doriana black

194 0 0 0

4. nəsil moderator

Entry: 194

★ wiki yazar

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sevil atakişiyeva

+38 əjdaha

"25-29 avqust tarixlərində Sevil Beynəlxalq Film Festivalı Gəncə şəhərində keçiriləcək.
Sevil Beynəlxalq Qadın Sənədli Film Festivalı — Azərbaycanda gender məsələlərinə fokuslanan müstəqil sənədli film festivalıdır.
Son zamanlar zorakılığa məruz qalan qadınlar haqqında çox eşidirik.
Bu səbəbdən builki buraxılış femisidlərə (öldürülən qadınlara) həsr olunur."

daha ətraflı və festivalın proqramı:

https://sevilfest.org/festival/program/?fbclid=IwAR1jezkvxLL1B-AF40rXr6dvVCN2W9vSPyO_3HAPGpcxWAqth6V8T4M3_OE

34 əjdaha! 15.08.2021 12:34, doriana black

#334228 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yeniyetmə

+21 əjdaha

dostoyevskinin eyniadlı romanı. insan psixologiyasının dərinliyinə enən, hər detallarına qədər təsvir olunan oxuduqca həqiqətən dərk edirsinizsə, sizi hisslər burulğanına salacaq bir kitabdır. klassik ədəbiyyat sevənlər üçün möhtəşəm bir xəzinə

19 əjdaha! 09.01.2016 02:23, doriana black

#193761 şikayət

alman dilini öyrənmək istəyənlərə məsləhətlər

+30 əjdaha

bir neçə aydır çox uğursuz təcrübələrimdən sonra axır ki yolumu tapdıqdan sonra mənim də 1-2 kəlam etmək istədiyim tövsiyələrdir.

ilk əvvəl onu deyim ki, abartıldığı qədər çətin deyil. amma yəni nəticədə almanca bu boru değil -*. əgər indiyə qədər xarici dil kimi ingilis keçmisinizsə sizə həm müsbətləri həm də mənfiləri olacaq. müsbət tərəfi odur ki, ikisi də german dillər qrupuna aid olduğu üçün söz ehtiyatında oxşar sözlər, eyni sözlər çoxdur. hətta ilk başlarda bunu görüb buna çətin deyirdilər filan deyirsiniz. durun hələ görəcək günləriniz qabaqdadır :d məsələ belədir ki, ingilis və alman dillərinin qrammatikası çox fərqlidir. eyni dil qrupuna aid olub bu qədər fərqlənmələri çox qəribə gəlir əslində mənə. almanı öyrəndikcə ingilisi dilini saymamağa başlayırsınız az qala -* çünki necə istəyirlərsə elə də danışırlar nə dativ akkusativ dərdləri var nə der die das əziyyəti. bu barədə ingilis doğurdan çox gözəl dildir. american englishlə danışıb çox cool və eyni zamanda rahat görünə bilərsiniz. ya da british englishlə çox ziyalı, mədəni və özündən razı görünüm yarada bilirsiniz. almanca danışanda isə ancaq əsəbi və stressli görünüm yaradırsınız. adamlar normal danışanda da bir biriləri ilə mübahisə edirlərmiş kimi görünürlər.* glş nəsə çox dağıtdım mövzunu. hə deməli toparlamalı olsaq, ingilis grammarini mümkün qədər unutmağa çalışın, almana konsantrasiya olun. yox əgər əsas xarici diliniz rus olubsa konkret yaşadınız da :d çünki grammarləri çox bənzəyir, elə sifətin hallanması olsun, flektativ xüsusiyyətləri olsun həqiqətən oxşardır. bir də bu dildə feldən başqa az qala hər şey hallanır onu da bilin yəni. ki, o da şəxsə görə dəyişir, sevinməyin -*

özü öyrənmək yoxsa kurs ya da repetitor məsələsinə gəlsək. məsələn əgər mənim kimi bazanız 0 olubsa yüksək ehtimal özünüz öyrənməyə başlayanda tez sıxılıb, bezib atacağınız dildir. yəni ingilis kimi də hər yerdə qarşılaşmadığınıza görə ciddi anlamda çətinlik çəkəcəksiniz. telefonu ya da sosial şəbəkələri almanca etməklə iş düzəlmir -*. ona görə də məsləhətim kurs ya da repetitor vasitəsilə öyrənməyinizdir. bir də ən əsaslardan vaxt məsələsidir. məsələn mənim özüm oturub saatlarla məşğul olmağa qətiyyən vaxtım yoxdur, dərs proqramım çox ağırdır və başqa işlərim də var. çox vaxt dərsdən çıxıb ancaq evə çatmaq barədə düşünürəm. amma kurs olanda məcburiyyət və məsuliyyət olduğuna görə gedirsiniz. rəqabət də əlbəttə ki.

və mənə görə ən vacibi məsuliyyətli və yüksək savadlı müəllim. insandan insana dəyişir bu amma həqiqətən ən vacib xüsusiyyətlərdəndir. bu barədə çox əziyyət çəkmişəm. ilk avqustda başladım kursa hardasa 2 ay gedib çıxdım. çünki heç yaxşı deyildi, məsuliyyətsiz və ortabab savadlı. özü də hamının təriflədiyi yerlərdən idi. öyrətmirlər demirəm amma zəif öyrədirdilər. konkret pul tələsi. nəticələri hamısı b2 sertifikatı alan tələbələr idi. heç o da 60-70 bal arası. bir dənə 90dan yuxarı nəticə görmədim. c1, testdaf və dsh haqqında danışmağa dəyməz. mənə isə c1 ya da dsh lazım idi. bundan sonra çox həvəsdən düşdüm düzü, ieltsa başlamağı düşündüm. amma planlarım üçün və ən optimal variant almaniya idi. bu uğursuzluqdan sonra dekabrda başqa kursda başladım ondan daha betər idi. 1 ay getdim cəmi sonra da imtahanlar, şəxsi problemlərim və s yenə ertələməli oldum. 2 həftədir qatiq qaradi blet müəllimin məsləhəti ilə odlar yurdundakı dsh'a başlamışam. wunderbar sözün həqiqi mənasında! bu qədər uğursuz kurs macəralarından sonra problemin məndə olduğunu düşünməyə başlamışdım. elə deyilmiş. ciddən kurs kimi bakıda məsləhət gördüyüm yeganə yerdir. həm çox məsuliyyətli, çox savadlı, dünyagörüşlü və qəşəng izah edən müəllimiz var. indidən imtahan üçün tips verir harda nələrə diqqət etməli olduğumuzu filan öyrədir. heç elə çox ciddi filan da deyil, amma müəllimənin və qrupun yaxşı olması adamda məsuliyyət yaradır.

bir də vaxt məsələsinə gəlsək, intensiv olaraq (həftədə 5 dəfə ) məşğul ola bilərsinizsə 9-10 aya c1 almaq mümkündür. çox istərdim mən də elə gedə bilməyi amma vaxtım yoxdur təəssüf ki. belə də normalda 1 ilə filan c1 almaq mümkündür.

alman dili haqqında başqa onu deyə bilərəm ki, kompleks dildir, ciddi qayda-qanunları var, söz ehtiyatı dəhşət genişdir. və qeyri-ciddi yanaşmaq mümkün deyil -*. amma öyrənərkən həqiqi nəsə öyrəndiyinizi hiss edirsiniz, ağırlığı var yəni. həm də çox maraqlıdır, şəxsən mən öyrənmə prosesində çox zövq alıram. bir maraqlı fakt da deyim. rus dilindən bildiyimiz, tərcüməsi mühasib olan "buxalter" sözü də almancadandır- der buchhalter. buch- kitab, halten- saxlamaq deməkdir. mühasibin də hesab- kitab işləri ilə məşğul olduğunu düşünsək kitabsaxlayan çox məntiqli tərcümə kimi gəlir. bu və bunun kimi bir çox tərcümə edəndə directly mənasını verən sözlər də almancanı maraqlı edən xüsusiyyətlərindəndir. -*

edit: axır ki, b2'dəyəm testdaf'ı verim daha geniş və ətraflı yazacam bu haqda -*

2021 editi: estoniyadayam gençler, alman dili güzel hoş amma almaniya od bahasıdı bakalavr üçün (təqaüd tapmaq çox çətindi), baxınız da özünüz -*

25 əjdaha! 10.04.2018 19:12, doriana black

#271251 şikayət

dermatofagiya

+20 əjdaha

çox vaxt dırnaq yemək (baxma: onixofagiya ) ilə qarışdırılan dırnaq ətrafındakı dərini yemə xəstəliyi. uşaqlıqdan bəri bərəlmiş gözlərlə verilən sən dırnağını yeyirsən?! sualına hər dəfə dırnağı yox ətrafındakı əti yeyirəm * belə yazanda nə qorxunc çıxdı lan cavabını verməkdən bezdiyim xəstəlikdir həmçinin. bu davranış çox vaxt dırnaq yemə vərdişi kimi stresslə və gərginliklə müşahidə olunsa da, bəzən sakit hallarda da özünü göstərə bilir. davranışın dəqiq səbəbləri və ya müalicəsi hələ ki tapılmayıb. xəstəliyin xüsusi verdiyi zərər yoxdur. amma dərini yemək nəticəsində yaranan yaralara * ağıza turş qan dadı gələndə durmaq lazım olduğunu başa düşürsünüz :d keçən mikrobdan infeksion xəstəliklərə tutulma ehtimalı var. bir sıra elmi araşdırmalarda obsessiv kompulsiv pozuntu ilə əlaqələndirilsə də, hələ ki keçərli iddialar yoxdur.

bəzən xalq arasında bu xəstələrə wolf-biter də deyilir. çünki canavarların tələyə düşdükdə və ya qaçmağa yer tapmayanda öz dərilərini yedikləri müşahidə olunmuşdur.

16 əjdaha! 28.01.2018 05:22, doriana black

#267508 şikayət

hipermetropiya

+16 əjdaha

yaxını görmə qüsurudur. işıq şüaları torlu qişadan arxaya düşdüyünə görə toplayıcı yəni müsbət nömrəli linzalardan istifadə edilir. normalda hipermetroplar uzağı yaxşı, yaxını pis görürlər. əgər dərəcəsi aşağıdırsa 0.50 və ya 1 qüsur çox hiss edilməz. hətta uzağı normal insanlardan daha yaxşı görə bilərsiniz. amma dərəcə 4 dən çoxdursa nə uzağı nə də yaxını normal görmək mümkün deyil. hələ üstünə bir də yüksək dərəcəli astiqmatsanız həyat işgəncəyə çevrilər. üzmək, futbol, və s normal iştirak edə bilmirsiniz. gözlük və ya linza məcburidir. istifadə edilmədikdə dərəcə daha da artar. üstəlik göz tənbəlliyinə yol aça bilər bu qüsur. adətən yaşlılıq xəstəliyi kimi bilinər, amma gənclərdə də rast gəlinir və gənclərdə adətən genetik olaraq keçir. pis cəhətlərdən biri də odur ki, əməliyyatdan sonra qayıtmaq ehtimalı da az deyil.

15 əjdaha! 06.05.2016 19:55, doriana black

#212895 şikayət

wilhelm conrad röntgen

+14 əjdaha

1901-ci ildə fizika sahəsində ilk nobel mükafatını alan alman fizik. özü kəşf etdikdə adlandırdığı "x" elektromaqnit şüaları sonradan adının şərəfinə "roentgen" şüaları adlandırılmışdır. hazırladığı rentgen şüa borusu ilə çəkdiyi ilk şəkil həyat yoldaşının əli olmuşdur.

13 əjdaha! 09.06.2016 23:18, doriana black

#217183 şikayət

yalnızlıq

+16 əjdaha

haqqında ən gözəl fikri andrey tarkovski söyləmiş məfhum.
"kendinizi, kendinizle zaman geçirmeyi yalnızlık sanmayacağınız şekilde yetiştirin."

12 əjdaha! 23.11.2018 21:47, doriana black

#279847 şikayət

göbələk

+13 əjdaha

həm bitkiyə həm də heyvana oxşayan amma heç birinə aid olmayan canlı növü. adətən qeyri-cinsi yolla , sporla çoxalırlar. birhüceyrəli və çoxhüceyrəli növləri var. sporlar əlverişli şəraitə düşdükdə cücərib yeni göbələk əmələ gətirirlər. parazit və saprofit növləri olur. parazit olanlar bitkilərə çox ziyan vurur. qov göbələyi adlanan parazit göbələk var ki, onun sporları ağacların gövdə hissəsinin zədələnmiş hissələrinə düşdükdə əmələ gələn göbələk ağacın oduncağını tədricən dağıdır. belə ağaclar küləyə davam gətirməyərək yıxılır. həmçinin pas, sürmə, çovdar mahmızı göbələkləri taxıllara ciddi ziyan vurur. bundan başqa göbələklərin faydalı olanları da az deyil. məsələn maya göbələyi xəmirə qatıldıqda onun tərkibində olan şəkər spirtə parçalanır və bu zaman karbon qazı əmələ gəlir.bu prosesə qıcqırma deyilir. əmələ gələn karbon dioksid xəmiri məsaməli edir, onu qabardır. belə xəmir yaxşı bişir və mədədə yaxşı həzm olunur. həmçinin maya göbələyinin qıcqırtma xassəsindən pivə və şərab istehsalında istifadə olunur. bundan başqa bəzi göbələklər ağaclarla simbioz həyat yaşayır. və nəticədə ağac daha çox üzvi maddəylə təmin olunur və yaxşı böyüyür. bəzi zəhərli və yeməli göbələklər bir-birinə çox bənzəyir. məsələn yeməli şampinyonla zəhərli solğun əzvay göbələkləri çox bənzəyirlər, fərq odur ki, şampinyonda papağın alt hissəsi çəhrayı, solğun əzvayda isə ağ rəngdə olur. göbələkləri öyrənən elm mikologiya adlanır.

13 əjdaha! 15.03.2016 02:20, doriana black

#203723 şikayət

aeroport dostluğu

+13 əjdaha

indiyə qədər necə başlığı açılmayıb bilmirəm, var belə bir şey: Çox məsuliyyətli olub, uçuşdan 3 saat əvvəl aeroporta gələn məsuliyyətli sərnişinlərdənsinizsə ya da nə vaxtsa gecikmiş uçuşları saatlarla gözləmisinizsə, o gözləmə müddətinin çarəsizliyini yaxşı bilərsiniz. Həmin çarəsizlikdən söhbətləşdiyimiz və dostlaşdığımız adamlardır. Hər 2 tərəfin də üzündən o qədər yaxşı oxunur ki o çarəsizlik ifadəsi, amma çox qəribə ümid verici və insanı yaxşı hiss etdirən dialoqlardır, bəlkə də özümüzü müəyyən sürüyə aid edə bildiyimizə görə hiss etdiyimiz instinktiv kiçik xoşbəxtlikdir. Hər dəfə də fərqli nəsillərdən "dost"-larım olur, bu dəfə Tallinndə yaşayan 65+ azərbaycanlı cütlükdür, keçən dəfə Almaniyada təhsil alan tələbə olmuşdu. Bəs bu dostluqlar sonra davam edirmi? Bəzən hə, amma önəmli olan bu deyil, həmin müddətdə, həmin qapıda edilən söhbətlərin yerini heç nə verməyəcək. Uzun müddət xaricdə yaşayan azərbaycanlılara daha doğma hissdir yəqin ki. Elə bu entryni də o çarəsizliklə Varşava aeroportunda 2 arxa arxaya gecikən uçuşların qurbanı olan kasıb tələbə olaraq yazıram. Hə, mən vətəni sevməsəm də, vətən də məni sevməsə də, hələ də bizi bağlayan bəzi bağlar var, bir az da love hate relationshipinə oxşadıram Azərbaycanla olan münasibətimi, bəzən çox kiçik yaxşı şeylərdə özümü ən vətənpərvər adam kimi hiss edirəm, amma çoxunluqla çox pisdir münasibətimiz. Mövzunu niyə bu qədər dağıtdım bilmirəm, nəysə hava da istidir indi Bakıda, yaxşı ki nazik geyinmişəm.

istisna: vaxtınızı kitabla və ya laptopla çox produktiv keçirən super insanlardansınızsa , sözlükdə nə işiniz var e ümumiyyətlə?!

10 əjdaha! 15.06.2022 02:39, doriana black

#351684 şikayət

sözaltı etiraf

+18 əjdaha

hər şey zibil kimi gedir sözlük, bir dənə də olsun işim/planım düz gətirmir, amma ətrafa tam əksini göstərməkdən məntiqsiz və axmaq bir zövq alıram, bir gün çox pis patlayacaq amma.

(youtube:

)

16 əjdaha! 10.11.2021 00:19, doriana black

#339594 şikayət

tək başına kilometrlərlə gəzmək

+13 əjdaha

fəsildən asılı olmayaraq həftədə ən az 3 gün min 7-8 km gəzən biri olaraq hər şey üçün müalicə üsulumdur. xüsusilə anxiety ilə başa çıxa bilməyəndə artıq boğulanda, nəfəsim çatmayanda tək dərmanımdır.stresslə əlaqədər anasını ağlatdığım mədəmin də ağrısını kəsmək üçün çıxış yolum dərman, bol su və gəzməkdi. özü də sürətli addımlarla, bir növ psixoloji olaraq arxamda qoyuram pis hər şeyi, sürətlə uzaqlaşıram və bir müddət sonra tozumda qalıb heç çata bilmirlər mənə ehehe -*

10 əjdaha! 05.07.2018 03:05, doriana black

#274550 şikayət

azərbaycan toyu disko mahnıları

+13 əjdaha

bu sifarişi verən: pampiniformis Söhbət rayon-palatka toylarından gedirsə, ən köhnə və ən dəxlisiz türk, (xüsusilə ibrahim tatlıses vazkeçilməzdir) rus və hind mahnılarını eşidə bilərsiniz bu toylarda.
(baxma: ay nurcanım, nurcanım, kurbandır sana canım)
(baxma: ağrı dağın eteğinde, uçan bir güvercin olsam)
(baxma: i am a disco dancer)
(baxma: jimi jimi aaja aaja)
(baxma: çornıye qlaza)
(baxma: ya lyublu tebya, moskvaaaa - moscow never sleeps)
Mahnıların heç birinin adını bilmədiyim üçün yadımda qalan sözləri yazdım * glş ən azından 10 il qabaq vəziyyət belə idi * glş

11 əjdaha! 07.11.2019 07:43, doriana black

#290950 şikayət

futurizm

+11 əjdaha

(lat. futura- gələcək) xx əsrin əvvəllərində əvvəlcə avropa ədəbiyyatında, daha sonra isə incəsənətdə geniş vüsət alan cərəyan. ədəbiyyat qismi kifayət qədər maraq dairəsindədir, mən daha çox incəsənət, xüsusilə rəssamlıqda futurizm haqqında məlumat verməyə çalışacam.

rəssamlıqda futurizmin vətəni italiya sayılır. Futuristik rəsm əsərlərində rəssamın təsvir etməyə çalışdığı hər şeyin daim hərəkətdə olduğu, daim dəyişdiyi, baxdığımız hansısa varlığın 1 saniyə əvvəlki kimi olmadığını göstərməkdir. Futuristik rəssamlar əsərlərində işıqdan və rənglərdən istifadə etməklə sürəti, dinamikanı və inkişafı təsvir etməyə çalışmışlar. Bu cərəyanın öncüllərinə misal olaraq Giacomo Balla, Gino Severini, Umberto Boccioni, Luigi de giudici və s misal göstərmək olar. Yuxarıda yazdığım bir çox rəssam və digərləri ədəbiyyatda futurizmin qurucusu sayılan şair Filippo Tommaso Marinetti'dən təsirlənmişlər.

Futurizm cərəyanın ən məşhur əsərlərinə misal olaraq
Dinamismo di un cane al guinzaglio ( giacomo balla, 1912) göstərmək olar
https://i.imgur.com/6TD2Kwd.jpg

Lampada ad arco ( giacomo balla, 1909)
https://i.imgur.com/oxC3ghQ.jpg

Ballerina in Blue ( gino severeni, 1912)
https://i.imgur.com/5OC3jZP.jpg

əgər nə vaxtsa rəssam olsaydım, futuristik rəssam olmaq istərdim (baxma: entrinin sonunu gətirə bilməmək)

8 əjdaha! 11.01.2018 16:14, doriana black

#265893 şikayət

mədəaltı vəzi

+11 əjdaha

( lat. pancreas) xüsusi axacaqları olan hissə ilə həzm fermentləri ( tripsin, lipaza, amilaza və s.) hazırlayan, axacağı olmayan hissə (langerhans adacıqları) ilə sekretor funksiyasını yerinə yetirən yəni, hormon sintez edən qarışıq sekresiya vəzisidir. ən vacib hormonları insulin və qlikaqondur. insulin karbohidrat mübadiləsini tənzimləyir. orqanizmin enerji yanacağı olan qlükozanın hüceyrələr tərəfindən istifadə olunmasına təsir göstərir. eyni zamanda qlükozanın bir hissəsi qlikogenə yəni heyvani şəkərə çevrilir, qaraciyərdə və əzələlərdə ehtiyat halda saxlanılır. qlikaqon isə insulinin əksinə təsir göstərir.

qanda insulin çatışmayanda hamımızın bildiyi (bax: şəkərli diabet ) xəstəliyi əmələ gəlir. bu zaman qanda şəkərin miqdarı kəskin yüksəlir, qlükoza qan damarlarından toxumalara keçə bilmir. orqanizm özünü ac hiss edir, susuzluq yaranır və s.

şəkərli diabeti müalicə etmək üçün xəstəyə tərkibində insulin hormonları olan dərman preparatları inyeksiya edilir.

9 əjdaha! 10.06.2017 22:14, doriana black

#255374 şikayət

öyrənildiyində təəccübləndirən məlumatlar

+10 əjdaha

təcrübə məqsədi ilə tokyodakı dəmiryollarına mavi işıq yerləşdirildikdən sonra intiharlar 74 faiz azalmışdır.

5 əjdaha! 09.01.2018 15:18, doriana black

#265759 şikayət

karbon dioksid

+9 əjdaha

trival üsulla adı karbon qazıdır. canlıların (həmçinin bitkilərin) tənəffüs, qıcqırma, çürümə və s vasitələrlə xaric etdiyi, bitkilərin isə fotosintez üçün istifadə etdiyi maddədir. yanğınlarda alovun söndürülməsində istifadə olunur. yer kürəsinin atmosferində faizlə miqdarı 0.04, marsın atmosferində isə 95.9 dur. hemoqlobinlə əmələ gətirdiyi birləşmə davamsızdır. karbon monooksid isə hemoqlobinlə davamlı birləşmə əmələ gətirdiyinə görə ölümə səbəb olur. ancaq son zamanlarda fabriklərin, zavodların və s nəticəsində yer kürəsi ətrafında əsasən karbon qazı və digər qazlardan ibarət təbəqə əmələ gəlmişdir ki, bu da qlobal istiləşmənin başlıca səbəblərindəndir.

8 əjdaha! 26.02.2016 01:12, doriana black

#200831 şikayət

cosmos: a spacetime odyssey

+9 əjdaha

2019-da yeni sezonu gələcək olan möhtəşəm sənədli serial.
https://www.space.com/39386-cosmos-tv-series-gets-second-season.html

8 əjdaha! 14.01.2018 22:36, doriana black

#266253 şikayət

flört adı altında bir neçə şəxslə danışan tip

+8 əjdaha

(baxma: ayıq başla oxunmayan entrylər)
Poligamik münasibət yaşamaqda heç bir problem yoxdur, əziz yazarlar. Söhbət 2 tərəfin də razılığı olmadan "poligamik" münasibət yaşayan insanlardır. Və qaldı ki, bu tiplərə, çox vaxt tutar qatıq tutmaz ayran məntiqi edirlər bunu, yəni ortalıqda 2 tərəfin razı olduğu bir "poligamik" münasibət yoxdur. iyrənc olan, qarşı monogamik tərəfə yalan danışmaqdır. Ayrıca #294013-da da qeyd etdiyim kimi çox ehtiyatlı olmaq lazımdır, yoxsa poligamik olduğunu sanan tərəf üçün travma ilə nəticələnə bilər. 2 tərəfin də razılığı olandan sonra onsuz heç kəsin bir şey deməyə haqqı yoxdur.

8 əjdaha! 27.06.2020 13:48, doriana black

#298551 şikayət

binbir gece

+7 əjdaha

2006-2009-cu illərdə yayımlanmış türk dram serialı. karantin vaxtı gələn keçmişdən ötrü darıxma hissindənmi yoxsa keçmişi yada salma istəyindən ötrümü bilmirəm, dünəndən anamla oturub izləyirik. və türk seriallarının o vaxt indikindən qat-qat yaxşı olduğu açıq aydın görünür. dialoqlar və kıraçın musiqilərinin verdiyi nostalgiyaya görə belə * ötürə-ötürə * bəzi yerlərdə afakanlar basır çünki :d izləməsi xoş təəssüratlar yaradır. (baxma: gündüzlər arthouse film analizləri edib gecələr anayla semiçka müşayiətində binbir gece izləmək). bir replikanı da əlavə edim tam olsun:

sen, benim düşüncelerimin kıyıcı düşüncesi oldun
senin güzelliklerini görmemle aşk,
doğrudan yüreğime girdi
ve onu boyaların en solmazı olan
kan kırmızının en koyu rengiyle boyadım
ve ateşi ciğerimi çılgınca yakıp tüketti
sana tüm varlığımı ve ruhumu vermek isterdim
bana, benim için uykularını feda eder miydin ey şah
diye sorarsan
evet! kuşkusuz. hatta gözlerimi bile feda ederdim
senin için ey şehrazat yanıtını verirdim.

edit: 1 saatlıq bölümləri 15-20 dəq izləyəndə çox da pis serial deyilmiş, nəticə olaraq 90 seriyanı 3 günə bitirdim * başka türlü çekilmezdi * kız güzel ama, sonu da qəşəng idi, nostalgiya kvotamı artıqlaması ilə doldurdum glş glş

5 əjdaha! 01.07.2020 01:34, doriana black

#298861 şikayət

çirkin olmaq

+11 əjdaha

məncə gözəl olmaq qədər çox şişirdilən xüsusiyyət. niyə? çünki indiki dövrdə gözəl olmaq çox asandır. təbii əgər pulun varsa. pulun yoxdu deyirsənsə də işlə, qazan, əməliyyat et, özünü sev, sonra məqsədlərinə konsantrasiya ol. əgər güzgüyə baxıb özünü bəyənmirsənsə, "özünü sev, hamı gözəldir" şüarları ilə özünü aldatmağa çalışma, özün də bilirsən ki, hamısı boş şeylərdir. ha bu qavram nisbidirmi? müəyyən qədər hə. çox adama sıradan gələn biri bəzən mənə çox gözəl və ya yaraşıqlı gələ bilər. əgər bariz bir qüsur yoxdursa (varsa yuxarıdakı alqoritmi izlə) ,lap asan. elin-yüzün düzgün, geyimin, saçın səliqəli və təmiz oldusa yetərlidir. metroda səliqəli birini görəndə gözüm ilişib qalır həqiqətən, indiki dövrdə insanlar geyiminə inanılmaz laqeyd yanaşır. halbuki məncə zövqlə və səliqə ilə geyinmiş biri digərlərindən ən azı 5 addım öndədir. gözəl geyinmək üçün də hər şeydən əvvəl vücudunu tanımalısan. köksən arıqla, arıqsansa kökəl. boyun qısadırsa, daha da qısa göstərəcək paltarlardan uzaq dur, internetdə geyim, idman, tərz haqqında saysız hesabsız blog, sayt vs var. bir də üstünə təmkinli və sakit tərzdə mədəni, nəzakətli, düzgün sözlər seçilmiş danışıq tərzin varsa, iş tamamdır. ha bunları etməyə məcbursanmı? əlbəttə yox, əgər özünü öz xarici görünüşünlə də sevirsənsə okaydir, yox əgər özünü bəyənməyib sevməyə çalışırsansa boşuna vaxt itirirsən, əvvəlcə bu problemi həll etməlisən. yoxsa yaşamağa konsantrasiya ola bilməzsən. ömrün şəkillərdən qaça-qaça, insanlardan qaça-qaça hər dəqiqə hamı mənə baxır narahatlığı ilə keçər. bütün bunlardan başqa da ki, məncə gözəl olmaq çox şişirdilir. insanları özü şüurlu olaraq qazanmadığı xüsusiyyətlərə görə sevmək nə dərəcədə düzgündür? gözəlsən, okay amma bu sənin uğurun deyil ki. belə baxanda vətənpərvərlik də buna oxşayır, doğulduğun ərazini sevmək niyə? sənin qərarın deyildi axı, sənin uğurun ya da uğursuzluğun deyil. əsas məsələ özünü dərk etdikdən sonra etdiklərindir. insanlara özündən asılı olmayan sahib olduğu xüsusiyyətlərə görə deyil də, sahib olduqları ilə etdiklərinə görə hörmət etmək və dəyər vermək lazımdır.

2021 editi: məncə yuxarıda yetəri qədər vurğulamamışam, əgər güzgüyə baxanda gördüyünüzü bəyənmirsinizsə, özünüzə aid hiss etmirsinizsə dəyişdirməyə çalışın, cəmiyyətin gözəllik standartlarına uymadığına görə yox. açığı instagram gözəllik standartlarından iyrənmiş biri kimi çoxunluğun təəssüf ki yenə də normal olaraq çoxunluğa uyğun olaraq davrandığını görmək sıxıcıdır.

10 əjdaha! 12.12.2018 19:01, doriana black

#280247 şikayət

sözaltı etiraf

+9 əjdaha

etiraf edirəm sözlük, romantik film və kitabları həmişə lağa qoyan biri kimi youtube-dan la la landın bəzi səhnələrinə dəfələrlə baxmışam.

8 əjdaha! 09.02.2020 03:14, doriana black

#292203 şikayət

rosalind franklin

+9 əjdaha

dntnin kəşfinin arxasında duran ancaq adı james watson və fransis crick nobel aldıqdan illər sonra hallanmağa başlayan "dntnin gizli qəhrəmanı" ləqəbi verilmiş yəhudi əsilli ingilis alim. rosalind franklin 25 iyul 1920-ci ildə londonda dünyaya gəlmişdir. həmin vaxtlarda nadir olaraq kimya və fizika dərsləri verilən st. paul's girls school'da təhsil alarkən xüsusilə təbiət fənnlərinə, latın dilinə və idman dərslərinə olan marağı üzə çıxdı. lakin atası illərdir nasistlərdən qaçan və əlində müəyyən imkanlar olan qohumları kimi yardım quruluşlarında işləyən sosial xidmət işçilərindən olmasını istəyirdi. atası ilə apardığı uzun mübahisələrdən sonra ellis franklin qızının university of cambridgein nəznində newnham college'də təhsil almağına icazə verdi və rosalind akademik həyatının başlanğıcının ilk addımlarını atdı.

kollec təhsilinin ardından rosalind ingilis kömür dəyərləndirmə araşdırma assosiasiyasında bcura işə başladı. burada kömürün adsorbsiya xüsusiyyətlərinə aid etdiyi araşdırmalar 1945-ci ildə kembridc universitetindən fəlsəfə doktoru ünvanını almağa səbəbiyyət verəcəkdi.

kembricdə oxuduğu müddətdə ən yaxın dostu adrienne weill adlı bir fransız idi. weill onun fransız mədəniyyətinə olan marağını kəşf etdikdən sonra 1946-cı ildə elmi bir konfrans ərzində fransa beynəlxalq elmi araşdırma dərnəyinin başçısı marcel mathieu ilə tanış etdi. mathieunun vasitəçiliyi ilə o rentgen şüaları kristalloqrafı olan fransa dövlət kimya xidmətləri mərkəzi laboratoriyasının başçısı jacques mering'lə birlikdə işləməyə başladı.

4 il müddətində fransada elmi araşdırmalarını davam etdirən franklin ailəsinin və bir müddət sonra nobel mükafatı laueratı olacaq dorothy hodgkn'in təkidləri ilə öz ölkəsinə qayıtdı və kings' college london'da araşdırmaçı kimi işə başladı. əvvəlcə protein və lipidlərə daxil olan rentgen şüalarının nüfuzu üzrə araşdırma edərkən, daha sonra dnt araşdırmalarına başladı. burada tələbəsi raymond gosling və iş yoldaşı maurice wilkins'lə birgə dntnin iki forması olduğunu, a formasınınn təxmini 20 faizə qədər, b formasının isə 40 faizə qədər su ilə zəngin olduğunu kəşf etdilər.

1952-ci ildə rosalind və gosling'in əldə etdikləri bütün fotolar dntnin iki zəncirli olduğuna dəlalət edirdi, lakin bunu tam olaraq sübut edəcək dəlillər əldə yox idi.

rosalind dntnin zəncirli quruluşuna aid araşdırmalarını həmin vaxtlarda kembridcdə işləməkdə olan watson və crick araşdırmalarını bitirmədən öncə yayıma açıqlayacaqdı. amma bundan da əvvəl rosalindin ən mühüm kəşfləri bu ikili tərəfindən əldə ediləcək və daha sonra nobel mükafatı almasına səbəb olacaq araşdırmalarına çox vacib töhfələr verəcəkdi.

30 yanvar 1953-cü ildə watson linus pauling'in yanlış məlumatların da daxil olduğu işləri ilə birlikdə rosalindin yanına gəldi və şiddətli mübahisələrdən sonra rosalindin yaxın iş yoldaşı olan wilkinsi tapdı. wilkins icazəsiz rosalind və goslingin çəkmiş olduğu ən mühim dnt fotosu olan "photo 51" adlı nümunəni watsona göstərdi. watson ona lazım olandan da artığını əldə etdikdən sonra kembridcə geri döndü.

rosalind 1953-cü ilin fevral ayında araşdırmalarını bitirdi və birkbeck college'nə transfer oldu və dnt araşdırma datalarını fransis crick'ə verdi. 28 fevral 1953-cü ildə james watson və fransis crick 'həyatın sirrini' kəşf etdiklərini və həmin ilin aprel ayında dntnin iki zəncirli quruluşu haqqındakı araşdırmalarını ictimaiyyətə açıqladılar. bu kəşfi etməyi mümkün edən rosalind franklin və çəkdiyi fotolara aid istinadları haqqında isə heç nə demədilər.

1956-cı ildə işlə əlaqədar amerika səyahətlərinin birində rosalind qarın nahiyəsində olan bir şişlikdən şübhələnməyə başladı. müayinə nəticəsində iki şişin olduğu müəyyən edildi və rosalind franklin'ə yumurtalıq xərçəngi diaqnozu qoyuldu.

1957-ci ildə ağrılarının şiddəti dözülməz həddə çatdıqda royal marsden xəstəxanasına köçürüldü. dntnin ikizəncirli quruluşunun kəşfinin kimə aid olduğuna dair uzun və bitib-tükənməyən mübahisələrin heç birinə qatıla bilməyəcək və bəlkə də özünə aid olacaq olan nobel mükafatının 1962-cı ildə james watson və fransis crick'ə verildiyini görə bilməyəcəkdi.

rosalind elsie franklin 1958-ci il 16 apreldə vəfat etdi. dəyəri ancaq araşdırmalarından və ölümündən uzun illər sonra bilinən alimlər karvanına qatıldı. 2003-cü ildən bəri royal society "rosalind franklin mükafatı və dərsi" adlı ənənəvi bir dərs verməyə davam edir. medalla birlikdə qazanana 30.000 sterlinq dəyərində pul mükafatı verilir.

çox təəssüflər olsun ki, cəmiyyətdə bir çox sahədə olduğu kimi elm sahəsində də cinsiyyətçilik illərdir mübarizə aparılan ən mühüm problemlərdən biridir və rosalind franklin də bu utancverici vəziyyətin qurbanlarından biri olmuşdur.

qaynaqlar: https://en.wikipedia.org/wiki/Rosalind_Franklin

http://philosophyofscienceportal.blogspot.com/2008/04/rosalind-franklin-double-helix.html

https://royalsociety.org/grants-schemes-awards/awards/rosalind-franklin-award/

7 əjdaha! 06.01.2019 18:18, doriana black

#281243 şikayət

uşaqları dodaqdan öpmək

+8 əjdaha

Etik cəhəti bir tərəfə, gigiyenik cəhətdən də qətiyyən doğru olmayan qıcıq verən bir hərəkət. Peroral yolla körpə uşağa n qədər infeksiya yoluxdurmaq təhlükəsinimi deyim, şirinlik adıyla qıraqdan yaranan iyrənc mənzərənimi deyim, bilmirəm. Ümumiyyətlə çalışın uşaqları mümkün qədər quru şəkildə öpün.

7 əjdaha! 07.05.2019 12:38, doriana black

#286448 şikayət

həyatın nə qədər gözəl olduğunun anlaşıldığı anlar

+7 əjdaha

bəzən həqiqətən heç gözləmədiyiniz yerlərdə baş verən anlardır. srağagün avtobusla yol gedəndə dayanacaqda hardasa 50-55 yaşlı bir qadın daxil oldu, dərhal yer verdilər, qadın düz qarşımda oturdu. ayaq üstə olduğum üçün bütün sıranı rahatlıqla görə bilirdim. qadının qabağında oturan oturacaqda da 20'li yaşlarda qız düşməyə hazırlaşdığına görə jaketini geyinməyə çalışırdı, bir qolunu salmışdı, o birisini arxadan tapıb gətirə bilmirdi. qadın bunu görən kimi tez qabağa əyilib qızın jaketini geyinməyinə kömək etdi. əslində çox böyük bir hadisə olmasa da o an mənə o qədər gözəl təsir etdi ki, bütün günüm müsbət keçdi sanki. ana nəvazişimi yoxsa bəlkə də sadəcə insanlıq idi bilmirəm, amma çox gözəl idi. istədim əyilib qadına deyim ki, you made my day, lady amma onsuz da başa düşməyəcəkdi -* nəsə sözlük, həyat çox vaxt intiharavadaredici olsa da, bəzən çox gözəldi -*

6 əjdaha! 07.10.2018 23:55, doriana black

#278482 şikayət

Üz baxımı və dəriyə qulluq

+6 əjdaha

#319102 - ci entriyə istinad olaraq demək istəyirəm ki dəri qulluğunda ən önəmli 2 addım təmizləmək və günəş kremi istifadə etməkdir. təmizləmək məncə aydın başa düşüləndir, bəs niyə günəş şüaları bu qədər zərərlidir? bəsitcə izah etsək, ultraviolet şüaları 3 spektrə bölünür: a, b və c. uvc ümumiyyətlə yer üzünə gəlib çatmır, ozon qatı canıları uvc-dən qoruyur və c ən güclü və zərərli spektr şüalarıdır. uva, uvb isə dünyaya çatır və uzunmüddətli intensiv dərimizlə təmasda olduqda dəri xərçəngi, erkən yaşlanma və dəri ləkələrinə səbəb ola bilər. bəs günəş şüalarından əziyyət çəkən təkcə biz insanlarıqmı? əlbəttə ki xeyr. təkamülə baxsaq, ən sadə canlı olan bakteriyadan tutmuş ən kompleks primat olan insan da daxil olmaqla demək olar ki bütün canlılarda uv şüalarının vurduğu zərərlərə qarşı qorunma/təmir mexanizmaları var. bu qorunma mexanizmalarının əksəriyyəti dna repair mechanism-lərinə dayanır, çünki uv şüalarının ən mühim təsiri dnt-mizdə təhlükəli mutasiyalar yaratmaqdır. fikirləşə bilərsiniz ki, əgər orqanizmimizdə təbii olaraq qorunma/təmir mexanizmləri varsa, niyə günəş kremini mütəmadi istifadə etmək bu qədər vacibdir? cavab qısacası belədir ki, dəri hüceyrələri çatdırmır. nə qədər çox günəş şüalarına məruz qalsanız, bir o qədər dəri hüceyrələrində mutasiyalar yaranacaq və repair mechanism-lər bütün mutasiyaları təmir edə bilmək qabiliyyətində deyil. ona görə də içərisində üzvi, qeyri-üzvi və ya hibrid filterlər olan günəş kremlərindən istifadə etməlisiniz. xüsusilə yaz-yay kimi günəş şüalarının bol olduğu fəsillərdə ekstra diqqətli olmalısınız. və unutmayın ki, dəriniz nə qədər açıq rənglidirsə, o qədər çox dəri xərçəngi olma ehtimalınız yaranır. çünki melanin piqmentinin uv şüalarına qarşı güclü qoruyucu təsiri var. və bəli, heç bir qoruyucu vasitə istifadə etmədən "zaqar almaq" dediyimiz aktivite öz iradənizlə dərinizə böyük ziyan və əziyyət etməkdən başqa bir şey deyil. üz dərisinə gəlsək, bu dəri bədən dərisinə görə daha nazik və həssas olduğuna görə daima istifadə edə biləcəyiniz və üz dərinizə uyğun bir günəş kremi istifadə edin və əgər belə bir məhsul tapsanız 2-3 dənə alıb ehtiyatda saxlayın. həmçinin üz dərininiz çox quru deyilsə və mütəmadi olaraq səhərlər günəş kremi istifadə edirsinizsə gündüz vaxtı ayrıca nəmləndirici krem istifadə etməyə ehtiyac yoxdur. bədən dəriniz üçün isə adətən günəş kremi tapmaq daha asandır, əsas qoruyuculuğa fikir verin.

hal-hazırda üz dərisi qulluğuna aid çox böyük bir industry, çoxlu brendlər, məhsullar və dəhşətli dərəcədə çox informasiya kirliliyi var. ancaq ən fundamental və ən sadə mərhələlərdən ibarət olan: səhərlər 2 və axşamlar da 2 addımdan istifadə edərək dərinizə ən önəmli qulluğu edə bilərsiniz. səhərlər: təmizləmə, günəş kremi. axşamlar: təmizləmə, nəmləndirici.

btw spf dəyərlərinin mənası, və günəş kreminin düzgün istifadə qaydası mövzularında da önəmli detallar var, nə vaxtsa axot olsa həmin mövzularda da yazaram.

5 əjdaha! 08.05.2023 19:53, doriana black

#372015 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

doriana black

son bəyənilənlər:

oxuyucuların bəyəndikləri: