hannahello

1 əjdaha! 15.07.2020 01:30, hannahello

bu sifarişi verən: fövqəl insan
deyəsən ptolomey teoremi nəzərdə tutulur. Teoremə görə çevrə daxilinə çəkilmiş dördbucaqlının diaqonallarının hasili qarşı tərəflərin hasilləri cəminə bərabərdir ( yəni təpə nöqtələri çevrə üzərində yerləşən dördbucaqlının qarşı tərəflərinin cəmi onun diaqonallarının cəminə bərabərdir). Bu həm də tərsinə düzgündür.

#300207 şikayət

hüquqşünas olmaq istəyənlərə tövsiyələr

2 əjdaha! 15.07.2020 14:16, hannahello

ilk öncə amerikan filmlərində gördüyünüz şahşahalı hüquqşünas obrazlarını beyninizdən atın. bu sahəni niyə istədiyinizi bilin. Bu sahəni sevməsəniz, irəli getmə şansınız zamanla daha da azalacaq. Hüquq nəzəriyyəsini mükəmməl öyrənməyə çalışın. Hüquqi düşüncənizi, məntiqinizi formalaşdırın, hislərinizi bir kənara qoyun. Daha sonra mülki, cinayət və digər sahələrə yönəlin. Universitetdəki hüquq professorlarının dediklərinə qulaq asıb həvəsdən düşməyin. Hüquq çətin sahədir, amma istəsəniz hərşey edə bilərsiniz.

#300247 şikayət

elyar fox

3 əjdaha! 15.07.2020 15:02, hannahello

bu sifarişi verən: sonra dedilər ki alınmadı
əsl adı Elyar Əfşari olan azərbaycan-ingilis əsilli pop müğənnisi. Səhnə adı olaraq özünə Fox ləqəbini seçmişdir və fanatlarına da foxerlər deyilir. Do it all over again və a billion girls mahnıları ilə daha da məşhurlaşmışdır.

#300256 şikayət

köhnə sevgilinin unudulmayan sözləri

2 əjdaha! 10.07.2020 16:06, hannahello

Köhnə sevgililərin unudulmayan sözləri olaraq kateqoriyaya bölməm gərək
-ayrılandan sonra hər qızda səni axtardım, tapacağımı ümid edirdim, amma olmadı. Əgər evli olsaydım, səndən birşey hiss eləsəydim boşanardım mütləq(qabaqdan gəlmişlik edib hərşeyi mənə atır).
-ayrılsaq belə heçkimlə sevgili olmayacam, amma sən mütləq özünə birini tapacaqsan (sevgili ola ola tapıbmış da, məndən ayrılmağa bəhanə axtarırmış).
Və sonda ən unudulmayan - 16 ay sevgili olduğum birindən "əclaflıq içində var, mundar" kimi şeylər yazması idi. Hələ də ağlım almır sevirəm, sənə elə heyranam deyən biri bu cür şeyləri necə deyə bilər. Amma həyatdı da, Zaur)

#299619 şikayət

ma vie de courgette

2 əjdaha! 15.07.2020 01:02, hannahello

bu sifarişi verən: sonra dedilər ki
alınmadı

fransız dilindən tərcümədə kabakın həyatı mənasını verən 2016-cı il istehsalı olan isveçrə-fransız animasiya filmidir. Filmdə cəmiyyətin və valideynlərin uşaqlara davranışları nəticəsində uşaqların məsumluğunu necə itirməsindən, bütün mənfiliklərə rəğmən uşaqların dünyanı necə görmək istəməsindən bəhs edilir. insan xoşbəxt olarkən də ağlaya bilər. Uşaqlarınızı travmalarla deyil, sevgi ilə böyüdün.

#300201 şikayət

kişilərdən soyudan səbəblər

2 əjdaha! 10.07.2020 23:28, hannahello

bu sifarişi verən: Nellie Crain
ən birinci səbəb yalan danışmaları. net və açıq şəkildə kiminsə yalan danışdığını görəndə soyumam üçün başqa səbəblərə ehtiyac qalmır.
ən yayğın olan ikinci səbəb isə hərkəsə sallamalarıdır. demək olar bunu hamısı gizli və ya açıq şəkildə edirlər, etmirəm deyəndən belə qorxmalısan -*

#299649 şikayət

perfect blue

1 əjdaha! 14.07.2020 18:50, hannahello

bu sifarişi verən: Nellie Crain
perfect blue: complete metamorphosis adlı romandan ilhamlanaraq psixoloji janrda çəkilmiş 1997-ci il istehsalı animedir. psixologiya ilə maraqlanıram amma anime sevmirəm deyirsinizsə də, bundan sonra animelərə şans verə bilərsiniz.

#300154 şikayət

ən yaxşı ted videoları

1 əjdaha! 11.07.2020 23:08, hannahello

mənə görə sıralasam:
1. Emin Çapa - türk hamamlarında suyun kaldırma kuvveti neden yok? Əsasən türkiyədəki təhsil sistemi haqqında gerçəkləri üzə vuran, tənqidi video olsa da, dedikləri bizim cəmiyyətimizə də aiddir.
2. Betül Mardin - engelleri avantaja çevirin. bir insan ən çətin vəziyyətdə nələri bacara bilər ki deyə bilərsən özünə amma bu qadın tam bir örnəkdir.
3. Gülcan özer - ilişkinizde bu günahları işlemeyin. Evlilik, ikili münasibətlərdə yol verdiyimiz səhvləri, onları necə aşacağımızı göstərir.
4. Büşra sanay - kızlar kardeşini doğuruyor. bu çox acı bir cümlədir əslində. hərkəsin mütləq izləməsi lazım olan bir videodur.
5. rébecca kleinberger - why you don't like the sound of your own voice. Səsimiz əslində biz fərqində olmadan nə qədər çox informasiya daşıyırmış.

#299790 şikayət

koronavirusun dərmanının tapılacağı vaxt

2 əjdaha! 10.07.2020 11:08, hannahello

virusun bitəcəyini gözlədiyimiz azmış kimi, bir də vaksin nə vaxt tapılacaq deyə gözləyirik. Onsuz ömrümüz gözləməklə keçir. ÜST-ün açıqlamasına görə ən tezi 9 aya hazır olacaqmış. Vaksinin nə vaxt tapılacağından daha çox hansı ölkənin tapacağı hərkəsə maraqlıdır.

#299599 şikayət

aşiq olmaq

2 əjdaha! 22.07.2020 21:31, hannahello

beyində başlayıb, beyində də bitən bir proses. Yəni çox da şeyləməyin, amma ölmədən də aşiq olmağı sınayın

#300910 şikayət

tanrıya veriləcək tək sual

1 əjdaha! 10.07.2020 23:48, hannahello

(baxma: niyə?)

#299652 şikayət

naxçıvanlı olmaq

3 əjdaha! 11.07.2020 10:52, hannahello

igidin adı çıxınca canı çıxsa yaxşıdır deyiblər bu yerdə. naxçıvanlı olunmaz, naxçıvanlı doğular da bə

#299696 şikayət

südlü çay

2 əjdaha! 11.07.2020 14:13, hannahello

hərkəsin ağız zövqünə uyğun olmayan bir içki. hər iki komponenti bərabər miqdarda, düzgün şəkildə qarışdırmaq lazımdır. düzdür qəribə görüntüsü var, amma dadı çox əladır. bəlkə də uşaqlıqdan bəri öyrəşdiyimə görədir.

#299720 şikayət

xıdır nəbi

0 əjdaha! 11.07.2020 14:23, hannahello

suyun, küləyin və havanın himayəçisi Xızır peyğəmbərlə eyniləşdirilən bir bayram. el arasında əsasən böyük çillə ilə kiçik çillə qarasında qeyd olunur ki, bu da fevral ayının birinci ongünlüyünə təsadüf edir. Anadoluda keçirilən Xıdırellez bayramı isə Xızırla ilyasın bir araya gəlib dirilik suyu axtarmasına həsr olunmuşdur. hər il may ayının 5-dən 6-na keçən gecə insanlar bütün diləklərini bir kağıza yazıb gül ağaclarının altına basdırır və ya həmin ağaclardan asırlar. inanışa görə bütün diləklər bir il içərisində qəbul olunur.
eyni zamanda xızır insanlar arasında and yerinə çevrilmişdir. bəzi bölgələrdə "xızır haqqı", "xızıra and olsun", "xızır köməyinə yetişsin", "xızıra rast gələsən" kimi ifadələr var.

#299721 şikayət

avropa məhkəməsi

1 əjdaha! 15.07.2020 00:35, hannahello

bu sifarişi verən: fövqəl insan
Avropa insan Hüquqları Məhkəməsi. 4 noyabr 1950-ci ildə qəbul edilmiş "insan hüquqları və əsas azadlıqlarının müdafiəsi haqqında" Konvensiya əsasında yaradılmış və Fransanın Strasburq şəhərində beynəlxalq məhkəmədir. Məhkəməyə müraciət etməzdən əvvəl məhkəmənin qəbul etdiyi şərtlərə əməl etmək lazımdır. Belə ki, haqqında şikayət verilən dövlət konvensiyanı ratifikasiya etməli (yəni tanımalı, qəbul etməli və imzalamalı); pozulduğu iddia olunan hüquqlar konvensiya və protokollarında nəzərdə tutulmuş olmalı; şikayətçi anonim olmamalı (istisnalara yol verilir); şikayət aydın şəkildə yazılmalı və əsaslandırılmalı; bütün dövlət daxili hüquq vasitələrini tükətməli(yəni işdən asılı olaraq rayon, apellyasiya və ali məhkəməyə müvafiq olaraq müraciət etməlidir); sonuncu qərarın qəbul edildiyi tarixdən etibarən 6 ay müddətində şikayət verilməlidir.

#300195 şikayət

həbs qətimkan tədbiri

0 əjdaha! 15.07.2020 00:20, hannahello

bu sifarişi verən: krisnayayoxarcunayahe
ilk öncə onu qeyd etmək lazımdır ki, qətimkan tədbiri Azərbaycan Respublikasının Cinayət Prosessual Məcəlləsində nəzərdə tutulmuş hallarda və qaydada təhqiqatçı, müstəntiq, prokuror və ya məhkəmə tərəfindən şübhəli, yaxud təqsirləndirilən şəxsin qanuna zidd davranışlarının qarşısını almaq məqsədi ilə hüquqlarını müvəqqəti məhdudlaşdırmaqla onun haqqında seçilən prosessual məcburiyyət tədbiridir. Həbs isə qətimkan tədbirinin növlərindən biridir. Həbsin seçilməsinə zəmin olaraq, cinayət prosesini həyata keçirən orqandan gizlənmək, cinayət prosesində iştirak edən şəxslərə qanunsuz təsir göstərməklə, cinayət təqibi üzrə əhəmiyyət kəsb edən materialları gizlətməklə və ya saxtalaşdırmaqla ibtidai istintaqın və ya məhkəmə baxışının normal gedişinə mane olmaqdır. Məhkəmə qərarına əsasən həbs olunmuş şəxs müvəqqəti saxlama yerində 24 saatdan artıq saxlanıla bilməz. Eyni zamanda şəxsin cinayət qanunu ilə nəzərdə tutulmuş əməlin törədilməsinə aidiyyəti sübut olunmadıqda, o, həbs oluna və ya zərurət olmadıqda həbsdə saxlanıla bilməz (təqsirsizlik prezumpsiyası - Azərbaycan Respublikası Konstitusiyasının 63-cü maddəsi)

#300193 şikayət

qızıl yel

1 əjdaha! 15.07.2020 15:27, hannahello

bu sifarişi verən: fövqəl insan
dərinin kəskin iltihabi və yoluxucu xəstəliyi. xəstəlik əsasən yaz və payız aylarında qeydə alınır və qadınların tutulma riski daha çoxdur. Qızıl yel xəstəliyinin əsl adı, fransız dilində “rouge” sözündən əmələ gəlib, və tərcümədə “qırmızı” deməkdir. Qızıl yel adətən ayaqlarda və qollarda əmələ gəlir. Xəstəliyin əsas səbəbi cızıqlarla, sıyrıntılarla, sürtülmələr və bişməcələrlə zədələnmiş dəriyə streptokokk bakteriyasının keçməsi olur.

#300263 şikayət

st matthew passion

1 əjdaha! 14.07.2020 18:18, hannahello

bu sifarişi verən: Schulzek
almanca adı Matthäus-Passion olaraq bilinən 1727-ci ildə iohann Sebastian Bach tərəfindən solo, xor və orkestra üçün bəstələnmişdir. Əsasən müqəddəs musiqi sayıldığı üçün kilsədə ifa olunmaq üçün nəzərdə tutulmuşdur.

#300146 şikayət

tanrı