atlı lobya

41 0 0 0

4. nəsil yazar

entry: 41

0 post son 1 ildə

Son 1 il 2026 2025 2024 2023 2022 2021 2020 2019 2018 2017 2016 2015

çox

0 gün

ardıcıl post

rekord: 4 gün

gündüz yazarı

Yeni

Səviyyə 1

0 / 100 XP

6.6K

təxmini söz yazıb

0.1 kitaba bərabər

Statistika

Nailiyyətlər 7 / 14

İlk Addımlar

Əjdaha Balası

Əjdaha

Oxunan

Veteran

Əbədi

Abidə

Yazıçı

Əjdaha Kralı

Karma Yığıcı

Tanınmış

Vikipedist

Bestseller

Həftəlik Seri

blok başlıqlarını gizlət postları gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

bölgələrə getmək

+29 əjdaha

azərbaycanda olarkən edilə biləcək eyni zamanda həm maraqlı, həm də ucuz şeylərdən birincisidir yəqin ki. avtobuslarla gediş-gəliş qiyməti çox vaxt 10-15 manatdan o tərəfə keçmir, ümumi xərciniz də maksimum 20-30 manat kimi bir şey çıxır (hazırki qiymətlərdən xəbərim yoxdur və söhbət bir günlük gedib-gəlməkdən gedir). demək olar ki, bütün şəhərlərin xəritələri google maps və başqa xəritələrdə var, ona görə də adam hara istəsə gedə bilir, yəni azıb qalmaq problemi yoxdur. bunlar texniki məsələlərdir.

qaldı məsələnin digər yanı: insanlar və yeni yerlər görmək. bu ölkə bizimdir: imişlisi, beyləqanı, salyanı, tovuzu, şəmkiri, oğuzu, xaçmazı, şabranı, ucarı, culfası, ordubadı, babəki, hacıqabulu, zərdabı, astarası, göygölü, gədəbəyi, balakəni, pirallahı adası. görmədiyimiz şeylərə inana və sahib ola bilmərik: xaçmaza gedib küçələrində saatlarla gəzmədən, girib kafelərin birində 70 qəpiyə pivə almadan ona sahib çıxa bilmərik. aid olduğumuz dar çərçivənin kənarındakı insanların yemək yedikləri nimdaş yeməkxanalarda yemək yeməsək, "biz" ola bilmərik. biləsuvarda axundov küçəsindəki balaca dükanında dəftərxana ləvazimatları və kitab satan daydayla söz kəsməsək, onu anlaya bilmərik. tanımadığımız yerlərdən, orada yaşayanlardan başqa heç kəsin keçmədiyi küçələrdən keçməsək, qusara gedib küçələrinin, evlərinin, köhnə olsa belə, nə qədər səliqəli olduğunu görüb təəccüblənməsək, lənkəranda yolun ortasında futbol oynayan uşaqların oyunlarına məcburi pauza verdirməsək, onları görməsək, bir-birimizi başa düşə bilmərik.

insan görsəl canlıdır, düşüncəmizin təməli görmə duyğumuzla bağlıdır. abstrakt ideyalar belə düşüncəmizdə görsəl metaforalarla təmsil olunur. dilə, ədəbiyyata, hətta elmə belə nəzər salsaq görsəl metaforaların çoxluğunun fərqinə varmaq olar. insanlığın ən abstrakt məşğuliyyəti sayılan riyaziyyatın belə yaranışı görmə duyğusu ilə əlaqəlidir. belə olduğu təqdirdə, görmədiyimiz insanları, yerləri sevə, onlara sahib çıxa, onları başa düşə bilmərik. özümüzü adi həyatda, küçədə, fotolarda, kinolarda, rəsm əsərlərində görməsək, kim olduğumuzu, niyə burada olduğumuzu, var olduğumuzu bilə bilmərik, bu ölkənin onu çapıb-talayanlara yox, bizə aid olduğunu başa düşə bilmərik. bunları bilməsək, getdikcə yaşadığımız məhlənin sərhədləri daralar, sonra evin divarları gələr üstümüzə, sıxılıb kiçilərik. sıxılıb kiçildikdə isə heç nə edə bilmərik.

silinmiş entry.

22 əjdaha! 07.02.2016 01:27, atlı lobya

#197251 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

səməd vurğun parkındakı fahişələr

+22 əjdaha

ofislərdə işləyib, özlərini bir şey sanan qəhbələrdən, camaatın malını-mülkünü qəsb edib, onları istismar edən qalstuklu-kostyumlu qəhbələrdən, bahalı maşınlarının qaranlıq şüşələrinin arxasında üzlərini adi insanlardan gizləyən qəhbələrdən və başqa bu kimi qəhbələrdən daha şərəfli həyat yaşayan insanlardır. həyatın haqsızlıq etdiyi insanlara yuxarıdan aşağı baxan dölbeyinlərdən də o cümlədən. nəsibini almadan getmə, yoldaş.

silinmiş entry.

21 əjdaha! 20.05.2016 15:21, atlı lobya

#214405 şikayət

azərbaycan avropada qey olunacaq ən pis yerdir

+20 əjdaha

cəmiyyətin necə işlədiyi haqda zərrə qədər fikri olmayan insanların altında özlərini biabır elədikləri növbəti bir başlıq. yoldaşlar, cəmiyyət oynamaqdan doymadığınız gta-dakı kimi missiyalardan keçə-keçə inkişaf eləmir, elə işləmir. lgbt üzvlərinin problemi sizin də probleminizdir, bərabərsizlik problemidir. sizin özünüzü güc bəla ilə dolandırmağınıza, düz-əməlli təhsil almadığınıza, işdə təhqir olunmanıza, adam kimi iş tapa bilməmənizə, rahat ailə həyatı və sosial imkanlara sahib olmamanıza gətirib çıxaran problemdir. bunların səbəbləri həm siyasi, həm iqtisadi, həm də sosialdır. bu o deməkdir ki, bu problemlər sizin belə haqqında çox şövqlə danışdığınız müharibə, aclıq və s. problemlərilə yaxından əlaqəlidirlər. əgər homoseksualların, qadınların və başqa sosial qrupların haqlarının tanınmadığı ölkədə, indiki halda, onların aktiv şəkildə əzildiyi ölkədə rahat yaşayacağınıza inanırsınızsa, sizinlə bir on ilə, siz böyüyüb boya-başa çatdıqdan sonra danışarıq. indi isə xahiş edirəm, abrınıza sığının. sizin dediklərinizdən sizin əvəzinizə utanmaqdan üzümüzün suyu tökülüb, həqiqi sözümdür. internet dediyin şey sizə hər cür məlumata çıxış verən bir zaddır, beyninizin qıfıllarını açın, araşdırın, öyrənin görün məsələ nə yerdədir, bu insanlar nə istəyir, problem nədir. minority adlı azərbaycanca jurnal belə çıxarırlar sizin üçün, girin oxuyun, görün söhbət nədən gedir.

silinmiş entry.

17 əjdaha! 11.05.2016 21:00, atlı lobya

#213367 şikayət

səfərbərlik olsa müharibəyə gedəcək yazarlar

+18 əjdaha

başlıq səfərbərlik olsa müharibəyə getməyəcək yazarlar olsaydı, sözlükdə müharibə həvəsi ilə ən yuxarı səslə hay-şüvən qaldıran yazarlar olardı.

alman yeni dalğasının əsas fiqurlarından olan helma sanders-brahmsın deutschland bleiche mutter (almaniya, solğun ana) adlı filmini yada salmışdır bu vəziyyət. filmdə annanın atası hans və onun dostu nazi partiyasının üzvü ulrich rolları cəmiyyətdəki iki tip insanı çox dəqiqliklə təsbit edir. belə ki, müharibə başladıqda partiya üzvü olan ulrich'i yox, məhz sakit, dinc hans'ı cəbhəyə aparırlar. niyə? çünki, ulrich kimi 'vətənpərvərlər' dəyərlidirlər, onları vətən uğrunda öldürüb, israf eləmək olmaz, onlar daxildə qüvvəni möhkəmləndirmək üçün lazımdırlar.

yoldaşlar, bu gün sözlükdə və xaricində müharibə üçün dəridən-boğazdan çıxanlar bizim milli ulrich'lərimizdir. onların istəyi müharibəyə getmək yox, müharibənin nəticəsinin yarada biləcəyi fürsətlərdən yararlanmaqdan ibarətdir (özləri bunun vətənpərvərliklərindən qaynaqlandığını da düşünsələr də). geri qalan hans'lar isə, istəməsələr də ön cəbhəyə gedib alət kimi istifadə olunacaqlar. müharibədən sonra isə, evə qayıda bilənləri evliliklərinin, həyatlarının dağıldığını, vətənpərvər ulrich'lərinsə var-dövlət, vəzifə ilə təmin olunduqlarını görəcəklər, çünki, müharibənin mahiyyəti budur, yoldaşlar, müharibə ulrich'lərin yaşaması, hans'ların ölməsi üçündür. müharibə gücün özünü yeniləməsi, genişləndirməsi və möhkəmləndirməsi üçündür.

silinmiş entry.

17 əjdaha! 05.04.2016 13:01, atlı lobya

#208877 şikayət

vətən üçün ölməyi istəyəcək qədər axmaq olmaq

+16 əjdaha

heç də axmaq olmaq deyil, əksinə gezi parkını polisdən və hökümətdən qorumaq kimi, yeri gələndə ayaqüstə alqışlanası bir şeydir. insan digər heyvanlar kimi territorial varlıqdır və özünü müəyyən coğrafi əraziyə bağlı hiss etməsindən, o ərazini, dostlarını, qohumlarını qorumağa çalışmasından təbii heç nə yoxdur.

lakin "vətəni qorumaq" adı altında nəyin bizə sırıldığına baxmaq lazımdır. əgər 25 ildir donub qalmış, heç bir mandatı olmayan, ölkədəki insanlarla yaxından-uzaqdan əlaqəsi olmayan hakimiyyətlər tərəfindən dəfələrlə alovlandırılaraq müxtəlif məqsədlərlə istifadə olunan bir şeyi, birdən-birə "vətəni qorumaq" adlandırırlarsa, onda şübhələnmək lazımdır, yoldaşlar. niyə bir köpəyin oğlu soruşmur ki, əliyev və ya sarkisyan durduqları yerdə bu cəsarəti haradan aldılar? hamımız bilirik, cəbhə boyu atışma hər zaman olan bir şeydir; bəs onda niyə bu dəfə bu qədər insan öldürdülər? vətəni qorumaq üçünmü?

silinmiş entry.

16 əjdaha! 05.04.2016 02:52, atlı lobya

#208773 şikayət

seksizmin çağ öyrətim modeli

+15 əjdaha

bəlkə də, sözlükdə qadın yazar sayının kişi yazarlarına olan nisbətinin bu qədər kiçik olmasının səbəblərindən biridir. iddia etmək olar ki, müstəqil azərbaycan təhsilinin tarixinə baxanda, ən yaxşı təhsili çağ öyrətimin türk liseyləri verirdi. bu liseylərin müasir dünyadakı resurslara çıxışı olduğundan, burada oxuyan insanların keyfiyyətli təhsil alıb, özlərini inkişaf elətdirmə şansları, dövlət məktəblərində oxuyan şagirdlərlə müqayisədə daha böyük idi. bundan əlavə rüşvət və sair tipli cəmiyyət xəstəliklərinin olmadığı kiçik bir vakuum idi çağ öyrətimin liseyləri (təbii ki, özlərinə aid xəstəlikləri var idi, amma iddia edirəm ki, bunların heç biri böyüdələcək bir şey olmayıb).

di gəl ki, çağ öyrətimin qafqaz gimnaziyasını çıxmaq şərti ilə bütün məktəbləri ancaq kişilər üçün idi. ola bilsin ki, bu vəziyyət çağ öyrətimin təmsil etdiyi ideologiyaya uyğun idi, lakin, bir az gec də olsa, böyük hərflərlə qeyd etmək lazımdır ki, bu, ölkədə onsuz da yuxarı olan gender bərabərsizliyinə nəhəng töhfə vermişdir. buradan bir sual yaranır, bəs niyə azərbaycan dövləti bu qədər açıq-aşkar ayrıseçkiliyə illərlə göz yumub?

silinmiş entry.

15 əjdaha! 08.01.2016 19:18, atlı lobya

#193713 şikayət

sovet ittifaqı

+16 əjdaha

müstəqillik dövründən sonra post-sovet məkanında ictimai düşüncəni bütövlüklə əlinə almış, qərbin ən sarsaq institutları tərəfindən maliyyələşən millətçi-liberal düşüncənin təmsilçilərinin səfehcəsinə kolonialist adlandıraraq ələ saldıqları tarixi ölkə. ayə, siz heç bilirsiz kolonializm nədir, sovet niyə yaranıb? sovet dövrünün özündə belə düzgün quraşdırılmayan akademik tarixi araşdırma, sovetin ardından qərbdən axan propaqanda puluna tabe olmuş post-sovet pizdes intellektuallarının əlində yenə də tərəfsiz akademik sahə ola bilməmişdir. bunun nəticəsində bu gün yeni nəsil sovet tarixinə düzgün baxa bilmək imkanından məhrumdur: ağzını açan reagan administrasiyanın üzvü kimi danışır. ayə, bir dəfə heç olmasa müstəqil fikir yürütməyə çalışın, sizə pulsuz verilənləri sual edin də, bahalı konfraslarda ağzı köpüklənə-köpüklənə danışanlardan soruşun ki, bəs a johnson ağa, bəs bu sovet iki kəlimə oxuya bilməyən cahillər ölkəsində onlarla universitet açıb, bunun harası qolonializmdir? ə bəs bu qolonializmdirsə, amerikanın 20-ci əsrdə etdiklərini demirəm, elə gözümüzün qabağında iraqda, əfqanıstanda elədikləri nədir bəs, hay? bu sarsaq, qrantoyedlərin hekayələrinə cəmiyyət artıq doyub. bu gün bizə lazım olan tarixi tərəfsiz, obyektiv şəkildə araşdırıb bizim də cəmiyyət olaraq içində iştirak etdiyimiz prosesləri anladan həqiqi tarixçilər, akademiklərdir. azərbaycan cəmiyyətini düzgün anlamaq üçün tarixi qürur mənbəyi axtarışı və ya propaqanda aləti olmaqdan çıxarıb, ona tərəfsiz, ən azından məntiqli və "consistent" yaxınlaşmağı öyrənməli, sovet tariximizi düzgün dəyərləndirməyi bacarmalıyıq.

p.s. sonra da əli kərimli gəlib deyir ki, bəs demokratik düşərgədə intriqalar dayandırılsın. niyə? özünü alternativ adlandıranları cəmiyyət niyə sual etməyi dayandırsın? 29 ildir müstəqil fikir yürütməyə cürəti olmayan sözdə demokratlara niyə qulaq asaq?

silinmiş entry.

12 əjdaha! 01.12.2018 22:28, atlı lobya

#280084 şikayət

1-2 aprel 2016 cəbhədə gərginlik

+13 əjdaha

yenə adi insanların öldürüldüyü yeni bir şou. bəzilərimiz qıraqdan baxıb ölü sayını müqayisə edir: onlarda çox öldü, yoxsa bizdə? yaxşıdır, yox, onlarda daha çox adam ölüb, ura, bayram edək. mediya zəbt olunmuş torpaqların kiçik bir hissəsinin alındığını iddia edir, bəzilərimiz buna orqazm olur, dözmür düşür həyətdəkilərlə paylaşır xoş xəbərləri. ermənilər bizi günahlandırır, bir erməni siyasətçi televiziyaya çıxaraq qəhrəman əsgərlərin şücaətlərindən dəm vurur; cavab olaraq biz erməniləri itin götünə soxub-çıxarırıq, klaviaturalar dayanmadan şaqqıldayır, məlumat ötürmək hirsi gözləri qızardır, beyinləri dondurur; ruslar o biri tərəfdən deyir, uşaqlar, gəlin sülh içində yaşayaq, sonra ermənilərə silah verir; uzaqlarda bir yerdə obama kimləsə görüşüb gülümsəyir; əliyev naharını yeyib, maşınına doğru tələsir; dünyanın bəzi künclərində isə nifrətdən doymuş, bezmiş, müharibə şousuna artıq etiraz səslərini qaldıran bəzi insanlar cənubi qafqaz birliyi qurmaq arzuları ilə yaşayır; bakıdan yerevana maşınla getmək istəyir, yolda düşüb sisianda bir çay içmək istəyir, qonşuluğunda ermənilərin, gürcülərin olmasını istəyir, erməni görəndə, indiyə kimi ona uşaqlıqdan bəri yedizdirilmiş bütün nifrətə baxmayaraq, qarşısında bir insan görmək istəyir.

silinmiş entry.

11 əjdaha! 02.04.2016 22:24, atlı lobya

#206201 şikayət

500,000 manat alan adamı googleda tapa bilməmək

+13 əjdaha

elmin inkişafı fondunun keçən il verdiyi qrantların link

arasında ən böyük məbləğdə dəstəyi almış, "insanın sağlam və xəstəlik hallarında zülalların struktur-funksiya xassələrinin multidissiplinar tədqiqi" adlı ümumi, mahiyyətinin nə olduğu bilinməyən layihənin müəllifi, oktay qasımov kazım oğlunun adını axtararkən qarşılaşdığım hadisədir. aldığı 500,000 manatla başı tədqiqata o qədər qarışıb ki, ictimaiyyəti məlumatlandırmaq yaddan çıxıb. ehtiyatlı ol, yoldaş qasımov, tərin sınaq şüşələrinə tökülüb, hesablamalarını korlayar.

edit: oktay k. gasymov olaraq axtarılanda nəticələr link

çıxır. məlum oldu ki, yoldaşımız ucla-də patologiya və oftalmologiya departamentlərində işləyir. lakin, bu yenə də bir ölkədən 500,000 manat pul alıb, o pulla nə etdiyin barədə insanları, həmin ölkədəkilərin dilində məlumatlandırmamağa haqq qazandırmır. məsələyə aydınlıq gətirdiyi üçün loddarda təşəkkürümüzü bildiririk.

silinmiş entry.

13 əjdaha! 18.12.2015 15:17, atlı lobya

#190739 şikayət

sözaltı sözlük üçün tövsiyələr

+14 əjdaha

entrylərdən ibarət "playlist" və yaxud siyahı düzəltmək imkanı. indiki formada ancaq favoriləyərək və yaxud ayrıca bir entry yazaraq yaddaşda saxlamaq olur müəyyən mövzu ətrafındakı entryləri. amma youtube-da videolardan playlist düzəltmək funksiyasi kimi (+add to) bir funksiya əlavə olunsa, favoriləmək əvəzinə yaratdığımız siyahılara əlavə edə bilsək məlumat çox daha yaxşı indekslənər. məsələn, bu yolla musiqi qrupları haqda yaxşı entryləri bir-bir siyahıya əlavə edə, kino resenziyalarından ibarət bir kolleksiya yarada bilərdik. indiki halda, "favori seçdikləri" bölməsində hər şey bir-birinə qarışıb. bunu saxlamaq da olar, amma yenə də siyahılar yaradıb, entryni müəyyən siyahıya əlavə etmək funksiyası yaxşı olardı. bu playlistlər axtarışda da çıxsaydı lap əntiqə olardı.

13 əjdaha! 02.07.2016 10:51, atlı lobya

#219951 şikayət

seks inqilabı

+12 əjdaha

(bax: qadınların qurtuluşu)
(baxma: gənc nəslin maddi müstəqilliyi)

qadınların kişilərdən və ümumiyyətlə, gənc nəslin valideynlərindən maddi müstəqilliyinin olmadığından hələ də baş verməmiş, amma eyni zamanda baş verməsi həddən artıq təbii, vacib və labüd olan bir zad. maddi olaraq uşaqlarını təmin edən valideyn şüurlu və ya cəmiyyətin təzyiqi ilə övladlarının şəxsi həyatlarını idarə edən diktatorlara çevrilirlər. övladlarına qoymalı olduqlarından daha çox investisiya qoyan valideyn, bu investisiyanın əvəzində övladlarını, cəmiyyətin təyin etdiyi qanunlar çərçivəsində, ən sərfəli şəkildə cütləşdirib, yeni iqtisadi əlaqələr qurmağa çalışır. "mənim atam-anam mələkdirlər, mənə maddi gözlə baxmırlar" deməyin, söhbət hansısa a və ya b valideynindən getmir, ümumi mexanizmdən və mexanizmi ortaya çıxaran səbəblərdən gedir. dövlət qocalara normal həyat şərtləri təmin etmir və bunun nəticəsində valideynlər gələcəkdə özlərini təmin etmək ya da hazırkı iqtisadi maraqlarını inkişaf etdirmək üçün qızlarını mümkün olan ən yaxşı müştəriyə satırlar, ya da oğlanlarına ən yaxşısından bir qız "alırlar." pulun və şan-şöhrətin öz-özlüyündə bir "end", məqsəd olduğu sistemlərdə insan münasibətlərinin bu eybəcər formaya düşməsi təbiidir və bütün inkişaf etmiş cəmiyyətlər bu dövrdən keçiblər. bu sosial-iqtisadi dinamikanın ən zəngin təsviri üçün honore de balzacın əsərlərini tövsiyyə edə bilərəm (məsələn, goriot ata, gobseck). friedrich engels deyir ki, "mən təkcə balzac'dan bütün peşəkar tarixçi, iqtisadçı, statistikaçılardən öyrəndiyimdən daha çox öyrənmişəm." avropada ikinci dünya müharibəsindən sonra, feminist və counterculture hərəkatlarının da təzyiqi ilə, kontraspesiyasının yaranması ilə qadınların iqtisadi müstəqilliyi əldə olunmağa başladı, rifah dövləti modeli ilə gənc nəslin müstəqillikləri artmağa başladı və bütün bunların nəticəsi olaraq seksual inqilab baş verdi.

kontrasepsiyanın olduğu bir vəziyyətdə, bizim kimi cəmiyyətlərdə seksual inqilabın baş verməsi üçün ən birinci amil cəmiyyətin iqtisadi əlaqələrinin düzəldilməsidir. bundan başqa sosial faktorlar da var ki, onlar adətən iqtisadi faktorlara asılı olaraq zamanla dəyişirlər. məsələn, seksual inqilab söhbəti düşəndə bizim cəmiyyətdə edilən klassik "dərin" sosial arqument hər cəmiyyətin öz inkişaf trayektoriyasının olduğu, bizim müsəlman olduğumuz və buna görə də, bizdə belə bir şeyin heç vaxt verməyəcəyi, hətta verməməli olduğudur (bunu bir növ təqlid kimi görürlər). okay, özünəməxsus trayektoriya filan deyirsən, qəbul edirəm, insanlar müəyyən qədər fərqlidirlər hər yerdə və ordan-burdan həll yolları kopyalayıb şəpləmək düzgün deyil, amma burada məsələ başqadır axı, ay sənin qadanı bacısının seks həyatına nəzarət edən qardaşlar alsın. əslində bu cinsi əlaqələr üzərinə təzyiqin səbəblərini anlamamaqdan qaynaqlanan qeyri-ciddi bir iddia olsa da, yenə də cavablamaqda fayda var.

birincisi seksual inqilab özü-özlüyündə bir məqsəd deyil, əsas məqsəd qadınların qurtuluşu, bərabərliyi və gənclərin iqtisadi azadlığı, müstəqilliyidir. seksual inqilab sadəcə bunun ən gözəçarpan təbii nəticələrindən biridir. yəni, fərqli trayektoriya qadınların müstəqilliyindən və bərabərliyindən keçmirsə, zatən o trayektoriyaya soxum (qadın-kişi bərabərliyi olmadan inkişaf olmur). keçirsə, seksual inqilabın baş verməsi labüddür, fərqi yoxdur, yəhudisən, müsəlmansan, yoxsa xristian. əgər yenə də islamın necə deyərlər, "special snowflake" olduğunu düşünürsənsə, çox yox, 50-60 il əvvəlin avropasına nəzər salman yetər. ikincisi, bizim müsəlman olduğumuz iddiasıdır ki, buna çox vaxt sərf etmədən, azərbaycanın sekulyar dövlət olduğunu yada salıb üstündən keçəcəm * əhalinin böyük əksəriyyətinin dini ritualları yerinə yetirmədiyini heç deməyəcəm . üçüncüsü isə, təqlid ideyasıdır ki, əslində bu da yuxarıda dediyim kimi, söhbətin nədən getdiyini başa düşməməkdən yaranan iddiadır. qadınların bərabərliyi və maddi müstəqillikləri ilə avtomatik olaraq baş verəcək bir prosesi kimlərinsə təqlidi kimi görmək o qədər də ciddi mövqe deyil. bir sözlə, heç bir mənəvi arqumentə baş vurmadan, əgər qadın (bacın və yaxud qızın), maddi olaraq səndən asılı deyilsə, sənin onun yatağına müdaxilə etmək hüququn qalmır. belə. bir də bu #129696

qeyd1: bəziləri deyə bilər ki, bəs bacıları üzərində heç bir maddi dominantlığı olmayan qardaşları necə izah etməli? bacılarının vaginalarının keşiyində duran qardaşlar sistemin çalışmasını və gələcəyini təmin etmək üçün adaptasiyadır. qardaş bacı ilə gündəlik həyatda daha yaxın olur və onun üzərindən qadını idarə daha birbaşa olur. bu idarədən qazanılmış təcrübə isə, öz növbəsində gələcək nəsillərin idarəsində istifadə olunur. yəni sistem səmərəli işləmək üçün dizayn olunub, iş bölgüsü belə var.

silinmiş entry.

9 əjdaha! 24.04.2016 10:43, atlı lobya

#211581 şikayət

sözlükdə rasizm

+12 əjdaha

gördüyüm zaman, dəfələrlə haqqında şikayət etməyimə baxmayaraq, heç bir nəticəsini görmədiyim şeydir. biri öz ölkəsinin insanlarına ağzına gələni deyir, biri kürdləri təhqir edir, biri erməniləri alovda yandırmaq istəyir, biri yəhudilərə durduğu yerdə nifrət edir, o biri dindarları itin götünə soxub-çıxardır. ala sikdirin gedin də artıq, bezdik axı sizin axmaq söhbətlərinizdən. sizin kimi özünü ağıllı hesab insanların üstündə vəziyyət bu gündədir ölkədə. fizulidə yolları bağlayan insanların dırnağının ucu qədər eləmir sizin burdakı psevdo-intellektual masturbasiyanız. başımıza siyasi analitik, sosioloq kəsiliblər, blin, sikdirin gedin.

silinmiş entry.

12 əjdaha! 13.01.2016 10:23, atlı lobya

#194240 şikayət

elmi populyarlaşdırmaq

+12 əjdaha

sözlükdə edward witten və başqa yazarların etməyə çalışdıqları, təqdirəlayiq, qəliz və maraqlı məsələdir. elmi nəzəriyyələri, yenilikləri başa düşmək üçün illərlə müvafiq sahələr üzrə təhsil almaq lazımdır. məlumatlı, dünya haqqında rasional inanclara sahib olan cəmiyyət istəyiriksə, bu nəzəriyyələri məktəblərdə tədris etməkdən əlavə, əhaliyə də bir şəkildə çatdırmalıyıq. formanın necəliyi məsələsi isə çətin məsələdir, çünki ortaya asanlaşdırma ilə ortaya çıxan xəta problemləri, o cümlədən, insan psixologiyası və bazarın təzyiqi çıxır.

altında illərin, əsrlərin işi duran yeni nəzəriyyələri, kəşfləri, o keçmişdən böyük ölçüdə xəbərsiz auditoriyaya çatdıranda, bilgi transformasiyaya uğrayır və vacib aspektlərini itirə bilir. nəticədə, kəşfin məğzini yox, onun müqəvvasını paylaşmış ola bilirik. digər tərəfdən, diqqət müddəti 6 saniyə olan istehlak cəmiyyətində, rihanna ilə mübarizə aparmaq məcburiyyətdə qalan elmin niyə məğlub olduğunu başa düşmək çətin deyil. sürətli, parıldayan, ləziz və hamar şeylər insanları daha çox cəlb edir; elm ləng prosesdir, parıldamır, ləziz deyil və kələ-kötürdür. nəzarətdən çıxmış yırtıcı mediya korporasiyaları da insan psixologiyasının bu zəifliyini rahatca maddi gəlir əldə etmək üçün istismar edir.

düşünürəm ki, sağlam populyarlaşdırmanın yolu, ən yeni kəşfləri kontekstlərindən çıxararaq paylaşmaqdan yox, müvafiq sahələrdə oturuşmuş, təməl ideyaları oxuculara çatdırmaqdan keçir. bunu mümkün qədər oxunaqlı, lakin, sensasiyadan uzaq dildə etmək lazımdır. humanitar elmlər bu nöqtədə elmin köməyinə çata bilər. elmin, öz quru, texniki dilini, daha rahat, anlaşılan, funksional dilə çevirmək üçün ədəbiyyatdan öyrənəcək çox şeyi var. odur ki, ona bu yolda uğurlar arzulayırıq.

silinmiş entry.

12 əjdaha! 21.11.2015 15:29, atlı lobya

#188145 şikayət

umbaylama mədəniyyəti

+10 əjdaha

oturuşmamış bir zad. qərdeşim, adam yarım kilometrlik yazır, sonra kimsə girib umbay verir. ala xoşun gəlmir, lap əla, gəl razılaşmayaq, həqiqi sözümdür, razılaşmaqdansa, razılaşmayaq, umbaylayaq, söyüşək, döyüşək, amma danışaq da ala. istəyirsən söy, təhqir elə, amma bir şeylər elə də ala. mənə mövzu maraqlıdır ki, yazmışam o boyda, sənə də maraqlıdır ki, oxumusan. ortada hər iki tərəfdən çəkilmiş bu qədər əziyyət varkən, bir zəhmət çək, beynindən keçəni, nəylə razılaşmadığını, niyə razılaşmadığını, öz fikrini paylaş da ala, ölərsən? bu nə paxıllıq, bu nə simiclikdir ya kosmos! entrynin yanındakı "mesaj"-a basanda mesajda həmin entryə istinad verilir. səndən istənilən bir-iki kəlimə ilə fikrini çatdırmaqdır.

qeyd: söhbət təbii ki, bir cümləlik entrylərdən getmir, çünki onları yazmağa və oxumağa böyük əmək sərf olunmur.

silinmiş entry.

9 əjdaha! 25.05.2016 01:13, atlı lobya

#214897 şikayət

elm oxuyacaq olanlara məsləhətlər

+10 əjdaha

hansısa elm sahəsi üzrə təhsil almaq istəyən insanlara verilmək istənən məsləhətlərin toplandığı başlıq. ənənəvi olaraq hər elm sahəsi fərqli mövzularla maraqlansa da, interdisiplinar (sahələrarası?) tədqiqatların daha geniş yayılmağa başladığı dünyada bəzi ümumi məsləhətlər vermək mümkündür deyə düşünürəm.

(bax: riyaziyyat)
ən başlıcası təbii ki, riyaziyyatdır. təbiətin dili riyazidir deyirlər; bu riyaziyyatçıların götlərindən uydurduğu şey deyil, həqiqətdir. riyaziyyatla arası olmayan insanlara (məsələn, bioloqlara, psixoloqlara və s.) belə indilərdə riyaziyyat lazım olur. ümumiyyətlə, hər elm sahəsində ən maraqlı işlərdən biri, bəlkə də birincisi, maraqlandığınız məfhumu riyazi olaraq təsvir edib, anlamaq olduğuna görə riyaziyyatdan qaçış yoxdur. qaçışa ehtiyac da yoxdur. riyazi gözəlliyi anlamağa çalışmaq lazımdır. yaşlı vaxtında bu həqiqətin fərqinə varmış bir bioloq olaraq deyirəm bunu. mənə heç kəs deməmişdi zamanında bunu, barı sizə kimsə demiş olsun. hər şeydən əvvəl riyaziyyatı sevin və bu dildə özünüzü ifadə etməyi bacarın. məsələn, biologiya oxuyursunuzsa, universitetdə sizə çoxlu faktlar əzbərlədəcəklər. onları bir təhər yola verin, boş vaxtlarınızda riyaziyyat oxuyun, özünüzü inkişaf elətdirin, o əzbərlədiyiniz faktları gələcəkdə özünüz rahatlıqla oxuyub daha yaxşı başa düşə bilərsiz.

(bax: proqramlaşdırma)
yenə də, sahədən asılı olmayaraq, gündəlik və nəzəri işlərdə mütləq lazım olacaq bir bacarıqdır. mənə indiyə qədər əsasən matlab, r, python lazım olub, amma qabağınıza çıxdıqca başqalarını da öyrənməyiniz məsləhətlidir. bundan əlavə, latexdən də istifadə etməyi bacarın.

(bax: statistika)
elmi iddialar riyazi açıqlamalardan fərqli olaraq təbiətcə statistikdir. statistika əldə olan məlumatı görmək üçün bir növ eynəkdir. elm adamları təcrübələrinə statistika eynəkləri ilə baxırlar. mücərrəd bir fenomeni başa düşmək üçün geniş eynək kolleksiyası və bu eynəklərin necə istifadə etməyi dərindən bilmək lazımdır.

(baxma: mühəndislik)
ümumiyyətlə, bəlkə də gələcəkdə elm karyerası istəyirsinizsə, bakalavr təhsilinizi mühəndislik üzrə oxusanız daha yaxşı olar. mühəndislikdə yuxarıda sözügedən məsələləri daha orqanik şəkildə öyrənə bilərsiz, bonus olaraq, maraqlandığınız elm sahəsi üzrə bilgilər də ala bilərsiz. bundan əlavə, mühəndislikdə, edərək, layihə-əsaslı öyrənmək məsələsi var ki, bu da çox vaxt quru-quru nəzəriyyə ilə məşğul olaraq öyrənməkdən daha yaxşıdır.

qeyd: bu entrydə söhbət fiziki (fizika və astronomiya, kimya, yer elmləri) və təbiət (biologiya, tibb) elmlərindən gedir.

silinmiş entry.

9 əjdaha! 16.05.2016 00:14, atlı lobya

#213828 şikayət

sahibsiz entry

+10 əjdaha

içində bəzilərinin yazarların şəxslərinə hücum etməyi sevən insanlar olduğu bir qrup tərəfindən yığışdırılması istənən funksiya. qətiyyən yığışdırılmalı deyil. xüsusilə də, çaqqal-çuqqalın birləşib kimisə təkləyib, qışqır-bağır salıb, sözlükdən soyuda bildiyini nəzərə alsaq, bu funksiyadan beşəlli yapışmaq lazımdır. əgər bu bir mübarizədirsə—ki, bu bir mübarizədir artıq—qoy fikirlər, düşüncələr yarışsın, şəxslər, eqolar yox. arxasına hay-küyçü kütləni alıb, ora-bura qusan insanlara qarşı, təcavüzə məruz qalmadan bir fikir bildirmək üçün bu funksiyaya ehtiyac var.

silinmiş entry.

9 əjdaha! 05.04.2016 02:09, atlı lobya

#208757 şikayət

ilmar qəhrəmanov

+10 əjdaha

nature indeksdə azərbaycanın elmi hasilatının arasında ümidsiz axtarışlar zamanı kəşf etdiyim, çuxanlı (salyan) doğumlu, hal-hazırda qravitasiya Fizikası üzrə max planck institutunda post-doc edən nəzəri fizik yoldaşımızdır. saytından link

araşdırması ilə bağlı daha ətraflı məlumat tapa bilərsiz.

silinmiş entry.

8 əjdaha! 10.05.2016 12:45, atlı lobya

#213252 şikayət

intuisiya nasosları

+9 əjdaha

daniel dennett'in 2013 ildə nəşr olunan kitabıdır. kitabın tam adı intuisiya nasosları və digər düşüncə alətləri'dir (intuition pumps and other tools for thinking). self-help kitabı deyil. dennett ciddi filosof-alimdir və elmin populyarlaşmasında aktiv şəkildə və uğurla iştirak edir. bu kitabda arqumentasiya və düşüncə zamanı özünün istifadə etdiyi "alətlərdən" bəhs edir. başlıqda onların arasından ən xoşuma gələnləri bala-bala tərcümə edəcəyəm.

3. rapaportun qaydaları (səh. 33-35)

bir rəqibinizin fikrini tənqid edərkən tam olaraq nə qədər əliaçıq olmalısız? əgər rəqibinizin dediklərində açıq-aşkar təzadlar varsa, onda təbii ki, onları əzmlə göstərməlisiz. əgər müəyyən qədər gizli təzadlar varsa, onda o təzadları diqqətlə ortaya çıxarmalı—və daha sonra məhv etməlisiz. lakin gizli təzad axtarışı adətən nitpicking'ə*, dəniz vəkilliyinə (1) və—daha öncə də gördüyümüz kimi—bildiyin parodiyaya çevrilir. axtarışın verdiyi həyəcan və rəqibinizin mütləq hardasa səhvə yol vermiş olduğu inancı amansız şərhə təşviq edir ki, belə bir şərh də sizə hücum etmək üçün asan hədəf yaradır. lakin belə asan hədəflər çox vaxt əldəki real məsələlərə aidiyyatsız olur və tərəfdarlarınızı əyləndirsə də, hamının vaxtını və səbrini nahaq yerə sərf edir. rəqibin fikrinin karikaturalaşdırmaq əleyhinə tapdığım ən yaxşı padzəhər illər öncə sosial psixoloq və oyun nəzəriyyəçisi anatol rapaport (robert axelrod'un əfsanəvi məhbusun dilemması müsabiqəsindəki qalib tit-for-tat strategiyasının yaradıcısı) tərəfindən məşhurlaşdırılan qaydalar siyahısıdır (2).

belə bir uğurlu tənqidi kommentariyanı necə quraşdırmalı:
1. hədəfinizin fikrini elə aydın, parlaq və ədalətli şəkildə yenidən ifadə etməyə çalışmalısız ki, o özü "təşəkkür, bunu bu formada demək heç özümün ağlına gəlməmişdi" desin.
2. onunla razılaşdığınız nöqtələri qeyd etməlisiz (xüsusilə də, bu nöqtələr hamı tərəfindən qəbul olunan şeylər deyilsə)
3. hədəfinizdən öyrəndiyiniz şeyləri sadalamalısınız.
4. ancaq bundan sonra deyiləni tənqid və ya təkzib eləməyə icazə verilir.

bu qaydalara riayət etmənin ən ilkin effekti odur ki, rəqibiniz tənqidinizə qulaq verəcək dinləyici olacaq: artıq onların mövqelərini onlar qədər başa düşdüyünüzü göstərmisiz və yaxşı mühakimə qabiliyyəti nümayiş etdirmisiniz (bəzi vacib məsələlərdə onlarla razılaşırsız və dediklərindən nəyisə qəbul etmisiz).

ən azından mənim üçün rapaportun qaydalarına riayət etmək həmişə bir az əziyyətdir. sözün açığı, bəzi hədəflər belə sayğılı diqqətə layiq deyillər və—qəbul edirəm ki—onları şişə taxıb qızartmaq çox ləzzət edir. lakin, yeri gələndə və işləyirsə, alınan nəticə çox fərəhləndiricidir. azadlıq təkamül edir (freedom evolves) adlı kitabımda robert kane'in (1996) uyuşmazçılığına (incompatiblism) (azad iradə ilə bağlı qətiyyən razılaşmadığım bir mövqe) bacardığım qədər əliaçıq şərh verməyə çalışmışdım və fəslin ilkin qaralamasını ona göndərdikdən sonra aldığım cavab mənim üçün çox dəyərlidir:

...fərqliliklərimizə baxmayaraq, çox xoşuma gəldi. mövqeyimin şərhi adətən tənqidçilərdən alınandan çox daha ətraflı və ədalətlidir. mövqeyimin mürəkkəbliyini və çətin suallara cavab axtarışında çəkdiyim zəhməti oxuculara çatdırırsan, bir kənara itələmirsən. buna və ətraflı şərhə görə minətdaram.

rapaport-əsaslı diqqətimin digər alıcıları daha az mehriban olublar. bəzi hallarda ədalətli tənqidə qatlaşmaq daha çətindir. unutmaq lazım deyil ki, müəllifin mövqeyinin müdafiə oluna biləcək yozmasını tapmaq üçün edilən qəhrəmancasına cəhdlər uğursuzluqla nəticələnərsə, bu, hirsli baltalamaqdan daha dağıdıcı olur. bunu tövsiyə edirəm.

footnotlar
1) dəniz qanunları gizli tələlər və qaçış bəndləri ilə dolu olub, ancaq ekspert dəniz vəkilinin baş aça biləcəyi qədər həddən artıq mürəkkəbdir. dəniz vəkilliyi rəsmiyyətdən istifadə edib məsuliyyətdən qaçmaq və ya günahı başqasının boynuna atmaqdır.
2) axelrod müsabiqəsi (axelrod və hamilton, 1981; axelrod, 1984) altruizmin təkamülünü öyrənən aktiv bir tədqiqat sahəsini başlatmışdır. bu haqda darwin'in təhlükəli ideyasında (dennett, 1995, səh. 479-480) giriş vermişəm və təzəlikcə, dünyanın müxtəlif yerlərindəki laboratoriyalardan həm simulyasiya, həm də təcrübə variasiyalarının partlayışı olmuşdur. rapaport'un "məni vurmasan, səni vurmayacam" ideyasını heyrətamiz dərəcədə sadə həyata keçirməsi, ondan sonra gələn araşdırmalar və modellər üçün toxum rolunu oynamışdır.

8 əjdaha! 20.06.2016 01:38, atlı lobya

#218500 şikayət

amsterdam

+10 əjdaha

neoliberal agendanın qurbanı olmuş bir digər mədəniyyət mərkəzi. şəhərdə uzun illərdir mənzil sıxıntısı olmasına baxmayaraq, rifah dövlətinin dağıdılması ilə vəziyyət daha da pisləşmiş və idarədən çıxmışdır. daşınmaz əmlak spekulyasiyası və bahalaşmaqda olan ictimai məkan uğrunda vəhşicəsinə mübarizə davam edir və bu davada adi insanlar uduzmaqdadır. şəhərin hər boş yerinə hotellər, ofis yerləri, bahalı yaşayış massivləri tikilməkdədir (eynilə, dünyanın başqa yerlərində olduğu kimi; uzağa getməyə ehtiyac yoxdur, elə bakı və ətrafında eyni şey gözümüzün qabağında baş verir). şəhərin mərkəzi artıq orada yaşayanlar üçün demək olar ki, əlçatmazdır. küçələrin sıxlığı və turistlərin çoxluğu, məkanların bahalığı, amsterdamın mərkəzinin disneylanda çevrilməsinə gətirib çıxarmışdır. spekulyasiyaya cavab olaraq 80-ci illərin ortasında güclənmiş squatter hərəkatına qarşı isə amansız mübarizə aparılır, "squat" (zəbt) olunmuş yerləri polis yolu ilə zor gücünə boşaldırlar. zəbti qanunsuz edən qanunlar isə son bir neçə ildə qəbul olunmağa başlayır ki, bu da yenə də varlı, mülk sahibi insanların gücünə hüquqi güc qatır.

80-ci illərdə avropanın ən azad, mədəni olaraq ən aktiv, tolerant, insan çeşidliliyi ən yüksək olan şəhərlərindən sayılan amsterdam (bir digəri qərbi berlin idi), hal-hazırda varlıların gəlib bahalı hotellərdə qalıb, kanalların qarşısında şəkil çəkdirdiyi disneylanda dönüb. mədəni olaraq, squatter hərəkatının susdurulması ilə, underground mədəniyyətinin də üstünə su tökürlər ki, bu da mədəniyyəti ağ, steril, şüşəli və bahalı məkanlara sıxışdırır. və elə ən yaxşı bizim bildiyimiz kimi, şüşəli, bəzəkli həbsxanalarda sənət yaranmır.

9 əjdaha! 12.07.2016 18:57, atlı lobya

#221185 şikayət

azərbaycandan xaricə çıxanlara deyilən şeylər

+10 əjdaha

"brat, çalış özümüzkülərdən uzaq dur, onlardan adama xeyir gəlməz"
"bura gəlib neyniyəcəksəne, getmisən, kakraz, evlən, ev-eşik qur orda, rahat həyatını yaşa, kefsəne"

silinmiş entry.

10 əjdaha! 13.11.2015 18:50, atlı lobya

#187093 şikayət

40 satrap və çoban

+9 əjdaha

zənnimcə, odtüdə oxuyan sevgilisi onu marksist-leninist biri ilə aldatdığına görə əsəblərinə hakim ola bilməyən bir yoldaşımızdır. özünə səbr, uzun ömür və can sağlığı arzulayırıq. başın sağ olsun, rəis, həyatdı, olur belə şeylər.

silinmiş entry.

9 əjdaha! 09.01.2016 18:49, atlı lobya

#193822 şikayət

qaqaların dərin siyasi analiz birliyi

+11 əjdaha

Dünyanın bütün problemlərini o problemlərə baxmadan həll etmək gücündə olan kişi xeylaqları birliyidir. Feminizmi qadınlardan, lgbt haqlarını geylərdən, çevrə haqda alimlərdən, dünya siyasətini tarixin özündən (!) Daha yaxşı bilirlər, özü də heç biri haqda iki səhifə oxumadan! Təəssüf ki qloballaşma və insanların oxuma-yazma öyrənmələri bu qaqa qruplarını nəsli tükənmək təhlükəsi altında olan heyvanlar siyahısına salmışdır. Ona görə də, yoldaşlar, təklif edirəm ki, babalarımızdan bizə qalan bu tarixi irsi qoruyaq, onları hifz edək!

silinmiş entry.

10 əjdaha! 13.10.2019 14:29, atlı lobya

#290567 şikayət

maraqlı youtube kanalları

+8 əjdaha

Çoxu ingiliscə olacaq.

crash course link

: astromoniyadan ədəbiyyata qədər müxtəlif mövzularda videolar istehsal edən kanal. xüsusilə john greenin apardığı dünya tarixi, böyük tarix (big history) playlistinə baxmaq məsləhət olunur. (ing.)

scishow link

: elmi yeniliklər, beyninizi qaşıyan suallar və elmlə bağlı müxtəlif formatlarda videolar hazırlayan kanal. crash course'u düzəldənlər tərəfindən düzəldilir. (ing.)

minutephysics link

: fizika ilə bağlı hamı tərəfindən başa düşülə və mürgüləmədən baxıla bilən videolar hazırlayan kanal. (ing.)

La Blogothèque link

: tanınmış və tanınmamış musiqiçilərlə küçədə və ya digər ictimai məkanlarda çəkilən canlı performansları vizual olaraq maraqlı və keyfiyyətli bir formada çatdıran kanal.

real russia link

: şimal qonşumuzda vəziyyətin necə olduğu haqqında videolar hazırlayan, ingiliscə çox güclü danışdığına inanan mırt başqırdıstanlı qədeşin kanalı. (ing.)

cinema sins link

: hollywood filmləri ilə mırt tutan qədeşin kanalı. (ing.)

vihart link

: riyaziyyat və fizika ilə bağlı mövzuları maraqlı rəsmləri ya da başqa yollarla müzakirə edən bir xanımın (ən yaradıcı youtubeistlərdəndir özü, fikrimcə) kanalı. (ing.)

idea channel link

: hər həftə yeni bir populyar media obyektini (serial, komiks, və s.) götürüb onun haqqında maraqlı bir fəlsəfi iddia irəli sürüb, onu müzakirə edən kanal. (ing.)

synaps label link

: azərbaycan repində ən vacib reperlərin yığışdığı labelin youtube kanalı, keyfiyyətli videolar da buraxırlar.

mosfilm link

mosfilm kinolarının nəhəng arxivi.

azərbaycan kinosu link

: azərbaycan kinosunun youtube'da ən böyük arxivi; vusal1981 olaraq da bilinir.

numberphile link

: riyaziyyatla bağlı videolar istehsal edən kanal. (ing.)

silinmiş entry.

7 əjdaha! 03.11.2015 15:52, atlı lobya

#185780 şikayət

sumuer

+8 əjdaha

sözlüyün insanlığa etdiyi ən böyük zarafatdır.

8 əjdaha! 01.11.2015 19:55, atlı lobya

#185568 şikayət

birding azerbaijan

+10 əjdaha

azərbaycanda quş müşahidəsi ilə məşğul olan yoldaşların təşəbbüsü link

. Bloqlarında mütəmadi olaraq etdikləri müşahidələri, çəkdikləri şəkilləri və s. paylaşırlar. Lakin bloqla yetinməyib, nigar ağayeva ilə birlikdə Azərbaycanda Quş Müşahidəsi: Təbiət və Landşaft Bələdçisi (Birdwatching in Azerbaijan: A Guide to Nature and Landscape) adlı kitab link

da nəşr ediblər. Qarnı yekə daydaylar Beşbarmaq dağına maşın yolu çəkmək istəyərkən bu yoldaşlar Azərbaycanda yaşayan və ya buradan keçib gedən quşların qorunmasına, təbiətin bu hissəsinə olan diqqəti artırmağa çalışırlar. alınlarından öpür, uğurlar arzulayırıq. kitablarını alaraq təbiətimiz haqda, təbiətdə edə biləcəyiniz ən maraqlı zadlardan olan quş müşahidəsi ilə bağlı şeylər öyrənə bilərsiz.

silinmiş entry.

8 əjdaha! 28.02.2019 13:24, atlı lobya

#283902 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

atlı lobya

son bəyənilənlər:

oxuyucuların bəyəndikləri:

atlı lobya

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: