euronews

icazəni necə, nə cür və nə qarşılığında alıblar, bilmirəm, amma Azərbaycanda ofis və təlim akademiyasını açmağa hazırlaşan fransa mənşəli beynəlmiləl kanal. Artıq öz saytlarının karyera bölməsində bakı üçün iki vakansiya paylaşılıb:
1. ANCHOR - PRODUCER - EURONEWS AZERBAIJAN
/>
2. Academy Manager– EURONEWS AZERBAIJAN
(link: jobs.euronews.com/en/our-offers/academy-manager-euronews-azerbaijan-1371

Bakı ilə yanaşı, Özbəkistanın paytaxtı daşkənddə də ofis açılacaq paylaşılan elana görə.

baku steel company

185 milyonluq yeyinti nin ardınca rəhbərlik səviyyədə tərkibinin yenilənməsinin ardınca iqtisadiyyat nazirliyi ilə yeni yola girməyə hazırlaşan şirkət, ölkənin venalarından biri.
belə ki, fevral ayında italiyanın ən böyuk polad istehsal edən şirkəti Acciaierie d'Italia (ADI)-nin satınalınması ilə əlaqədar Azərbaycan və Hindistanın şirkətləri tərəfindən italiya hökumətinə təkliflərin göndərildiyi xəbəri verilmişdi . mənbəyə görə, Azərbaycandan adıçəkilən şirkət prezidentin ötən ilin dekabrında imzaladığı fərmana əsasən yaradılan Azərbaycan Biznesinin inkişafı Fondu ilə birgə yaratdığı konsorsium ilə Hindistanlı Jindal Steel International-dan daha yuxarı məbləğdə (1 milyard avro) təklif irəli sürərək potensial alıcıya çevrilmişdir. Ötən həftə yayımlanan xəbər lə artıq tərəflər arasında danışıq prosesinin başlayacağı elan edilmişdir.

Əlavə məlumat kimi bildirim ki, yeni yaradılan fondun hazırda mövcud olan sahibkarlığın inkişafı fondu və Azərbaycan investisiya şirkətinin birləşməsi yolu ilə təşkil ediləcəyi , bu səbəbdən ilin əvvəlindən sif-də ixtisarların getdiyini bir mənbədən öyrənmişdim -*

eurovision 2024

müsabiqənin icra komitəsindən verilən rəsmi açıqlamaya əsasən, Niderland təmsilçisi joost klein yarımfinal gecəsi səhnə arxasında baş verən münaqişəyə görə isveçdə haqqında iş açılması səbəbindən müsabiqədən kənarlaşdırılıb .

Açıqlamada münaqişənin hansısa bir ölkənin (yəni, israil) deleqasiya nümayəndəsi ilə yox, işçi heyətindən biri ilə baş verdiyi qeyd edilsə də, iki gündür ki, israil nümayəndələrinin başda joost olmaqla, irlandiya, ispaniya və Yunanıstan təmsilçilərinə, eləcə də deleqasiya nümayəndələrinə ilişdiyi, hədə-qorxu gəldikləri haqqında söhbətlər gəzir. Əslində, bu söhbətlərin yaranmasına səbəb israilin mahnısının müəllifi olan keren pelesin instagramda bir-birinin ardınca paylaşdığı storylər oldu:



Joost-un kənarlaşdırılmasına əsas səbəb kimi mətbuat konfransında israil təmsilçisi eden golana qarşı rəftarı düşünülür:

.

.

amerika birləşmiş ştatları

Yaxın günlərdə konqresində Azərbaycanın güc və məhkəmə strukturlarından olan şəxslərə qarşı sanksiya tətbiqinə qərar verilməsi ehtimal olunan ölkə. alex Raufoğlunun məlumatına görə, başda quru qoşunlarının komandanı hikmət Mirzəyev, dövlət təhlükəsizliyi xidmətinin rəisi əli nağıyev, dövlət sərhəd xidmətinin rəisi elçin Quliyev hərbi polis idarəsinin sədri Elgün Əliyev kimi şəxslər olmaqla, ümumilikdə 41 nəfərlik siyahı bir qrup konqresmen tərəfindən təqdim ediləcək. Sanksiya tələbinin əsasən Qarabağ əməliyyatlarının, erməni əsirlərin, habelə son aylarda davam edən kütləvi həbslərin fonunda formalaşdığı qeydə alınıb.

.

qazax

Ermənistanla aparılan delimitasiya müzakirəsinin uğurlu keçən ilkin mərhələsi nəticəsində Qazaxın yuxarıdakı entry-lərdə adıçəkilən 4 kəndinin Azərbaycana qaytarılması barədə razılığa gəlinib . imzalanmış protokolda növbəti mərhələnin anklav-ekslav məsələsi üzərində razılaşmaların əldə olunacağı, beləcə qazaxın digər üç kəndi olan yuxarı əskipara, sofulu və bərxudarlının Azərbaycana qaytarılması bildirilir.

qarabağ

Günün xəbəri: kreml sülhməramlıların Qarabağdan çıxarılmasını təsdiqlədi

Bu gün sonuncu yadelliləri də özündən uzaqlaşdıraraq tamamilə Azərbaycan respublikasının ərazi vahidinə çevrilən və neçə-neçə nəsilin keçmişinə, bu gününə və gələcəyinə bərpaolunmaz izlər buraxan bölgə. Bu torpaqların görüb-görə biləcəyi tək winner şəxs olan cənab sərkərdəmizlə xalqımızın arasında heç bir uçurum qalmadı, lakin bu dəfə xalqın uca şəxsiyyətə çata bilmə ehtimalı sıfıra düşdü. çoxları müharibə gözləyib səksəkədə qalarkən adam geydirmə müxalifətin də sonuncu kozrını qəhqəhə çəkə-çəkə əllərindən aldı, daha nə deyəsən.

project 2025

2022-ci ildə sağmeyilli think-tank olan the heritage foundation tərəfindən əsası qoyulan layihə. Plan 5 noyabr ABŞ prezident seçkilərində respublikaçıların qələbə qazanması ssenarisində prezidentin andiçməsi ilə birgə ağ evdə və bütün federativ qurumlarda fundamental dəyişikliklərin edilməsini, mühafizəkar liberal xəttin əsas götürülüb hökumətin sosial siyasətinin dayandırmasını ehtiva edir. Hərəkat ilk gündən spesifik bir namizədə üstünlük vermədiyini, əsas məsələnin seçilmiş prezidentin aparacağı siyasətin əhəmiyyətini vurğulasa da, layihə müəllifinin Trump administrasiyasında aktiv fəaliyyət göstərən paul dans olması başdan bəri arzulanan şəxsin kim olduğu barəsində fikir verir.

Yuxarıda vurğuladığım dəyişikliklər əsas etibarilə joe biden administrasiyasının atdığı bütün qlobalist sol və liberal-sol agendaların əleyhinə fəaliyyətin göstərilməsi, habelə ilk termdə yürüdülən anti-miqrasiya siyasətinin gücləndirilməsi, təhsilin bütün pillələrində ed-nin təsirinin azaldılaraq fərdlərin istəklərinə üstünlük verilməsi, qadınların, lgbt və qaradərili icmalarına biden və əvvəlki demokrat iqtidarında verilən haqların əllərindən alınması kimi addımların atılmasından ibarətdir. Hərəkatın fəaliyyət planı 920 səhifəlik mandate for lidership kitabında öz əksini tapıb, bu link vasitəsilə həm kitabı, həm də mündəricatdan kitabın istənilən hissəsini endirmək və oxumaq mümkündür.

noland arbaugh

elon muskın təsisçisi olduğu, neyrotexnologiya sahəsində fəaliyyət göstərən neuralink şirkətinin zehin-texnika interfeysi üzrə ilk dəfə tətbiq etdiyi çip implantını qəbul edən şəxs. Əməliyyat yanvar ayında baş tutmuş, musk bunun barəsində ictimaiyyəti məlumatlandırmışdı:

.

.

bakı

Piyadalaşdırma addımlarına baş plan və cop29 çərçivəsində başlanılan şəhər. Əvvəl Keçmiş molokan, indiki Xəqani bağında avtomobil mobilizasiyasının qarşısının alınmasının ardınca sabahdan 28 may metrostansiyasının çıxışındakı parkinq və minik avtomobillərinin hərəkəti qadağan ediləcək .

azərbaycanda magistr təhsili almaq

universitetinin course syllabusuna baxdıqda təhsilini almaq bir qırağa qalsın, qapısından içəri belə keçməyin əbəs olduğu bir təhsil pilləsi. Sadə bir müqayisə etmək üçün:
Türkiyənin ən böyük dövlət universitetlərindən olan odtü-nün european studies üzrə tələbələrinə təqdim etdiyi dərslər (universitetin texniki yönümlü olduğunu bilirsiz):

Bu da feysbuk qruplarından gördüyüm qədəri ilə Azərbaycanın ən böyük dövlət universiteti olan Bakı Dövlət universitetinin avropa və amerika tarixi adı altında verdiyi dərslər:


Azərbaycan tarixində heydər Əliyev şəxsiyyəti ilə bayden administrasiyasının siyasi xəttini təhlil etmək hamıya nəsib olmaz-*

13 fevral 2024 ailə cinayəti

oğlanın ana tərəfdən olan qohumlarının gijdillağ kimi hərəkət etdikləri qətliam. dünən elgizin verilişinə qoşulan xalası millətə hədə-qorxu gəlib, pis söz yazan hamını məhkəməyə verəcəyini deyib. Dayısının da hadisə günü verdiyi reportajda düz-əməlli adam olmadığını bilmək olur.

Digər tərəfdən, bir ata-ananın necə öz əcəllərini gətirən yola daş döşədiklərini, yaşadığımız bu dırnaqarası dövlətin çürümüş strukturlarının bütün hər kəsin həyatına necə qəsd etdiyini düşünəndə bir az da iyrənirəm. Hələ report.az-ın prokurorluğa aid olası videoları heç tükü də tərpənmədən ictimaiyyətə car çəkməsi bu xarabanın nə qədər dibə düşdüyünü göstərir.

əxlaq anlayışını sekslə həmrəng edən kütlənin axırı da bu olmalıdır.

7 fevral 2024 növbədənkənar prezident seçkiləri

Hazırda davam edən seçkifason tədbirdir.
Hər şeyə rəğmən, saat 5-dən sonra hazırkı prezidentin lehinə adımdan səs atılmasın deyə komediyaya qoşuldum* glş

Hazırda isə sırf marağa yaşadığım şəhərin dairələri üzrə videokamera quraşdırılmış məntəqələrdəki vəziyyəti müşahidə edirəm. Kim bilir, bəlkə də günün sonunda əldə yığılıb qalan topa bülleten videolarından birində mənim də əməyim olar* glş

izləmək üçün link