Z nəsli olmağın tək-tük üstün cəhətlərindən biri bolluca uşaqlıq şəkillərinin olmasıdır şübhəsiz. Ən çox sevdiyim şəkillərim arasında ilk 5-də olan o poza *
glş
Danışmadığım yaxın dostlarımla aramın düzəlməsini çox istəyərdim, amma inadım və kinim imkan vermir. Çox dostum yoxdur, açığı olması üçün həvəsli də deyiləm, yenə də səni anlayanların yanında olması xoş təsir bağışlayır. Heyif ki, artıq aramızdakı bütün bağları qoparmışam, bu gün üz-üzə gəlsək, salamdan o tərəfə keçməz söhbətimiz. Ona görədir ki, bir sözüm olanda deməyə, dərdləşməyə adam tapmıram. Siz mənim kimi etməyin, kiçik səhvləri bağışlamağı bacarın-*
Ad seçimində maraqlı addım atan üzvlərə sahib musiqi qrupu. Qrupun vokalisti tuna velibaşoğlu ad seçimini belə açıqlayır: Grup ilk kurulduğunda biz ingilizce cover’lar yapıyorduk. 2000 yılına kadar da böyle devam ettik. Fakat kendi bestelerimizi yapmaya başladığımızda ve dönem içerisinde de büyük konserler verip kitlelere ismimizi duyurmaya başladığımızda ismimizi Türkçe’ye çevirdik. Grubun ilk ismi aslında “Sex and Dirt”tü. Ama ismimiz duyulmaya başlayınca farklı bir şekilde değiştirmek yerine, o kitleyi de kaybetmemek adına “84” olarak değiştirdik. Yani doğum yılı veya başka bir anlamı yok.
Bir dəqiqə əvvəl rastıma çıxaraq qrupu xatırladan mahnını da atım onda*
glş
Artıq əzbərçi deyildir, çox savadlıdır. Əvvəl 125 testi düzgün həll edib bu balı toplamaq mümkün idisə, iki ildir kurikulumla hər şey tamam dəyişib.
indi imtahanlar üç dəfə (bu il istisna hal olaraq 2 dəfə) keçirilir. ilk iki imtahana girmək məcburidir (1-4 qruplar), balından razı olmayan abituriyent 40 azn ödəyib üçüncü blok imtahanına daxil ola bilərlər. Hansından yüksək bal topladınsa, sistem avtomatik olaraq onu götürür. iki imtahandakı ümumi sual sayı 175-dir. O cümlədən bura açıq tipli, situasiya tipli tapşırıqları da əlavə etsək, iş daha çətinləşir.
Deməyim odur ki, indi 700 yığana çox savadlı biri kimi baxılmalıdır. Çünki bizim nəsil bir imtahan və 125 testlə canını qurtarmır, iki mərhələ və 85-90 sualı yazmalıdır. Bu arada, kim deyirsə ki, siz 2-3 dəfə imtahan verirsiniz, şansınız çoxdur, ona inanmayın. Özümdən bildim, imtahanları verənə kimi canım çıxdı, universitetə olan həvəsim öldü. Əvvəlki sistem rahat idi, bu sistem isə əslində çoxdan tətbiq edilməli olan yoldur.
Buradan 10-11-ci siniflərə səslənirəm, siz-siz olun, məqsədinizi ən yuxarıdan keçirin, elə 700-ün özündən. Az bal yığım, keçidi keçim, çox yığan, 700 yığan oxumaqdan dəli olur deməyin. Hər şeyi həll etməsə də, əslində çox şeyi həll edir bu imtahan.
deniz baykal kimi parazitin rte ilə əl-ələ verib yürütdüyü qütbləşdirici elit müxalifəti ola biləcək ən qısa müddətdə passivləşdirib partiyanı və kadrlarını big tent halına gətirə bilmiş və yalnız bundan sonra nüfuzunu qaldıraraq seçkilərin favoritinə çevrilmiş əməkdar siyasətçi. Bu məşəqqətli yolda eşitdiyi hər cürə təhqir, gördüyü neçə-neçə hücum və sui-qəsdlər yolundan dönməsinə səbəb olmadı, elə buna görə də arzusuna nail olmağa bu qədər yaxınlaşa bildi.
illərdir ortabab iqtisadiyyat və sosial rifahın təmin olunduğu şəraitdə savadsızların, mənfəətgüdən şarlatanların və islamistlərin misilsiz dəstəyi ilə ölkəni idarə edən rte və akp-yə qarşı hərhansı bir qələbənin mümkünsüzlüyünü unudan ya da bilərək yadına salmayan kütlələr tərəfindən luzer adlandırılan bu şəxs:
1. 2014-də devlet bahçelinin təkidi ilə qalib olma ehtimalı olmayan ekmeleddin ihsanoğluna şərtsiz dəstək verdi, nəticədə məğlub oldular;
2. 2015-ci il seçkilərində Ərdoğan təkbaşına hökuməti qura bilmədiyi üçün bahçeliyə baş nazirlik təklif edərək birgə hökumət qurmağı təklif etdi, lakin bahçeli qəbul etmədi, nəticədə yüzlərlə insanın qanı bahasına 5 ay sonra Ərdoğan 50%-ə yaxın səs aldı;
3. 2017-də 69 yaşı olmasına baxmayaraq, millət vəkillərinin həbsinə etiraz etmək üçün Ankaradan istanbula yürüyüş təşkil etmiş, minlərlə insanı haqq, hüquq, ədalət şüarı altında birləşdirmişdi;
4. 2018-ci il seçkiləri ərəfəsində meral akşenerin iyi partisinin seçkilərdə iştirakına şərait yaratmaq üçün chp-nin 15 mamdatını müvəqqəti vermiş, beləcə "millət ittifaqı"nın əsasını qoymuşdur;
5. 2019-cu ildəki bələdiyyə seçkilərində baykalın elit baxış bucağına uymayacaq şəxslərin namizəd olmasında dirəşərək illər sonra istanbulu, ankaranı və digər böyük şəhərləri müxalifətə qazandırmışdır.
Bu və ardınca atılan konstruktiv addımlarla illər sonra müxalifəti qələbəyə yaxınlaşdıran adam heç cürə luzer hesab olunmamalıdır, oluna bilməz. indiyə kimi məğlub olduğu seçkilərdə payı olanlar bu gün ona müxtəlif ittihamlar irəli sürsələr belə, dövlətçilik mədəniyyətinə sahib olan və seçkiqabağı təşviqat kampaniyasında gözlənilməz nəticələr göstərən kılıçdaroğlu türkiyənin ikinci yüzilliyinin memarı olacaq. Onunla birgə Azərbaycanın da taleyinin dəyişəcəyinə inanıram və səbirsizliklə bir həftə sonrakı nəticələri gözləyirəm.
Uğur olsun, bay kemal!-*
1929-39-cu illəri əhatə edən və dünyanın gördüyü ən ağır iqtisadi böhrana verilən ad. böhranın başlanğıc nöqtəsi 1929-un oktyabrında wall street-də yerləşən nyu-york birjasında yaşanan çökmə oldu.
1929-cu ilə qədər abş iqtisadiyyatı davamlı artım müşahidə edilir, bu artım birjaya da öz təsirini göstərirdi, beləliklə 1929-cu ildə səhmlərin qiyməti maksimum səviyyəyə çatmışdı. lakin iqtisadiyyatın sənayə, kənd təsərrüfatı, bank sektoru, xidmət sahəsi kimi qollarındakı durğunluq böhranın xəbərçisi idi; işsizlik artmış, problemli kreditlərin həcmi böyümüş, quraqlıqla birgə əkilən sahələr azalmışdı.
1929-cu ilin 24 oktyabrında böhranın yaxınlaşdığını görən səhmdarlar birjadan tezliklə çıxmaq üçün yüksək qiymətdən bütün səhmlərini satmağa başladılar və bu da birjanın çökməsinə gətirib çıxardı ki, tarixdə həmin gün black thursday adlanır. Hesablara görə həmin gün ümumillikdə 13 milyona yaxın səhm satışa çıxarılmışdı.
bu böhran yalnız amerika qitəsi ilə sərhədlənmədi; birinci dünya müharibəsindən sonra yenidən ayağa qalxmaq üçün abş-dan kredit alan və ödəməkdə çətinlik çəkən avropa ölkələri böhranı çox daha ağır yaşamağa başladılar. sözsüz ki, bunun avropaya təsiri yalnız iqtisadiyyatla sərhədlənmədi - başda adolf hitler olmaqla ikinci dünya müharibəsinə addımlayan sağçı faşist liderlərin doğulmasına səbəb olmuşdu. (1925-ci ildə italiyada benito mussolini, 1933-cü ildə almaniyada adolf hitlerin hakimiyyətə gəlməsində, belçikada, danimarkada, finlandiyada, ispaniyada, isveçrədə sağçıların səsləri artmışdı.)
bank sektorundan söhbət açmışkən böhranın ilk illərində problemli kreditlərin həcminin genişləməsi nəticəsində 1931-33-cü illər arasında yüzlərlə abş bankı batdı. dövlətin bazara müdaxiləsinə qarşı çıxan hoover 32 seçkilərində franklin delano rooseveltə uduzur. Ruzveltin yeni xətt siyasəti abş tarixində dövlətin iqtisadiyyatda ilk dəfə bu qədər üstünlüyü ilə müşahidə edilmişdi. fed-in yaradılması ilə bazarda tənzimləmələr müşahidə edilir, və beləcə böhran səngiməyə başlayır.
nə qədər mübahisəli olsa da, ilk dəfə ötən əsrin 20-ci illərində amerikan iqtisadçısı george taylor tərəfindən dilə gətirildiyi düşünülən, qadınların geyindiyi ətəklərin uzunluğu ilə iqtisadi vəziyyət arasında qarşılıqlı əlaqənin olduğunu iddia edən fenomen. indeksə əsasən, iqtisadi bumun müşahidə olunduğu rifah dövrlərində qadınların qısa ətəklərə üstünlük verdiyi, həmin dövrə xas olan dəb trendində daha cəsur dizaynların edildiyi, lakin iqtisadi durğunluq və geriləmə şəraitində isə qapalı geyimlərdən və uzun ətəklərdən istifadə edildiyi iddia edilir. Aşağıdakı info-qrafikdə təxminən 100 illik zaman kəsiyində ətək uzunluğu və səhm bazarları arasındakı korrelyasiya əks olunub:
Məsələn, qrafikdən göründüyü kimi, verilmiş zaman kəsiyində ən uzun ətək boyu 1929-30-cu illərdə müşahidə olunub, yəni the great depressionun başlanğıcında. Və ya ikinci dünya müharibəsindən sonra başlayan sakitlik dövründə sivil dünya quruculuğu istiqamətində böyük addımların atıldığı, british invasion və hippi hərəkatı kimi axımların geniş yayıldığı 60-cı illərdə yenidənqurma ilə gələn rifahın təsiri ilə dəbdə olan ətəklərin uzunluqları da qısalıb:
Qiyasdan fərqli olaraq demək olar ki, ortalarda görünmürdü. Səhv etmirəmsə, neçə vaxtdır da Türkiyədə yaşayırdı, bura ilə bağlarını qoparırdı. Heyif oldu sadəcə, 20-li yaşlarının başında boş bir şey üstündə həbsə girib bütün həyatını alt-üst edəsən, tam hər şeyi yoluna qoymuşkən (intihardırsa, yolunda deyilmiş demək) 26 kimi bir yaşda bu həyatdan köçüb gedəsən.
Ağır gəlir insana.
Not: rest in peace! Biz-siz-hamımız heç kimin vecinə deyilik, nə qərblilərin, nə şərqlilərin.
Düzgün yeniliklər edən qurum. 2020-ci ilin dekabrında nazirlər kabineti tərəfindən beynəlxalq münasibətlər və regionşünaslıq ixtisaslarının yenidən 3-cü ixtisas qrupuna qaytarılması qərar a alınmışdı. iki gün əvvəl isə mərkəz birinci və üçüncü qrupların iki yarım qrupa bölünməsi xəbərini elan etdi. düzəlişə əsasən, 3-cü qrup 2022-ci ildən tarixi-coğrafiya(tc) və dil-tarix(dt), 2023-cü ildən isə 1-ci qrup riyaziyyat-informatika(ri) və riyaziyyat-kimya(rk) olmaqla iki yerə bölünəcək. bm və regionşünaslıq tc yarımqrupunda, yerdə qalan ixtisaslar isə dt yarımqrupunda, informatika yönümlü*
informasiya texnologiyaları, informasiya təhlükəsizliyi, kompüter elmləri və s.
ixtisaslar ri yarımqrupunda, mühəndislik ixtisasları isə rk yarımqrupunda olacaq.
sənəd qəbulu zamanı abituriyentin istəyindən asılı olaraq bir ya da iki yarımqrup üzrə qeydiyyatdan keçirilə bilər. Məsələn, rk üzrə blok imtahanını verən tələbə bir müddət sonra informatikadan fərq imtahanını da verərək ixtisas seçimində bütün ixtisasları kodlaşdırma şansı əldə edəcək. Həmçinin, informatika imtahanının bir müddət sonra kompüterlə təşkil edilməsi nəzərdə tutulur.
Azərbaycanlılar yenə hay-küylə, bilib-bilmədən qərarlara qarşı çıxırlar əlbəttə. Qram təəccüblü gəldisə...-*
azәrbaycanın müsәlman dünyasının bir parçası olması özü ayrı ironiyadır. azәrbaycan vә mәncә qazaxıstan әsas dini islam olub dindәn әn uzaq yaşayan ölkәlәrdir. Ki bunun nәyi pisdir? türkiyә, qırğızıstan, әfqanıstan kimi yozlaşmaqdansa belә hәyat daha yaxşıdır.
Qlobal Sülh indeksinə əsasən, islandiya 2008-ci ildən bəri dünya birincisidir. Bu ada ölkəsinin ordusu yoxdur, NATO və ABŞ-ın hərbi qoruması altındadır. Buna baxmayaraq, XX əsrdə islandiya 3 dəfə müharibə edib və üçündə də qələbə qazanıb. 1 island mühəndisin və 1 ingilis balıqçının həyatını itirdiyi deyilən bu müharibələr tarixdə Treska müharibələri (ingilis dilində "Cod wars”) adlanır.
1944-cü ildə özünü müstəqil respublika elan edən islandiyanın bir əsas problem var idi: ada resurslar cəhətdən kasıb idi. Ancaq islandiya sularında balıq, xüsusilə də treska bol idi. 60-cı illərdə islandiya ixracının demək olar ki, 90%-i bu balıq növündən asılı idi.
Britaniya balıqçıları isə islandiya sahillərindəki çoxsaylı treskaları ovladığından islandiyaya rəqib kimi çıxış edirdi. Faktiki olaraq Böyük Britaniyanın bu sularda balıq ovlamaq hüququ var idi, çünki islandiyanın nəzarətindəki sular sahildən cəmi 3 dəniz mili (1 dəniz mili=1,8 km) uzağa qədər olan sahəni əhatə edirdi.
1952-ci ildə islandiya öz ərazi sularını 4 dəniz milinədək artırdığını bildirdi və bu ərazidə kənar balıqçılığı qadağan etdi. Britaniya bu qərarı qəbul etmədi və islandiyadan treska idxalını boykot etdi. Qərar əvvəlcə islandiyaya zərbə vursa da, Soyuq müharibədə Qərbin düşməni olan SSRi balığın böyük bir hissəsini idxal etməyə başladı. Bunu görən ABŞ da islandiyadan balıq idxalına başladı. Britaniya isə boykotun nəticəsiz qaldığını görüb islandiyanın qərarını qəbul etməli oldu.
1958-ci il sentyabrın 1-də islandiya ərazi sularını 12 dəniz milinə qədər genişləndirdi və sahil mühafizəsi bu qaydanı pozan traulerləri saxlamağa başladı. Cavab olaraq Britaniya ingilis traulerlərini qorumaq üçün Kral Donanmasının 43 hərb gəmisini əraziyə göndərdi. Britaniyaya güc yolu ilə qalib gələ bilməyəcəyini anlayan islandlar hiylə işlətməyə başladı: traulerlərin torlarını kəsən alətlər düzəldib ingilislərin uzun və bahalı torlarını ucdantutma kəsmək kimi. Lakin Birinci Treska müharibəsini qan tökmədən həll etmək mümkün oldu. 1961-ci ildə Britaniya və islandiya kompromisə getdi: Böyük Britaniya islandiyanın 12 millik zonasını tanıdı, islandlar isə ingilis balıqçılarına 3 illik balıq tutmaq icazəsi verdi. Bununla yanaşı birinci treska müharibəsinin sonunda qarşıdurma ilə bağlı gələcək münaqişələrin beynəlxalq ədalət məhkəməsində həll ediləcəyi ilə bağlı razılaşma əldə edildi.
ikinci Treska müharibəsi 1972-ci ildə başladı: islandiya yenidən balıqçılıq zonasını genişləndirdi, bu dəfə 50 mil, yəni 92 kilometrə qədər. Britaniya isə yenidən islandiyalıların oyunun qaydalarını dəyişdirməsini tanımaqdan imtina etdi, əlavə olaraq bu dəfə Qərbi Almaniya balıqçıları da qərara riayət etmədi. Bu müharibədə islandlar ingilis traulerlərinin torunu kəsməyə və ingilis gəmilərini sıxışdırmağa davam edirdilər. 1973-cü ildə isə NATO-dan ayrılmaq təhdidləri nəticəsində islandiya 50 millik zonada hüquqlarını təyin etdi. Birləşmiş Krallıq isə yenidən bu ərazidə balıq ovu hüququ əldə etdi, lakin məhdud ərazilərdə və ildə 130 min tondan çox olmamaqla.
Noyabr 1975-ci ildə başlayan Üçüncü Treska müharibəsi isə müharibələrin ən çətini oldu. islandiya yenidən 1975-ci ildə balıqçılıq zonasını hazırkı müstəsna iqtisadi zona genişliyinə qədər artıraraq vəziyyəti ağırlaşdırdı: yeni zona sahildən 200 milə qədər uzanırdı. Burada ada hökumətinin icazəsi olmadan balıq ovu brakonyerlik elan edildi.
Böyük Britaniya mübahisəli sulara 22 freqat, 7 təchizat gəmisi, 9 qayıq və 3 köməkçi gəmi göndərdi. Bu donanma 40 trauleri müdafiə edirdi. Hərbi cəhətdən islandiya ingilislərə qarşı çıxa bilməzdi. Sahil mühafizəsi adi atıcı silahla silahlanmış 100 nəfərlik heyətdən ibarət idi. Buna görə də islandiyalılar ingilis balıqçıları ilə kustar vasitələrlə vuruşurdu: torlarını kəsir və vintləri əymək üçün ora kabellər atırdılar.
19 fevral 1976-cı ildə islandiya Böyük Britaniya ilə diplomatik münasibətləri kəsdi. islandiya limanları Birləşmiş Krallığın hərbi və mülki gəmiləri üçün bağlandı. Ölkə tərəfdaşlarını NATO-dan çıxmaq və ABŞ üçün strateji əhəmiyyətli hərbi obyekt olan Keflavik şəhərindəki hərbi bazanı bağlamaqla hədələdi. islandiya Sahil Mühafizəsinin direktoru SSRi-dən hərbi gəmi almaq planlarını açıqladı.
Təbii ki, islandiyanın belə ciddi bir alış üçün maliyyəsi yox idi. Lakin SSRi "düz yol tutan və təcavüzkar NATO blokundan ayrılan" islandlara pulsuz yardım etməkdən çəkinməzdi. ABŞ isə Sovetlərin "dünya imperializminə qarşı mübarizədə islandiya işçilərinə" kömək etməyə nə qədər hazır olduğunu yoxlamamaq qərarına gəldi və Birləşmiş Krallığa təzyiq göstərməyə üstünlük verdi.
NATO vasitəçiliyi ilə 2 iyun 1976-cı ildə yeni bir müqavilə bağlandı. Bu, islandiyanın 200 millik iqtisadi zonada hüquqlarını müəyyənləşdirdi. ingilis balıqçıları da MiZ daxilində ildə 50 min tona qədər balıq tuta bildilər. Amma eyni vaxtda zonada 24-dən çox nəqliyyat vasitəsi ola bilməzdi. Balıqların kürü qoyduğu yerlər isə balıqçılıq üçün tamamilə bağlandı.
Öz əhəmiyyətini itirdiyini düşünürəm. Sanki üçüncü bir əl gələcək və iki tərəfi də sakitləşdirəcək. Bir gün gecə yatacayıq, səhər oyananda artıq döyüşlər bitmiş olacaq. Ortada qalan isə post-müharibə dövrünə məxsus problemlər qalacaq ki, onlardan da ən böyüyünü Moody's açıqlayıb - bank sektorunun tənəzzülü.
Bir neçə il əvvəl manatın ilk devalvasiyası olanda ölkədə nə qədər bank bağlanmışdı, o zaman neftin var, ya yox olmağı ölkəyə təsir etmədi. istehsal zəif olduğu üçün istehlak mallarının demək olar ki, hamsının (hətta yerli istehsal məhsulları da) qiymətini kəllə-çarxa çıxdı. Onun cəriməsini hələ də çəkirik, demək hələ uzun müddət də çəkəcəyik.
Mən bu müharibə başlayana kimi müharibəyə qarşı olmuşam, əvvəlki entrylərim buna sübut olar. Amma müharibə başlayanda emosiyalarımı qorumaq bahasına qələbə üçün ümidləndim, hələ də ümidliyəm, orası ayrı. Amma hər gün eşitdiyim bir şəhid xəbəri, insanların bir kənd uğruna küçələrdə mahnılarla, siqnallarla bayram etməsi, digər tərəfdən isə şəhid ailələrini, yaxınlarını görmək məni çox sıxır. Ətrafda demək olar ki, hər kəs mövcud hakimiyyəti dəstəkləyir, tərifləyir, hətta Heydər Əliyevə "gözünüz arxada qalmasın, oğlunuz torpaqlarımızı geri alır" mədhiyəsi düzür. Mənim üçün o kuliminasiya nöqtəsi məhz o şərh oldu. Bizim ən zəif nöqtəmizi çox yaxşı tutublar, mənə belə cənab prezident <3 yazdıran rejim bu millətə nələr eləməz?
Bundan sonra öz təmkinliyimi qoruyacam. Azərbaycanlılar tırkaya tez gedirlər, mən də tez gedirəm. innən sonra cənab prezident yazan entrym olsa, bu entry nömrəsini mənə ürək sözlərinizlə çatdırın zəhmət olmasa. Tez qələbə qazanmaq və daha çox cırılan maska görməmək ümidi ilə...
Sözlükdə haqqında məlumatın az və güncəl olmaması, həmçinin ötən il özümün axtarışda qalmağımı nəzərə alıb hazırlıq və qəbul mərhələsi barədə bir-iki şey yazmaq istədim. Zamanla tədris səviyyəsini gözümdə ölçüb, əlavələr edərəm-*
Əvvəla, SABAH (savadlı, bacarıqlı, hazırlıqlı) qrupları 2014-cü ildə Təhsil Nazirliyi tərəfindən yaradılan xüsusi layihədir. Bir neçə Dövlət universitetində müəyyən ixtisaslar üzrə birinci kursu bitirmiş tələbələr arasında 3 mərhələli seçim aparılmaqla qəbul həyata keçirilir. üstünlükləri ödənişsiz və tam təchizatlı xüsusi sabah yataqxanasının təsis edilməsi, Azərbaycan bölmələrində ingilis dili tədrisinə xüsusi diqqətin ayrılması, ingilis bölməsini bitirən məzunlara ielts əvəzedicisi olan 6.5 ballıq sertifikatın verilməsi, əsasən gənc və peşəkar müəllimlərin çalışmasıdır. SABAH-da Hər ixtisas yalnız bir universitetdə tədris olunur . Məsələn, əgər siz adnsu-da it üzrə oxuyur və sabah-a qəbul olmusunuzsa, yerdə qalan 3 ili aztu-da davam etdirəcəksiniz. Bir növ perevod kimi, amma kəsr olmadan və əgər dövlət sifarişli təhsil alırsınızsa, pulluya keçmədən. Bir də əsas nəzərə alınmalı nüans iki universitet arasında ilk kursda tədris olunan fərqli fənlərin sayıdır, dəqiq limiti bilmirəm, sənəd vermək istəyəndə mütləq öyrənin. Əks halda sizin sənədiniz qəbul olunmur.
Hesablama qaydası hər göstərici üçün maksimum 25 bal götürülərək müəyyənləşdirilib. Əvvəlki illərdə müsahibə mərhələsi 10, yerdə qalanlar 30-dan götürülürdü. Müsahibənin çəkisinin artırılması doğrudur, ya yanlış, adamına görə dəyişər-*
Gəlim hazırlıq mərhələsinə. Bunun üçün təkcə unec-in nəznində hazırlıq kursu fəaliyyət göstərir ki, getdiyim dövrdə bir çox universitetdən tələbələrin də burada hazırlaşdığına şahid olmuşam. Universitetlərdən əlaqəsiz hazırlaşdıran kurs/repetitorlar tapa bilərsiniz, lakin sənəd qəbulundan müsahibə mərhələsinə qədərki dövrdə hər cür yardımı ala bilmək üçün universitetin kursunu məsləhət görərdim.
O ki qaldı fərdi hazırlığa, mən kursla yalnız məntiqə fevraldan hazırlaşıb son 1 ayda fərdi hazırlığa keçdiyimdən ya fərdi hazırlaşmağı, ya da fərdi başlanğıc götürüb son 1-2 ayı kursda hazırlaşmağı məsləhət bilərdim. Aylar boyunca müəllimlə hazırlaşıb kəsilən, həmçinin fərdi hazırlaşıb qəbul olan xeyli tələbə oldu, nə edəcəyinizə özünüz qərar verin.
ingilis dili hazırlıqlarını bəyənmədiyimdən bir ay olmadan dayandırıb fərdi hazırlaşdım. imtahanda 45/50 nəticə göstərdim, amma bunu bu ilki imtahanın dilyönümlü olması ilə əlaqələndirirəm, qrammatika əsaslı olsaydı, daha az gələcəkdi-* buna da vəziyyətinizə görə qərar verin, ingilis dili biliyiniz yaxşıdırsa, fərdi də hazırlaşa bilərsiniz.
imtahanda 100 sual təqdim edildikdə 2 saat, 50 sual təqdim edildikdə 90 dəqiqə vaxt verilir. Məntiq sualları çətin olduğundan bir sualın üstündə qalmamağa çalışın, çünki sizin müsahibə mərhələsinə keçid imkanınız imtahandan asılıdır. Bu ilə qədər hər fənn üzrə 50% limiti tətbiq edilirdi, yəni hər fəndən sualların ən azı yarısını doğru yazanlar müsahibəyə buraxılırdı. Bu ildən isə keçid balları imtahan nəticələrindən asılı olaraq müsabiqə əsasında formalaşır. Azərbaycan bölməsi üçün məntiqdən, ingilis bölməsi üçün isə həm məntiq, həm də ingilis dilindən keçid balı söhbəti var, bacardığınız qədər çox suala baxıb həll etməyə səy göstərin.
imtahandan təxminən 1 ay sonra müsahibə mərhələsi təşkil edilir. iki ildir onlayn şəkildə Microsoft teams platforması ilə keçirilən müsahibə mərhələsində hər namizədə 5-10 dəqiqə arası vaxt ayrılır və özünü təqdim, "niyə sabah? sualı, o cümlədən dünyagörüşü, ixtisas əsaslı suallar verilir. Buradan yüksək bal almağınız tamamilə şansa qalıb, çünki müsahiblər bir-birindən çox fərqlənirlər: dayaz suallar verib yüksək bal yazan da var, birinci kursu bitirənə yuxarı kursda tədris edilən fəndən sual verən də, yatsan yuxuna gəlməyəcək mövzuda sual verən də. Ona görə müsahibəyə ixtisasyönümlü hazırlığı mənasız hesab edirəm, nə ilə qarşılaşacağınız naməlumdur-*
Bütün mərhələləri keçdikdən sonra uzun bir gözləmə periodu olur ki, bu zaman ixtisasınız üzrə ayrılan yer sayına uyğun keçid balı formalaşdırılır, sonda keçib-keçmədiyinizlə bağlı məlumat kabinetinizdə paylaşılır. Deyim ki, sonluğu nə olur-olsun, maraqlı bir təcrübə olacaq sizin üçün. Ümidvaram, məlumatlarım kiməsə yararlı olar, hər birinizə uğurlar arzulayıram-*
Haqq yolunu yap yolunda görən eks-cəpəçi, özünü babat biabır edib bu gün -* mehman hüseynov yalanını üzə çıxardıqdan sonra səssizcə paylaşımını silər yəqin -*
köçəri həyat tərzi yaşayan insanlarının qeyri-adi bir ənənəsi olduğu ölkə. belə ki, tayfadan biri ölsə, o insan dərhal dəfn edilmir. ölünün nəşi yuyulduqdan sonra onu yatağa uzadırlar və növbəti gün səhərə qədər yaxınları onun yanında qalıb ölü ilə "söhbət" edirlər. səhəri gün isə ölünü basdıranda onun yanına atının quyruğunu və dırnağını da qoyurlar. çünki at qazaxların və xüsusən də köçəri tayfaların simvolu hesab olunur və fərziyyələrə görə, tarixdə ilk dəfə məhz qazax torpaqlarında atlar əhliləşdirilib.
bu sifarişi verən: Omnia mutantur nihil interit (baxma: fascists of the future will call themselves anti-fascists)
Ədalət savaşçıları kimi adlandırılan, amma bu adın onlara məsxərə üçün qoyulduğu bir qrup insan. Sjw tayfası hər şeydən özlərinə pay çıxarmağı borc bilir və onlarin fikirlərinə uymadığınız müddətcə ahanda yuxarıdakı kimi bizi faşist, özlərini anti-faşist adlandırırlar. Feminizm, veganlıq/vegetarianlıq, black lives, fat women, lgbt kimi mövzuları çürüdə biləcək gücə sahibdirlər.
Dünən gördüyüm və başlıq açmaq qərarına gəldiyim hadisənin qəhrəmanı. haqqın.az ın yazdığına görə 23 yaşlı gürcü it mütəxəssisi tamar 3 yüksəkvəzifəli gürcü məmurun qarabağa silah təchizatı etməsi ilə bağlı fayllar ələ keçirib. Bundan sonra tamar təhdid mesajları almağa başlayıb. Tamar 18 iyul səhər şəxsi avtomobili ilə evdən çıxıb və bir daha geri qayıtmayıb. Ondan xəbər ala bilməyən ailəsi axtarışlara başlayıb və axtarışın 5-ci günündə tamarın cəsədi tiflisin 65 kilometrliyindəki avtomobilinin arxa oturacağında tapılıb. Polis orqanları məsələ ilə bağlı intihar ehtimalı üzərindən cinayət işi açsalar da, ailəsi gizli sənədlərlə bağlı təhdidlərin nəticəsi kimi qəbul edir və gürcü dtx-nın da ölümdə əli olduğunu bildirir. Anası türkiyə və azərbaycan tərəfinin məsələ ilə maraqlanmalarını və həmin gizli faylların gürcüstandan tələb etmələrini xahiş edir.
ikinci dünya müharibəsindən sonra qalib dövlətlərin (abş, böyük britaniya, fransa və ssri) almaniyanı hərbi cinayətə cəlb etdikləri mühakimələrin keçirildiyi məhkəmədir. əsas məqsəd nazi rəhbərlərinin cəzalandırılması olsa da, adolf hitler olmaqla nazi rəhbərlərinin və zabitlərinin çoxu məğlubiyyətdən sonra intihar etmişdi. yerdə qalan 24 nazi öncülü isə qalib ölkələrin təyin etdiyi hakimlərin qarşısına çıxdı. mühakimələr zamanı 4 cinayət ələ alınmışdı: sülhə qarşı törədilən cinayətlər, insanlığa qarşı törədilən cinayətlər, müharibə hüququnun pozulması ilə törədilən müharibə cinayətləri və cinayətlərin ortaq plan və sui-qəsd prosesi vasitəsilə törədilməsi.
təqsirləndirilənlərin çoxu əvvəl əmr qulu olduqlarını ifadə etsələr belə, daha sonra günahlandırmaları qəbul etdilər. mühakimə edilən 24 nəfərdən 12-i edama məhkum edilmiş və 1946-cı ilin 16 oktyabrından nürnberq məhkəməsinin idman zalında edam olunmuşdular :
1. Hermann Göring - hitlerdən sonra ikinci adam nasist almaniyasının ən yüksək rütbəsi olan reyxmarşala sahib hərbçi. edamına az qalmış zəhər içərək intihar etmişdi.
2. hans frank - nasist almaniyasının hüquqşünası
3. Wilhelm Frick - 1933-1945-ci illər ərzində nasist almaniyasının daxili işlər naziri
4. Julius Streicher - almaniyanın media rəhbəri adlandırılırdı və əsas qəzet nəşriyyatlarından birinin sahibi
5. Alfred Rosenberg - aryanizm teoreminin araşdıran və almaniyada tətbiq edən şəxs
6. Ernst Kaltenbrunner - təhlükəsizlik baş idarəsinin rəhbəri və hərəkat qoşunlarında yəhudi və kommunistlərin ölüm əmrini verən şəxs
7. Joachim von Ribbentrop - xarici işlər naziri
8. Fritz Saucker - nasistlərin qul işçi proqramının səlahiyyətli rəhbəri
9. Alfred Jodl - nasist ordusunun marşal rütbəli üzvü. edamından sonra alman məhkəmələri tərəfindən bəraət almışdır.
10. Wilhelm Keitel - nasist ordusunun general-feldmarşalı və hitlerin ən yaxın adamlarından biri.
11. Arthur Seyss-Inquart - işğal altındakı polşa avstriya və niderlandın baş idarəsində çalışan şəxs
12. Martin Bormann - hitlerdən sonra ən vacib adamlardan biri olan rudolf hess-in sağ qolu. edam qərarına qədər 1945-ci ilin mayında öldü və buna görə qiyabi olaraq edama məhkum edilmişdi.
edam olunmayan digər təqsirkarlar:
ömürlük həbsə məhkum edilənlər
- Rudolf Hess - hitlerin səfiri
- Walther Funk - iqtisadiyyat naziri
- Erich Raeder - nasist almaniyasının donanma komandiri
10-20 illik həbsə məhkum edilənlər:
- Karl Dönitz - alman donanmasının rəhbəri və hitlerdən sonra ölkənin müvəqqəti rəhbəri
- Baldur von Schirach - viyananın idarəçisi
- Albert Speer - hitlerin ən yaxın dostlarından biri olan memar və ölkənin silahlandırma naziri
- Baron Konstantin von Neurath - hitlerlə yolunu ayıran azsaylı şəxslərdən biri. 1943-cü ildə vəzifəsindən istefa vermişdi.
bəraət alanlar:
- Hjalmar Schacht - nasistlərin önəmli iqtisadçılarından biri
- Franz von Papen - dövrün avstriya və türkiyə səfiri. nürnberq məhkəməsindən xilas olsa da daha sonra almaniya müharibə məhkəməsində 8 illik cəza almışdı.
- Hans Fritzsche - təbliğat nazirliyinin şöbə müdiri.
bu tribunalın əks-sədası uzun illər davam etmiş və filmlərə mövzu olmuşdu. 1961-ci ildə çəkilən judgement at nuremberg filmi 2 oskar mükafatı almışdır. bunun ardınca 2000-ci ildə 3 golden globes mükafatlı "nuremberg" və 2006-cı ildə "Nuremberg: Goering's Last Stand" filmləri çəkilmişdir.
Səhərdən etibarən səhifələr bunun dezinformasiya olduğunu car çəkirlər. Amma aprel döyüşləri də belə başlamışdı. Doğru-düzgün məlumata da çata bilməyəcəyik yenə. Heç yadımdan çıxmaz, aprel döyüşlərində show tv 150+ ölüm olduğunu titrda bildirmişdi, reklamlardan sonra işıq sürəti ilə yığışdırıldı. Ondan sonra da heç bir yerli&xarici media qurumunda o rəqəmləri görmədik. Təki bu dəfə elə hadisələr yaşanmasın, amma nəsə yaxşı şeylər olmur ki, bu qədər gizlədirlər.
Qeyd: olan yenə günahsız əsgərlərə, fəryad çəkəcək analara, daxilən parçalanacaq atalara olacaq. "Hər şey vətən üçün" mövzusu da ancaq kasıblara aid olacaq.
Mühit, kasıblıqdan daha mühüm səbəbdir. Mən hələ də kiçik şeylərlə günümü gözəlləşdirməyi bacarıram, təki bunu canı-könüldən istəyəsən. Amma özünü görmədiyim çevrədə irili-xırdalı heç nə bu həyatı (bəli, təkcə gəncliyi yox, istənilən yaş dövrünü) doyaraq yaşamağa imkan yaratmır, yaratmayacaq.
Özümə lazımlı mühit qurduğum və qurmağa davam edəcəyim üçün həyatımın istənilən mərhələsini sevərək və istəyərək yaşamaqda qərarlıyam. Səhv zamanda doğulduğumu düşünənlərdənəm həm də-*
)
a alınmışdı. iki gün əvvəl isə mərkəz birinci və üçüncü qrupların iki yarım qrupa bölünməsi xəbərini elan etdi. düzəlişə əsasən, 3-cü qrup 2022-ci ildən tarixi-coğrafiya(tc) və dil-tarix(dt), 2023-cü ildən isə 1-ci qrup riyaziyyat-informatika(ri) və riyaziyyat-kimya(rk) olmaqla iki yerə bölünəcək. bm və regionşünaslıq tc yarımqrupunda, yerdə qalan ixtisaslar isə dt yarımqrupunda, informatika yönümlü*
informasiya texnologiyaları, informasiya təhlükəsizliyi, kompüter elmləri və s.
ixtisaslar ri yarımqrupunda, mühəndislik ixtisasları isə rk yarımqrupunda olacaq. 
