Əzrahıl

4 əjdaha! 10.05.2024 23:43, Əzrahıl

2-3 gün əvvəl təsadüfən çoxdandır görmədiyim keçmiş iş yoldaşımı gördüm, amma yanlış zamanda və yanlış məkanda. indilərdə mesaj yazıb mənə, borc istəyir. Başa düşmürəm, vallah başa düşmürəm. Sən mənim tanışım belə deyilsən, əvvəl bir yerdə bir müddət işləmişik və işdən ayrılmışıq. Nəyin yaxınçılığıdır bu? Vallah adam boğaza yığılır, bu gün salam verirsən və sabah gəlib borc istəyirlər. Nağaraq ay qardaş, salam da verməyək sizin kimi tiplərin əlindən?

#384459 şikayət

14 fevral

+5 əjdaha

Günün yarısını işdə keçirtdim. Yarısını da şəhərdə, əlində gül və mişka ilə gəzən insanlara baxaraq.

4 əjdaha! 14.02.2026 20:03, Əzrahıl

#396804 şikayət

söz vermək

+18 əjdaha

Bayaq yaxınımızdakı şadlıq sarayında toy idi. Üzündən banditlik yağan küçədəki balaca tüfeyli uşaqlar yığışıblar ki, gəlin maşınının qabağın kəssinlər. Demək maşınlar gəlib az qalır üstlərindən keçsin, sırtıq kimi özlərin atırlar maşının qabağına, başın şüşədən maşına soxan tiplər də var hələ. Özümə söz vermişəm, haçansa gözüm dönsə maşından düşüb o uşaqlardan birin eşşək balası kimi çırpacam, qoy qalanlarına da dərs olsun.

16 əjdaha! 16.04.2024 22:44, Əzrahıl

#383973 şikayət

cahillər üçün müdrik görünmə metodları

4 əjdaha! 16.08.2024 00:13, Əzrahıl

Populyar mədəniyyətin köləsi olmaq. Nümunə kimi bütün günü kitab oxumaqdan dəm vuranları və hamının izlədiyi Netflix seriallarını izləyənləri göstərmək olar. Məsələn, bir ara kimə baxsan LCDP izləyirdi, nə varsa artıq mən də bilmirəm. Mən izləmədiyimi deyəndə mənə bir qəribə baxırdılar. Nə dəxli də ala? Mənə maraqlı gəlmir və izləmirəm. Sadəcə hardasa belə söhbət düşəndə "hö mön dö böxmöşöm, mön dö öxömöşöm" demək üçün eləyirlər, əminəm.

#387156 şikayət

cavab

+6 əjdaha

Əgər gözlədiyin cavab gəlmirsə, bunun özü də bir cavabdır. Bugün bir daha təcrübə eləmiş oldum bunu. Gecə 11-də atdığım 1 dəqiqəlik səsə günorta saat 1-də cavab almışam, həm də 1 stiker ilə yola verilmişəm. Qürur yaxşı şeydir, olan yerdən.

6 əjdaha! 13.12.2025 17:51, Əzrahıl

#395062 şikayət

gözü qaşı oynamaq

+7 əjdaha

Bayaq başıma bir şey gəldi, bura yazım dedim. Demək işlədiyim obyektə təxminən 15 nəfərlik qohumlar gəlib, içlərində ailəli olanlar da var. Nəysə bunlar oturdular, səs-küyləri aləmi götürüb, it yiyəsin tanımır. Mən də hər şeydən xəbərsiz oturmuşam kompyuterin arxasında aylıq hesabat hazırlayıram. Başımı qaldırdım, gördüm aralarında bir gəlin var, konkret gözü qaşı oynayır, gəlib gedib mən tərəfə baxır. Bayaq kamerada baxıram, mənim başımın işə qarışıq olduğu vaxtlarda da mən olan tərəfə boylanırmış. Əsas məsələ bilirsiz nədir? Yanında kaçok kimi əri var, baxırsan yaraşığlı da biridi. Düzünə qalsa əri olduğun bilmirdim. həyətdə siqaret çəkəndə söhbətləşirdik. Bunu biləndən sonra əlim ayağım soyuyub hər şeydən. Qaqaşa əməlli başlı yazığım gəldi haa, qəhbəlik baş alıb gedir, sənöl.

5 əjdaha! 23.06.2024 04:19, Əzrahıl

#385377 şikayət

sözlük yazarlarının həyata dair məsləhətləri

3 əjdaha! 29.06.2024 03:15, Əzrahıl

Keçəl dərman bilsə öz başına sürtər.

#385513 şikayət

ədv geri al

2 əjdaha! 08.06.2025 22:47, Əzrahıl

Özləri hər cürə quldurluğla məşğuldular, amma amanın günüdür, birdən qara camaatdan kiminsə cibinə artıq pul girər. Qanun sadəcə onu yaradanlar üçün işləyir. Qalanı xuyna söhbətdir.

#391219 şikayət

universitet qrup uşaqlarının whatsapp qrupu

2 əjdaha! 10.06.2025 17:22, Əzrahıl

4 il ərzində içində olmadığım qrup. Qrup və patok uşaqlarının hamısından zəhləm gedirdi. 3 il olub universiteti bitirdiyim, 1-2 nəfər xaric heç kimlə əlaqəm yoxdur. Yeni qəbul olacaqlara da məsləhətim odur ki, ətrafınız biraz geniş görünsün deyə hər kəslə ünsiyyət qurmayın. Onsuz o şəxs özü gəlib sizi tapır, hardasa o münasibət yaranır. Tək qalaram qorxusu ilə gedib götlərlə münasibət yaratmayın. Onsuz ilk semesterdən sonra ilk ələnmələr olur. Özünü imkanlı, cool, hamıdan fərqli göstərmək istəyən hamının nə mal olduğu ortaya çıxır. Saxta yoldaşlıqlardansa, təklik daha yaxşıdır.

#391246 şikayət

niyaməddin musayev

3 əjdaha! 14.09.2024 23:27, Əzrahıl

Doğulub böyüdüyüm rayondan çıxan ən məşhur adamlardan biri, bəlkə də elə birincisi. Musayev haqda rayonda keçən bir əhvalatı danışacam sizə. Demək günlərin bir günü Musayev rayonun kəndlərindən birinə toya gəlir oxumaq üçün. Toyda da yeyib-içən cavan uşaqlar dolu imiş. Musayev şahnaz təsnifindən "Deyin hardadır o üzü dönmüş" hissəsini oxuyanda yeyib-içən uşaqlardan biri deyib ki, yarın filankəsin evindədir. Musayev də o vaxtlar yoldaşından boşanıbmış. Yoldaşı da elə öz qohumu olub. Nəysə, bu söhbətdən sonra deyəsən orda çaxnaşma düşüb, o gün bu gündür Musayev demək olar ki, rayona gəlmir. Ən azından mən eşitməmişəm. Mən də bu hekayəni böyüklərdən eşitmişəm, deyənlərin yalançısıyam yəni. Babalı yalan deyənlərin boynuna.

#387894 şikayət

yazarların hazırda düşündükləri

4 əjdaha! 11.10.2024 02:17, Əzrahıl

Hardasa 10 gündür ki, ev əhli şəhərdədir. Mən də rayonda tək qalıram. Kötük ev olduğu üçün evimiz həmişə gəlişli gedişli olub və buna görə birdən birə belə səssizlik çökəndə adam birtəhər olur. işə gedib evə gəlirəm, baxıram ev səssizlikdir, sanki insan yaşamayıb heç. Normalda çox da duyğusal biri deyiləm amma özümdən asılı deyil, pis oluram. Hələ ilk 2-3 gün işdən çıxıb evə getmək istəmirdim. indi düşünürəm ki, gör valideyinlərini itirən insanlar nələr yaşayırlar, nə hisslər keçirirlər. Bəlkə də ailəsini və qohumlarını sevməyən yazarlar üçün bu yazdığım şeylər qəribə gələ bilər, bilmirəm. idris Koçovalının da dediyi kimi "Ailə hər şeydir"

#388220 şikayət

ataya demək istənilənlər

3 əjdaha! 01.07.2025 21:02, Əzrahıl

Yaxşı ki varsan. indiyə qədər deməmişəm, amma gec olmadan deyəcəm bir gün. Bayaq zəng eləyib hal əhval tuturdu, axırda özünüzdən muğayət olun balam dedi. Milyonlara dəyişilməyəcək bir şeydir. Sənə canımı versəm yenə azıdır atacan.

#391522 şikayət

pubg mobile

4 əjdaha! 08.12.2024 11:58, Əzrahıl

ilk sezonlardan pandemiyaya qədər oynayıb sildiyim və bu aralar təzədən oyanamağa başladığım oyun. Xatirələrlə dolu yerlər var. Pochinki, School, Rozhok, Military, Bootcamp, Paradise Resort və daha çoxu. 2-3 gündür başlamışam, əvvəlki ləzzəti qalmayıb. Erangel xaric digər xəritələrdə çox gec oyun tapır. Fərqli oyun modları gəlib. Çox dəyişilib həqiqətən, o gündən bu günə həyatımızın dəyişdiyi qədər. Kaşki hər şey qoyub getdiyimiz yerdən qalıb davam eləsə.

Hə bir də Alan Walkerin On My Way mahnısı. 1% mahnı 99% hisslər və xatirələr.

Ən əsası yadımdan çıxıb. Bu oyun olmasaydı illərdir video və söhbətindən ləzzət aldığım Kozmik Karıncanı tanımazdım.

#389006 şikayət

insanın böyüdüyünü anladığı anlar

2 əjdaha! 15.03.2026 23:09, Əzrahıl

Özün işləyib pul qazanmağa başlayanda anlayırsan. Öz pulunu qazanmaq nə qədər gözəldirsə, xərcləmək də o qədər çətindir. Vaxtında atamın pulunu ağıza bozuna baxmadan xərcləyirdim. Ta ki özüm pul qazanana qədər. Onda böyüdüyümü və böyüməyin nə qədər məsuliyyətli olduğunu anladım.

#398015 şikayət

turabi

3 əjdaha! 02.02.2025 11:07, Əzrahıl

Bu günlərdə "wine me, dine me" adında ingilis dilində erotik məzmunlu türkü ilə gündəmə gələn 31-çi. Artıq nə cür azğınlıq yaşayırsa klipi də platformaya ayın 31-i yükləyib.

#389950 şikayət

uzaq məsafəli münasibət

2 əjdaha! 28.02.2024 20:00, Əzrahıl

Münasibətin hər cürü çətindi. Ən salamatı münasibətinin olmamağıdı. 23 yaşım var, hələ də bir sevgili münasibətim olmayıb. Artıq tipiməmi bağlıdır, yoxsa başqa bir şey iləmi əlaqəlidir, bilmirəm. Onsuz da hər şey çətin keçir, bir də kiminsə nazını, tripini çəkməyə heç həvəsim yoxdur vallah. Başım qulağım dincdir, yəqin 30 yaşa kimi belə gedər bu.

#382925 şikayət

yazarların xüsusi istedadları

+1 əjdaha

Hər iki əlimi və ayağımı eyni səviyyədə istifadə eləyə bilirəm. Futbol oynayarkən işə yarayır.

1 əjdaha! 22.03.2024 12:06, Əzrahıl

#383380 şikayət

yazarların ölmədən əvvəl etmək istədikləri