Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
×
Yazı Saatları
Tip: gecə quşu
Pik saat: 00:00
Gecə (00-06):208 post
Səhər (06-12):51 post
Gündüz (12-18):146 post
Axşam (18-00):210 post
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
×
Səviyyə Sistemi
Səviyyə 1: Yeni
XP: -87 (karma əsasında)
Növbəti səviyyəyə: 187 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
×
Yazı Statistikası
Təxmini söz sayı: 59,526
Toplam simvol: 357,156
Orta entry uzunluğu: 581 simvol
Kitab ekvivalenti: ~0.9 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
"Analar günü". Bu gün Elə də ciddi hansısa xatirə oyandırmır. 3 ilə yaxındır anamla mübahisə etmədən keçirdiyimiz tək-tük günlər istisna heç bir günü xatırlamıram. Bir çoxunuzun yetkinlik dövründə başına gəlir, yəqin - saysız, hesabsız və səbəbsiz mübahisələr. Bizdə isə mübahisələrin həmişə bir səbəbi olub. Hər zaman bir səbəb üstündə evdəki sükutumuzu pozmuşuq. Əslində mənim üçün elə də mübahisəli səbəb deyil, lakin anam üçün bunun ağırlığını anlaya bilirəm. 11-12 yaşlarında balaca bir bədən oturub kompyuterin qarşısında, yenicə qulaqdan dolma söhbətlərlə "duduş", "amcıq" sözlərini eşidib... maraqlıdırsa biraz sizə ilk dəfə sekslə tanışlığımdan danışım;
Həyətimizdə oğlan (?) uşaqları ilə oturub söhbət edirdik, hardasa 9-10-11 yaşımız olardı. Məhlənin böyük idarəçi erkəkləri bizə yaxınlaşdı və bizi insanlardan kənar yerə toplayaraq ilk dəfə seksuallığımızla tanış olmamız üçün qeyri-peşəkar bir addım atdılar. "Siz bilirsiz sekis nədi?" deyərək başlayan o cümlənin davamını "sikinizi soxursuz qızın götünə" deyərək davam etdirdilər. Ətrafı gülüş sədaları bürümüşdü, heç nəyə güldüyümüzü də bilmirdik, sadəcə ilk dəfə açıq şəkildə "sik-göt" sözləri eşitmişdik deyə hamımızı gülmək tutmuşdu. Klassik olaraq bu sözləri ailələrimiz bizə "dal, qabaq" olaraq senzuralayıb verirdi. Onlar isə bizi sakitləşdirərək "əə, biraz yavaş, eşidəcəklər" deyərək allaq-bullaq fikirlərini yeritdikləri bəs deyilmiş kimi bir də bizə bunun necə "əhəmiyyətli sirr" olduğunu göstərdilər. Onların reaksiyası elə idi ki, elə bil qeyri-qanuni iş görmüşük, amma bu işin elə də kiməsə ziyanı yoxdur. Lakin kimsə eşitsə bizi poxa sala bilər. Davamında bir homosapiens olaraq araşdırma marağım oyandı və əlimə indi ekranı yanmış olan kompyuterimizi alaraq "duduş", "amcıq" yazaraq axtarış etdim. Belə-belə artıq məşhur porno saytları və pornoqrafiya ilə tanış oldum. Beləcə videoları izlədikdə əllər yavaşca ben10 loqolu şortikdən içəri daxil olur, daha sonra narin əllər başlayır bədənini kəşf etməyə - hər nöqtəsinə qədər incələyirsən. Bəzən günlərlə, bəzən də illərlə vaxtın gedir. Evdəki insanların ardından qapını kilidləməyi gözləyirsən. Elə ki, qapı kilidlənir, içindəki kəpənəklər uçuşaraq səni kompyuterə tərəf sürükləyir - hansımız yaşamamışıq ki? Daha sonra masturbasiyaların əslində nəyi istədiyini ortaya çıxarır. Məndə də belə idi. Bir müddət sonra əslində elə də "qafqazlı kişi" olmadığını öyrənirsən. Seksuallığının "ənənəvi" olmadığını öyrənirsən. Nəyi yaxud kimi istədiyini bilirsən. Bunu bilmək sənə xoş təsir edir, amma sirrin sadəcə sənə və sənin kimi petuxlara məlum olduqda. Kiməsə "petux" demirəm və başa düşürəm ki, insanların bu sözlə çox ciddi travmatik xatirələri var, lakin bu məni incitmir. Vaxtı ikən çox təsir etmiş ola bilər, amma indi etməsinə mən icazə vermirəm (və ya verə bilmərəm). Hər gün məktəbin 3-cü mərtəsinə doğru addımladığım pilləkənlərdə arxamca çığırılan o sözdən bəlkə mən də iyrənməliyəm, hər çiynimə vurulan zərbədə, üstümə olunan hücumlarda, hər tinə çağırılanda ya da bıçaq çəkiləndə səsləndirilən həmin ifadələrdən nifrət etməliyəm. Təsəvvür et, 13-14 yaşlı uşağın üstünə bıçaq çəkilməsi nədir? Düşün, qapalı sosial mediya hesablarından şəkillərinin yayılıb üstünə oxuduğu məktəbin, qaldığı yerin yazılaraq paylaşılması nədir? Və sən bunu gizlətməyə çalışırsan. Onların üstümə getmək yerinə tək qalmağa çalışırsan. Çünki ailən bilsə artıq onların da gözündə patentləşdirilmiş "qoluboy" olacaqsan. Kimə şikayət edəcəksən ki? Polisin səni qoruyacaq? Ya ailən çıxıb "uşağım zor edib" deyəcək? Əlbəttə heç biri. Sadəcə ailən onların qarşısına keçib öz metodları ilə səni qoruyacaq - səni gizlədəcək, onların gözündə əsil pəhləvan kimi göstərməyə çalışacaq, bəlkə də həmin o "sirri" təkrarlasalar onları fərqli üsullarla təhdid edəcək. Sən isə artıq həm ailənin, həm də qaqaşların gözündə petux olaraq qalacaqsan. Belə ki, mən bu sözə nifrət etmirəm. Guya etsəm nəyi dəyişdirə biləcəm? Ancaq özümü daha çox incidəcəm, ən salamatı sözün iqtidarını öldürmək, onları silahsız qoymaqdır, əziz və əhəmiyyətli "petux" olaraq damğalanan şəxslər. Mən də sadəcə bunu edirəm. Anam isə hər zaman bununla üzləşir - oğlunun hər gün bu ifadələrə məruz qaldığını bəlkə də bilir, amma nə etsin? Qohumlar hər gün qaxınc olaraq istifadə edir, bəlkə də iş yoldaşları ona övladı haqda hansısa səfsəfələri sayıqlayır. O isə məğrurcasına "Yox! Mənim mənim oğlum əsl kişidir!" deməyə davam edir. Mən valideynimlə çox dirəşməyin tərəfdarı deyiləm, onun təbiəti tamam başqadır. Anam hər şeyi idarə etməyə çalışan, ömür boyu işləmiş, həyatının tək məqsədini ailəsinə baxmağa fokuslamış və həyat oldaşının söz-söhbətləri bəs deyilmiş kimi bir də xəstəliyindən sonra bu yükü iki qat artmış olan biridir. Ona gender-mender, nə bilim, hansısa petuxun keçib qabağına oturub terminlər toplusu ilə danışması maraqlı deyil. Heç buna vaxtı da yoxdur, çünki oturub Əlinin "səfsəfəsini" dinləsə işə getməyə nə vaxtı qalacaq, nə də psixologiyası imkan verəcək. Psixiatra gedirdim, bilirsiniz nə oldu? Gedib həkimdən soruşur ki, "içəridə nə danışdınız?" Həkim isə söhbəti deməyin etik çərçivəyə uyğun olmadığını dedikdə mənə deyir, "pulu mən vermişəm, niyə mənə demirsiniz?" Ahahaha. Hələ ailə terapiyasına-zada gedirik guya. Əşşi terapiya hərləyəndi? Yaşlı-başlı qadındır, imkan ver nə istəyir desin də. Söysün, qışqırsın - istədiyi kimi. Onsuz bu yaşdan sonra nə isə dəyişəsi deyil. Mən isə yaşamağa davam etməliyəm. Necə ki, bəzən dostlarım, sinif yoldaşlarım, ya da sevdiyim insanlar məndən uzaqlaşdı, həmin pilləyə çatdıqda zaman ailə məsələlərinə də təsir edəcək. Bəlkə də hər şey xəyal etmədiyim kimi gözəl olacaq? Demirəm, anam çıxıb əlində LGBTiQA bayrağı ilə düşük, sjw övladını müdafiə etsin, bu leveli hədəfləmək maraq dairəmdə də deyil. Amma bir gün anlamasına, içindəki hegemon hissləri qoyub danışmağa çalışmasına içimdə zərrə də olsa ümid var. Hər nə qədər dünən getdiyimiz qonaqlıqda hamının içində "Oğlumun Bayram Nurlu kimi olmasını istəmirəm" deyib ortaya qavno salsa da onu çox istəyirəm ahahah. Bu gün özü ilə danışmırıq, yəqin, axşam işdən gələndə də üstümə qışqırıb yeməyə çağıracaq. Sonra da dərmanlarımı içməmişəm deyə əsəbləşəcək, mən həftələrdir bizdə olan qonaqlara verdiyim otağıma set tutmur deyə çıxmaq yerinə, yan otağa -internetin tutduğu yerə keçib, əlimdə telefon, twitterdə yenə pox çuxurunda nələr baş verdiyinə baxacam, bəlkə də realda tanımasam da sevdiyim insanların iqtidar tərəfindən sıxışdırıldığını görüb bədənim titrəyəcək, Bayram Məmmədovun ölümünə baxıb təəssüflənəcəm, içim parçalanacaq. Anam da votsapdan bacıma səs ataraq ağlayacaq. "Artıq evdən gedəcəm", "o məni utandırır", "mənim oğlum yoxdur" deyərək ağlayacaq. Söhbəti nə qədər fırlatmağa çalışsan da hər şeyin mənim orientasiyamla bağlı olduğunu bilirəm. Bunu görməyəcək qədər gic deyiləm. Səni sevirəm, mənə olan basğını da sevirəm. Hər getdiyim yeri, dostlarımı birdən mənə nəsə olar deyə sorğu-sual etməyini də sevirəm. Söyməyini də sevirəm deyərdim, amma bu qədər osduraqçılıq etməyəcəm. Nə yaxşı ki, mənim anamsan. Biraz yola gəlimli olsan lap yaxşı olardı, amma eybi yox da, sənin şablon bəhanəndən istifadə edəcəm: mən səni doğmamışam ki, sən məni doğmusan! Buna görə də sakit otursam yaxşısıdır. Səni hər nə olursa sevdiyimi bilməni elə istəyərdim ki. "Ailə" anlayışım ənənəvi deyil, amma mənim anlayışım da sən də varsan. Özümdən asılı deyil də, çox istəyirəm axı səni. Nəysə, ala, düşüm aşağı yemək yeyim, yoxsa ölkədəki gey-paradı görmədən öləcəm. Analar günün mübarək, ana! Bəlkə də cis-heteropatriarxal iqtidar, monoseksist, fobik kütlə səni... ee bu paylaşımda terminlər olmayacaqdı. Yaxşı, ixtisar edirəm: Bu petux səni həmişə sevir!
Sevinc Hüseyinovanın outing (ifşalama) etdiyi trans qadın əli-qolu bağlı şəkildə yandırılaraq öldürüldü. Sizə qısa bir döngünü yazmaq istəyirəm.
Günahkar çox sadədir əslində. 2017-ci ildə polis tərəfindən anti-lgbtiq reydləri keçirildi, əsasən seks işçisi trans qadınlar və digərləri qaçırıldı, saçları qazındı, bədənlərinə tok vuruldu, polis tərəfindən təcavüz olundular. Həmin ildə bu hadisəyə görə basğı yarandığı üçün yenə təkrarlamadılar, amma hər ilin iyul-avqust aylarında mütləq ki, ard-arda hücumlar baş verir, nəticədə 1 nəfər dəhşətli şəkildə öldürülür. 2017-dən bəri hələ qış ayında ard-arda hücum, hücum, hücum və nəticədə ölüm olmayıb. Dəqiq bu təsadüfdür? Son 2 ildə də bunu fərqli bloggerlərin əli ilə edirlər. Keçən il ata abdullayev Aysun adlı qadını ifşaladığı üçün 10 bıçaq zərbəsi ilə öldürülmüşdü, bu il də sevinc hüseyinova.
Bu şəxslərin hamısı işlədilib bir küncə atılacaq, ortada zərər çəkənlər queerlər olur. ümumən icmalar, dövlətə və onların rollaşdırdığı, hər cür cındırlığı "vətənpərvərlik" adı ilə soxuşdurduğu cəmiyyətə qarşı olur. icmaların siyasiləşməsi, fərdləri içinə alaraq hüquq və azadlıqlarını vurğulaması yuxarıdaki oğraşlar üçün sərf etmir. Beləcə işi salamatına kökdən həll edirlər.
2 həftədir hücuma məruz qalan şəxsin yaxınları ilə görüşürük. Biri küçədə qaçırılır, birinin evində adam öldürülür, o gün də polis 3 qadını saxlayıb qorxutmaq istəyib. Oğraşlıq!
Başlığa "heteroseksual olmamaq" yazanlar həqiqətən işin nə qədər qəliz olduğunu təkrar düşünər, ümid edirəm. Həqiqətən bayraq sallamağımızın səbəbinin təkcə sikişmək üçün olduğunu fikirləşirsiniz?
Mən heç vaxt görünür olan lgbtiq ləri belə qorxmuş və qəzəbli gördüyümü xatırlamıram. Bu devran belə dönməyəcək. Bu hadisələrin hamısı sayəsində onlarla insan bir-birin tanıdı. Güclənəcəyik. Mütləq.
Daha əvvəl azərbaycanda olan cruelity-free firmaları göstərən bir səhifə var idi, təsssüf ki, artıq bağlanıb. Çox istəyərdim ki, sizinlə bölüşüm, amma onun yerinə ən yayğın məlumatı bilməyənlər üçün təkrar paylaşım;
Heyvanlar üzərində aparılan təcrübələrin əksəriyyəti kosmetik məhsulların tərkibindəki maddələrin dəriyə və gözlərə zərər vurub-vurmadığını aydınlaşdırmaq məqsədilə həyata keçirilir. Bu təcrübələr zamanı ən çox istifadə olunan heyvan dovşandır. Dovşanlara heç bir ağrıkəsici vermədən zəhərli maddələri gözlərinə tətbiq edirlər və heyvanlar da xilas olmaq məqsədilə ağrılar içində qaçaraq özlərini qəfəsə çırpırlar. Nəticədə, dovşanların boyunları və onurğaları qırılır və ağrılar içində can verirlər. Bir digər təcrübə isə kosmetik məhsulun daxilə qəbul edilməsi təqdirində onun verdiyi zərərin aydınlaşdırılması ilə bağlıdır. Bu təcrübə zamanı heyvanlara ölənə qədər zəhərli maddəni zorla yedirdirlər və nə qədər zərərli maddənin həmin heyvanı öldürdüyünü aydınlaşdırırlar. Dəhşətli təcrübələrdən biri də kosmetik məhsulların hamilə insanlara və bətnindəki körpələrinə təsirini ölçmək üçün istifadə olunan təcrübədir. Bu təcrübə zamanı hamilə dovşanların bədənləri kəsilərək balaları çıxarılır və maddələr onlara tətbiq olunur. Bütün bu təcrübələr zamanı heyvanlar ac, susuz, ağır şəraitdə qaranlıq qəfəslərdə saxlanılır və qəfəsdən kənara yalnız təcrübə üçün çıxarılır. Heyvanların çoxu ağır psixoloji travma alır. Onlar təcrübələrdən sağ çıxa bildiyi təqdirdə yenidən ağır təcrübələrə məruz qalırlar və bu döngü heyvanlar həyatlarını itirənə qədər davam edir. Bu təcrübələr zamanı onların dərilərində sağalmaz yaralar, yanıqlar əmələ gəlir. Bu yaralar sağalmadığı zaman heyvanlar diri-diri öldürülürlər. Sağalan heyvanların üzərində isə yenidən təcrübələr aparılır. Əslində "cruelity free" və "vegan" firma anlayışları fərqlidir. Heyvanların istismar olunmadığı firmanı seçmək üçün məhsulumuzun iki tələbə də cavab verməsi lazımdır.
Yuxarıda paylaşdığım "cruelity-free" loqolarıdır. Bəzi məhsullar bu standarta cavab versə də loqo ya işlətməyiblər, ya da təsdiqlənmə səbəbinə görə loqoları yoxdur. Bu zaman həmin firmanın saytından və ya dəstək xidmətindən bu haqda maraqlanmaq mümkündür.
Bu isə məhsulun təsdiqlənmiş şəkildə veqan olduğunu göstərir (və ya digər tərzdə "veqan" yazı, loqoları ilə). Məhsul veqan olsa da loqodan istifadə edilməmiş də ola bilər. Bu təqdirdə tərkib hissəsinə göz gəzdirməyiniz kifayətdir.
Bu paylaşımda isə azərbaycanda yayğın olan və "veqan & cruelity-free" standartına cavab verən firmaların bir neçəsi ilə tanış ola bilərsiniz; link
Xüsusi qeyd: hazırda "love by veganazer" adlı veqan mağazadaki bütün məhsullar tam eko dostu və cruelity-free & veqandır.
Xüsusi qeyd 2: instagramda "@vegancosmetics_de" səhifəsindən bütün veqan & cruelity-free makiyaj məhsullarını ölkəyə gətirmək mümkündür.
Mənə göndərildiyində şifrəmi itirsəm də təkrar sözlüyə bir-təhər giriş etməyimə vəsilə olan başlıq.
ictimailəşməsi üçün dəstək olan hər kəsə təşəkkür edirəm, millət. Təəssüf ki, himayəsində olduğum hüquqi şəxslər də homofob olduğundan rəsmi proses yavaş getdi. Lakin hazırda valideynlərlə razılaşmışam. Hər şey uğurlu irəliləsə şikayət prosesi tamamlandıqdan sonra media qurumlarına baş verənlər haqda danışacağam.
Son 2 gündə elə də yaxşı hiss etdiyimi deyə bilmərəm. Xüsusən də sinif yoldaşlarımın belə mənim əksimə iddialar danışması üçün doldurulması həqiqətən pis təsir etdi. Prosesin də himayəçilər tərəfindən də yavaşladılması narahatlıqlarımı artdırdı. indi isə qaydasındadır.
Təşəkkür edirəm - Qozuna alan, almayan şəxslərin hər birinə. -*
"30 dəqiqədə çatdırılma" kompaniyası ilə işçilərin həyatlarını təhlükəyə atan "Domino's pizza"-nı niyə boykot etmirdiniz? O kompaniyaya görə kuryerlərdən həyatını itirən də olmuşdu. Papa John's nə edib ki? Nəyi qoyub nəyi danışırsınız. Anlamaq lazımdır ki, ay gözəl insanlar, bu şirkətlər tərəfsiz olmağa məcburdur, bəli, paylaşım edərək səhv ediblər, lakin uzağı 2 ay sonra əksiriyyətiniz yenə sıraya düzüləcəksiniz axı o burgerləri almaq üçün
Ölkənin "siyasət"lə maraqlanan böyük kəsiminin dəstəklədiyi eşşəksikən. Məhz eşşəksikən. Adam junior akp olduğunu deməklə qalmır, poxunu çıxarır. Deməli hələ azad seçki söhbətlərindən əvvəl ideolojik formalaşmaya getməliyik, yoxsa ana-bacı respublikası heç zaman dəyişən deyil.
Bu tip başlıqların olması və qadınlara cəsarət verməsi möhtəşəmdir! Mənim də yaxın bir qadın dostumun başına bir hadisə gəlmişdi, istəyərdim onu bölüşüm (öz icazəsi ilə)
"1ci kursda oxuyurdum, yuxarı kurs bir oğlanla dost olmuşduq (qısaca A deyəcəm). Mart vaxtı A mənə bir dostunun (B deyəcəm) məndən xoşu gəldiyini dedi. Çox xaiş etdikdən sonra 1 dəfə danışmağı qəbul etdim. Unidə görüşdük, dərs saatı olduğu üçün həyət bomboş idi. Əvvəl biraz danışdıq, sonra B mənə yersiz yaxınlaşmağa başladı. Əl atırdı, artıq sözlər işlədirdi. Mən uzaqlaşdırca o yaxınlaşırdı, sonra isə mənə əxlaqsız bir dillə əlaqədə olmağı təklif etdi. Mən qəbul etməyəndə isə qolumnan tutub özünə çəkdi, əlləməyə, öpməyə çalışdı, taciz etdi. Ağzımı tutduğu üçün səsimi çıxara bilmirdim, həyət də bomboş idi. Axırda əlini dişləyib çıxdım, qaçdım. O vaxt qorxduğum üçün heçkəsə anlatmamışdım. Amma zaman keçdikcə ətrafımdakı insanlar məndən uzaqlaşmağa başladı. Grupumdan səs çoxluğu ilə məni çıxardılar, bütün dostlarım məndən aralaşırdı. Həmin yay isə eşitdim ki B haqqımda unidə şayiə yayıb, ki o qızın əxlaqsız videoları var, pula çıxır və s. Və bunu təklifini qəbul etmədiyim üçün etmişdi, bütün patok, məni tanıyan tanımayan çox adam bilirdi. 2ci kursa başlayanda yeni grupda idim. Orda bir oğlanla flörtləşirdik. 1 ay keçməmiş bu mövzuları eşitdiyi üçün məni heç bir səbəbsiz tərk etmişdi. O ilin sonuna qədər yeni grupumda da incidildim, dışlandım. 2 dəfə intihar cəhdi etdim. 2cisi də uğursuz olanda artıq hərşeyin başını buraxdım. Heçkəsi vecimə almadım. Və ondan sonra zamanla unuduldu, ya da elə olduğunu sanıram. Amma o il yarımın travması hələ də mənə təsir edir. Kimləsə yaxınlıq qurmağa çəkinirəm, heçkəsə güvənə bilmirəm. ilişkim olan insanlarla belə daim arama məsafə qoyuram, hər xırda şeydə hərşey edə bilər düşüncəsi ilə az qala panik atak yaşayıram. Və bu hadisələr baş verəndə ailəmə də anlatdım. Mənə yardım etsinlər deyə. Amma anama anlatdığımda ilk reaksiyası "nə eləmisən ki haqqında belə danışırlar? Qəhbə çıxmısan başıma?" oldu. Və sonra uzun müddət doğru dürüst danışmadıq, evdə daim ağır sözlərə məruz qalırdım."
Doğurdan da həyat çox iyrəncdir, valideynlərin belə bu gün uşaqlarına qəddar reaksiyalar verməsi dəhşətlidir. Hər gün onlarla qadın zorakılığa məruz qalır və onlar bir çox hallarda susdurulur. Hər zaman yanındayıq, sən əsla susma!
pivə içmək, film izləmək. Başqa xüsusi nəsə müşahidə etməmişəm. Bunlar isə məhz azərbaycanlılara aid deyil. Ümumiyyətlə "boş vaxtlarında edilənlər" artıq sinfi sualdır. Məncə, bu sualı verənlər yoqa - zad edir, maraq üçün heykəltaraşlığa gedir. Nə etmək olur məhz azərbaycanlı olaraq boş vaxtımızda? Uzağı kofe içəcəyik və bunun Azərbaycanlı kimliyimizlə əlaqəsiz olmur.
Ümumən bu "boş vaxtlarda edilənlər" sualına da həmişə cavab "hiking sevirəm" - filan olur, yəqin. Özü də toplu şəkildə bir çox maraqlı fəaliyyətlər listi tələb olunur lol. Orta üst sinif olmayanlar və avropada qohumu yaşamayanlar bu sualı verəndə pis oluram. Bu sual "cancel" olunsun.
Bilmirəm pox çuxurunda hansısa məsələni ictimailəşdirməyə çalışmaq nə qədər faydalı olar, amma yenə də cəhd edirik. Hər dəfəsində nəyəsə ümidlərinirik, sonra yenə cəmiyyət bütün ümidlərimizi sözün həqiqi mənasında sikir. Fikrimi necə izah edə bilərəm bilmirəm, sadəcə diksinirəm. Hər dəfə sizinlə eyni yolda yeriməli, iyrənc düşüncələrinizə məruz qalmalı, iqtidarınızı görməli olduğum üçün diksinirəm.
15 yaşlı uşağa qonşusu təcavüz edib və uşaq hamilədir. Ana deyir ki, 1 aydır şikayət etməsinə baxmayaraq, qızına qarşı zorakılıq törədən şəxsi bu günlərdə həbs ediblər. Bundan sonra qarşı tərəfin qohumları onlara üzrxahlığa gəliblər və 2 min pul təklif ediblər ki, "söhbəti bağlasın". Hamiləliyi sonlandırmaq üçün də polisdən kağız tələb edirlər.
Bu gün aktiv sözaltı yazarlarının təkrar necə bir hiss olduğunu bəlkə də gördüyü mövzudur.
Qeydiyyatdan keçdiyimdən bəri lgbtiqa kontentinə üstünlük verərək başlıqlar doldurmağa çalışmışam və gələn reaksiya göz önündədir; "qiçs mağarası". Halbuki bunu deyən şəxs o qədər nəsibini almayıb ki, hələ də 80-90-lardaki "hiv/qiçs gey xəstəliyidir" söhbətlərində qalıb lol. istəyir bu geylər arasında telepatiya yolu ilə keçən mutantlaşdırıcı bir virus belə olsa, sənə təsiri olmadığı müddətcə nəyin şüvənliyidir?
Başlıqda yazılan bir digər entryə görə hansısa trans qadına "qaqaş" deyərək xitab etmək normaldır, videosunu gizlincə çəkmək normaldır, amma həmin şəxsə "gijdıllağ" demək isə yox. Adam gijdıllaqdır da, aydındır ki, transın o reaksiyanı verəcəyini bilmədən əvvəl videonu qeyd etməyə başlayıb. Və transa ilk "qaqa" dedikdə satıcıya etiraz edir, lakin satıcı isə məzələnmək üçün bunu təkrarlayır. Əziz sisgender heteroseksuallığın iqtidarı ilə bakının odlu küçələrində qıy vuran testestereon torbası homofoblar, sizə gəlib ard-arda "petux" desələr götünüzü cırarsınız. Və mən də reaksiya vermənin çox təbii olduğunu yazdım, davamında isə söhbət moderləri işə qatıb təhqir etməyə qədər böyüdü.
Bu sözlükdəki klassik bir hadisə olaraq yaddaşlarımızda qalsın, sizə danışım səhərdən. Səhər əl-ələ tutub bir insanla gəzdiyim üçün yolun kənarında maşın saxladı və ərinməyib pəncərədən təhqir etdi. Bir insan necə səviyyəsiz və bekar olar axı bunu etsin?
Biraz sonra isə dostumun ardından "bu petuxun sırğalarından tutub nə çaldıraram off" səslərini eşitdik. Sırğa taxmasına görə təhqir fobiyadır? Yox. Bəs petux olaraq təyin edib təhqir etməsi? Hə. Düşünürsünüz bu sözə öyrəşib deyə dostumu incitmədi? Ya o o qədər hissizləşib ki, evdə ağlamır? Özünə zərər verməyi heç düşünməyib? O artıq öz ölkəsini atıb qaçmaq istəyir. Səbəb isə sizsiniz, əziz fobiklər.
Sonra getdik kafedə oturmağa və sizə bir fakt qeyd edim: oturduğumuz kafe əvvəllər azad lgbtnin ofisi olub -bunu yeni öyrənmişəm və yan otaqda isa şahmarlı özünü asaraq öldürüb. Bu sizin üçün nəyisə ifadə etmir, bilirəm, lakin addımladığımız hər yerin iyrəncliklərlə dolması məni parçalayır.
Artıq feysbuk qruplarımızda yardımlar axtarmaqdan, zorakılığa etiraz etməkdən bezmişik. Açıb googleda axtarışa "azerbaijan lgbt" yazın, ancaq ölüm, polis zorakılığı, dövlət basğısı. Və bu siyahının hər gün uzanması məni narahat edir. Bunun səbəbkarı sizsiniz. Elə hamınız. Buna görə biz "fobikləri brokoli ilə əvəzləməliyik" deyəndə əsəbləşməyin qətiyyən.
Başlığa yazılan entrylərin birində "hamı ayrı-seçkiliyə məruz qalır da" yazılıb. Siz ətağa nə ayrı-seçkiliyə məruz qalırsınız? Daay evdən qovulma, öldürülmə, iş verilməməni deməyəcəm - bunlar məlumdur. Sadəcə 2 gün əvvəl oturduğum biri haqda danışmaq istəyirəm;
Bir trans dostum var, iş tapmaq üçün sənəddə cinsini və ad/soyadını dəyişdirməlidir, bunun üçün isə adaptasiya əməliyyatlarına getməlidir. Sadəcə 1 əməliyyat isə ölkədə ortalama 15 min manatdır. Bu əməliyyata keçmədən əvvəl uzun bir rüşvət dolu həkim prosesinə girməlidir, əməliyyatdan əvvəl isə ən azından bir neçə ay hormon qəbul etməlidir. Həmin hormon isə ölkədə yoxdur və qadağandır. indi bu insan məcburdur ki, ona verilən tək şansdan istifadə etsin - seks işçiliyi. Seks işçiliyi bir işdir, məcburi olduqda isə istismardır, hər iş kimi. Seks işçiliyi etdiyi zaman isə hər an bıçaqlanmaq, öldürülmək təhlükəsi ilə üz-üzədir. O gün internetdə biri müsahibə verir ki, "cəmiyyətimizi təmizləmək üçün 2 seks işçisini öldürmüşəm, biri transdır":. Və hər kəs buna alqış tutur - polis də, inanın mənə, içəridə də bomba həyat çəkəcək. Seks işçiliyi etdiyi zaman polis gəlib yığıb aparacaq, rüşvət almadan buraxmayacaq, verə bilməsə də 2017-ci ildə etdiyi kimi təcavüz, zorakılıq etmə şansı var. Həmçinin bu insanın işi də rəsmi deyil, qorunması üçün də dövlət nəsə etmir və yuxarıda çəkilən (baxma: qiçs mağarası) səhnəsi də belə yaranır. Təkcə translarda və ya seks işçilərində? Əlbəttə yox. Amma qorunmasız sekslə məşğul olan hər kəs əsas daşıyıcılardandır (hətta qorunanlar da). Tək bir sual; bu insan nə etməlidir? Heç nə. Bir çox axmaq elə bilir ki, bütün seks işçiləri (xüsusən translar. Çünki mövzumuz budur) hamısı dubayda qıy vurur. Yox əşşi. Sən ağıllısan mən gicdırnağam da xaricdə kefimi çəkmək yerinə burada sənin kimi tupoya görə götümü cırım. Ya da hansısa trans kefindən dilinin altında lezva gəzdirir. Bəli, transların bir çoxu vəhşi hərəkətlər edir, insanlara nifrət edir, hətta bəlkə də bizi tutsa öldürəcək. Çünki onları cəmiyyətdən uzaqlaşdıran da bizik. Xor görən, tərk edən də bizik. Sovetlərin osduraqçılığında boğulan da.
insanların hansısa transın başına işəmə xəbərinə, cəlilabadda geyin özünü asma xəbərinə, lezbiyanın başının kəsilməsinı sevinməsi məni parçalayır. Bunları özümdən demirəm ha, olan şeylərdir. Mənim içim parçalanır çünki bir sinifdə oxuduğum şəxs səhər məni şəhərdə göstərib dostlarına "o peysərə ba, onunla birgə oxumuşam" deyib priçoskasını dala atdı. Əlbəttə şəxs olaraq götümə deyil, amma individual yanaşmasaq götümədir. Çünki mənim ətrafımda böyüdüyüm insanlardırlar hamısı. Bir neçə il sonra mən ailəmi atacam, bu faktdır. Çünki anam evə kişi gətirməyimi qəbul etməyəcək. Anama osduraqçı terminlərim də maraqlı deyil, maddi problemləri var, qab-qacağını satıb evinə çörək gətirən adamdır.
Qayıdıram əvvələ - hansı biriniz bu problemlərlə üzləşirsiniz? Bir dəfəsində "küçədə hücuma məruz qalırıq" dedikdə yazarlardan bir neçəsi "biz də qalırıq" dedi. Əmin olun ki, müqayisə etmək istəmirəm, edirəmsə bağışlayın, amma mənə məlum olmayan odur ki, cis-hetlərin istənilən şəkildə məruz qalıb da bizim icma olaraq təcrid olunduğumuz ayrı-seçkilik hansıdır? Sanki qruplaşmalarıq və hamımız ayrı ütopiyalarda yaşayırıq. Yox, əzizim. Mən də eyni bataqlıqdayam, mən də diktator rejimində işsiz, pulsuz, evsiz şəkildə, namus-qeyrət keşikçilərinin söhbətləri ilə çürüyürəm. Yəni sizin gördüyünüz ayrı-seçkilik sizin kimliyinizlə əlaqəli deyil, xalq olaraq içimizə soxmağımızla əlaqəlidir. Bəlkə də içimizə də yox, bir-birimizə soxmağımızla. Nifrətimizi özümüzdən çıxırıq və əsas hədəfimizi unuduruq. O qədər manipulyasiya oluruq ki, bəzən əsas düşmən bizi dolayır elə istədiyi yerinə. Lazım olanda öz tərəfində "dəmir yumruq" kimi birləşdirir, sonra da o yumruğu çırpır təpəmizə.
Kimsə termin əzbərləməli deyil, amma digərlərinin azadlıqlarına hörmət etməlidir. inküzivləşmədən bir sik də əldə edə bilməyəcəksiniz. Ya düzəlməyə, ya da cəmiyyət olaraq məhv olmağa məhkumsunuz. Tək problemimiz LGBTiQA lardırmı? Yox. Bəs bu ciddi bir problemdirmi? Hə. Bu siyasidirmi? Hə. Bu çuxurda onsuz etdiyimiz hər şey siyasidir.
Daha çox mübarizələri radikallaşdırmayaq, yoxsa axırımız (baxma: size feminizm çok, sizin ağzınıza sıçmak lazım) söhbətinə dönəcək. Bu isə heç kim üçün yaxşı deyil. Həqiqi sözümdür, mən bir gün bakıda trans terroru kimi şeylər görmək istəmirəm - insanların intiqam atəşində alovlanmasını istəmirəm. Bu isə reallıqdır ki, qazan bir gün partlayacaq. Gəlin onu elə formalaşdıraq ki, partlayış inkişafımıza doğru olsun.
Başlıq tərifi: azərbaycanda lgbtiqa olmaq iqtisadi cəhətdən də poxda olduğun üçün mübarizə belə apara bilmədən başını götürüb qaçmaqdır.
Ümumiyyətlə LGBT təbiətdə varsa niyə də
təbliğ olunasın ki?
Həyatın içindən, olduqca təbii bir şey olduğu üçün təbliğatının olması çox normaldır. Təki elə LGBT fərdləri təbliğ olunsun, normallaşsın. Heteroseksuallar samballı toy keçirəndə biz səsimizi çıxarmırıq niyəsə, məktəbdə, televizorda, küçədə, universitetdə - hər yerdə heteroseksuallığın təbliğatını görə bilərsiniz. Əl-ələ gəzirlər, öpüşürlər, sevgilərini etiraf edirlər. Kimsə də çıxıb onlara bir söz deyə bilməz. Lgbt fərdləri də edər! Təbliğ edər, öpüşər, əl-ələ gəzər, yeri gəlsə gözə də soxar.
Danimarka - Çexiya matçında LGBT bayrağı açan danimarkalı azarkeşlərə polis müdaxilə edib. Bu barədə xəbəri Standard Sport və DW Sports yazıb. istənilən halda, Azərbaycanın reputasiyasına təsir edəcək xəbərdir. link
Başlığı görəndə metroda formalı qazilərin başıma çıxması yadıma düşdü. Maskasız rahatca gedirdilər, hansı ki, başqa adam çıxaranda polis şüvənliyinə salır, eskalatorun qarşısında eyni anda 10-15 nəfər gözləyirdi, gəlib məni itələyir ki, "görmürsən? Yol ver də". Uje "qaziyəm" də deyilmir, formanı geyinib pramoy çıxır başına. Ala, uzağı 30 saniyəyə çıxacaqsan da lol, eskalator dayanası deyil ki. Nə də sən qaçası deyilsən eskalatorda, xiyarsan?
Yazılan entrylərdən və qulaqdan dolma söhbətlərə görə qafqazlı kişinin (?) "Qeyrət" anlayışına zidd, iqtidarına təhdid olaraq hansısa "nito" hərəkət edə biləcək şəxsləri alçaltmaq üçün istifadə olunan jarqon.
#30187 nömrəli entryə görə "verən", "gəzən", "paylayan" növ qızların qardaşı, atası, dayıoğlusu, əmioğlusudur. Yəni konkret bu bir şəxsin peysər olması üçün nəsil-əcabətindəki qadınları obyektləşdirməliyik və bu əşyalaşmış qadınlara rollar yükləyib sərhədləməli, daha sonra atmalıyıq duduşu olduğu üçün kişi olaraq təyin olunan hansısa bir qohuma. Bu səfsəfəni başdan-ayağa qəbul etmirəm. Kimsə yuxarıda sadalanan "qeyri-ənənəvi", yazılmamış qanunlarda olan "illeqal"lığı edirsə bundan başqa biri cavabdeh deyil. Cavabdehliyi qoy qırağa, zor edir. (baxma: vulva/göt/penis/bədən və s. Mənimdir, kimə istəsəm verərəm)
#305134 nömrəli enterydə isə görünür ki, bu "peysər" stiqmasında cəlb edici nəsə var və insanlar qeyri-mədəni aktları bu sözə yükləyib "ağırlığını" artdırmağa çalışırlar.
Ənənəvi olarana qayıtsaq, "peysər" bütün bu seks stereotiplərini, seksuallığın əxlaqsızlıq, hansısa tabu və s. Olduğu anlayışlarını inkar edən bir termindir. Məncə, peysər olmaq bir dəyərdir. Hələ azərbaycan kimi ölkələrdə peysərlərin əzminə xüsusi heyranam - patriarxalın istənilən hegemoniyasına qarşı hələ də burada olmağı bacarırlar. Ümid edirəm, peysər icması formalaşar və görünürlük qazanar. inqilab peysərlikdən keçir.
Jurnalistin belə çıxıb səni təhqir edə bilməsi, kimliyinə qarşı iyrənc ifadələr işlədə bilməsi və öz sosial media hesablarında sənin icmandan olan insanları rahatlıqla paylaşaraq hədəfə çevirə bilməsidir.
Sevinc Hüseynova adlı bir instaqram gəlin-bacısı bir video çəkib. Açılış isə belədir: "translar, geylər, lezbiyankalar və bədənini pula satan fahişələr, yaxın oturun ekrana". Əlbəttə videonun qalan 09:48 dəqiqəsini izləyəcək qədər xiyar deyiləm.
(italik: metroda anonsu sesi mübarek!)
Bu şəxs qeyd etdiyinə görə jurnalistdir və LGBTiQ+lara qarşı nifrətli çıxışlar edir. TikTok nifrət nitqinə görə səhifəsini bağlasa da instagramdan davam edir və insanları stroydə paylaşaraq hədəf göstərir. Hələ bir dövlət orqanlarını da irad tutur ki, translara baxıb uşaqlarımız pozulur.
Geyinib bol, qara paltarı məndən beş-betər yayın istisində, çıxıb tənqid edir. Puah! Yer ged, ya bacı, dövlət orqanı hərliyən gəlib vaqonla. Başlarına oyun açırlar, heç belə şüvənliklə video çəkə bilmirlər.
vaxtı ikən yaxşı deyiblər, "gööööööt!"
Paylaşım bu video ilə başlayıb. Şikayət edək: link
Ət yeyən insanlarla öpüşməyən, hansısa seksual yaxınlıq və s. Qurmayan şəxsdir. Veqan sözlükdə oxuduğum qədəri ilə, "insanın yediyi nədirsə, odur" prinsipi ilə yanaşırlar məsələyə.
13 sentyabr 1916-cı ildə Amerikanın Tennessi ştatında sirkdə çıxış edən Fil Mary, baxıcısını onu əsəbləşdirməsi nəticəsində hücum edərək öldürmüşdür. Günahkar olaraq hesab edilən Mary asılaraq edam edilmişdir. link )
Mən o "iti qovan" söhbətləri çıxan gündən bəri özümü öldürürəm ki, heyvanları təhqir obyekti olaraq işlətməyin. Buyrun, bu da nəticəsi.
Gəlib "onun içindən gəlir, söz bəhanədir"-zad yazmayın.
O söz məşhur olandan bəri heyvansevərlər qrupuna küçədəki itlərə "paşik" deyərək hücum edən insanlar haqqında dəfələrlə şikayət gəlmişdi. Bu video isə üst səviyyə cındırlıqdı!
)
