asosyal adam

272 0 0 0

4. nəsil yazar

Entry: 272

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yalnızlığın ən çox anlaşıldığı anlar

+128 əjdaha

ilk öncə onu deyim ki, gecələr pərdəni ən qırağa verib çölə baxaraq yatıram. dəniz ya da meşə mənzərəsi yoxdu, amma axtardığım da bunlar olmur heç. məqsəd yaşam işartısı tapmaq, həyatın davam etdiyini, zamanın axdığını görməkdir. bunun üçünsə qarşıdakı binanı özümə ov seçmişəm. deməli yenə günlərin bir günü yatmaq üçün yatağa uzananda qarşı binanın işıqlarını söndürmə oyununun oynanıldığı andır. * yalnızlığın ən çox anlaşıldığı anlar deməli, oyunun şərtləri çox sadədir. qarşı binada işığı yanan mənzillərə baxıb təsadüfi birini seçirsiniz. sonra da uzanmağa davam edərək gözləyirsiniz. təxmin etdiyiniz sönsə qazanırsınız, ayrısı sönsə uduzursunuz. düzü bu babat vaxt aparan prosesdir, amma və lakin yuxusuzluqdan əziyyət çəkirsinizsə tavana baxmaqdan maraqlıdır. haaa, bir də qazananda yəni sönəcək dediyiniz işıq sönəndə özünüzdə insanüstü güclər filan hiss etməyə başlayırsınız. bu da işin
ən zövqlü tərəfidir. nəysə. bir gün yenə yuxusuzluğun mənə vermiş olduğu yetkiye dayanarak* türklər demişkən bu oyunu oynayıram. təxminən 3-4 ay əvvəl. bu dəfə çox əzimliyəm və məqsəd əvvəlki kimi 1-2 mənzil söndürüb yatmaq deyildir. bu dəfəki məqsədim çox böyükdür. məqsəd: bütün binanın işığını söndürmək!
dedim yəqin bu iş uzağı 4ə qədər uzanar gedər. tam da təxmin etdiyim kimi olacaqdı. saat 2dən 3ə doğru irəliləməkdə, işıqlar yavaş-yavaş sönməkdədir. saat 3 olmuş və işıqlar sayca çox az qalmışdır. biraz sonra azsaylı işıqlardan bir neçəsi də sönür və yavaş-yavaş məqsədə yaxınlaşmaqdayam. artıq 4 olmuşdur, 5ə doğru irəliləyik birdən dedim aman tanrım o da ne. bir işıq sönməməkdə qərarlıdı. mənim də yuxum gəlir artıq, gec olub, yatmalıyam. amma çox maraqlı gəldi mənə. inada düşdüm dedim ulan söndürəcəm səni. çox gözlədim, nəhayət 5 olmamış söndü o işıq da. amma o mənzil mənim üçün qəribə bir tapıntıydı və eyni zamanda gələcək yuxusuz günlərin xəbərçisiydi. belə ki, artıq digər mənzillərlə maraqlanmır birbaşa o mənzili hədəf seçirdim. hərdən o qazanırdı, hərdən mən. gah mən onu, gah o məni "yatızdırırdı" -* ilk başlarda ona məğlub olmanın verdiyi narahatçılıqla yatırdım, sonralar münasibətimiz ciddi hal almağa başladı. artıq o mənim xəyali dostum idi. hərdən futbol izlədiyini, hərdən siyasət proqramı izlədiyini, bəzən aslan belgeseli izlediyini düşünürdüm. ara-ara porno izləmə ehtimalı da gəlirdi ağlıma. lap bekar olanda xəyali olaraq içib dərdləşirdim onla. amma xüsusi bir cismi yox idi. gah uzun saçlı cavan və avara oğlan, gah 50 yaşlı təqaüdçü dayı olurdu. hərdən deyirdim bəlkə qızdı ala bu. amma bunlardan aslı olmayaraq eyni adam idi o. hətda artıq işığını söndürmədən rahat yata bilirdim. əvvəl ağ işıqlardan taxırdı, sonra sarıya keçdi. nadir hallarda da olsa bəzən tez yatırdı. elə bu entryini yazarkən gözucu baxırdım mənzilinə, 3ü keçmişdi biraz, söndü işıq. bu ara aramız yaxşı deyil. neçə vaxtdı baxmırdım ona. şizofrenə bağlamamaq üçün ayrılmışdım. bugün yenə barışdıq. elə bu entryini yazarkən -*
yaşadığım yer şəhərin mərkəzinə, universitetlərə uzaq olduğu üçün buralarda orta yaşlı ailələr qalır. böyük ehtimal o da hansısa avtobusda yer verilən daydayla xalanın evidi. amma yenə də insana maraqlı gəlir xəyali dostunun ruh halından cisim halına keçdikdə necə görünəcəyi. ara bir dəli şeytan deyir get o mənzilə döy qapını de ki, "olar məmmədi?" sonra da basıb bağla ki, səhv binaya gəlmişəm. bu bəhanəylə də gör o evdə kim qalır. sonra da çəkingənliyim və tənbəlliyim imkan vermir. deyirəm otur oturduğun yerdə. və düzü görmək də istəmirəm, qoy hansısa çəkiylə, boyla, görüntü ilə sərhədlənməsin, xatirəmdə yaşasın, ölümsüz olsun.

not editi: yandı işıq, yuxu tutmayıb yenə. * yenə? * wtf * mala bağlamaq
2015
-----------
edit: artiq perdeni pencerelerin qabagina cekib, basimi atib yere yatiram. yene yalnizam
2016
-----------
edit: heç necə yatıram xəbərim olmur day. yenə yalnızam
2017
-----------
həyata, özümə və ən əsası insanlara marağımı itirmişəm. artıq heç nə vecimə deyil. o axtardığım dırnağarası yaşam işartısı da maraqlandırmır day məni. başımı atıb yata da bilmirəm. artıq mən də normal yalnızlar kimi tavana uzun-uzun baxıb sonra da yatıram. çox vaxt da pərdəni çəkirəm pəncərələrin qabağına, elə gecə də, gündüz də. görmək istəmirəm daha. bəzən köhnə günlər yada düşür, qırağa çəkirəm pərdəni gecələr. amma işığı yanan mənzillərdən başqa da nəsə görə bilmirəm artıq. bu entrynin varlığı da kimsə bəyənəndən bəyənənə yadıma düşür. hər il girib edit verirəm * glş
həə, hələ də yalnızam. yenə yalnızam
2018
-----------
2019 yalnızlıq editi. Salam, gənclər. yatmaq da daxil olmaqla, ümumiyyətlə uzun müddətdir nə pox yeyirəm bilmirəm. Uzunmüddətli təkərdəyəm. Belə də ki, Yalnızlığa davam -*

95 əjdaha! 02.09.2015 04:10, asosyal adam

#179766 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ölmədən edilməli olan şeylər

+33 əjdaha

1. şahmat öyrən
2. küçədə gül sat
3. kitab sat
4. bir parka get və zibilləri təmizlə * həzi aslanov küçələri
5. kirayə qaldığın evin balkonunu sarı rəngə boya
6. bir kitab al, oxu, sonra ictimai nəqliyyatda qoy
7. şirin pambığ (cotton candy) alıb parkda skamyanın üstünə qoy
8. sevmədiyin insanlar olan bir ortama "how are you bitches?" * nətərsiz qəhbələr? * biraz abırsız oldu ama nəysə deyərək daxil olub dərhal ordan uzaqlaş
9. liftdə çönüb camaata "yəqin ki sizi bura niyə yığmışam bilirsiniz." deyib çıxış et * homer simpson * glş glş glş
10. break dans öyrən.(zövqə görə tango/samba/rumba/rock n roll və.s) * zövqə görə duz, istiot * ashgafgs
11. graffiti ilə məşğul ol. ən azından hansısa bir divarda bir əsərin olsun. a+d=love şəklində olmasın
12. səyahət et
13. bir qrup insan çox da önəmli olmayan bir səbəbdən harasa yığısıbsa "çəkilin mən mühəndisəm" deyib qaç. (ya da öz sənətinizi) * çəkilin mən bərbərəm * çəkilin mən qəssabam * agsfads
14. mənasız, mənalı, pis, yaxşı, maraqsız, əyləncəli fərqi yoxdu necə olur olsun bir hekayə yaz və saxla. hətta qaza gəlib novella belə yaza bilərsən.
15. həzi aslanov metrosu yaxınlığındakı dilənçilərdən birinin qabağındakı pulların yığıldığı qabfason əşyaya 1 manat qoyub qəpik olaraq 1 manatınızı götürün * glş glş glş . qaçın.
16. bir oğlan var idi. fotoqraf. metroda getdikləri stansiyanın adını deyirdi, insanlar çönüb təəccüblə baxırdı, bu da şəkillərin çəkirdi. çox maraqlı alınmışdı ala. onun kimi bir şey etmək maraqlı olardı amma mən tırsıram ala. bu çox da önəmli bənd deyil. amma qalsın ağlınızda. link link

17. avtobusda zadda olur da, təzə nəsə alıb evə götürən insanlar. hər dəfə istəyirəm "mübarəkdi" deyim, ama qorxuram ala hər dəfə. ona görə bunu da bu siyahıya edib nə vaxtsa edəcəyimə ümid bəsləyim.
18. pul tapsan bookcafe aç. ama əsl bookcafe. book tərəfi daha üstün olan. menyunu çox da şişirtmə. içkilər və bir-iki şirniyyat növü. ətrafda da gül çiçək
19. ağac ək
20. küçədə kiməsə "qeşəy paltarmış" de
21. içib sərxoş ol, sevmədiyin kiməsə zəng vur və "senin en büyük sorunun ne biliyormusun dostum? o koca kıçının kafandan büyük olması" deyib monoloqunu sonlandır. * istifadəsi üçün can atılan replikalar
22. Orkestralarda üçbucağ bir alət var haa bax ona çubuqnan vurub səs çıxardan adam olmaq
nəysə. hələlik ağlıma bunlar gəldi. editləyib əlavələr edəcəm

24 əjdaha! 29.07.2015 01:54, sistem robotu

#176387 şikayət

azərbaycan televiziyası

+23 əjdaha

bayaq atvdə təsadüfən gəzməli verilişlərdən birinə rast gəldim.
(baxma: çox gəzən çox bilər) - italiya
italiyanı gəzirdi iki qaqaş. çəkiliş zamanı dilənçi bir oğlan gəldi deyəsən, ya nəsə elə birşey. bizim aparıcı qayıt de ki,
qaqaş get oynəəə(oyana)
o da getmədi, bu da əli ilə itələ oğlanı qayıt de ki, (it kimi çımxıraraq)
ala, get oyana ginən, çəkiliş gedir
1cisi ay cahil, azərbaycanca danışırsan, o nə bilsin. 2cisi də ki, sən televiziya kanalı üçün çəkilişdəsən, avtobusda insanlar o cür danışmır heç. bu nə küçə ağzı ilə danışmaqdı, nə mədəniyyətsizlikdi. əsəbiləşdim. amma yenə baxıram, sonra şit bir zarafat elədi. sonra da keçdilər ayrı bir yerə, fırlanırsan nəyinsə başına, inanışa görə arzun həyata keçir. orda da ayrı çinli turistlər var. insan kimi növbə gözləyirlər. bu da "ə bu çinlilər də hər yeri basıb ee" dedi, sonra aralarına girib " bes manat, bes manat, hehehe" şitliyini etdi (beş yox, bes)
sonra yenə qadını itələyib "ay xala çəkil görək dəəə"
təəssüf ki, italyandan sonra çinli də azərbaycanca bilmir deyə, aparıcımızın qəzəbinə tuş gəldi. o fırlanılan yerdə də ayaqqabı çıxarırsan, bu da qayıt de ki çinliyə
"əə ayaqqabını gey, ayağın qoxur, gey gey əə, öldüy qoxudan"
tv qarşısında utandım yerə girdim. adicə insanlarla ünsiyyət mədəniyyəti olan bir insan belə tapa bilmirsiniz, aparıcılıq etməyə? dedim italyanın da... baxmadım.
bu kanalları kim yoxlayır? adicə hakimiyyətə əks bir şey görən kimi kanal bağlayırlar, amma belə biyabırçılığı efirə verirlər. boş vaxtında otur buna bax, utan, öl, yerə gir.

23 əjdaha! 06.11.2016 12:35, asosyal adam

#236292 şikayət

təkcə mənmi edirəm deyə düşünülən şeylər

+21 əjdaha

çoxdan(2012-2015) yazılmış kədərli entryləri bəyənib əjdahalamamaq, favori seçməmək. ki birdən həmin adamın yenə yadına düşər pis olar, kədərlənər. bəlkə indi unudub. onun yerinə linkini not yerinə qeyd etmək. və təzə yazılmış dəxlisiz enrtylərini əjdahalamaq. (baxma: konpensasiya) -*

19 əjdaha! 04.08.2016 15:41, asosyal adam

#223656 şikayət

23 noyabr 2021 əli məlikovun bullinqə məruz qalması haqda postu

+16 əjdaha

Əli Məlikov həm də sözlüyümüzün üzvüdür (bax: elimelikov06) . Başlığı açmazdan əvvəl onun nikaltısına yazılanları da oxudum və sözlükdəki vəziyyətin də heç ürəkaçan olmadığını gördüm. Məlikova qarşı edilən sistematik bullinq və təyziqlər təkcə məktəbdə deyil, sözlükdə də mövcud imiş. Hətta burada belə "petux" sözü istifadə edilib yazarın nikaltısında.
moderatorlar və yazarlar üçün verilmiş bax - (bax: sözaltı sözlükdə homofobiyanın olmaması)
Bundan əlavə olaraq, davamlı şəkildə onun heç bir tutarlı səbəb göstərilmədən pisləndiyi entyrləri də gördüm.
Yazarın profilini çoxdan görmüşəm. Amma bu entryni yazmazdan əvvəl sözlük profilində entyrlərinin ilk 3 və son 3 səhifəsindəki bütün entyrlərə də baxdım. Yazar tamamilə sözlük formatına uyğun entyrlər yazır. Bu entrylərə həm maarifləndirici, həm anket tipli, həm də sözlük haqda olan başlıqlar daxildir. Nikaltısına gələn nifrət rəylərinə onsuz da, heç bir faktor əsas gətirə bilməz. Bunu qeyd etmə səbəbim sadəcə onu göstərmək üçündür ki, yazara qarşı bəzi sözlük yazarlarının göstərdiyi nifrət də onun lgbtqi olmasından irəli gəlir
(bax: lgbt)
(baxma: nifrət nitqi)
(baxma: hate speech)
(bax: azərbaycanda lgbtiqa+ olmaq)
(baxma: qısnama)
(bax: psixoloji şiddət)

13 əjdaha! 25.11.2021 02:05, asosyal adam

#340490 şikayət

sol framedə görməyə ən çox nifrət edilən başlıqlar

+15 əjdaha

Filan şey edən qızlar, behman şey edən qızlar, qızlar elə, qızlar belə. Bezdik day seksizminizdən. Belə başlıqlara niyə icazə var anlamıram bləd. Əks reaksiya olaraq belə başlıqlardakı entrylərin hamsın umbaylayıram, amma nə fayda? Əjdahalar baş alır gedir baxırsan ki bu entrylərdə. Özümüzü sözlük əhli olaraq intellektual, fərdli, hətta bəzilərimiz yadlaşmış şəxslər adlandırıb cəmiyyəti bəyənmirik, amma hələ də öz daxilimizdəki mizagoniyadan, patriarxın zibillərindən qurtula bilmirik.
Sözlük hər kəs üçün safe zona olmalıdır, vse! istər lgbtqa fərdləri, istər qadınlar, istər istənilən azlıqlar. Bəsdirin sikdiz beynimizi. Sitatın sonu,
Təşəkkürlər.

13 əjdaha! 03.11.2022 20:16, asosyal adam

#362061 şikayət

sözaltı günlük

+16 əjdaha

dünən yeni zenlandiya haqqında documentary izləyəndə ağlamaq tutdu e ala məni. axırıncı dəfə sevgilimdən ayrılanda ac dc mahnısına ağlamağım bu qədər absurd idi. uşaq vaxtı atamla tvdə ancaq bu tip və aslan belgesellerinə baxırdıq ahahhaa. o qədər maraqlı idi ki mənə. dəhşət xoşuma gəlirdi ki, kimsə həyatından vaxt ayırıb gedib heyvanları çəkir. biznes tərəfini düşünmürdüm heç. çəkilişi necə apardıqları, cəsarətləri, kamera setupları və daha bu kimi o vaxt necə adlandığını belə bilmədiyim şeyləri düşünüb zövq alırdım, həyəcanlanırdım. öz-özümə düşünürdüm ki, mən də yekələndə heyvan belgeseli çəkərəm. bir də təbiət temalı olanlarda isə baxanda o qədər saf bir həyəcanla dolurdu ki içim. elə bilirdim ki, indi uşağam deyə evdə qalıram, böyüyəndə bütün o gözəl yerlərə gedəcəm. mənim uşaqlıqdan indiyə kimi materialist heç bir arzum olmayıb. bütün ən böyük xəyallarım təcrübələrlə bağlı olub. və o vaxt tvdə o təbiəti izləyib elə aşiq olmuşdum ki, bugünün özündə də təbiətə çıxanda o saf uşaq həyəcanını yaşayıram. hansısa kəpənəyin uçmağı, ümumiyyətlə var olması, rəngi, quruluşu, varoluşu məni heyrənləndirir və sevindirir. düşündükcə sevincdən qışqırmaq istəyirəm. və mən illərlə depressiyadan əziyyət çəkmiş, buna görə də pessimistik düşüncə tərzi formalaşmış, həyatı çox vaxt ağ-boz-qara görən biriyəm. yəni hər şeyə görə belə həyat eşqim fışqırmır. amma təbiətdə olanda özümü möhtəşəm hiss edirəm, o əvvəlki hissləri yaşayıram. hə, o vaxtdan elə arzum o idi ki, mən böyüyəndə təbiətin bir parçası olacam, mən də qütblərə gedəcəm, mən də belə meşələri keçəcəm. meşədə necə həyatda qalmaq lazım olduğun göstərən programların xəstəsi idim. o qədər önəmli gəlirdi ordakı bilgilər ala ahhaha. xiyar (=mən) eləbil bakıda yox tanzaniyada yaşayır e ahahah. az qalırdım not tutum baxanda. və yeniyetmə dövrümdə belə bunlar mənim bucket listimdə olub. təəssüf ki, illər keçib yeniyetməlik bitdikdən sonra gördüm ki, çoxumuz elə doğulduğumuz coğrafiyada 50-60 il deyinib, arabir gülüb, arabir ağlayıb ölürük. və bu təbiət səyahəti arzuları, meşədə evimin olması xəyallarını sadəcə boş uşaqlıq-erkən yeniyetməlik arzuları kimi qəbul etdim. qəbul etdim sadəcə. depressiyada olanda həyatdakı hər mənfiliyi qəbul edib hətta mənimsəyirsən. çünki depressiya bir növ artıq etiraz edəcək gücünün, ya da arqumentlərinin qalmaması demək idi mənim üçün. başqaları üçün necədi bilmirəm. sadəcə qəbul etmişdim ki, hə də, uşaq vaxtı hamı belə arzular qurur. yekəlib reallığı dərk edirsən. amma o gün o yeni zenlandiya belgeseline baxanda uşaq vaxtı keçirdiyim bütün o xoş hissləri keçirdim, o vaxt arzuladığım hər şeyi yenidən arzuladım, o hiss içimdə oyandı. keçməyibmiş e ala. elə bilirdim ki, yekəlirsən keçir. orda imiş, yenə eyni mən imişəm. böyüməklə əlaqəsi yox imiş. indi özümçün fikirləşəndə heç bir arzumun olmadığın düşünürdüm. amma elə əvvəlki üstündən xətt çəkdiyim arzularım qalıbmış. sadəcə onları arzu etməyə inamım ya da gücüm yox imiş. yeni zenlandiya təbiəti ən gözəl olan yerlərdən biridi. ordakı yaşıllığı gördüm tvdə, sonra şəlaləni göstərdilər və dediyim o köhnə hissləri keçirəndən sonra həyatımın indi hansı dövründə, hansı emosional vəziyyətdə olduğumu dərk etdim və beynimdə saniyələr içində həyatda ən çox etmək istədiyim şey versus indiki həyatım canlandı. məsələ indiki həyat da deyil e, heç də hər arzulayan qütblərə getmir təbii ki -* sadəcə indi onları arzulamağa belə cəsarətim olmadığını, uşaq vaxtı həyatdan bu qədər çox şey istəyə bilmiş olmağımı və çox daha önəmlisi, elə uşaqlıqdan documentarylərə, kameralara, təbiətə, macəralara qarşı olan marağımı başqalarının gözləntilərini qarşılayım deyə basdırmış olmağımı, indi nə etmək istədiyini bilməyən məqsədsiz bir adam olduğumu düşünərkən, əslində nə etmək istədiyimi illər öncə dərk etmiş olmağımı və olmaq istədiyin adamdan nə qədər özümü uzaqlaşdırdığımı, qopduğumu bir anın içində dərk etdim. əsəbdən gülmək tutdu, 2-3 dəqiqə güldüm, sonra 1-2 dəqiqə də ağladım. yeni zenlandiyada yaşanmamış xatirələrimə ahahaha. belə yaşamaq istəmirəm

silinmiş entry.

10 əjdaha! 26.12.2019 22:35, asosyal adam

#291619 şikayət

detachment

+14 əjdaha

məncə hər insanın, yəni sevişib iyrənc məxluqatları yəni bizləri dünyaya salacaq olan hər insanın, onsuz da çirkli olan dünyanı bizlə daha da çirklədəcək hər insanın, sevişib bu iyrənc məqsədi - uşaq doğmağı həyata keçirmədən öncə izləməsi lazım olan filmdi. orda oturan o iyrənc məxluqatlar da bizlərik. o pis tələbələr. biz də sinifdə qalmışıq. onlar kimi. rejissor sanki üzümüzə çırpır müəllimin diliylə hamınız eyni zibillikdəki mikroblarsınız deyə. çox möhtəşəm film idi. adrien brody isə yenə inanılmaz bir şəkildə, hər zamanki "çirkinliyi" ilə bir insanın necə bu qədər cəlbedici ola biləcəyini göstərir. siqaret çəkdiyi səhnə o qədər həqiqi idi ki. demək olar ki, hər filmdə siqaret çəkilir. onu belə bu qədər içdən icra edən biridi bu insan. nəysə bunları elə adrien brody başlığına yazmalıyam deyəsən. film müəllimlər və şagirdlər haqqındadı. problemli uşaqlarla dolu bir məktəb. və köməyə ehtiyacı olan təkcə tələbələr yox, müəllimlərdir həm də. bəzi şeylər var ki, bilirsən ki, onları seçsən səni uzun müddət narahat edən o hiss yenə gələcək oturacaq köksünə. o narahatlıq verici dərəcədəki kitablar, filmlər siyahısındandı bu film də. çünki bunların doğruluğunu dərk edirsən və səni narahat edir. filmdə hər kəsin acizliyi göz önünə gətirilib. keçmişə dair səhnələr hərdənbir görünür film boyunca. müəllimin sakitləşdirici tərzi o qədər realdıki, izlərkən sakitləşdirici almış bir tərzdə oturub baxırsan filmə. film budur.
qətiyyən hərkəsin baxmalı olduğu filmlərdəndi demirəm. baxmayın. hər kəs başa düşməz demirəm. siz məndən də ağıllısınız. ama məncə hər kəs hiss etməz. bilmirəm. bəlkə də hiss edərsiniz. nə bilim.
detachment , 2011, tony kaye

--spoiler--

whatever is on my mind, i say it as i feel it, i'm truthful to myself; i'm young and i'm old, i've been bought and i've been sold, so many times. i am hard-faced, i am gone. i am just like you.

--spoiler--

(baxma: filmin insan üzərindəki təsirləri) * filmin kafası bunlar

12 əjdaha! 14.08.2015 00:18, asosyal adam

#178016 şikayət

gənc verterin iztirabları

+12 əjdaha

--sitat--
xoşbəxt edə bilmədiyimiz insanların xoşbəxt olduqlarını görürük və buna dözə bilmirik.
--sitat--
(bax: die leiden des jungen werthers)

8 əjdaha! 17.01.2018 13:50, asosyal adam

#266527 şikayət

23 noyabr 2021 əli məlikovun bullinqə məruz qalması haqda postu

+11 əjdaha

Sosyal şəbəkələrin (əsasən instagram və facebook) gündəmində müəyyən qədər özünə yer tutmağı bacarmış postdur.
Qısaca, 244 nömrəli tam orta məktəb şagirdi Əli Məlikova LGBTQi+ olduğu üçün göstərilən bullinq, təyziqlər, qısnama halları və probleminə qarşı rəhbərlik tərəfindən biganə yanaşılmasından danışılır postda.
Əli Məlikov Hadisə ilə bağlı azərbaycan respublikası Təhsil Nazirliyinə, Azərbaycan Respublikasının Ailə, Qadın və Uşaq Problemləri üzrə Dövlət Komitəsinə, Ombudsmana şikayət ərizəsi göndərdiyini deyir. Bundan əlavə olaraq, post artıq 2 gündür dəfələrlə paylaşılıb (sözaltı sözlük instagram səhifəsi də paylaşıb) və təhsil nazirliyi, polis, ombudsman və məktəblinin dostu səhifələri işarələnib.
Hadisə ilə bağlı tədbirlər görüb həll etmək əvəzinə, aidiyyatı qurumların bəziləri hələ də biganə yanaşır, bəziləri isə sistematik bullinqə və biganəliyə davam edir.

Sözlüyə bu başlığı açmaqda əsas məqsədlərimdən biri hadisənin ictimatiləşdirilməsinə bir qədər də təkan vermək və ölkə gündəmindəki önəmli bir məqamı burada da qeyd etməkdir.

11 əjdaha! 25.11.2021 01:51, asosyal adam

#340487 şikayət

maraqlı youtube kanalları

+10 əjdaha

(baxma: smalin) klassik musiqi ziyafəti
link link

9 əjdaha! 27.11.2015 17:06, asosyal adam

#188832 şikayət

daha çox pul qazanmaq üçün mənəviyyatsızlaşan qızlar

+11 əjdaha

Zor sikirlərdir. Sözlüyə hər girəndə belə seksist başlıqlar görməkdən ürəyim bulanır daha.
Məsələn bunun eynisini edən oğlanlara/nonbinary insanlara niyə başlıq açılmır? Onu edən qızlar, bunu edən qızlar, qızlar elə edəndə keçirdiyim hislər, zırtpırt hər poxa aid qızları/qadınları qınayan başlıqlar baş alıb gedir sözlükdə. Sikdirin də brat

7 əjdaha! 03.11.2022 20:10, asosyal adam

#362060 şikayət

sözaltı günlük

+9 əjdaha

naked kinosunda maraqlı bir fikir var. filmdə səhnələrdən birində əsas qəhrəman deyir ki,
"Have you ever thought, right... I mean, you don't know...but you might already have had the happiest moment in your whole fucking life...and all you've got to look forward to is sickness and purgatory?"
təxminən deyir ki, bəs, heç düşünmüsən ki, bu sikik həyatının ən gözəl anlarını artıq yaşayıb bitirmiş ola bilərsən və bundan sonra əlində olan qalan tək şey xəstəlik və safalət içində bir ömür ola bilər?
yadımda bu kinoya baxmağım. baxıb pafoslu cümlələrdən çox təsirlənmişdim. uzun monoloqlar zad. o vaxtlar hələ facebook də məşhur sosyal şəbəkə idi, mən də feysdə cover şəkli etmişdim ordakı baş rolu. altına da içində yumurta sözü olan hissəsini yazmışdım kino replikalarının. o vaxt çünki elə bər bəzəkli cümlələr xoşuma gəlirdi. sadə deyilən sözlərdə məna axtarmağa cəhd etmirdim. uşaqlıqdı. bəlkə indi baxsam heç sevmərəm o kinonu. xatırlamıram ki, həmişə dediyim kimi, yaddaşım çox zəifdi. onsuz kinolara qarşı həmişə mühakiməli yanaşmışam. çünki insan eyni qalmır e, dəyişir. anlayışı, dərrakəsi, dərk etdikləri, dərk etdiklərinin qədəri, və.s, və.i daima dəyişir. 1 il öncəki adam olmursan. ona görə kimsə sevdiyim kinoları soruşanda həyəcanlanıram, səhv cavab vermiş olmaqdan qorxuram. nəysə əşi.
qayıdaq naked-ə. bu yaxınlarda təzə kitab almışam. normalda xəsislikdən etmərəm belə şeylər. axırıncı dəfə nə vaxt kitab almışdım yadımda deyil heç. çünki nə kitaba, nə də təzə nələrəsə həvəsim ya da gücüm yoxmuş kimi hiss edirdim daha. depressiya da deyil e, sadəcə uzunmüddətli yorğunluq. nəysə əşi. kitab ölüm haqdadı. twitterdə də ölən adamların yaxınlarının yazdıqlarını görürəm son zamanlar* ikinci qarabağ müharibəsi . dostum da bugün özünə 1 il öncə yazdığı məktubun bugün ona çatdığını dedi. * future.me bilmirəm, hadisələr elə cərəyan edir ki, adam keçmiş və gələcək haqda düşünür. ən azından mən yəni. ölümü də düşünürəm. ölən insanın ardınca yaxşı sözlər yazılanda içimdə xoş bir hiss yaranır. kədərli oluram ama gülümsəyirəm. niyə bilmirəm. bugün düşündüm görən ölsəm şəklimi neçə adam paylaşacaq? yəqin ki, çox olmaz. amma sonra bunun mənim kimi inancsız biri üçün nə qədər önəmsiz olduğunu da dərk elədim. nəysə e. sonra ağlıma 1 il öncəki halım gəldi. daha doğrusu, xatırlamağa çalışdım. heç dəqiq olaraq nə edirdim yadıma düşmədi. amma əsas şeylərin o qədər də dəyişmədiyi hiss etdim. naked filmindəki o sitat gəldi bir də ağlıma. özü də, durduq yerə. olur e, oturursan, heç o haqda düşünmürsən birdən mənalı bir cümlə gəlir ilişir ağlına. elə oldu. doğrudan əgər elədirsə nə olacaq? yadımdadı karantinin əvvəlində çox pis psixoloji böhran yaşayırdım. onsuz da mental sağlamlığım yerində deyildi və evə qapadılmaq pis təsir etmişdi. dünən də mental sağlamlıq günü idi bu arada. yadıma düşsə entry girərdim. nəysə. onda düşünürdüm ki, nolar, tez sentyabr gəlsin. bilmirdim sentyabr özü ilə nələr gətirəcək. amma istəyirdim ki, gəlsin. çünki biz avtomatik olaraq gələcəyi yaxşı şeylərlə assosiasiya edirik. elə bilirik yaxşı şeylər hələ qabaqdadı. bəs deyilsə? nakeddəki qaqaş düz deyirsə bəs? onda yaşamağın nəsə mənası qalır? onsuz da uzun müddətdir işlər yaxşı getmir.. neçə vaxtdı beynimdən keçmiş gözəl günləri keçirirdim. təkrar təkrar fırladırdım rahatlıq tapırdım. və birdən bu düşüncə məni şok etdi. dondum qaldım. dedim bəs həyatımın tək gözəl günləri onlar idisə nə olacaq? bundan sonra hər şey daha da pisləşəcəksə əgər. pis oldum, nə yalan deyim.
belə olan hallarda əvvəllər istəyərdim kimləsə söhbətləşim, kiməsə bunları deyim. amma bu dəfə qəribə bir şəkildə elə olmadı. əlim birbaşa komputerə getdi. dedim girim sözlüyə. hər ay özümə deyirəm ki, daha sözlüyə yazmayacam. bilgi zad da vermirəm sən deyən. hər dəfə də özümü burda mənasız başlıqlara mənasız sözlər yazarkən tapıram. sözlük də əvvəlki sözlük deyil. yazarlara baxıram, tanımıram. kim kimdi bilmirəm. düzdü e, əvvəl də bilmirdim, amma niklərinə müəyyən üzlər uydurmuşdum mən əvvəl hamının. indi o üzlər də yoxdu. nakeddəki qaqaş düz deyirsə sıçdıq biz ətağa. ahahah deyir ki bəs "My favorite conspiracy theory is that everything's going to be okay" -*
nəysə e. bugün keçmiş-indi-gələcək üçbucağında o tərəf bu tərəfə get-gəl eləmişəm bolluca. bax, adam uşaq olanda gənclik yaşlarını düşünür, çoxlu xəyalları olur. sonra ölməyib o yaşa çatırsansa sən o düşüncəndə formalaşdırdığın reallığın özünə getmə şansı əldə etmiş kimi olursan bir növ. zamanda səyahət-fason bir şey. və bu çox maraqlıdı. amma reallıq gözləniləndən fərqli olur. mən məsələn heç vaxt bu yaşımda balaca itmiş uşaq kimi hiss edəcəyimi düşünməzdim. ümumiyyətlə gələcəkdəki halımı düşünəndə heç vaxt necə hiss edəcəyimi düşünmədiyimi dərk edirəm. həmişə necə biri olacağım və həmin o gələcəkdəki anda hansı hərəkəti icra edəcəyimi düşünürdüm. indi isə daha fərqlidir. indi davamlı olaraq nə vaxta qədər belə hiss edəcəyimi düşünürəm? gələcək haqda düşünəndə ilk ağlıma gələn necə hiss edəcəyim olur.
bir də, belə bir şey olur. adamın xəyalları da sadələşir. necə ki, artıq sadə cümlələr də təsir etməyə başlayır, eləcə də sadə cümlələr üzərində xəyallar qurursan. bax məsələn indi gələcəyimi düşündüm və ağlıma gəldi ki, yəqin sözlükdə entry yazaram hansısa başlığa. amma əvvəl olsa başqa qitədə olmağın xəyalın qurardım.
ah nəysə, nə danışıram bilmirəm. amma çox danışdım. bəsdi bu qədər. gedim naked-ə bir də baxım.

5 əjdaha! 11.10.2020 21:17, asosyal adam

#306172 şikayət

sözaltı sözlük

+9 əjdaha

Mesaj bildirişinin rəngi qırmızıdan yaşıla keçmiş sözlükdür. Artıq biz də ekşiciler kimi "yaşıllaşdırın" deyə biləcəyik swh

8 əjdaha! 28.10.2020 21:50, asosyal adam

#308209 şikayət

ən bəyənilən ekşi sözlük entryləri

+10 əjdaha

başlıq: yatakta kendi kendine düşünürken lafın lafı açması

entry: televizyon, müzik gibi herhangi bir dışsal sese maruz kalmadığınız zamanlarda yatağınıza girdikten sonra başınıza gelen elim olaydır. elimdir çünkü bu düşünme ve lafın lafı açması sürecinin ucu bucağı yoktur. saçma sapan bir ilk konu üzerinden kendinizle yaptığınız geyik çok ayrı yerlere gidebilir. "ulan keşke bugün o herife şöyle deseydim, lafı soksaydım" dersiniz ve kendi kendinize bir diyalog yazarsınız, sonra o diyaloğun son cümleleri size başka bir fikir verir ve başka bir konuya dalarsınız, derken kendinizle evrimi, bilginiz yetiyorsa kuantum fiziğini tartışabilirsiniz derken halısahada kaçırdığınız gol aklınıza gelir, tuttuğunuz takımın transfer politikalarını eleştirebilirsiniz, yeteneksiz addettiğiniz futbolculara küfreder, kaderinize lanet edersiniz. bir iki dakikalığına teknik direktör olursunuz ve genellikle tribünlere oynarsınız. sonra birden kendinize gelir ve uyumalıyım diye düşünürsünüz. uyumalıyım diye düşündüğünüz vakit bu defa da uyumak zorunda olunca uyuyamamak sorunu baş gösterir. işiniz iyice zorlaşır.
yazar: sushiolmayireddedenjaponbaligi···

eyni başlıqdakı digər entry: yemin ediyorum ismi taylan olanların esmer yavşak olmasından sonraki en harika tespit.

gözyaşları içinde kenara not ediyorum bunu. "uykusuzluk problemini biraz açar mısın?" diyen zerrin özer gözlüklü dingil psikiyatriste aynen bunu dicem. hala anlamazsa tutar pencereden aşağı atarım fularlıyı. deliyim nasılsa hapis mapis yatmam.

teşekkürler.
yazar: venusteki limon agaci·

10 əjdaha! 29.08.2015 04:28, sistem robotu

#179377 şikayət

güldürən səhv başlıq oxumaları

+9 əjdaha

başlıq: (bax: tumanı oğurlanıb içxəbərə çıxan qadın)
oxunan: (baxma: timidusu oğurlayıb içxəbərə çıxmaq) * glş

9 əjdaha! 27.01.2016 12:12, asosyal adam

#195743 şikayət

unutmaq

+8 əjdaha

xatırlamamaq.

içində olduğum söhbətin ciddiliyindən, bu söhbət zamanı mənlə danışan insanın kimliyindən aslı olmayaraq nə vaxt biri "unutmaq" desə, ya da hardasa görsəm, oxusam, eşitsəm çoxdannan təsadüfən klikləyib sonra da dinlədiyim sezen aksu mahnısının altındakı rəy yadıma düşür.
"unutmak için sevmedik, sezen abla"
hay daaa, bu cümlə bildiyin virus kimi düşüb beynimə, kimsə "açarımı unutmuşan" desə, yenə də bu rəy yadıma düşür. çox təsirləndiyimdən ya da nəsə bir xatirəsi olduğundan yox, sadəcə ilişib beynimə. məsələn indi də bu başlığı gördüm yadıma düşdü.
ancaq kişi düz deyir. unutmaq üçün yaşamırsız ki, ala? unutmuyun, niyə unudursuz ki? düzdü, hərdən xatırlamaq əzab verir amma onun da yeri başqadı bəəə. niyə unudasan axı? unutma, unudacaqsansa niyə yaşayırsan ki? mən məsələn çox unutqan bir insanam və yuxarda bir yazar "mümkünsüz bir şey yazıb". onu gördüm biraz sevindim ki, bəlkə doğrudan elədi və əslində unutmuram, müəyyən müddətlik yadımdan çıxır? sonra reallığa qayıtdım təbii ki. nəysə, mən məsələn çox yaddaşı zəif biriyəm və bəzən mənim üçün önəm kəsb edən şeyləri belə unuduram. ama unutmaq çox yaxşı şey deyil. deyiləndə mənasız səslənir bəlkə də, amma unutmaq bir növ yaşamamış olmaqdı. məsələn mən unuduram, sonra unutduğum üçün pis oluram. buna görə də, anası göy-göyərti almağa göndərən uşaqların yolda siyahını əzbərləməyə çalışdığı kimi, mən də xatirələrimi əzbərləyirəm. mübaliğə zad etmirəm * amk . ciddi-ciddi əzbərləyirəm. unutmamaq üçün yazıram. hər yerə yazıram. telefonda not yerinə yazıram, dəftər tutub ora yazıram, sözlükdə günlüyə yazıram, sonra tez silirəm ki, panelə getsin. kimsə görməsə də mən görüm, görüm ki, unutmayım.
onsuz da, əsas olan hadisələr yox hisslərdi. hisslər unudulmur deyir. kim deyir bilmirəm, ala. mən onları da unuduram. onları da yazıram. unutmamaq üçün öz-özümə danışıram. unutmamaq çox gözəldi. xatırlamaq çox gözəldi, xatırlanmaqdan da gözəldi. yaxşı ya da pis, xatırlamaq.
xatırlayacaq, danışacaq, skdr et danışmağı, hətta tam ağzını doldurub sonra susacaq şeylərinin olması belə gözəldi. çünki həyat budu. düsturlar da yadımdan çıxır, çıxmamalıdı ama çıxır. ama neyniyirəm düsturu? düstur öyrənmək üçün doğulmamışıq axı. xatirə yığmaq üçün doğulmuşuq. belə möhtəşəm, 3 oscarlıq xatirələri demirəm, adi, festivala göndərilən qısa film kimi birşey olsa da olar. araya girən reklam arası ya da. nə bilim, səhər yuxusu kimi qısa, səthi şeylər də olar. əsas odu xatırlayacaq nəyinsə olsun. evdə divarlar kömək eləmir. bəzən çöldə insanlar da kömək eləmir, ama xatirə yığırsan ən azından. nə danışıram mən?
unutmak için mi yaşadık, sezen ablaaaaaaııığğğğğğğğ?

edit: bu gün dostumla başıma gələn bir hadisəni unutmuşam. bayaq dostum mesaj olaraq yazdı, dedi ki "ala yadıma düşdü kefim açıldı, necə elədik eee hahaha".
yazdım ki, "unutmuşdum, yaxşı yadıma saldın", sonra gülüb elədik. o yazmasa heç yaşamamış kimi olacaqdım. qeyri-adi bir şeydi özü də, unudulmamalı. gedim harasa yazım -*

4 əjdaha! 19.08.2017 22:09, asosyal adam

#259124 şikayət

mükəmməl sözlər

+9 əjdaha

* tərcümə etməyə çalışdım, amma olmadı e. orjinalını yapışdırım mən bura. gözəlliyi pozulmasın.

bu dünya soğuk.
rüzgâr genelde ters yöne eser.
limon ağaçları kurur.
bahaneler hep hazır.
güzel günler çabuk geçer.
cahit zarifoğlu
* mən yenə tərcüməsin də yazım * bu dünya soyuq.
külək adətən əks istiqamətdə əsər.
limon ağacları quruyar.
bəhanələr həmişə hazır
gözəl günlər tez keçər. * nə pis oldu

8 əjdaha! 31.10.2015 22:54, asosyal adam

#185510 şikayət

uşaqlıq dövründəki tanrı təsəvvürü

+7 əjdaha

deməli nənəm deyirdi allah hər yerdədi, hamını görür. mən də zehnimdə allahı uzatdıqca uzadırdım, eninə uzununa böyüdürdüm ki, hər yerə yayılsın görsün hər yeri. buludların üstündə, bulud materialından. elə bilirdim buludlar onun paltosunun ətəyidi. o oturub palto yayılıb. saç saqqal da ağ appaq. ala ama nə qədər edirdim bütün göyə yayammırdım. sora dünya yumrudu bu necə ər yerə yayılır axı fikirləşirdim. * glş sonra gördüm olmur, yayılmır hər yerə lap yuxarı qaldırdım. sonra dedim dinine de imanına da. * glş glş glş dedim olmur da olmur. vapşe kim yarattı e bunu? yoxdu belə şey. * içmisən, çəkmisən? ayda, hələ nənəm öyrətmişdi ki, dua edim. mən də anam atam bacım nənəm 4lüsünə dua etmək istəyirdim. bunlara dua edirdim. sonra da nənəm məcbur bütün qohumlar, evsizlər, küçədə qalanlar deyə siyahını uzatdırırdı. mən də yuxum gələ-gələ bunlara dua edirdim zorla. nənəm yanımda olmayanda da vicdan əzabı çəkirdim deyə təzdən duama bu sonrakı kateqoriyaları da əlavə edib yuxumun içinə edirdim * glş
hər şeyi keçdim mən o vaxt uşaq vaxtı tualetdə rahat otura bilmirdim ala. indi bu allah qocadı axı, hərşeyi də görür. ayıbdı məni görməsin zad. * wtf yarattığın allah fiquru belanı versin nənə. uşaqlığımın içinə etdin * glş

6 əjdaha! 31.07.2015 22:31, asosyal adam

#176721 şikayət

hamının bilməsi lazım olan pratik şeylər

+6 əjdaha

soyuducudakı qidaların iyi qarışıb bir birinə? onda kiçik bir qaba karbonat (soda) qoyub yerləşdirirsiniz soyuducuya. vəssəlam.
(baxma: soyuducudakı pis qoxulara əlvida)

6 əjdaha! 09.07.2015 20:33, asosyal adam

#174458 şikayət

qaraqan

+7 əjdaha

ikinci addımda "yaşıdlarım pornoya baxanda mən harun yahya kitabları oxuyurdum" cümləsini yazan adam. bilmədim ciddidi ya yox. * taşak mı geçiyon bizle sen, qaraqan? harun yahya da yəni? bildiyimiz harun yahya? * hass

7 əjdaha! 22.08.2015 23:49, asosyal adam

#178819 şikayət

9-cu mərtəbədən pomidorun qiymətini soruşan xala

+6 əjdaha

(baxma: alternativ sözlük nickləri)

6 əjdaha! 01.08.2016 20:38, asosyal adam

#223444 şikayət

23 noyabr 2021 əli məlikovun bullinqə məruz qalması haqda postu

+7 əjdaha

Hadisədən xəbərdar olmayanlar postun orijinal kontenti ilə aşağıdakı mətni oxuyaraq tanış ola bilərlər.

---sitat---

Oxuduğum Əsəd Ələsgərov adına 244 nömrəli tam orta məktəbdə artıq illərdir LGBTQi olduğuma görə bullinq və zorakılıq görürəm və etdiyim şikayətlərə rəğmən heç bir tədbir görülmür.
Haradasa 8-ci sinifdə məktəbdəki zorakı uşaqlar cinsi orientasiyam haqda məlumat əldə etdi. Daha sonra koridorlarda mənə "petux", "məməzok", "qızbibi" kimi sözlər atılmağa başlandı. Daim olaraq narahatlıqlar böyüdükcə reaksiya da böyüyürdü. Hətta digər məktəblə bu məktəbin zoraklığa meyilli şagirdləri əlaqəlidir deyə digər məktəbdəki uşaqlar məni yolda gedərkən küncə sıxışdırıb üstümə it cumdururdular (uşaq vaxtı itlərdən qorxduğum üçün nevropatoloji tik keçirdiyimi bilirdilər). Onların cibində bıçaq da var idi və mən bilmirəm ki, o gün dostum yanımda olmasa necə olacaqdı.
Növbəti müddətdə sosial mediadan şəkillərim (xüsusən də makiyaj etdiyim bir şəkil) yayılaraq üstünə ev və məktəb adresslərim, "bu petuğu harda görsəniz tutub sikin" tərzi təhdid mesajları yazıldı və məktəblilər tərəfindən sosial media hesablarında paylaşıldı.
Mən ümumiyyətlə 9-cu sinifə qədər koridora çox təhlükə ilə çıxırdım. Bufetə isə qorxaraq, çox təsadüfən gedirdim. Fizika müəllimim dərsdə dəftərimi cırırdı, sepimi qırırdı (baxmayaraq ki, özü də daxil olmaqla digərləri də dərsdə aksesuar taxırdı). Mənə sırf çiynimə şal atdığım üçün "samiraldo", "şəxsiyyətsiz" deyirdi.
10-cu sinifdə pandemiya başladığı üçün dərslər onlayn oldu. Həmin periodda da trans dostumu küçədə daşlayıb alnını qanatmışdılar və "sənlə Əli sedmoyun adını batırırsınız" deyərək təhdidlər edirdilər. Hətta həmin məktəbdə tanıdığım trans qadının tualetdə dəfələrlə cinsi istismara da məruz qaldığını öyrənmişəm (təəssüf hazırda özü bunu danışmayacağını deyir).
Bu il isə çox qəribə bir hadisə oldu və heç kim şikayətlərimə reaksiya vermir - hətta məni məktəbdə sıxışdırırlar. Bir neçə gün əvvəl məktəbdəki oğlanlar koridorda "qızdı əə bu, sumkasına bax" deyərək söz atmağa başladılar. Qeyri-ciddi cavab verərək yola verdim və digər otağa ingilis dili dərsinə getdim. Həmin şagirdlər isə ümumən dərslərə girməyib vaxtlarını koridorda, boş otaqlarda keçirirlər. Giriblər bizim sinfə. Mənim sinfim olduğunu bildikləri üçün də məktəbdə paylaşılan üfunət qoxulu spirti müəllimlər stuluna, qabaq partalara boşaldıblar və sinif otağını tamam dağıdıblar. Bu hadisəni gördüm və mənə görə artıq digərlərinin də reaksiya görməsi təsir etdiyi üçün aşağı düşüb "məktəblinin dostu" (Məktəblinin Dostu) adlı təhsil işçisinə hadisə haqda məlumat verdim. Elə həmin oğlanlar da koridorda idilər və orada da mübahisə yarandı, düz burun-buruna dayanıb üstümə elə təhsil işçisinin yanında qışqırırdılar, "petux" deməyə də çəkinmirdilər.
Hadisə barədə direktor Yəhya Abbasova da məlumat verdim. Hətta 3-4 dəfə valideynim də gəlib. Açıq şəkildə direktora da biseksual olduğumu, buna görə də bullinq, ayrı-seçkilik, zorakılıq gördüyümü dedim. O isə dəfələrlə yanına gəlməyimə rəğmən məsələyə tamamilə barmaqarası baxdı. Daha sonra "mən sənə vaxt verirəm, get dincəl" deməyə başladı. Mən başa sala bilmədim ki, 11-ci sinif şagirdini yola vermək asandır, lakin məsuliyyətini götürdüyünüz məktəbdə tək onlar tərəfindən reaksiya görən mən deyiləm. Mən vəziyyəti təkidlə izah etməyə çalışdıqdan sonra isə valideynimə "10 valideyn Əlidən şikayət etsə məktəbdən atıla bilər" deyib. Yəni təhqir, təhdid olunan mən, reaksiya görən də mən?!
Hətta müdir müavini də həmin oğlanlar haqda mənə deyir ki, "onlar padoşdur, düzəlməyəcəklər". Bu zaman mənim təhlükəsizliyim təhdid altında olmalıdır?! Müdir müavini həm də məni də zorakılığa təşviq edərək deyir ki, "sən də cüssəlisən, vur onları". Təhsil işçisi açıq şəkildə dava-dava etməyimizi istəyir?
Feysbukda yazdığım kiçik posta görə məktəblinin dostu layihəsindən psixoloq gəldi. Gələn şəxs dirəşmişdi ki, "propaqanda etmə, çalış yola ver, onlar dəyişməyəcək". Həqiqətən də siz bunun üçün varsınız?! Onların dəyişməsi vecimə deyil, bu məktəbdə yaradacağınız təhlükəsiz mühitdən danışıram mən. Davamlı olaraq deyirlər ki, "sən nə etsən də o uşaqları atdıra bilmərsən". Anamın dediyinə görə məktəb işçilərindən kimsə hətta ona "Əıi homoseksualdır, özü yalandan biseksualam deyir" deyib. Məktəblinin dostu isə Azərbaycan Respublikası Təhsil Nazirliyi-nə şikayət etmək istədiyimi dedikdə mənə "şikayət etmək asandır, arxasında durmaq çətindir" deyir. Reaksiyaları bir kənara, bu təhsil işçiləri artıq şəxsi həyatıma müdaxilə edib bəyanlarımı belə tanımırlar.
Daha sonra təhsil nazirliyindən də psixoloq gəldi. Ona isə ümumiyyətlə məsələnin LGBTQi ilə əlaqəli olduğunu deməyiblər. Sadəcə deyiblər ki, "Məktəbdə Əli adlı uşağın problemləri var, gör alınırsa, onlayn təhsilə keçsin". Başa düşmədim ki, niyə mənim valideynimin stresslə dəfələrlə məktəbə gəlməsinə rəğmən bu şəxslər hələ də koridorda zorakılıqlarına davam edə bilirlər. Hamısı da zorakılığa meyilli şəxslərdir. Biri mənim köhnə sinif yoldaşım olub və dərsə Gürcüstandan gətirtdikləri 5 barmağı gətirirdi.
Dəfələrlə danışdım, dəfələrlə reaksiya göstərdim, aldığım reaksiyalar isə sadəcə "danışma, yazma" idi. Yəni mənim travmalar toplusu ilə yüklənən həyatım yerinə məktəbin adı daha vacibdir. Elə direktor da deyir bunu: "məktəbin adını batıracaqsan". Müəllim "kişi belə pinlər taxmamalıdır, mənim oğlum belə olsa...." deyə danışır.
Davamlı deyilir ki, biz uşaqlarla danışmışıq. Mənə uşaqlara acıqlanmağınız lazım deyil (hərçənd bunu belə görməmişəm). Yaxud da onları tutub şillələməyiniz mənə lazım deyil. Hətta siz - təhlükəsizliyimizdən cavabdeh olan təhsil işçiləri sosial varlıq olan şagirdi keçdim, hətta sinif otağının dağıdılmasına belə sırf LGBTQi məsələsidir deyə reaksiya vermirsinizsə, sizin humanistliyinizi sorğulayıram. Mənim anam artıq 2 dəfə stresslərdən huşunu itirb yıxılıb. Təkrar valideynimin çağırılması və əhəmiyyətsiz iddialar mənə maraqlı deyil. Ümidvaram bu yazdıqlarım lazımi qurumlara və şəxslərə çatacaq. Ətrafımdaki demək olar bütün insanların təhsil sistemindəki zorakılıqla bağlı dərin travmaları var. Elə indi də bu mətni yazıb bitirdiyimi düşünmüşdüm ki, koridora çıxanda yenə məktəbli dostu və o cinayətkarlığa meyilli qrupun söhbətini eşitdim. Hansısa sinif otağında bıçaq qoyublarmış (və ya bıçaqla tutulublarmış). Bax belə.
Əgər bu yazını görürsünüzsə, deməli mən şəxsi təhlükəsizliyim üçün məktəbə getməkdən imtina edirəm. Fiziki olaraq özümə zərər verməməyim psixoloji olaraq da etməməyim mənasına gəlmir. Bu məktəb indiki vəziyyəti ilə mənim üçün çox destruktivdir. Verilən reaksiyalar istisnaedici və gücsüzləşdiricidir. istənilən şəkildə hadisəni danışmağa hazıram. Təhsil sistemində, məktəblərdə LGBTQi şagirdlər, müəllimlər və digər təhsil işçiləri var. Kimliklərimiz məktəbə daxil edilib bullinqə məruz qoyula bilmərik.
Hadisə ilə bağlı Təhsil Nazirliyinə, Ailə, Qadın və Uşaq Problemləri üzrə Dövlət Komitəsi, Azərbaycan Respublikasının insan Hüquqları üzrə Müvəkkili - Ombudsman-a şikayət ərizəsi göndərmişəm.

---sitat---

7 əjdaha! 25.11.2021 01:55, asosyal adam

#340488 şikayət

sözaltı günlük

+5 əjdaha

bugün normaldakından fərqli olaraq axşamüstü 4-5 radələrində oyanmadım. boğulurdum, nəfəsim kəsilirdi. boğazım qurumuşdu. evdə də adam yox idi. bugün fərqli bir şəkildə normal insanlar kimi 11də oyandım yuxudan. gedib su içdim. bügün fərqli gün idi. bugün tez durmuşdum, bugün oyanma səbəbim evdəki dava səsləri yox, susuzluq idi. bugün oyansam da əsəbləşib təzdən yatmamışdım. öz-özümə dedim ki, bugün yaxşı bir gündür. sonra da yan binadakı adamın öldüyünü eşitdim. bura yay ilə əlaqədar olaraq gəlmişdim. öz evimiz deyil. o adamı da tanımıram. amma bugün yaxşı gün idi və o adam səhər tezdən ölüb getmişdi. mənsə vecimə almırmış kimi davrandım. çünki bilirdim ki, o adam bugün yan binada ölüb və mən xəbərdaram. amma hər gün kimsə hansısa binada, küçədə, dənizdə, səhrada ölür gedir. sonra da bir anlıq özümdən iyrəndim. amma bunu özüm seçmişdim. dünya həqiqətən iyrənc bir yer idi. amma mən facebookda profilimə hansısa ölən gəncin şəklini qoymağın mənasızlığını da başa düşürdüm. çünki başqa ölənlərə haqsızlıq idi. sözdə ədaləti bərpa etmək üçün içimdəki bir-iki hissi öldürmüşdüm. soyuqqanlı olmağı seçmişdim. gecələr oyaq qalıb, gündüzlər yatırdım ki, baş verən pislikləri görmüyüm guya. payız da gəlsəydi millət olaraq depresivləşərdik belə özümü çox yalnız hiss edirəm. hə bir də ki, bugün yaxşı bir gün deyildi.

5 əjdaha! 31.07.2015 12:39, asosyal adam

#176653 şikayət

geri dönməsi ən çox istənilən yazarlar

+8 əjdaha

(bax: graviton)
Özledik, reis

silinmiş entry.

8 əjdaha! 23.10.2020 17:23, asosyal adam

#307109 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

asosyal adam

son bəyənilənlər:

oxuyucuların bəyəndikləri: