happylittletree

120 0 0 0

9. nəsil yazar

Entry: 120

this is my letter to the world that never wrote to me

blok başlıqlarını gizlət

sözaltı art

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

franz kafka

+27 əjdaha

atasına yazdığı məktubda kafka kədərli, həssas biri olduğu üçün atasının onu heç vaxt əsl bir “kafka” olaraq görmədiyini və onu bu soyada yaraşdırmadığını deyir çünki bu soyadı daşıyan kişilər hamısı güclü və sərt olarmış eyni atası kimi.
indi isə kafka soyadı bütün ailədən çox franza məxsusdur, hətta franz kafkanın tərzini təsvir etmək üçün ingilis dilinə "kafkaesque" deyə söz əlavə olunub.

21 əjdaha! 02.10.2022 03:49, happylittletree

#360308 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

həssas olmaq

+33 əjdaha

həssas olmaq ətrafı daha çox dərk etməkdir əslində, həssas insanlar gözəlliyi də,çirkinliyi də daha dərindən hiss edirlər, daha möhkəm duyğularla qavrayırlar.
uşaqlıqda anamın çayı əli yanmadan götürə bildiyini görəndə necə təəccüblənirdimsə indi də bəzi insanların gözəl bir mənzərə qarşısında təsirlənməməyinə, kədərli bir hadisəyə gözləri dolmamağına təəccüblənirəm. andré marchand deyib ki, “bəzən meşəyə gedirəm və mən ağaclara baxmaq yerinə onlar mənə baxırmış kimi gəlir, onlarla danışıram sanki” - həssas olmaq da elə budur, ətrafındakı varlıqların sənin varlığına daha dərin izlər qoymağı. ona görə də həssas olmaq zəiflik kimi göstəriləndə qarşı çıxmadan dayana bilmirəm, bütün bu varlıqların səs küyünü heç bir qorunması olmadan qavramaq necə zəiflik ola bilər axı.
həssas olmaq həm də xırdalıqlara fikir verməkdir, daha açıq qavrayışları olduğundan həssas insanlar eyni anda daha çox xırdalığa fikir verir, bir çox insanın görmədiyi detallarda necə deyərlər boğulurlar. əgər qarşınızda həssas biri varsa, səs tonunuza belə fikir verib, ona uyğun danışa bilər, bu da həssas insanlarda çox vaxt sosyal sıxıntı (bax: anxiety) olmasına gətirib çıxarır.
bu başlıqda uzun uzun danışa bilərəm ancaq sözü uzatmamaq üçün son olaraq - dünya həssas qəlblər üçün cəhənnəmdir. sifarişi verən: dasein

27 əjdaha! 13.06.2022 03:43, happylittletree

#351558 şikayət

nənə

+16 əjdaha

qəlbimdə əvəzlənə bilməyəcək yeri olan, xatirəsi belə içimə sakitlik gətirən insan. yanında oturan kimi əlimi tutardı sonra bir də gördün həmin an eşitmək istəyəcəyim bir hekayə danışardı, ya da nə isə məlumat verərdi. gülləri çox sevərdi, ona görə də tez-tez qızılgül, nərgiz, bənövşə aparardım ona, ləçəklərini sığallayıb solana qədər baş ucundan ayırmazdı.
bəlkə də heç bir kobudluğunu görmədiyim yeganə insan olub, mənə də daxilimdəki incəliyi qorumağı vəsiyyət edibmiş kimi gəlir həmişə. bilmirəm bəlkə də insanı irəli aparacaq, müasir bir düşüncə deyil bu ancaq mən insanları əzib keçərək bir yerlərə çatmaq istəmirəm, "uğurlu" biri olmaq üçün kobud ya da realist birinə çevrilmək istəmirəm.

11 əjdaha! 28.02.2022 02:54, happylittletree

#346389 şikayət

22 fevral 2022 azərbaycan rusiya müttəfiqlik bəyannaməsi

+14 əjdaha

ex-den next olmaz demək istədiyim vəziyyət

13 əjdaha! 21.02.2022 23:31, happylittletree

#346014 şikayət

la mappa dell'inferno

+11 əjdaha

sandro botticelli tərəfindən 1480-1490 cı illərdə çəkilmiş italyanca “cəhənnəmin xəritəsi” mənasına gələn rəsm. dante alighieri-nin ilahi komediya əsasında rəsm etdiyi 92 səhifəlik əsərin bir səhifəsidir və cəhənnəmi dantenin təsvirlərinə uyğun 9 qata bölmüşdür. cəhənnəmin birinci qatı limbo adlanır, xristian olmayan günahsızların ruhları burada yerləşir, digər qatlar isə sıra ilə şəhvət, acgözlülük, doymamazlıq, qəzəb, inancsızlıq, şiddət, dolandırıcılıq və ən sonda xainliq günahı olan ruhlar yerləşdirilib. botticelli bu qatlar arası keçidlər qoymuş və cəhənnəmi tunel formasında getdikcə daralan quyu kimi rəsm etmişdir. rəsm 400 ildən artıq gizlədilmiş və hazırda original versiyası vatikanda saxlanılır.
buradan baxa bilərsiniz link

sifarişi verən: Derek

9 əjdaha! 27.07.2022 16:42, happylittletree

#355190 şikayət

sözaltı günlük

+14 əjdaha

artıq bir neçə aydır ki, özümdən yadlaşmış hiss edirəm. mən ətrafa həmişə yad olmuşam, ruhumu dincəltmək üçün həmişə daxilə yönəlmişəm elə ona görə də bu dəfə o yönümü itirəcəyimdən qorxdum. indi yavaş yavaş özümə gəlirəm, don vurmuş hisslərim açılır sanki və bu nə qədər ağrılı olsa da bilirəm ki yaxşıdır. artıq bir şeylər yaza da bilirəm darıxdığım xəyalpərəstliyim də qayıdır bu dəfə də reallığa öz aləmimdə qalib gəldim.
bu aylarda bir şeyi də başa düşdüm özümü itirdiyimi gördükcə başqa birinə yönəlmək istədim, başqa birində özümü tapacağımı düşündüm və təsadüfən belə
biri də çıxdı qabağıma. çox qısa bir "münasibət" sonrası başa düşdüm ki alınmır, öz ideallarımızı başqalarına yükləyib, insan cildinə salıb sevə bilmərik. ancaq bir insanı sevib bu yaşamaq məsələsində özümüzə birini tapmalıyıq bəlkə də. illərdir təklik sakitlikdir, dərdini çəkməyə heç kim olmamağı yaxşıdır deyən mən qısa müddətdə inandım ki, düzgün insanla hər şey fərqli ola bilər. mənim fikirlərimə bir qədər uzaq biri ilə belə yaxşıdırsa gör ruhumu tanıyan, ortaq maraqlarımız olan biri ilə necə də yaxşı olar yaşamaq. illərdir yerini bilmədiyim "tək hiss etməmək" hissinin yerini bilirəm artıq və boşluğu hiss edərək özümə qayıdan yolu tapdım sanki.
bura niyə yazıram bilmirəm amma yüksək səslə deməyə qorxduğum fikirləri yazıda görmək, qarşımda durub üzümə baxmaqları mənə yaxşı təsir edir

12 əjdaha! 26.01.2022 02:12, happylittletree

#344199 şikayət

sözlük yazarlarının niklərinin hekayəsi

+11 əjdaha

nə vaxt stressli bir dönəmdən keçsəm ya da nə isə düz getməsə bob ross videolarına baxıram, videolarında çox vaxt happy little trees deyir və uşaqlıqdan ağacları çox sevirəm. elə sözlükdə qeydiyyatdan keçəndə də videonun təsiri ilə çox düşünmədən seçdiyim nik.
"we don't make mistakes just happy little accidents"

10 əjdaha! 04.08.2022 20:29, happylittletree

#356069 şikayət

meursault

+11 əjdaha

albert camus tərəfindən yazılan l'etranger (yad) əsərinin baş qəhrəmanı. əslində baş qəhrəman sözünün tam əksi ola biləcək bir personajdır, nə pis nə də yaxşı adam sayıla biləcək biridir. meursault cəmiyyətə yad biridir, insanlar üçün böyük əhəmiyyəti olacaq hadisələrin onun üçün bir fərqi yoxdur.
kitabın ilk cümləsindən bu yadlığı hiss eləmək olur, elə buna görə də ən məşhur giriş cümlələrindən biridir. “bu gün anam ölüb. bəlkə də dünən idi, xəbərim yoxdur”. bu cümlənin originalında (aujourd'hui, maman est morte) fransızcada ana sözü "mere" yerinə daha çox uşaqların analarına səsləndiyi "maman" sözü işlədilib, ancaq meursault uşağa uyğun olmayacaq qədər soyuq qarşılayır bu da bir növ meursaultun uşaqlıqla yetkinlik arasında qalmağına işarədir.
sifarişi verən: qaçaraddımdanenənanənan

11 əjdaha! 22.07.2022 02:36, happylittletree

#354707 şikayət

qəbir daşına yazılacaq sözlər

+11 əjdaha

mən xoşbəxt kəpənəyəm, yaşasam da ölsəm də

10 əjdaha! 03.12.2021 03:11, happylittletree

#340910 şikayət

rus dillilərin bakını elitləşdirməsi

+13 əjdaha

bəziləri rus dilli adamları o qədər gözündə böyüdür ki, elə bil rus dilli oldunsa mütləq alim, mütəxəssis olursan. son vaxtlar uşaqlarını rus dilli təhsilə yönləndirənlər də çoxalıb, əsas səbəbləri də rus dilində material çoxdu, daha çox kitab var. mənə ən çox maraqlı gələn odur ki, rus dilində daha çox material var deyənlər ingilis dilini niyə göz ardı edirlər?
həm daha asan dildir, həm də axtardığın hər şey haqqında istədiyin qədər kitab, elekton kitab, video və s. tapa bilərsən. rus dilini bilməyin verdiyindən daha çox imkan verən bir dil varsa niyə bu qədər həvəslə rus dili təriflənir başa düşə bilmirəm. rus dilli olmasam da, rus dilində məlumat, kitab oxuya bilirəm amma ingilis dilində eyni məlumatın dəfələrlə çox olduğuna görə nə isə lazım olanda heç rus dilində axtarmaq ehtiyacı duymuram.
ikinci tez-tez eşitdiyim səbəb isə rus dilli uşaqların daha mədəni olmasıdır. rusların özləri fransız, alman dilində danışmağı mədəniyyət sayan yerdə bu fikir nə qədər məntiqlidir? düzdür uşağın ətrafında nə qədər mədəni uşaqlar olsa əlbəttə daha yaxşı böyüyəcək, amma rus dilini biləndə bonus kimi mədəniyyət yüklənmir. mədəni mühit üçün uşaqları musiqi məktəblərinə, şahmat klublarına, kitabxanalara və s. yazdırın, onsuz da uşaq özü sonradan mədəni olan tanışlarla vaxt keçirməyi daha üstün tutacaq.
qısası övladlarınızın və ya gələcəkdəki övladlarınızın mədəni, "elit" təbəqəyə aid olmasını istəyirsinizsə rus dilindən daha çox öyrənilməsi vacib olan mövzular var.

12 əjdaha! 04.03.2020 02:52, happylittletree

#292639 şikayət

jean paul sartre

+8 əjdaha

"Ancaq bir dəfə onun var olduğunu hiss elədim. Kibritlərlə oynayanda balaca bir xalçanı yandırmışdım, elədiyim günahı gizləməyə çalışırdım ki, Tanrı birdən-birə gördü məni; onun baxışını beynimin içində və əllərimdə hiss etmişdim; vanna otağında dolanan açıq aydın bir hədəf idim onun üçün. Qəzəbimin köməyi ilə xilas ola bildim ondan. Belə böyük bir nəzakətsizliyinə əsəbləşib lap elə babam kimi deyindim. Tanrı da bir daha mənə heç vaxt baxmadı"
-Jean Paul Sartre "Sözlər"

5 əjdaha! 24.01.2020 03:54, happylittletree

#291953 şikayət

azərbaycanlı valideynlərin etdikləri səhvlər

+10 əjdaha

övladlarını bir şəxsiyyət yerinə öz uzantıları kimi görmələri, bacara bilmədikləri şeyləri onlar bacarsın, etdikləri səhvi onlar etməsin. bir də bu uzantılarını öz aralarında fəxr etmək adı ilə müqayisə edib, yarışdırmaqları var.

10 əjdaha! 22.01.2024 23:45, happylittletree

#382090 şikayət

jeff buckley

+8 əjdaha

1997 ci ildə çayda boğulan, hələ də ölümü qəribə gələn musiqiçi. atası Tim Buckley də cavan yaşlarında 28 yaşında overdose səbəbiylə vəfat etmiş, anası və anasının sonrakı həyat yoldaşı ilə böyüyüb.
səs tonu o qədər sakitlik gətirir ki, adi müsahibələrinə qulaq asaraq belə rahatlaya bilərəm. mahnılarında həm musiqi, həm də sözlər haqqını verilərək yazılıb. lover, you should've come over, grace, mojo pin, last goodbye, forget her (klipi çox kədərli gəlib həmişə), so real kimi öz mahnılarından əlavə cover elədiyi bütün mahnılara ayrı bir rəng qatmışdır.I know it's over ilə the smiths-in Morrissey oxumasa da bəyənə bildiyim yeganə coverı, hallelujah ilə isə Leonard Cohen-ın özünün də bəyəndiyi bir iş ortaya çıxarıb.
ölümündən sonra bir dostunun Jeff haqqında kəpənəyə oxşayırdı deməsi həmişə onun üçün ən uyğun söz kimi yadımda qalıb.Merri Cyr adlı fotoqrafın çəkdiyi şəkillərində Jeffin həm də incə bir yaraşıqlılığı olduğunu görmək olar.bütün işlərini hiss edərək yazdığı və oxuduğu bütün mahnılarında hiss olunur və qulaq asanda bütün ürəyinizi qucaqlayırmış kimi gəlir.
"too young to hold on and too old to break free and run"

5 əjdaha! 23.02.2020 04:07, happylittletree

#292450 şikayət

yaşlanmağın hiss edildiyi anlar

+7 əjdaha

tanıdığım insanlardakı dəyişiklərə fikir verəndə. anamın saçları daha çox ağarır, atam daha tez yorulur, nənəm daha tez tez xəstələnir, uşaqlıq dostlarımın artıq uşaqları var və daha bir çox şey. qəribəsi odur ki, hamı qocalır mən isə sadəcə böyüyürəm kimi hiss edirəm, bunun yaxşı ya da pis bir şey olduğunu bilmirəm sadəcə belə hiss edirəm.

6 əjdaha! 30.12.2020 02:53, happylittletree

#315129 şikayət

britpop

+12 əjdaha

adı britpop olsa da böyük britaniyanın müxtəlif şəhərlərindən olan alternative rock qruplarının yaratdığı altjanrdır.
bu tərzdəki qruplar elektro gitara ağırlıqlı, rahat yadda qalan mahnılarla tez bir zamanda böyük britaniyada daha sonra da dünyada məşhurlaşmağa başladılar. əsasən the beatles, pink floyd, the kinks kimi klassik sayılacaq qruplardan təsirlənən, ağır sosyal mesajları əyləncəli, şən notlarla insanlara çatdırıblar. amerika üçün grunge nə ifadə edirsə, böyük britaniya üçün də bunu özünəməxsus formada britpop edir.
bəzi britpop qrupları: (bax: oasis), (bax: pulp), (bax: blur), (baxma: suede), (baxma: elastica)
ikonik britpop mahnıları:

(youtube:

)

(youtube:

)

(youtube:

)

(youtube:

)

12 əjdaha! 13.08.2022 14:23, happylittletree

#357114 şikayət

parabüzən

+6 əjdaha

yaz aylarında yarpaqların üzərində qarşımıza çıxan qara başlı, xallı gövdəli böcək. gövdəsinin rəngi sarıdan qırmızıya kimi müxtəlif tonlarda olur. ağlınıza gələ biləcək ən sevimli böcəklərdən biri ola bilər, uşaqlar arasında fatma bacı, qara fatma, uğur böcəyi, uçdu baba kimi fərqli adlarını eşitmək olur.
uçuş forması çox yüngül, xoş təsir bağışladığından görülən kimi əldə gəzdirilib “uç, uç” deyilər sonra da parabüzən xallı qanadlarının üstünü açıb qanadlarını çıxarıb uçar. sifarişi verən: qaçaraddımdanenənanənan

6 əjdaha! 19.08.2022 01:15, happylittletree

#357632 şikayət

sözaltı art

+6 əjdaha

hər əşyaya van gogh rəsmi yapışdıranlardan olmayıb sadəcə mənə çox təsir etdiyini bildirərək.

5 əjdaha! 05.06.2021 23:09, happylittletree

#329242 şikayət

pişiklərə həddindən artıq hörmət edilməsi problemi

+8 əjdaha

pişiklərə edilən hörmətin həddindən artıq olduğunu düşünüb başlıq açılır və başlıqda pişiklərə tərif yağır, hörmət ediləsi heyvanlardı.

8 əjdaha! 25.12.2020 20:03, happylittletree

#314513 şikayət

drive my car

+7 əjdaha

"drive my car" və ya original adı " doraibu mai ka" haruki murakami-nin eyniadlı qısa hekayəsi əsasında çəkilmiş, 2022-ci ildə 4 kateqoriyada oscars nominasiyası almış filmdir. film 3 saatdan bir qədər qısa olsa da, bu tip filmləri sevənlər üçün sıxılmadan keçən 3 saat olduğunu düşünürəm.
filmdə bol-bol murakami kitablarına xas olan ab-hava hiss olunur, eyni kitablardakı kimi sənətə həyatlarında xüsusi bir yer verən, özünü ifadə üsulu kimi sənəti seçən yalnız insanları görürsünüz. rejissor hamaguchi murakaminin həm tənqid olunduğu həm də onu fərqləndirən ən əsas xüsusiyyətini - yapon mədəniyyəti ilə qərb çalarlarının bir-birinə toxuduğu hissini bu filmdə insana keçirə bilir, elə filmin (kitabın) adı da the beatles - "drive my car" mahnısından götürülüb.
filmdə çexovun " vanya dayı" əsərini səhnələşdirilir, lakin tamaşanın müxtəlif hissələri fərqli dillərdədir, elə aktyor və aktrisalar da öz aralarında ingilis, yapon, koreya, mandarin və işarət dili kimi fərqli vasitələrlə ünsiyyət qururlar, bir növ insanlar arasındakı əlaqələrin dildən daha köklü hisslərlə keçə biləcəyini göstərməyə çalışır. film boyu davam edən çexov, sürücü qızla söhbətləri, baş rolun öz həyat yoldaşı ilə söhbətləri və bir çox xırda detalda insanların özlərini ifadə etmək üçün seçdiyi yolların çoxluğunu görürük, elə orwell demiş, insan sevilməkdən çox başa düşülmək istəyər.

6 əjdaha! 17.02.2022 22:55, happylittletree

#345799 şikayət

unudulmaz albert camus cümlələri

+6 əjdaha

ən sevdiyim yazıçı olduğundan bir neçəsini birlikdə paylaşım:
"kim və nə haqqında bunu bilirəm deyə bilərəm ki? içimdəki bu ürəyi eşidirəm və var olduğunu qəbul edirəm. bu dünyaya toxuna bilirəm və onun da var olduğunu qəbul edirəm. bundan sonra qalan hər şey isə qurmacadır. çünki varlığından şübhə etmədiyim bu mənliyi başa düşməyə, onu izah etməyə çalışdığım an barmaqlarımın arasından su kimi axıb gedir. ola biləcəyi bütün üzləri çəkə bilərəm, ona verilmiş adı, köklərini, təhsili, hərarətini və ya susqunluğunu, böyüklükləri ya da kiçikliklərini çəkə bilərəm amma bu üzləri toplaya bilmərəm. öz özümə yad qalacağam həmişə" ,

"başa düşürəm elm yoluyla qanunauyğunluqlarını saya bilsəm də bu dünyanı qavraya bilmərəm",

"dünyada hər şey açıq aşkar olsaydı incəsənət mövcud ola bilməzdi"
-sisifos söyleni

"insanlardakı bu korluğa təəccüblənirdi, insanlar özlərində dəyişən hər şeyi bilsələr də, dostlarına özləri ilk yaratdıqları görüntünü yaraşdırırdılar, əvvəl necə idisə elə qəbul edirlər. necə ki bir it xasiyyətini dəyişdirməz, insanlar da it kimi idilər digər insanlar üçün",

"daha uzun və ya daha qısa müddət xoşbəxt olunmaz, xoşbəxt olunar və nöqtə"
-xoşbəxt ölüm

"hisslərimizi sadəcə ölümün oyatdığını hiss etmisinizmi? bizdən yeni ayrılmış dostlarımızı nə qədər çox sevərik. ağızları torpaqla dolub danışa bilməyən müəllimlərimizə nə qədər də hörmət edərik. bizdən bütün həyatları boyunca gözlədikləri hörmət o anda gələr. bilirsiniz niyə? çox sadədir! çünki ölülərə qarşı məsuliyyətimiz yoxdur artıq, bizi sərbəst buraxıblar."
-çöküş

3 əjdaha! 30.12.2020 03:24, happylittletree

#315131 şikayət

azərbaycan dilindəki söz qıtlığı

+6 əjdaha

azərbaycan dilində söz qıtlığı deyil də, yeni sözlərin qıtlığı var. bir cümlə quranda, ya da tərcümə eləyəndə işlətmək istədiyiniz sözün tam tərcüməsini tapa bilərsiniz amma qeyri səmimi səslənir. çox gözəl sözlərimiz var ki, ancaq ədəbi yazılarda, romanlarda işlənilir amma gündəlik həyatda heç kim elə dəbdəbəli danışmır. bunun üçün insanları da qınamaq düzgün deyil çünki dil inkişaf etməlidir. necə ki keçən əsrdə heç kim nizaminin, füzulinin qəzəllərindəki sözləri gündəlik işlətmirdisə, indiki dövrdə də keçən əsrin sözləri ilə deyil daha sadə sözlərlə danışmağa üstünlük verilə bilər.
digər tərəfdən də texnologiya inkişaf edib, işlətdiyimiz yeni anlayışlar var, bu anlayışlar ya o qədər qəliz, ya da tam mənanı ifadə edə bilmədəb tərcümə olunur deyə başqa dillərdəki qarşılıqlarından istifadə edirik.
ikinci bir problem isə kitabların keyfiyyətsiz tərcümə olunmasıdır. o qədər olub ki, bir kitabın azərbaycanca tərcüməsi pis olduğundan, ya da heç olmadığından türk dilində oxumuşam. çünki bizim tərcümələrdə sözbəsöz tərcümə etməyə çalışaraq mənaya fikir verilmir.
son olaraq da mənim fikrimcə dil daima inkişaf etməlidir, çünki hər bir dövrün özünə məxsus sözləri olmalıdır, hər bir dövrün lüğət tərkibi həmin dövrün insanlarının həyat tərzini əks etdirir və bu dövrü araşdırmaq istədikdə sözlərə ayrı diqqət yetirmək də mümkün olmalıdır.

3 əjdaha! 15.04.2020 03:57, happylittletree

#293817 şikayət

azərbaycanlı qızların oğlanlara nisbətdə daha mühafizəkar olması

+6 əjdaha

bu başlığa bir fikir də mən bildirmək istəyirəm. ilk yazılanlarla razıyam, ümumiyyətlə bizim cəmiyyət kimi daha az mühafizəkar hala keçməyimizə hələ çox var məncə. ilk növbədə mühafizəkar olmağı əxlaqlı olmaqla eyniləşdirmək məsələsi həll olunmalıdır, mənə görə mühafizəkar olmamaq "mən axı qızam bunu etməməliyəm" düşüncəsini yıxmaqdır, məsələn qızlar danışığına, geyiminə fikir verməlidir və s.
insanlar başa düşməlidir ki, qadınların öz haqqını tələb etməsi onların fahişə olmaq istədiyi demək deyil əksinə elə qadınların bir əşya, xidmət kimi satılması qadın hüquqlarına qarşıdır.
qızların daha çox mühafizəkar olmasını yıxmaq üçün ən çox təhsilə güvənmək lazımdır ancaq bu bir nəsilin təhsilli olması ilə həll olunacaq bir şey deyil. normal dünyagörüşlü ata ana olmalıdır ki, qız övladlarına da azad fikir, özünə dəyər kimi anlayışları doğru ötürsün ya da ən azından qız övladının təhsil hüququnu əlindən almasın ki, həmin qız özü oxuyub öz fikrini formalaşdırsın. istər qız istərsə də oğlan nə qədər savadlı , dünyagörüşlü olarsa özünü düzgün ifadə etməyi bacararsa həm öz ətraflarında bir şey dəyişə bilərlər, həm də gələcək nəsilə daha az düzəltməlik travmalar ötürəcəklər. mən bu mövzuda şanslı olduğumu düşünürəm, çünki valideynlərim qatı mühafizəkar olmayıb, bəzi fikirləri olub ancaq zamanla mən bunları dəyişə bildiyimi düşünürəm. təbii ki, ilk dəfədən qəbul etməyiblər çünki bu onların gerçəyidir və illərdir az qala qanımıza işləmiş bəzi şeyləri bir sözlə yıxmaq mümkün deyil, ona görə də izah edərək, səbrlə doğru ilə səhv arasındakı sərhədi dəyişmək lazımdır.
son olaraq qızların daha mühafizəkar olması həm də oğlanların bir az müasir düşüncəli qız görəndə ona fürsət kimi baxmasından da asılıdır. yaxın ətrafımda da, öz təcrübəmdə də görmüşəm ki, bəzi hallarda qarşına bir problem çıxmamağı ( yolda gülərək gedəndə söz atan birinə qarşı və s.) üçün özünü daha mühafizəkar göstərməli olursan.
"qızlara yox deməyi və oğlanlara yox cavabına hörmət etməyi öyrədin"

5 əjdaha! 09.05.2022 03:34, happylittletree

#349641 şikayət

claude monet

+5 əjdaha

"impression" adlı rəsmi impressionizm cərəyanına adını verən fransız rəssam.
" quşların oxuması kimi rəsmlər çəkmək istərdim" deyərək həyatının böyük bir hissəsini gülləri, giverny kəndindəki evinin həyətini, su zanbaqlarını çəkməklə məşhur olsa da, yeniyetməlik dövründə karikaturalar da çəkmişdir. təxminən 40 yaşına qədər kasıb olan, monet şöhrətə qovuşduqdan sonra nəinki ac qalmaq qorxusundan xilas olur, hətta getdikcə varlanmağa başlayır. məşhur bağ evini də elə bu dövrdə satın alır və bağı öz zövqünə uyğun dekorasiya etməyə başlayır.

(youtube:

)

yapon bağlarından təsirlənərək öz bağında su zanbaqları üçün kiçik gölməçə hazırlatmağı qərara alan rəssam qocalana qədər özü güllərin qayğısına qalır. katarakt adlanan göz bəbəyinin donuqlaşaraq gözləri zəiflətdiyi xəstəliyə tutulan monet görmə qabiliyyətini getdikcə itirir. buna baxmayaraq sevimli zanbaqlarını yaddaşından çəkməyə başlayır və bütün həyatı boyu təkcə zanbaqların 125-ə yaxın rəsmini çəkmişdir. metropolitan muzeyində sərgilənən bütün otağı əhatə edən su zanbaqları rəsmlərini də xəstəliyinin ilkin dövründə çəkməyə başlamış və demək olar ki güclə sonlandırmışdır.
1926-cı ildə 86 yaşında vəfat edən rəssam elə bağı yaxınlığında dəfn edilmişdir, bağça və ev muzeyi isə hər il minlərlə ziyarətçini qəbul edir.

4 əjdaha! 07.08.2021 00:51, happylittletree

#333626 şikayət

payız

+5 əjdaha

darıxılan, tez gəlməsi istənilən fəsil

4 əjdaha! 31.07.2022 00:22, happylittletree

#355590 şikayət

yazarların xəyalları

+5 əjdaha

uşaqlıqda az qala hər ay yeni bir xəyala qaçırdım, ayna uşaq ensiklopediyaları vardı onları vərəqləyib olmağı seçmədiyim peşə qalmamışdı.
sonralar artıq iş ciddiləşəndə heç cür özümə yer tapa bilmirdim, necə yəni bir xəyalım olmalıdır onun arxasınca getməliyəm axı mən bir xəyala necə sığdıra bilərəm özümü deyə düşünürdüm. artıq sadəcə sizif kimi, hər gün eyni olsa da bunu edərkən gülümsəyərək yaşamaq istəyirəm. bəlkə də tənbəllik və ya comfort zone kimi görünə bilər, ancaq bizə yük kimi verilən bu mənasız həyatı ən çox sevə biləcəyim, fərqli kitablar, filmlər, şəhərlər, musiqi və incəsənətlə dolu bir hala salmağa çalışıram. özümə yadlaşmadan, lazımsız insanlardan uzaq divarlarını rənglədiyim, rəflərini doldurduğum kiçik bir yerim olsa öz 50-60 ilimi yaşayıb yox olaram. bəzi xəyallarım öz əlimdə deyil məsələn çox möhkəm, bizə dayadılan xoşbəxtlik çərçivəsinə salmadan, birinə şeir yaza biləcək qədər sevmək istəyirəm.qısası xəyallarımı artıq uzaqlarda deyil, öz daxilimdə axtarıram.

4 əjdaha! 10.08.2022 02:16, happylittletree

#356767 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

happylittletree

son bəyənilənlər:

oxuyucuların bəyəndikləri: