.
hadisənin indiki türkiyə sərhədləri daxilində baş verdiyi də iddialar sırasındadır.
ədəbiyyatda aleksandr düma, viktor hüqodur, tarixdə napolyonlar, lüdoviklərdir, inqilablardır, incəsənətdə cladue monet, paul gauguin, henri matissedir, arxitekturada chenonceau, chambord şatolarıdır.
bir turistə görə dünyanın ən yaxşılarından olan qalaları, qalereyaları, müzeyləri görəbiləcəyi tək-tük ölkələrdən biri olmasıdır.
qısaca, fransa deyəndə ağla gələn ilk şey renesans, intibahdır ki, bu da hər ölkədə baş verməyib.
(bax: renaissance )
qeyd: digər tarixi şəxsləri də yazmamağımda səbəb mətnin kiçik olmasını istəməyimdir, yoxsa nə həddimə onlar arasında ayrı-seçkilik etmək.
4 il əvvəl səfillər romanına başlamaq istəyirdim. atama demişdim ki, şəhərdən gələndə alıb, gətirərsən. gətirəndə gördüm ki, 1500 səhifəlik orijinal versiyanı alıb. dedim, ə nolsun ki çoxdu, mütləq oxumalıyam. heç 500 səhifə oxuya bilmədim.
bundan 2 il sonra yenidən başladım və hal-hazırda bu əsər ən sevdiyim əsərdi. kozettanın saflığını, jan valjanın mərdliyini, javerin vüqarını, fransa inqilablarını heç vaxt unutmaram.
onu demək istəyirəm ki, kitabı oxuya bilmirsinizsə, çox da şey eləməyin. qoyun qırağa, 1-2 il keçsin oxuyarsınız. əminəm ki, bu səfər dəyişiklik hiss edərək həmin kitabı bitirə biləcəksiniz.
hal-hazırda "zərdüşt belə deyirdi" adlı fəlsəfə kitabını oxuya bilmədiyim üçün qoydum qırağa. anlaşılmır deyə yox, sıxıldığım üçün. vaxt gələr, bunu da bitirərəm. -*
izlənməsi maraqlı olan və davamlı paylaşımlar edən bloglardır:
1) ittihadveterakki
blogda osmanlının 1890-1918-ci illər arasında keçirdiyi dövrdən tarixi şəkillər, məlumatlar paylaşılır. izlənməsi lazımdı.
2) archimaps
tarixi binaların dizayn planlarını paylaşan əvəzolunmaz blog.
3) britishimerialglory
adından da bəlli olduğu kimi britaniya tarixindən və bundan əlavə, polşa tarixindən də maraqlı paylaşımlar edən blog.
4) caravaggista
amy adlı incəsənət tarixçisinin intibah dövrü paylaşımları.
4) greatwar-1914
1-ci dünya müharibəsindən möhtəşəm paylaşımlar edən blog.
5) historicaltimes
daha çox rəngləndirilmiş tarixi şəkilləri paylaşmağa üstünlük verən blog.
6) lesnienka
avropadan militarist paylaşımlar edən blog.
6) neoprusiano
orijinal tarixi paylaşımlarıyla tumblr'a rəng qatan blog.
7) peashooter85
yaxın tarixin antik silahlarını yayımlayan blog.
8) saddestblogger
meme paylaşımları sizi güldürə biləcək ingilis dilində olan blog.
9) sovtime
sovetin vaxtından paylaşımlar edən blog -*
10) syuminiki
tam olaraq nə paylaşmağa üstünlük verdiyini çözə bilməmişəm amma maraqlı blogdu.
11) turanramazanli
creative paylaşımlar edən azərbaycanlı blog.
12) v-ersacrum
möhtəşəm tarixi incəsənət əsərləri paylaşan blog.
13) zolotoivek
1880-1940 arası rusiyasından paylaşımlar edən blog. azərbaycan da var, təbii ki.
viktor hüqonun "səfillər" əsərində oxucunu bolca məlumatlandırdığı tarixi hadisə. döyüş zamanı on minlərlə əsgər həlak olmuşdur.
--spoiler--
ibadətxanadan (vaterloo adlı ərazidəki döyüşdən sonra yandırılmış tikili) çıxanda sağ tərəfdə bir su quyusu görünür. bu həyətdə 2 su quyusu var. öz-özünə sual verirsən: niyə bu quyunun vedrəsi və çarxı yoxdur? ona görə ki, daha bu quyudan su çəkmirlər. nə üçün ondan daha su çəkmirlər? çünki quyunun içi skeletlərlə doludur.
istifadə olunduğu mühitə, məkana görə şablonluğu dəyişən ifadələrdir. kiçik bir nümunə ilə: məsələn, sən hündür, səliqəli saqqala sahib, eynəkli, klassik ayaqqabı və şlyapalı bir incəsənət tarixçisi ilə görüşürsən və o səninlə italiya mədəniyyətilə bağlı danışmaq istəyirsə, onunla söhbətə intibah və florensiya rəssamlarıyla girişmək çox şablon olardı. amma yaxın dostunla (yuxarıdakı adamın əksi, dünyagörüşü orta səviyyədə olan, məhlədə vaxtilə bir oyunları oynadığınız, dar gündə tanınmış biri) italiya mədəniyyətilə bağlı söhbət etsən, həmin bu məsələlərlə söhbətə şablonsuz başlaya bilərsən. hətta həmin bu ifadələr onun üçün "bunları bilmək maraqlıdır" kateqoriyasına belə girər. buna görə də, əsas məsələ ifadənin istifadə olunduğu mühitə diqqət yetirməkdir.
gözümüzün önündə tapdalanan, təhqir olunan, ləkələnən tarix. bəli, sözün əsl mənasında təhqir olunan tarix. belə getsə, gələcəkdə bu tarixin vərəqlərində bizlər ləkə kimi görünəcəyik. diktaturaya boyun əyən, susan, tez bezib hər şeydən qaçan insanlar kimi tanınacağıq. bu tarix gələcəkdə bizlərdən utanacaq, xəcalət çəkəcək. 1-2 paraqrafa sığdıraraq bizim necə də aciz olduğumuzu göstərəcək. kim istəyər ki, bu belə olsun, hə? dəyişmək olar indidən hər şeyi. bəziləriniz deyəcək ki, alınmayacaq. amma babəkdə də alınmamışdı. nə oldu bəs? hal-hazırda o, bu tarixin şanlı səhifələrində özünə yer tapıb. qoy, alınmasın, nə olar, indi alınmasa sonra alınar (bax: fransa inqilabı )
. heç kim bizdən anarxiya tələb etmir. bəs nə edək, axı kütlə cahil kütlədir. gəl, onda ilk maarifləndirməkdən başlayaq (bax: molla nəsrəddin)
. insanları öyrədək, başa salaq. başa düşməyənə nifrət etməyək, başa salmağa daha da çox cəhd edək. mədəniyyətsizdirlər? bəs, nə edək, oturaq hər gün pc başında? biz onlara mədəniyyət öyrədək. hələ başqalarına öyrətməsən də olar, öz oğlun/qızından başla. ailən və dostlarından başla. nifrət edərək yox, deyinərək yox, qaçmaqla yox, ağılla, şüurla, sözün əsl mənasında fəaliyyətlə başlayaq bu tarixə şanlı vərəqlər əlavə etməyə. hər şey bizim əllərimizdə deyil mi? bizlər də, özümüzə oxumuş deyən bizlər də bunu etməsə kim etsin bəs? mütləq başqalarının mı nəsə etməsini gözləməliyik? fikrimcə, gələcəkdə bu tarixi oxuyacaq insanların "bəs, niyə xalq heç nə etmirdi o dövrdə?" suallarına layiq deyilik biz. hələ ki, layiq deyilik.
1. marşrutda gənc bir qızın yanında durub "dur mənə yer ver, mən narin və zərif bir qızam" baxışıyla sənə baxması.
2. film izləyərkən və ya kitab oxuyarkən fikrimizin bir anlıq ayrı yerdə olmasını anladıqdan sonra yenidən həmin hissəni izləmək/oxumaq məcburiyyətində qalmaq.
3. məhlədə futbol oynayarkən topu götürüb şit şit hərəkətlər edən dayı/qaqaş.
(bax: entebbe əməliyyatı)
(baxma: ildırım əməliyyatı)
1976-cı ildə israil gizli xidməti olan mossadın terroristlərə və uqanda hərbi qüvvələrinə qarşı apardığı hərbi əməliyyat.
səbəb isə, 250 sərnişin daşıyan air france təyyarəsinin israildən parisə gedərkən 4 terrorist tərəfindən qaçırılması və uqandanın entebbe aeroportuna endirilməsi idi.
terroristlər, israilin də aralarında olduğu həps cəzası çəkən dostlarının azadlığını tələb edirdi. dönəmin israil müdafiə naziri shimon peres şantaja getməyəcəklərini və əsrləri xilas edəcəklərini söyləyərək əməliyyatın yaxın zaman ərzində baş verəcəyini bildirmişdi. mossad terroristlərin israillilərdən başqa sərbəst etdikləri sərnişinləri sorğu-sual etdikdən sonra anlamışdı ki, terroristlər uqanda höküməti ilə bərabər işləyirdilər. həmçinin, girovların saxlanıldığı yerin detallarını da öyrənmişdilər.
uzun müzakirələrdən sonra, yenidən terroristlər razılığa gəlmədiyinə görə israil içərisində 100 xüsusi təyinatlı əsgərinin, 4 c-130 təyyarəsinin olduğu əməliyyata başladı.
aeroporta enişdən sonra əsgərlər mercedes markalı, uqanda bayraqlı avtomobillərdən istifadə edərək kimsənin diqqətini çəkməməyi planlayırdılar. avtomobillər girovların saxlanıldığı yerə çatdıqdan sonra uqanda əsgərləri hadisəni anlayıb atəş açmağa başladılar, elə bu zaman israil əsgər olaraq ilk və tək itkisini benjamin netanyahunun qardaşı olan dəstənin komandiri jonathan netanyahunun ölümü ilə verdilər.
yarım saatlıq atışmadan sonra 50ə yaxın uqandalı əsgər və bütün terroristlər öldürülmüş, 4 girov ölümündən başqa bütün girovlar xilas olunmuşdu.
bu əməliyyat, dosta güvən verdiyi, düşmənə isə qorxu saldığı üçün çox əhəmiyyətli bir yerə sahibdir. həmçinin, mossadın ən böyük uğurlarından biri olaraq sayılır.
"tomris əfsanəsi" adlı əsərində tomrisin fars hökmdarı kirin kəsilmiş başını qan dolu qaba saldığını təsvir edən intibah dövrü rəssamı. həmin təsvirin məktəb dərsliklərində də yayınlanmasını şiddətlə tələb edirəm. *
bundan daha yaxşı təsvir oluna bilməzdi
azərbaycanda jurnalistikanın nə vəziyyətdə olduğunu göstərən reportaj. nə yaxşı idi ki, jutnalistika da yaxşı olsun deyə bilərik. ölkədə ölkəlik heç nə qalmayıb artıq. vaxtilə nə adamlar jurnalistlər idilər amma indi, nəysə.
(bax: çingiz mustafayev )
özünə hekayə danışıcısı adını verən, incəsənət, musiqi, texnologiya və s. mövzularda video hazırlayıb paylaşan youtuber. anlıq olaraq "dünyanın en uzun yaşayan canlıları" adlı video yükləmiş və həmin videoda gözəl lerikimizin ağbirçək və ağsaqqalları haqqında da çox gözəl danışmışdır. videonun sonunu da özünəməxsus şəkildə tamamlayaraq bizə çox gözəl mesaj vermişdir.
(baxma: dif-tor heh smusma)
rahiblərinkinə bənzəyən qara geyim geyən və qara atlara minən, xalq canına qorxu salan, bir çox əsfanələrə səbəb olan, dönəmin rusiyasının çarı ivan tərəfindən qurulmasına qərar verilmiş çarın itləri.
simvol olaraq kəsilmiş it başı və süpürgədən istifadə edirdilər, çünki inanırdılar ki, kəsilmiş it başı düşmənlərin qoxusunu almağın süpürgə isə onları bir-bir "təmizləməyi" təmsil edir.
o qədər çox əfsanəyə səbəb olmuşdular ki, bir qrup kəs onların çarla birlikdə kremldə bütpərəstliklə məşğul olduğuna inanırdı.
çarın düşmənlərini öldürməkdə çox yaradıcı imişlər, insanları qaynar suya ataraq, əllərini ata, ayaqlarını isə ağaca bağlayaraq parçalatmaq, böyük şişlərə keçirdib yarmaq, yandırmaq kimi üsullardan istifadə edirdilər.
qurum, elə qoruduqları çar tərəfindən həddindən artıq bəlaya səbəb olduqlarına görə 1572-ci ildə ləğv olunub.
kadir mısıroğlu tərəfindən söylənən və bənzərləri çox olan iddia. cahilliyin pik nöqtəsi, sözün əsl mənasında. adam rəsmən cahildir, bəlkə də trolldur, çıxıb tv-də xalqla məzələnir. amma, troll deyil böyül ehtimal. problem əslində insanların zehniyyətindədi. habertürk də ilber ortaylı ve celal şengör olan proqramda bir izləyici mail atıb, bunlar yerinə kadir mısıroğlu nu tələb etmişdi. yəni ki, inandırıcı olmasa da, bunları izləyən və dəyər verən kütlə var türkiyədə. bax, bu biabırçılıqdır. hələ bunu tv-ə çağırıb tarixçi adı ilə suallar verirlər. nəyisə dəyişdirmək lazımdırsa, şablon olacaq, amma ilk bu lənət sistem dəyişməlidir. bu kimi hadisələrin qarşısının alınmasına çalışmayan, insanları maarifləndirmək yerinə daha da cahil edən sistem. həqiqətən də reaksiya olaraq, nə demək olar, nə etmək olar, bilmirəm. çətindi.
düzəliş: gündəm məsələsinə gəlincə, bunlara baxıb ibrət götürmək lazımdır. dünyanın düz olduğunu iddia edənlərin də ölkə gündəmi ilə əlaqəsi yoxdu, amma dünya gündəmi ilə var. müzakirəyə açıq mövzudur, fikrimcə.
(bax: deadpool)
bilirəm, əsas janrı komediya deyil, amma əmin olun ki, sizi kifayət qədər güldürə biləcək tək-tük filmlərdən biridi. bəlkədə, daha-daha artıq güldürə biləcək.
buzz aldrin ilə birlikdə vəfat etmiş sovet kosmonavtı yuri gagarinin şərəfinə aya onun medallarından birini simvolik olaraq yerləşdirib tərk edən şəxs.
həmçinin məşhur; that's one small step for a man, one giant leap for mankind.
bu, insan üçün kiçik, insanlıq üçün isə böyük bir addımdır.
cümlələrinin sahibi.
boksçu insanların, yox, sadəcə boksçuların yox, bütün idmançıların idealı, əfsanə şəxs. bugün səhər-səhər vəfat etdiyini öyrəndim. allah rəhmət eləsin, ruhu şad olsun. çətindi.
hislərini və düşüncələrini bəlli etmək istəməyən adamın üz ifadəsi. ilk dəfə poker oyununda yaranmışdır, deyə bilərik. belə ki, əlindəki kartların yaxşı və ya pis olduğunu bəlli etmək istəməyənlər məcburi poker face olmalıdırlar.
(bax: face palm)
abş-ın ilk prezidenti, həmçinin abş-ın ilk peşəkar casusu deyə biləcəyimiz biri. azadlıq müharibəsi zamanı ingilisləri yanlış məlumatlarla yönləndirmiş, saxta hərbi manevrlər etmiş və digər saxta məlumatlarla düşmən qüvvələrinin başqa yerlərə yönlənməsini təmin etmişdir.
bundan əlavə, 1779-cu ildə guya nyu-yorka hücum hazırlığı planını ortaya atmaqla ingilis birləşmələrini parçalamağa nail olmuş və azadlıq müharibəsinin qələbə ilə başa çatmasında önəmli rol oynamışdır. həmin bu taktika 165-il sonra normandiyada da istifadə olunub.
güclü bir casus şəbəkəsi də qurmağa cəhd göstərən biridir həm də, amma buna müvəffəq ola bilməyib.
qeyd: entry əli çimənin "tarixin məxfi servisləri" kitabından əsinlənərək yazılıb.
2009-cu ildə, abş-ın ohayo ştatında qurulmuş alternative rock ilə məşğul olan musiqi qrupu.
indiki üzvləri tyler joseph və josh dun, köhnə üzvləri isə nick thomas, chris salih olmuşdur. hal-hazırda da fəaliyyət göstərirlər. sifarişi verən: adil memmedov
