happylittletree

120 0 0 0

9. nəsil yazar

Entry: 120

blok başlıqlarını gizlət

sözaltı art

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

franz kafka

+29 əjdaha

atasına yazdığı məktubda kafka kədərli, həssas biri olduğu üçün atasının onu heç vaxt əsl bir “kafka” olaraq görmədiyini və onu bu soyada yaraşdırmadığını deyir çünki bu soyadı daşıyan kişilər hamısı güclü və sərt olarmış eyni atası kimi.
indi isə kafka soyadı bütün ailədən çox franza məxsusdur, hətta franz kafkanın tərzini təsvir etmək üçün ingilis dilinə "kafkaesque" deyə söz əlavə olunub.

23 əjdaha! 02.10.2022 03:49, happylittletree

#360308 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

aşiq olduğunu anladığın an

+28 əjdaha

ən sevdiyim kitabları bir də həyatımda o varkən oxuyum deyib təkrar oxumağa başlamışam. əvvəllər qəşəng gələn şeirlər onu tanıdıqdan sonra daha dərin gəlir, əvvəl yan keçən sətirlər indi tam qəlbimin o olan hissəsinə gəlib düşür, mahnılar bütün ruhumu qucaqlayır sanki.

silinmiş entry.

23 əjdaha! 02.07.2023 01:29, happylittletree

#374599 şikayət

nənə

+17 əjdaha

qəlbimdə əvəzlənə bilməyəcək yeri olan, xatirəsi belə içimə sakitlik gətirən insan. yanında oturan kimi əlimi tutardı sonra bir də gördün həmin an eşitmək istəyəcəyim bir hekayə danışardı, ya da nə isə məlumat verərdi. gülləri çox sevərdi, ona görə də tez-tez qızılgül, nərgiz, bənövşə aparardım ona, ləçəklərini sığallayıb solana qədər baş ucundan ayırmazdı.
bəlkə də heç bir kobudluğunu görmədiyim yeganə insan olub, mənə də daxilimdəki incəliyi qorumağı vəsiyyət edibmiş kimi gəlir həmişə. bilmirəm bəlkə də insanı irəli aparacaq, müasir bir düşüncə deyil bu ancaq mən insanları əzib keçərək bir yerlərə çatmaq istəmirəm, "uğurlu" biri olmaq üçün kobud ya da realist birinə çevrilmək istəmirəm.

11 əjdaha! 28.02.2022 02:54, happylittletree

#346389 şikayət

la mappa dell'inferno

+12 əjdaha

sandro botticelli tərəfindən 1480-1490 cı illərdə çəkilmiş italyanca “cəhənnəmin xəritəsi” mənasına gələn rəsm. dante alighieri-nin ilahi komediya əsasında rəsm etdiyi 92 səhifəlik əsərin bir səhifəsidir və cəhənnəmi dantenin təsvirlərinə uyğun 9 qata bölmüşdür. cəhənnəmin birinci qatı limbo adlanır, xristian olmayan günahsızların ruhları burada yerləşir, digər qatlar isə sıra ilə şəhvət, acgözlülük, doymamazlıq, qəzəb, inancsızlıq, şiddət, dolandırıcılıq və ən sonda xainliq günahı olan ruhlar yerləşdirilib. botticelli bu qatlar arası keçidlər qoymuş və cəhənnəmi tunel formasında getdikcə daralan quyu kimi rəsm etmişdir. rəsm 400 ildən artıq gizlədilmiş və hazırda original versiyası vatikanda saxlanılır.
buradan baxa bilərsiniz link

sifarişi verən: Derek

9 əjdaha! 27.07.2022 16:42, happylittletree

#355190 şikayət

flora hostel

+15 əjdaha

flora hostel bakıda tarqovu ətrafında yerləşən səmimi məkandır.
açıq havadakı balaca səhnələrində tamaşaları və canlı ifaları ilə insanlarda böyük iz qoyan sənətkarları bir araya toplayırlar. müstəqil şah mat teatrını tanıyırsınızsa burada son vaxtlar kiçik tamaşalar səhnələşdirirlər.
bu başlığı da eyniləşmiş kafelərdən, şişirdilmiş menyulardan bezmiş sözlük oxuyucularına kiçik məsləhət kimi yazıram, məkanın sahibləri ilə heç bir yaxınlığım yoxdur.

11 əjdaha! 30.07.2021 23:35, happylittletree

#333258 şikayət

sözlük yazarlarının niklərinin hekayəsi

+13 əjdaha

nə vaxt stressli bir dönəmdən keçsəm ya da nə isə düz getməsə bob ross videolarına baxıram, videolarında çox vaxt happy little trees deyir və uşaqlıqdan ağacları çox sevirəm. elə sözlükdə qeydiyyatdan keçəndə də videonun təsiri ilə çox düşünmədən seçdiyim nik.
"we don't make mistakes just happy little accidents"

11 əjdaha! 04.08.2022 20:29, happylittletree

#356069 şikayət

yalnızlığın ən çox anlaşıldığı anlar

+13 əjdaha

bu gün kinoteatr üçün bilet alırdım, yer seçməyə çatanda cüt-cüt dolmuş yerlərin yanında öz yerimi tək görəndə yalnızlığımı hiss elədim. bilirəm, sadəcə sıralama elə görünmüş ola bilər ancaq ən çox yalnız hiss elədiyim anlardan biri oldu mənim üçün. az qala bir əsrin dörddə biri qədər yaşamışam həmişə də çalışmışam özümü inkişaf etdirim, amma hələ də münasibətləri, insanları başa düşə bilmirəm ya da ətrafımdakılar məni başa düşmür. sanki mən başqa bir dili öyrənmişəm və doğma dili bu olan insanlarla danışmağa çalışıram, ona görə də dost ya sevgili fərq etmədən yaxınlaşdığım hamı ən yaxşı halda bir addım uzaqda qalır, sözlərimin bir qat daha dərininə keçə bilmirlər.
səhv başa düşülməsin özümü qeyri adi dərəcədə ağıllı biri saymıram sadəcə bəzən özümü heç yaşanmamış bir zamana ya da xəritədə olmayan bir məkana aid hiss edirəm.

11 əjdaha! 06.03.2022 03:12, happylittletree

#346720 şikayət

tanrıya veriləcək tək sual

+12 əjdaha

əgər tanrı varsa, onun bizi mühakimə edəcək söz haqqına sahib olmadığını düşünürəm. ondan soruşaram ki, ölüm fikri necə ağlına gəlib. ölümlə heç vaxt üzləşməmiş "varlıq" nə özü ölüb, nə yaxını ölüb, nə də ölüm ağrısı çəkib ancaq yaratdığı hər varlığa bu ölüm fikrini bir yük kimi yükləyib.

8 əjdaha! 27.02.2022 16:04, happylittletree

#346347 şikayət

qəbir daşına yazılacaq sözlər

+11 əjdaha

mən xoşbəxt kəpənəyəm, yaşasam da ölsəm də

10 əjdaha! 03.12.2021 03:11, happylittletree

#340910 şikayət

yazarların ruh halı

+11 əjdaha

yalnız hiss edirəm, həm də elə belə yox sümüklərimə qədər. son illərin münasibətlərini başa düşə bilmirəm, ona görə də kənarda qalıram hamıdan. hər şeyi ucuzlaşdıran, az qala hər ay fərqli insanlara eyni sözləri deyən insanları görürəm, soyuyuram hamıdan. deyəsən mən aid deyiləm bu illərə, yeniliklərə də açığam halbuki, harada səhv edirəm başa düşmürəm. düzdür, hər fürsətdə birinə vurulmuram amma bəzən kimsə diqqətimi çəkir, elə bil yuxudan oyadan kimi silkəyir məni amma mən gözümü açmağa başlayan kimi yoxa çıxır, mən də düşünürəm ki, nəsə düz eləmədim yəqin. sadəcə düşünəndə ki, 30 yaşa yaxınlaşmağa başlayıram, bəlkə də ən gözəl illərimi tək keçirirəm, biri həyatıma girsə də bu yaşlarımı görməyəcək melonxoliyadan qurtara bilmirəm.

9 əjdaha! 04.12.2023 02:33, happylittletree

#380776 şikayət

ikinci qarabağ müharibəsi

+10 əjdaha

ikinci qarabağ müharibəsinin başlamağından bir il keçir. bu bir il yaxınlarını döyüşlərdə itirənlər üçün bəlkə də çox uzun, hadisələri sadəcə vətəndaş kimi izləyən biri üçün bəlkə də çox qısa gəlir. vətənpərvər, milli ruh kimi mövzularda nümunə göstəriləcək biri deyiləm, (bunu milliyətçiliyin yaxşı ya da pis bir şey olduğunu düşündüyüm üçün yox, sadəcə məsələyə tərəfsiz baxdığımı demək üçün deyirəm) ancaq insanların uzun illər sonra uşaqlıqlarını, gəncliklərini keçirdikləri yerlərə qayıda biləcək olmaqları, öz keçmişlərini geri qazanmaqları mənə çox təsir edir. digər tərəfdən isə müharibə dövründə heç bir əziyyət çəkməyən, müharibədə iştirak etmək bir tərəfə qalsın, orada əziyyət çəkən insanların nə özlərinə, nə ailələrinə kömək etməyən varlı şəxslərin o torpaqlara gəlir mənbəyi kimi baxmağı məni qıcıqlandırır. bu mövzuda yeni nir xəbər eşidəndə, müharibənin siyasətçilərin adi insanlarla şahmat oynaması olduğu fikri yadıma düşür və az qala bütün insanlığa qarşı ümidsizliyə düşürəm. günün sonunda isə gələcək nəsillərin müharibə sözünü sadəcə tarix kitablarında oxuyacağı bir vaxtın çatacağına ümid etməkdən başqa təsəlli tapa bilmirəm.
"müharibə - yaxşı niyyətli insanların toplu halda qurban edildiyi qədim dövrlərdən qalma adət, günahsızların soyqırımıdır. bu açıq, saf səmanı öz əlləri ilə dağıdacaq, parçalayacaqlar! birbirilərindən necə də qorxacaq və nifrət edəcəklər, mən isə bu kin dənizində dalğalanacağam"
- jean-paul sartre, azadlığın yolları 2 (les chemins de la liberté 2: le sursis)

7 əjdaha! 27.09.2021 00:13, happylittletree

#337306 şikayət

jean paul sartre

+8 əjdaha

"Ancaq bir dəfə onun var olduğunu hiss elədim. Kibritlərlə oynayanda balaca bir xalçanı yandırmışdım, elədiyim günahı gizləməyə çalışırdım ki, Tanrı birdən-birə gördü məni; onun baxışını beynimin içində və əllərimdə hiss etmişdim; vanna otağında dolanan açıq aydın bir hədəf idim onun üçün. Qəzəbimin köməyi ilə xilas ola bildim ondan. Belə böyük bir nəzakətsizliyinə əsəbləşib lap elə babam kimi deyindim. Tanrı da bir daha mənə heç vaxt baxmadı"
-Jean Paul Sartre "Sözlər"

5 əjdaha! 24.01.2020 03:54, happylittletree

#291953 şikayət

jeff buckley

+9 əjdaha

1997 ci ildə çayda boğulan, hələ də ölümü qəribə gələn musiqiçi. atası Tim Buckley də cavan yaşlarında 28 yaşında overdose səbəbiylə vəfat etmiş, anası və anasının sonrakı həyat yoldaşı ilə böyüyüb.
səs tonu o qədər sakitlik gətirir ki, adi müsahibələrinə qulaq asaraq belə rahatlaya bilərəm. mahnılarında həm musiqi, həm də sözlər haqqını verilərək yazılıb. lover, you should've come over, grace, mojo pin, last goodbye, forget her (klipi çox kədərli gəlib həmişə), so real kimi öz mahnılarından əlavə cover elədiyi bütün mahnılara ayrı bir rəng qatmışdır.I know it's over ilə the smiths-in Morrissey oxumasa da bəyənə bildiyim yeganə coverı, hallelujah ilə isə Leonard Cohen-ın özünün də bəyəndiyi bir iş ortaya çıxarıb.
ölümündən sonra bir dostunun Jeff haqqında kəpənəyə oxşayırdı deməsi həmişə onun üçün ən uyğun söz kimi yadımda qalıb.Merri Cyr adlı fotoqrafın çəkdiyi şəkillərində Jeffin həm də incə bir yaraşıqlılığı olduğunu görmək olar.bütün işlərini hiss edərək yazdığı və oxuduğu bütün mahnılarında hiss olunur və qulaq asanda bütün ürəyinizi qucaqlayırmış kimi gəlir.
"too young to hold on and too old to break free and run"

6 əjdaha! 23.02.2020 04:07, happylittletree

#292450 şikayət

drive my car

+8 əjdaha

"drive my car" və ya original adı " doraibu mai ka" haruki murakami-nin eyniadlı qısa hekayəsi əsasında çəkilmiş, 2022-ci ildə 4 kateqoriyada oscars nominasiyası almış filmdir. film 3 saatdan bir qədər qısa olsa da, bu tip filmləri sevənlər üçün sıxılmadan keçən 3 saat olduğunu düşünürəm.
filmdə bol-bol murakami kitablarına xas olan ab-hava hiss olunur, eyni kitablardakı kimi sənətə həyatlarında xüsusi bir yer verən, özünü ifadə üsulu kimi sənəti seçən yalnız insanları görürsünüz. rejissor hamaguchi murakaminin həm tənqid olunduğu həm də onu fərqləndirən ən əsas xüsusiyyətini - yapon mədəniyyəti ilə qərb çalarlarının bir-birinə toxuduğu hissini bu filmdə insana keçirə bilir, elə filmin (kitabın) adı da the beatles - "drive my car" mahnısından götürülüb.
filmdə çexovun " vanya dayı" əsərini səhnələşdirilir, lakin tamaşanın müxtəlif hissələri fərqli dillərdədir, elə aktyor və aktrisalar da öz aralarında ingilis, yapon, koreya, mandarin və işarət dili kimi fərqli vasitələrlə ünsiyyət qururlar, bir növ insanlar arasındakı əlaqələrin dildən daha köklü hisslərlə keçə biləcəyini göstərməyə çalışır. film boyu davam edən çexov, sürücü qızla söhbətləri, baş rolun öz həyat yoldaşı ilə söhbətləri və bir çox xırda detalda insanların özlərini ifadə etmək üçün seçdiyi yolların çoxluğunu görürük, elə orwell demiş, insan sevilməkdən çox başa düşülmək istəyər.

6 əjdaha! 17.02.2022 22:55, happylittletree

#345799 şikayət

sözaltı günlük

+10 əjdaha

ən uyğun başlığı seçə bilməyib son günlərdə başıma gəlmiş bir şey olduğundan günlüyə yazmaq istəyirəm.
deməli, 3-4 gün əvvəl işdən evə qayıdırdım, əksi haqq qazandırmasa da əvvəlcədən deyim ki, nə arxa küçələr, nə də gecəyarısı idi. bir oğlan yaxınlaşıb deyir ki, 1 dəqiqə vaxtınızı ala bilərəm? mən nə lazımdır soruşanda, bəs yəqin fikir vermisiz neçə gündür sizi izləyirəm deyən kimi, bağışlayın nə sizə fikir vermişəm nə də maraqlanıram deyib, öz yoluma davam elədim.
bir gün sonra marketdə növbədə gözləyəndə, arxada "qıza bax, belə saçlı qızlardan ötrü ölürəm" eşitdim, dönüb baxanda həmin oğlan bu səfər bir neçə dostu ilə gördüm və əsəbləşib söz tapa bilməməkdən cavab verməyib öz işimı davam elədim. bu gün isə iş yerimdən çıxıram və bir də baxıram yenə həmin oğlan yenə bir dəqiqə danışaq deyib arxamca gəlir. neçə günlük ürəyimdə qalan hər şeyi üzünə dedikdən sonra necə deyərlər payını alıb çıxıb getdi.
normal yox cavabından sonra nə qədər üzsüz və bekar olasan ki, durub hansı ara evdən müəyyən uzaqlıqdakı iş yerimi tapıb və orda gözləyib, hər şey bir tərəfə özündə buna haqq görüb. belə hadisələrlə üzləşən qadınlara gəlib, azərbaycan qadını çox mühafizəkardır, qadınla kişi bərabərdirsə 8 mart qeyd etməyək tipli ifadələr işlətməzdən əvvəl iki dəfə düşünün, hətta sırf qadın olduğuna görə qəbul imtahanına buraxılmayan, məktəbdən çıxarılan, razılığı olmadan heç tanımadığı adamla evləndirilən, boşandığına görə "pis baxılan", döyülən, təhqir edilən, evləndiyi adam icazə vermədiyinə görə ata anası ilə görüşməyən qadınları düşünün.
*feminism* dedikdə cinsiyyətindən aslı
olmayaraq hər kəsin eyni qaydalara tabe olub,bərabər olmağı nəzərdə tutulur, metroda yer verdiyiniz hər qadın sizi daha feminist etməz.

silinmiş entry.

10 əjdaha! 25.06.2022 03:09, happylittletree

#352331 şikayət

məzahim quliyev

+11 əjdaha

dissertasiya işimi yazan zaman təsadüfən elmi rəhbərim olmuşdu, müəllimlər otağında tanımaq üçün googleda axtarmışdım və belə bir adamın adının daha çox çəkilmədiyinə təəccüblənmişdim, bir az da özümə əsəbləşmişdim heç vaxt eşitmədiyim üçün. düzdür, pandemiya dövrü olduğu üçün özü ilə çox əlaqə saxlaya bilmədik ancaq adicə danışığından çox savadlı biri olduğu hiss olunurdu. ən əsası da bir çox universitet müəllimi kimi öyrəndikləri ilə kifayətlənib yerində qalmır, müasir texnologiyalar haqqında çox məlumatlıdır . həm ölkənin, həm də gənclərin daha çox belə müəllimlərə ehtiyacı var

11 əjdaha! 14.10.2021 02:22, happylittletree

#337980 şikayət

parabüzən

+6 əjdaha

yaz aylarında yarpaqların üzərində qarşımıza çıxan qara başlı, xallı gövdəli böcək. gövdəsinin rəngi sarıdan qırmızıya kimi müxtəlif tonlarda olur. ağlınıza gələ biləcək ən sevimli böcəklərdən biri ola bilər, uşaqlar arasında fatma bacı, qara fatma, uğur böcəyi, uçdu baba kimi fərqli adlarını eşitmək olur.
uçuş forması çox yüngül, xoş təsir bağışladığından görülən kimi əldə gəzdirilib “uç, uç” deyilər sonra da parabüzən xallı qanadlarının üstünü açıb qanadlarını çıxarıb uçar. sifarişi verən: qaçaraddımdanenənanənan

6 əjdaha! 19.08.2022 01:15, happylittletree

#357632 şikayət

azərbaycanlı qızların oğlanlara nisbətdə daha mühafizəkar olması

+9 əjdaha

bu başlığa bir fikir də mən bildirmək istəyirəm. ilk yazılanlarla razıyam, ümumiyyətlə bizim cəmiyyət kimi daha az mühafizəkar hala keçməyimizə hələ çox var məncə. ilk növbədə mühafizəkar olmağı əxlaqlı olmaqla eyniləşdirmək məsələsi həll olunmalıdır, mənə görə mühafizəkar olmamaq "mən axı qızam bunu etməməliyəm" düşüncəsini yıxmaqdır, məsələn qızlar danışığına, geyiminə fikir verməlidir və s.
insanlar başa düşməlidir ki, qadınların öz haqqını tələb etməsi onların fahişə olmaq istədiyi demək deyil əksinə elə qadınların bir əşya, xidmət kimi satılması qadın hüquqlarına qarşıdır.
qızların daha çox mühafizəkar olmasını yıxmaq üçün ən çox təhsilə güvənmək lazımdır ancaq bu bir nəsilin təhsilli olması ilə həll olunacaq bir şey deyil. normal dünyagörüşlü ata ana olmalıdır ki, qız övladlarına da azad fikir, özünə dəyər kimi anlayışları doğru ötürsün ya da ən azından qız övladının təhsil hüququnu əlindən almasın ki, həmin qız özü oxuyub öz fikrini formalaşdırsın. istər qız istərsə də oğlan nə qədər savadlı , dünyagörüşlü olarsa özünü düzgün ifadə etməyi bacararsa həm öz ətraflarında bir şey dəyişə bilərlər, həm də gələcək nəsilə daha az düzəltməlik travmalar ötürəcəklər. mən bu mövzuda şanslı olduğumu düşünürəm, çünki valideynlərim qatı mühafizəkar olmayıb, bəzi fikirləri olub ancaq zamanla mən bunları dəyişə bildiyimi düşünürəm. təbii ki, ilk dəfədən qəbul etməyiblər çünki bu onların gerçəyidir və illərdir az qala qanımıza işləmiş bəzi şeyləri bir sözlə yıxmaq mümkün deyil, ona görə də izah edərək, səbrlə doğru ilə səhv arasındakı sərhədi dəyişmək lazımdır.
son olaraq qızların daha mühafizəkar olması həm də oğlanların bir az müasir düşüncəli qız görəndə ona fürsət kimi baxmasından da asılıdır. yaxın ətrafımda da, öz təcrübəmdə də görmüşəm ki, bəzi hallarda qarşına bir problem çıxmamağı ( yolda gülərək gedəndə söz atan birinə qarşı və s.) üçün özünü daha mühafizəkar göstərməli olursan.
"qızlara yox deməyi və oğlanlara yox cavabına hörmət etməyi öyrədin"

7 əjdaha! 09.05.2022 03:34, happylittletree

#349641 şikayət

yazarların özlərində bəyənmədiyi xüsusiyyətləri

+7 əjdaha

sosial mediadan özümü ifadə etmək üçün istifadə edə bilməmək. ən çoxu bəzən statusda hansısa postu, 2-3 aydan bir də sözlükdə bir iki entry paylaşaram. bir mövzuya aid fikir bildirmək qəribə gəlir, problem mövzulara marağım olması da deyil sadəcə bir mövzunu dialoq halında müzakirə etmək daha səmimi gəlir

7 əjdaha! 06.06.2021 00:02, happylittletree

#329253 şikayət

tələbəlik xatirələri

+6 əjdaha

ölkədəki təhsil səviyyəsi ilə belə insana şirin gələn xatirələrdir.
çətin keçilən imtahanlar, limitə yaxın qb saymaq, bal hesablama proqramında hər cür ehtimallarla imtahana giriş balını hesablamaq, imtahanda oxumadığın sualın düşməyi - bunları yaşayanda nə qədər çətin görünsə də indi uzaqdan həyatın ən rahat dövrü kimi gəlir. bəlkə bəziləri üçün məsuliyyətlər elə o dövrdə başlayıb ancaq mənim üçün uşaqlığın hələ tam bitməyən qayğısızlığı və yetkinliyə girişin gətirdiyi azadlıq hissinin birləşməsi idi. qrup olaraq da zarafatcıl mühit olduğundan hələ də görüşəndə gülərək danışdığımız xatirələrlə,həm sevmək, həm qəlb qırılmaqları, ümidsizlik, varlığını sorğulamaq kimi qəribə hisslərin birləşib gözünün önündə canlanmağıdır. həyatın traileri kimidir həm də, həyatda olacaq hər şeyin daha rəngli və qısa formada sizə göstərilməsidir.
bəzən universitetin qarşısından keçəndə diqqətlə baxıram, sanki özümü dostlarımla birlikdə uzaqdan görə bilərəm kimi gəlir, sonra da bir gülümsəmə ilə keçir. nostalgiya gözəl hissdir ancaq bu hissə çox qapılmadan dadında yaşayıb sonra adi həyatına davam edəsən gərək ki, nə vaxtsa bu günlərinə baxanda da eyni gülümsəməni yaşaya biləsən.

3 əjdaha! 13.06.2022 03:08, happylittletree

#351557 şikayət

unudulmaz albert camus cümlələri

+6 əjdaha

ən sevdiyim yazıçı olduğundan bir neçəsini birlikdə paylaşım:
"kim və nə haqqında bunu bilirəm deyə bilərəm ki? içimdəki bu ürəyi eşidirəm və var olduğunu qəbul edirəm. bu dünyaya toxuna bilirəm və onun da var olduğunu qəbul edirəm. bundan sonra qalan hər şey isə qurmacadır. çünki varlığından şübhə etmədiyim bu mənliyi başa düşməyə, onu izah etməyə çalışdığım an barmaqlarımın arasından su kimi axıb gedir. ola biləcəyi bütün üzləri çəkə bilərəm, ona verilmiş adı, köklərini, təhsili, hərarətini və ya susqunluğunu, böyüklükləri ya da kiçikliklərini çəkə bilərəm amma bu üzləri toplaya bilmərəm. öz özümə yad qalacağam həmişə" ,

"başa düşürəm elm yoluyla qanunauyğunluqlarını saya bilsəm də bu dünyanı qavraya bilmərəm",

"dünyada hər şey açıq aşkar olsaydı incəsənət mövcud ola bilməzdi"
-sisifos söyleni

"insanlardakı bu korluğa təəccüblənirdi, insanlar özlərində dəyişən hər şeyi bilsələr də, dostlarına özləri ilk yaratdıqları görüntünü yaraşdırırdılar, əvvəl necə idisə elə qəbul edirlər. necə ki bir it xasiyyətini dəyişdirməz, insanlar da it kimi idilər digər insanlar üçün",

"daha uzun və ya daha qısa müddət xoşbəxt olunmaz, xoşbəxt olunar və nöqtə"
-xoşbəxt ölüm

"hisslərimizi sadəcə ölümün oyatdığını hiss etmisinizmi? bizdən yeni ayrılmış dostlarımızı nə qədər çox sevərik. ağızları torpaqla dolub danışa bilməyən müəllimlərimizə nə qədər də hörmət edərik. bizdən bütün həyatları boyunca gözlədikləri hörmət o anda gələr. bilirsiniz niyə? çox sadədir! çünki ölülərə qarşı məsuliyyətimiz yoxdur artıq, bizi sərbəst buraxıblar."
-çöküş

3 əjdaha! 30.12.2020 03:24, happylittletree

#315131 şikayət

maurice merleau-ponty

+7 əjdaha

1908 doğumlu fransız filosof. əsasən fenomenologiya, ekzistensializm kimi mövzularda yazmışdır. jean paul sartre və simone de beauvoir ilə birlikdə les temps modernes adlı ədəbi solçu jurnalının yaradıcısıdır.
jean paul sartre dan fərqli olaraq daha çox incəsənət üzərində düşünmüş, sözün əsl mənasında sənətsever biri olmuşdur. merleau-pontye görə dünyanı, ətrafımızdakı hər şeyi öz varlığımızla gözlərimiz başda olmaqla digər hiss üzlərimiz vasitəsilə dərk edirik (perceive). hər şey dərk edilən və dərk edən olaraq ayrıla bilər və varlığımız bu ikisinin tam kəsişməsindədir, yəni biz özümüzü eyni anda həm dərk edirik, həm də bu zaman dərk edən də yenə özümüzük. yazıçı dərk etdiyi hissləri dildən istifadə edərək bizə ifadə etməyə çalışır, bu zaman cümlə müəyyən məntiq qaydalarına əməl etməlidir, lakin rəssamlar bu cəhətdən daha azaddırlar yəni rəsm əsərlərində əsasən də impressionizm, ekspressioniz kimi müasir cərəyanlarda bir məntiq olmadan saf hissləri ötürə bilirlər.

4 əjdaha! 02.03.2022 21:45, happylittletree

#346546 şikayət

xoşbəxtlik

+5 əjdaha

cəmiyyət tərəfindən çox şişirdilmiş məfhum. illərdir bizə insanların tək məqsədi xoşbəxt olmaqdır kimi yeridilib, üstəlik də bu xoşbəxtlik hamı üçün eyni formada olur: uğurlu iş, uğurlu ailə həyatı, sağlam uşaqların və səndən razı valideynlər. əgər bu bəndlərin birini uğurla yerinə yetirə bilmədinizsə olursunuz bədbəxt insan.
ilk olaraq xoşbəxtlik də, bədbəxtlik də insandan insana dəyişir. deyəsən artıq bu fikir yarımçıq da olsa insanların beyninə oturur, yarımçıq deyirəm çünki bu səfər biri çıxıb deyir ki, mən işimdə uğurlu deyiləm ancaq ailə həyatım uğurludu ona görə xoşbəxt sayıram özümü və ya tərsinə. ancaq unutmamalıyıq ki, insanlar xoşbəxt olmaq üçün yaranmayıb, ümumiyyətlə bir səbəb üçün yaranmayıb sadəcə yaşayırıq və yaşamaq dediyimiz müddətdə həm xoşbəxt, həm də bədbəxt hiss etdiyimiz günlər ola bilər. həyat da elə belə günlərin bir birinin ardınca düzülməsidir.

4 əjdaha! 06.08.2021 00:17, happylittletree

#333563 şikayət

kaş ki ölməyəydi deyilən məşhurlar

+5 əjdaha

(bax: robin williams ) uşaqlıqdan ən çox sevilən əmi/dayı hissi oyadıb məndə. ən kədərli insanlar kədərin necə bir hiss olduğunu bilirlər, ona görə də digər insanları güldürüb, kədəri uzaqlaşdırmağa çalışırlar.

3 əjdaha! 06.02.2022 01:13, happylittletree

#345110 şikayət

payız

+6 əjdaha

darıxılan, tez gəlməsi istənilən fəsil

5 əjdaha! 31.07.2022 00:22, happylittletree

#355590 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

happylittletree

son bəyənilənlər:

oxuyucuların bəyəndikləri: