orjinaladam

69 0 0 0

5. nəsil yazar

Entry: 69

Əgər insanlar başa düşsəydilər ki, beşmərtəbəli evin altıncı mərtəbəsi də ola bilər, onda nə vardı ki...

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ielts

+23 əjdaha

https://starkcamp.com/ielts-aca

Yuxarıda göstərilən saytdan istifadə edərək Listening və Reading hissələrinə rahatlıqla hazırlaşa biləcəyiniz imtahan. Cambridge kitabları computer-delivered formatda paylaşılıb.

https://www.ielts-mentor.com/48-ielts-vocabulary/vocabulary-for-academic-ielts-writing-task-1/528-vocabulary-for-academic-ielts-writing-task-1-part-1

bu saytın köməkliyi ilə writing task 1 üçün lazım olan sözləri və cümlə quruluşlarını öyrənə bilərsiniz. Eyni saytda müxtəlif başqa səhifələrdə də maraqlı məlumatlar var, mən ən çöx göstərilən linkdən istifadə etmişəm.

https://www.ieltsg.com/2018/01/ielts-writing-task-2-academic.html
https://www.ieltsjacky.com/ielts-task-2.html

writing task 2 üçün yuxarıdakı linklərdən istifadə edə bilərsiniz. həm ümumi struktur, həm də cümlə strukturu baxımından kömək edəcək.

12 əjdaha! 18.12.2020 21:35, orjinaladam

#313815 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

təhminə

+21 əjdaha

Bu sözlərin müəllifi olan Azərbaycan ədəbiyyatındakı ən yaxşı qadın obrazlarından biri:
Mənim barəmdə nə danışırlar, qoy danışsınlar, vecimə deyil. Mən elə hesab edirəm ki, insanın öz daxili əxlaqı olmalıdır və əgər bu əxlaq varsa, insan öz daxili əxlaqına sadiqdirsə, bütün zahiri şeylərin heç bir əhəmiyyəti yoxdur - kim nə bilim nə dedi, kim nə bilim nə fikirləşdi.

21 əjdaha! 06.03.2020 17:25, orjinaladam

#292697 şikayət

təhminə

+15 əjdaha

"ağ liman", "beşmərtəbəli evin altıncı mərtəbəsi" və "altıncı" əsərlərinin baş qəhrəmanı. azərbaycan ədəbiyyatında məncə ən yaxşı işlənmiş qadın obrazı. səməd vurğunun aygünü də çox yaxşı işlənib amma təhminə çox daha fərqlidi. yuxarıda yazdığım hər üç kitabı da oxuyandan sonra təhminənin bütün hekayəsi məlum olur. əslində, anarın qızı tərəfindən yazılan və təhminənin gündəliklərindən bəhs edən "altıncı" povestini çox da sevmirəm, çünki bəzi boşluqları qətiyyən istədiyim və təsəvvür etdiyim kimi doldurmayıb yazıçı. amma hər nəysə. təhminə çox kiçik yaşlarından bəzi problemlər yaşayır və ilk aşiq olduğu adam onu belə desək yarı yolda qoyub gedir. uşağını aldırmalı olur. səhv eləmirəmsə, "ağ liman"da təhminə zaura deyir ki, "uşağı olmayan qadına ona görə sonsuz deyirlər ki, o ailənin sonu olmur çünki ailənin son üzvü o uşaqdır". təhminədə bu uşaq söhbəti travma kimi idi, ilk məhəbbətindən qalan travma. adama elə gəlir ki, təhminə yuxarıdakı yazarın dediyi kimi "quşdu", amma yalnız əsərlərdə təsvir olunanlara baxsaq (özümüzdən hekayə artırmasaq), başa düşmək olar ki, o sadəcə zauru sevmişdi və ona heç vaxt xəyanət də etmədi. hə, evləndiyi adamı zaurla aldadırdı amma onu da heç sevməmişdi və həm də o adam (əsərdə manaf, filmdə arif) da xəyanət edirdi onsuz da. insan sevmədiyi bir adamla evlidirsə ona xəyanət edir kimi qəbul oluna bilər yoxsa yox, düzü bunu bilmirəm, amma məncə xəyanət deyil. təhminə istədiyini eləyirdi həmişə, illər keçib amma hələ də elə yaşayan qız, qadın çox azdı bu ölkədə, elə yaşamağa icazə də vermirlər onlara bəzən. zövqlü idi, şopen dinləyirdi, fərqli idi ətirləri qarışdırırdı və öz ətrini düzəldirdi. təhminə heç kimdən qorxub qaçmırdı, heç kimi narahat da etmirdi, sadəcə öz həyatını yaşamaq istəyirdi. təhminə həmin anı yaşayırdı, gələcək haqqında düşünmürdü. təhminə gözəl idi, gözəl olan hamı kimi hətta gözəllikdən asılı olmayaraq hamı kimi bəyənilmək istəyirdi amma hər bəyənənlə də birlikdə deyildi. nəysə, çox danışdım, təhminə kimi sevən qız tapsaz zaur olmaq lazım deyil məncə, firəngizlə bir ömür yaşamaq çox sıxıcı olar, ümumiyyətlə sevən qadını itirməmək lazımdı. əsərdən bir neçə cümlə ilə bitirim:
kişi məlakəni fahişəyə çevirən deyil, kişi fahişəni məlakəyə çevirəndi.
əgər adamlar başa düşsəydilər ki, beşmərtəbəli binanın altıncı mərtəbəsi də ola bilər, onda nə vardı ki...

13 əjdaha! 18.06.2017 22:33, orjinaladam

#255793 şikayət

azərbaycan respublikası dini qurumlarla iş üzrə dövlət komitəsi

+10 əjdaha

hal-hazırda xəzər tv-də verilən anonsdan eşitidiyimə əsasən "həyat bilgisi" dərsliklərində olan dinlə bağlı bilgiləri artırmaq istəyən qurum. uşaqlara düzgün təhsil vermək onları lazımsız şeylərdən uzaqlaşdırmaq yerinə nəyə görə dinə yaxınlaşdırırlar, anlamıram. ola bilər, kimsə düşünür ki din insanları yaxşı yola çəkir və pisliklərdən uzaqlaşdırır, bəlkə də haqlısız. amma məncə, uşaqları yaxşı böyütmək, onları pis şeylərdən çəkindirmək üçün dindən istifadə etmək yox sadəcə olaraq onlara yaxşı nümunə olmaq lazımdır.əgər məktəbli müəllimindən və ya ailsəindən yaxşı nümunə götürmürsə , bədii kitablar, filmlər, ətrafında müşahidə etdiyi şeylər onu tərbiyələndirməyə və yaxşı yola gətirməyə kifayət edə bilər.

10 əjdaha! 27.09.2016 20:07, orjinaladam

#231712 şikayət

sevil atakişiyeva

+14 əjdaha

günlərdir ağlımdan çıxmayan, təəssüf ki valideyn təzyiqinə dözməyib intihar etmiş qız.

mən orta məktəbdə oxuyanda (deyəsən 7-ci sinif idi) məhəlləmizdə bir nəfər intihar etmişdi, ələkbər adlı oğlan, məndən 2-3 yaş böyük olardı. futbol oynayırdıq bir dəfə, atası gəlib onu hamının qabağında döymüşdü - heç bilmirəm nəyə görə idi açığı. üstündən heç bir həftə keçməmişdi ki, özünü asdı ələkbər. atasını günahlandıran olmadı təəssüf ki, polis gəldi, işi bağladı, getdi. həmin il, valideynlərlə bağlı nəsə inşa yazırdıq məktəbdə, mən də açığı bu hadisədən təsirlənmişdim biraz. belə bir cümlə yazmışdım ki, heçkim özünü öldürməyə dəyməz, hətta valideyn də olsa qaçıb gedə bilərsən özünü öldürməkdənsə. (əslində bu da düz deyil, qalıb problemi həll etməyə cəhd etmək olar ən azı, sadəcə mən uşaq idim - qaçmaq daha asan görünürdü) nəysə, sözümün canı odur ki, müəllimə mənə o inşada 5 yazmadı, dedi ki sənin bu fikrin yəni valideyni günahlandırmağın mənim xoşuma gəlmir. həmin dərsi məhz bu mövzuya həsr etdi və hamımıza "valideyn nə edirsə düzdü, nə deyirsə etməliyik" fikirlərini aşılamağa çalışdı, ələkbəri günahlandırdı. biz yeni nəsilik, lisey uşaqlarıydıq, əslində məncə heç uşaqların vecinə olmadı bu fikirlər. amma müəllimlər və valideynlər uşaqlıqdan bizə təzyiq göstərirlər ki öz istədiyimizi etməyək, böyük sözündən çıxmayaq və s.

Sözümün canı odur ki, imkanınız varsa heç olmasa öz uşağınızı daha normal şəraitdə böyüdün, müəllimlərini, özünüzü və yoldaşınızı tanıyın. Əmin olun ki, uşağınıza heçkim təzyiq göstərmir və o öz fikirlərində və hərəkətlərində azaddır. sevil olmasaydı, ələkbər mənim yadımdan çıxmışdı. bir müddət sonra sevil də hamımızın yadından çıxacaq, nəsə dərs götürmək lazımdır amma. Yoxsa bu kimi hadisələr hələ çox başımıza gələ bilər.

14 əjdaha! 24.02.2021 16:18, orjinaladam

#320718 şikayət

do you remember

+9 əjdaha

Son günlər xeyli məşhur olan, musiqinin mark eliyahuya, sözlərin məhəmmədhüseyn şəhriyara ifanın isə bəyimxanım vəliyevaya məxsus olduğu möhtəşəm mahnı. Linki və sözləri aşağıda tapa bilərsiniz.

(youtube:

)

Ulduz sayaraq gözləmişəm hər gecə yarı,
Gec gəlmədədir yar yenə, olmuş gecə yarı

Gözlər asılı, yox nə qaraltı , nə də bir səs,
Batmış qulağım gör nə döşürməkdədi darı

Bir quş : “Ayığam” –söyləyərək gahdan inildər,
Gahdan onu day yel deyə laylay huş aparı

Yatmış hamı, bir Allah oyaqdı, daha bir mən
Məndən aşağı kimsə yox, ondan da yuxarı

Qorxum budu,yar gəlməyə birdən yarıla sübh,
Bağrım yarılar, sübhüm, açıla tarı!

Dan ulduzu istər çıxa, göz yalvarır, çıxma
O çıxmasa da ulduzumun yoxdu çıxarı

Gəlməz, tanıram bəxtimi, indi ağarar sübh,
Qaş beylə ağardıqca, daha baş da ağardı

Eşqin ki, qərarında vəfa olmayacaqmış,
Bilməm ki, təbiət niyə qoymuş bu qərarı?

Sanki xoruzun son banı xəncərdi soxuldu,
Sinəmdə ürək varsa, kəsib qırdı damarı.

Rişxəndilə qırcandı səhər, söylədi:-Durma,
Can qorxusu var eşqin, ulduzun bu qumarı

Oldum qaragün ayrıları o sarı teldən,
Bunca qara günlərdir edən rəngimi sarı.

Göz yaşları hər yerdən axarsa,məni tuşlar,
Dəryaya baxar, bəllidi, çayların axarı.

Əzbəs məni yarpaq kimi hicranla saraldıb,
Baxsan üzünə,sanki qızılgüldü, qızardı.

Mehrabi-şəfəqdə özümü səcdədə gördüm,
Qan içrə qəmim yox, üzüm olsun sənə sarı.

Eşqi var idi Şəhriyarın güllü, çiçəkli,
Əfsus, qara yel əsdi, xəzan oldu baharı.

6 əjdaha! 06.03.2019 22:25, orjinaladam

#284097 şikayət

george carlin

+6 əjdaha

"people who see life as anything more than pure entertainment are missing the point" sözlərinin müəllifi.
bizim cəsarət edib yaxınlaşa bilmədiyimiz pəncərələrdən baxır həyata, insanlara, dəyərlərə. hərkəsə uyğun olmaya bilər fikirləri, amma ki, bunları açıq deyə bilmək həm cəsarət, həm məntiq, həm yaxşı müşahidə qabiliyyəti tələb edir. din, abort, amerika, həyatın mənası, insanların axmaqlığı, qadağalar və müxtəlif başqa mövzularda çox güclü yanaşmaları var.

edit: yuxarıdakı sitatda cəsarətlik nəsə yoxdu, sadəcə cümləni çox sevirəm. amma bir neçə nitqini dinləsəz nə demək istədiyimi anlayacaqsız.

4 əjdaha! 23.06.2017 23:02, orjinaladam

#256116 şikayət

sözlük yazarlarından aforizmlər

+8 əjdaha

Əgər birini tanımaq istəyirsinizsə, sadəcə onun yanında sakit qalın. Sizin haqqınızda nə fikirləşirsə, deməli özü o xüsusiyyətləri daşıyır. insanlara həmişə qeyri-müəyyənliyə bir ad vermək maraqlıdır.

6 əjdaha! 13.05.2020 15:25, orjinaladam

#295508 şikayət

sevgi mahnısı

+6 əjdaha

Sözlərini aşağıda görə biləcəyiniz möhtəşəm mahnı. "Sənə olan sevgimi sənə də alçaltmaram" azərbaycan musiqisində eşitdiyim ən gözəl cümlədi.

Keçdiyin bütün yollar
Qəlbimdən keçib gedir
Gözlərin bu dünyaya
Sevilməyi öyrədir
Kirpiklərinlə qorun
Saçlarınla yaşın, yar
Amandı, yar, baxışlar
Gözəlliyin daşınar
Ürəyimi atsam da,
Öz sevgimi atmaram
Sənə olan eşqimi
Sənə də alçaltmaram
Mehriban gülüşünlə
Nərgizlər yaranıbdı
Mehriban baxışınla
Dalğalar yaranıbdı
Kipriklərinlə qorun
Saçlarınla yaşın, yar
Amandı, yar, baxışlar
Gözəlliyin daşınar
Ürəyimi atsam da,
Öz sevgimi atmaram
Sənə olan eşqimi
Sənə də alçaltmaram

6 əjdaha! 06.07.2020 21:29, orjinaladam

#299268 şikayət

dünya sənin dünya mənim

+5 əjdaha

sözləri məmməd araza, musiqisi niyaməddin musayevə məxsus olan və niyaməddin musayev tərəfindən ifa olunan möhtəşəm mahnı. girişində 2 dəqiqə heç bir söz olmadan bizi gözlətsə də, sonradan deyilən mənalı sözlər hərşeyi unutdurur.

https://www.youtube.com/watch?v=RujcdRf6mNk

Bir taleyin oyununda cütlənmiş zərik,
Yüz il qoşa atılsaq da qoşa düşmərik.
Bir zərrənin işığına milyonlar şərik,
Dünya sənin,
Dünya mənim,
Dünya heç kimin...

Bu get-gəllər bazarına dəvədi dünya ,
Bu ömür-gün naxışında həvədi dünya.
Əbədiyyən qəh-qəh çəkər əbədi dünya,
Dünya sənin,
Dünya mənim,
Dünya heç kimin...

Çevrəsindən çıxsa əgər sevda fırfıran,
Bir ümidin ətəyindən tutub da fırlan.
Eşidirsən: pıçıldayır yıxılan, duran;
Dünya sənin,
Dünya mənim,
Dünya heç kimin...

Bu get-gəllər bazarına dəvədi dünya ,
Bu ömür-gün naxışında həvədi dünya.
Əbədiyyən qəh-qəh çəkər əbədi dünya,
Dünya sənin,
Dünya mənim,
Dünya heç kimin...

3 əjdaha! 08.07.2020 17:56, orjinaladam

#299460 şikayət

təhminə

+7 əjdaha

Zaurik, — dedi, bunu bil: mənim barəmdə çox şey danışırlar və bundan sonra, məhz bax elə sənə daha çox iftiralar uydurub deyəcəklər... Əgər ürəklərinə damsa ki, biz səninlə doğrudan-doğruya xoşbəxtik, bunu heç bir vaxt bağışlamayacaqlar bizə... Yüz çirkab tökəcəklər başımızdan və çalışacaqlar ki, bunların hamısı sənin qulağına çatsın. Amma mən istəyirəm ki, sən bir neçə şeyi dəqiq biləsən, Zaur. Birincisi odur ki, məlaikə-zad deyiləm, bu barədə heç bir illüziyan olmasın. Amma bu da həqiqətdir ki, mən hələ heç kəsi səni sevən kimi sevməmişəm və indiyəcən hələ heç kəsə də deməmişəm ki, onu sevirəm... Bax ən böyük, ən əsas həqiqət budur... Zaurik, dünyada bir həqiqət, bircə həqiqət var — qəlbin həqiqəti və səadət, xoşbəxtlik də elə budur, vallah... Bax bu axşam var dünyada, bu meşə var, quşlar oxuyurdu bu meşədə, sən varsan, mən varam, bir-birimizi sevirik, bir yerdə olanda bəxtiyar oluruq, — budur bax həqiqət və bundan başqa heç bir ayrı həqiqət yoxdur. Sən uçub Moskvaya gəlmisən, orada aerodromun qalereyasında uzaqdan səni görüb bilirsən necə sevindim! Bəs sən? Bəs sən?..
— Mən də...
— Görürsən... Bax bu dəqiqələr var e, bu şoseylə Moskvaya gedirik ikimiz — sən və mən, — Bəxtiyarlıq budur, Zaurik, həqiqət, ən böyük həqiqət də budur... Ayrı bir həqiqət arama bizim münasibətlərimizdə... Bir yerdə olduğumuz dəqiqələrin xoşbəxtliyi ilə yaşa... Budur əsl həqiqət...

6 əjdaha! 30.08.2020 21:23, orjinaladam

#303655 şikayət

sex explained

+5 əjdaha

netflix üzərindən izləyə biləcəyiniz mini serial. seksi çox az detal verərək fantaziyalardan doğuma qədər izah edir. içində çox maraqlı statistikalar, eksperimentlər və müsahibələr paylaşılıb. yaxşı olar ki, partnerinizlə birlikdə izləyəsiniz, həm özünüzü, həm də onu bilgiləndirməyə və başa düşməyə kömək edəcək.

1 əjdaha! 27.04.2020 09:20, orjinaladam

#294512 şikayət

brenda chenowith

+4 əjdaha

(baxma: "six feet under") serialının ən möhtəşəm obrazı. bu qızla azərbaycanda sevgili ola biləcək, evlənə biləcək hətta dost ola biləcək nə bilim ee nəsə paylaşa biləcək bir nəfər belə yoxdu. deyə bilmərəm ki, onun xarakteri çox yaxşıdı, əslində brenda çox çətin qadındı, başından çox şey keçib. insanları anlaya bilir, onları sıxmır, narahat etmir, sadəcə olduğu anı düşünür və sevdiklərinin yanında olma istəyir. "fuck up" sözünü o qədər seksi tələffüz edir ki, bu gün playstation oynayanda hərşeyə bu reaksiyanı vermişəm. brenda hərşeyi analiz edir, hərşeyi anlaya bilir 185 iq ilə amma ki brenda eyni səhvləri bir neçə dəfə edir, xüsusilə qardaşı söhbətin içində olanda. bəlkə də insanları olduğu kimi qəbul edə bilir, bəlkə də yox amma özünü dəyişmək kimi bir fikri qətiyyən yoxdu və heç vaxt da dəyişmir. brenda əsla dözə biləcəyim bir insan deyil məncə amma xəyallarımdakı qadında "bir tutam brenda" da təbii ki var.

--spoiler--

"i’m marrying you because i love you. because you’re the first man that i thought i could actually stand to spend the rest of my life with. or the rest of your life, if it’s tragically cut short or whatever. you’re not some car i want to trade in because it has faulty transmission. jesus, do you really think i’m that shallow? all we have is this moment, right here, right now. the future is just a fucking concept that we use to avoid being alive today. so, be here now."

"you know what i find interesting? if you lose a spouse, you're called a widow, or a widower. if you're a child and you lose your parents, then you're an orphan. but what's the word to describe a parent who loses a child? i guess that's just too fucking awful to even have a name."

--spoiler--

3 əjdaha! 23.06.2017 23:17, orjinaladam

#256117 şikayət

maraqlı youtube kanalları

+6 əjdaha

CFA imtahanına hazırlaşmaq istəyənlər üçün:
1) https://www.youtube.com/channel/UCAHr-sT0AjrD3sBwr1eRUNg/feed
2) https://www.youtube.com/user/arifirfanullah/playlists

ACCA imtahanına hazırlaşmaq istəyənlər üçün:
1) https://www.youtube.com/channel/UCC_-C4QI1mMpiqXRYM7GLuw
2) https://www.youtube.com/user/opentuition/featured

Excel öyrənmək istəyənlər üçün:
1) https://www.youtube.com/channel/UCkndrGoNpUDV-uia6a9jwVg

Stata öyrənmək istəyənlər üçün:
1)https://www.youtube.com/channel/UCVk4G4nEtBS4tLOyHqustDA

Mikroiqtisadiyyat və makroiqtisadiyyat ilə bağlı:
1) https://www.youtube.com/user/ACDCLeadership/featured

Toefl & Ielts & General English üçün:
1)https://www.youtube.com/user/Kentonadultesl/featured
2)https://www.youtube.com/user/Eidioms/featured

6 əjdaha! 14.10.2016 22:02, orjinaladam

#234332 şikayət

god on trial

+5 əjdaha

demək olar ki, sadəcə bir otağın içində çəkilən, dialoqlarla necə maraqlı film çəkilə biləcəyinin əyani sübutu olan möhtəşəm film. bəzən özümüzə verməyə qorxduğumuz sualları filmdə açıq-açıq soruşurlar və cavablandırmağa çalışırlar. əslində, din və fəlsəfə ilə maraqlanan insanlar ya da ümumiyyətlə maraqlanmasalar da, ətrafındakı hadisələri sorğulayan insanlar məncə bu filmdəki məhkəməni öz beynində mütləq şəkildə nə vaxtsa qurub. düzdü, burada söhbət yəhudilikdən gedir və təəssüf ki radikal bir müsəlmana bunu izlətsək, nəticə çıxarmaq yerinə "yəhudilik onsuz da pisdi, bizim dinimiz bombadı" deyəcək. tövsiyəm budur ki, sırf məntiqli yanaşın filmdəki dialoqlara, düşünün deyilənləri. əlbəttə razılaşmadığınız şeylər də olacaq, film boyunca gah o tərəfi, gah bu tərəfi haqlı görəcəksiz amma sondakı nəticə məni hardasa qane elədi.
2008-ci ildə çəkilib, düzü aktyorların heç birini tanımıram. amma, "sherlock" serialındakı greg lestrade rolunu ifa edən aktyor da bu filmdə var, seriala baxanlar tanıyar. (rupert graves)

2 əjdaha! 22.08.2017 10:16, orjinaladam

#259231 şikayət

məsləhətli filmlər

+4 əjdaha

krótki film o milosci (a short film about love) - ölmədən izləmək lazımdı. sevgiyə, romantik filmlərə qarşı baxışınız, fikriniz dəyişəcək.

4 əjdaha! 14.03.2017 22:18, orjinaladam

#248692 şikayət

eda baba

+4 əjdaha

Super səsi olan şirin qız. Harry Potter-dakı o gəşəng qıza da oxşayır (Hermione - Emma watson) YouTube-da möhtəşəm coverları var ki, insanı sakitləşdirir. Öz kanalından izləyə bilərsiz, ən sevdiyim mahnılarını da paylaşdım kanalla birlikdə.
kanalı link

(youtube:

)

(youtube:

)

(youtube:

)

3 əjdaha! 14.06.2017 22:10, orjinaladam

#255578 şikayət

farkhunda

+3 əjdaha

19 mart 2015-ci ildə öldürülmüş əfqan qadın. əvvəlcə qadını daşlayırlar, döyürlər daha sonra benzin töküb yandırırlar. Deməli, qadına "quranı yandırdı" deyə günahlandıraraq bu qədər əzab verirlər. Deyilənə görə, əslində heç quranı da yandırmayıb qadın sadəcə qoca bir kişiylə mübahisə edib və üzərinə şər atıblar. Məsələ burasındadır ki, bəzi insanlar düşünürlər ki əgər quranı yandırırsa kimsə bu cəza düzgündür. Təkcə əfqanıstanda yox ölkəmizdə də belə insanlar var hətta hər birimizin ətrafında tapa bilərik onları.
Dinimiz nə olur olsun, nəyə inanmağımızdan və ya inanmamağımızdan asılı olmayaraq kiməsə qarşı belə hərəkət etmək ən azından vicdansızlıqdır. Nə olur olsun, yandırılan sadəcə bir kitabdır və bu kitab bir insanın həyatından daha üstün ola bilməz.

P.S. cinayətdə iştirak edən insanlardan 4ü edam edilib, bir neçəsi də həbs edilib. amma heç bir cəza almayan insanlar da var, sübut azlığı səbəbi ilə.

https://www.youtube.com/watch?v=28u4ItL02Fo&oref=https%3A%2F%2Fwww.youtube.com%2Fwatch%3Fv%3D28u4ItL02Fo&has_verified=1

3 əjdaha! 13.10.2016 21:25, orjinaladam

#234236 şikayət

michael sandel

+3 əjdaha

Harvardda dərs deyən professor, filosof. Harvard tarixində dərsi ən çox adam tərəf götürülən müəllimlərdən biridir. Aşağıdaki linkdən dərslərinə onlayn baxa bilərsiniz. justice (ədalət) adlanan dərsində çox effektiv şəkildə insanın özünə və cəmiyyətə qarşı necə davranmalı olduğunu müzakirə edir. Nə etməli olduğunuzu deməsə də, məsələyə hər tərəfdən yanaşaraq, dərsdə müzakirələr apararaq hər hansı bir vəziyyətdə necə dəyərləndirmə aparmalı olduğumuzu izah etməyə çalışır. Vaxtı olan hərkəsə izləməyi məsləhət görərdim, heç necə keçdiyini anlamayacaqsız 1 saatlıq videoların. həmçinin, müəllim olan və ya olmaq istəyən istənilən şəxs bu videolardan çox şey öyrənə bilər yəqin ki. ümumiyyətlə, həyata və cəmiyyətə qarşı fikirləriniz xeyli dəyişəcək çünki videoda müzakirə edilən və dilə gətirilən hər şey saf məntiq və etika üzərində qurulub və hər bir fikir üçün tutarlı arqument gətirməyə çalışırlar. Sandelin tərzini hardasa sokrata bənzədirəm çünki əsasən cavabla yox sualla hər hansı bir nəticəyə gəlməyə çalışır və hər kəsi düşünməyə vadar edir.
əgər düşünməyi çox da sevmirsinizsə ümumiyyətlə baş qoşmayın çünki adam baxandan sonra düşünməyə bilmir. özü də belə deyir onsuz da:
Self-knowledge is like lost innocence; however unsettling you find it, it can never be unthought or unknown.

https://www.youtube.com/playlist?list=PL30C13C91CFFEFEA6

2 əjdaha! 30.12.2017 22:31, orjinaladam

#265204 şikayət

you

+3 əjdaha

ilk sezonu maraqlı, ikinci sezonu sıxan netflix serialı. psixi problemləri olan bir oğlanın sevdiyi (və ya sevdiyini düşündüyü) qızlarla olan qarşı olan obsessiv münasibətindən bəhs olunur. Uşaqlıq travmasının, qısqanclığın, güvənsizliyin insanları nə qədər pis vəziyyətə sala biləcəyini görə bilərsiniz. Joe-nun özü ilə danışmağı və həmişə düşündüyündən fərqli şeyləri qarşısındakı insana deməsi çox real əks olunub.

1 əjdaha! 27.04.2020 09:26, orjinaladam

#294513 şikayət

the bucket list

+2 əjdaha

2007-ci ildə çəkilmiş, baş rollarda Morgan freeman və Jack Nicholson olan film. Ömrünün axırına az qalan iki tamamilə fərqli xarakterdə olan 2 qocanın son günlərdə istədikləri kimi yaşamaqlarından, əylənməklərindən, söhbətlərindən bəhs olunur. Filmdə təsvir olunan dünyanın ən gözəl qızı adamı həm duyğulandırır, həm üzür, həm də sevindirir.
Filmə baxanda adam istər-istəməz özünü eyni situasiyada hiss edir, son 6 ayda nə edəcəyini düşünür. Təəssüf ki, nə qədər düşünsəm də, nə qədər çox şeyi eləmək istədiyimi görsəm də film heç bir şeyi dəyişmədi. Elə hər şey əvvəlki kimidir, halbuki bəlkə də 6 ay yox 1 ay qalıb.

2 əjdaha! 24.02.2019 15:04, orjinaladam

#283807 şikayət

sözaltı radio

+2 əjdaha

Gustavo Santaolalla - De Ushuaia a la Quiaca

(youtube:

)

1 əjdaha! 06.08.2017 17:31, orjinaladam

#258409 şikayət

balkanski spijun

+2 əjdaha

kommunizmin insanları nə hala saldığını görə biləcəyiniz film. 1984-cü ildə çəkilib. insanların kapitalizmdən necə qorxması, paranoyaklaşması, onların üzərində totalitar rejimin yaratdığı psixoloji təzyiq çox gözəl təsvir olunub.

2 əjdaha! 19.11.2016 23:50, orjinaladam

#237641 şikayət

məşhur çıxışlar

+2 əjdaha

Məşhur insanlar tərəfindən edilmiş, böyük bir kütləyə təsir etmiş, yadda qalmış, bir çoxu natiqliklə bağlı dərslərdə izlədilən, dinlədilən çıxışlar toplusu. Demək olar ki hamısı ingiliscədi, sadəcə 2 istisna var ( birinin ingiliscə mətni mövcuddur). Tamamilə özüm seçmişəm, hansısa siyahıya görə hazırlanmayıb ona görə sıralama yoxdur. Yeniləri tapıldıqca əlavə olunacaq.

Çarli Çaplin - Great Dictator - https://www.youtube.com/watch?v=J7GY1Xg6X20
Martin Luter Kinq - I have a dream- https://www.youtube.com/watch?v=I47Y6VHc3Ms
Barak Obama - Yes we can- https://www.youtube.com/watch?v=Fe751kMBwms
Stiv Cobs - Stanford Commencement- https://www.youtube.com/watch?v=UF8uR6Z6KLc
Con Kennedi - Inaugural Address - https://www.youtube.com/watch?v=PEC1C4p0k3E
Franklin Ruzvelt- Pearl Harbor Address to the Nation https://www.youtube.com/watch?v=YhtuMrMVJDk
Məhəmməd Əmin Rəsulzadə - 28 May - https://www.youtube.com/watch?v=USSYDiXnBj0
Martin Luter Kinq- i have been to the mountatintop - https://www.youtube.com/watch?v=ixfwGLxRJU8
Riçard Nikson- Checkers- https://www.youtube.com/watch?v=EqjwBDH-vhY
Ronald Reyqan – Shuttle challenger disaster adress- https://www.youtube.com/watch?v=gEjXjfxoNXM
Nehru – Tryst with destiny - https://www.youtube.com/watch?v=F-NoElQulgw
De qoll - L'Appel du 18 juin - http://www.artofmanliness.com/appeal-of-june-18-by-charles-de-gaulle/ (ingiliscə mətn)
Mahatma Qandi - https://www.youtube.com/watch?v=8yMcNubXqc4
Franklin Ruzvelt- First inaugural address- https://www.youtube.com/watch?v=MX_v0zxM23Q
Çörçill – Their finest hour - https://www.youtube.com/watch?v=jB5wZtV1MWM
Folkner – Nobel Prize - https://www.youtube.com/watch?v=ENIj5oNtapw
Ronald Reyqan – Berlin wall - https://www.youtube.com/watch?v=5MDFX-dNtsM
Con Kennedi – The decision to go to the moon - https://www.youtube.com/watch?v=TuW4oGKzVKc
rahibə teresa – Nobel prize - https://www.youtube.com/watch?v=I36Nistc9wE
Malala Yousafzai – Nobel prize - https://www.youtube.com/watch?v=MOqIotJrFVM
malkolm x - message to the grassroots - https://www.youtube.com/watch?v=a59Kwp35Z80
Nelson mandela - an ideal for which i am prepared to die - https://www.youtube.com/watch?v=-Su6d6X8rn4
Nelson mandela - Harvard university - https://www.youtube.com/watch?v=5Zh8otC-c3s
Malkolm X- The ballot or the bullet - https://www.youtube.com/watch?v=7oVW3HfzXkg
lyndon baines johnson- the great society https://www.youtube.com/watch?v=x4Qc1VM80aQ link
john kerry - vietnam veterans against the war https://www.youtube.com/watch?v=ucY7JOfg6G4 link
the newsroom- why america isn't the greatest country in the world anymore- https://www.youtube.com/watch?v=ZPHSXUS0_1c link
lyndon baines johnson- ı will not run https://www.youtube.com/watch?v=FFyhAcp2DG4 link
stalin- 07/11/1941- https://www.youtube.com/watch?v=8IGbjPqFFvA link
richard nixon- resignation speech https://www.youtube.com/watch?v=2fHUSiBjcLQ#t=2 link
mary fisher- a whisper of aıds https://www.youtube.com/watch?v=zB5K9k__SOo link

silinmiş entry.

1 əjdaha! 23.04.2016 19:47, orjinaladam

#211491 şikayət

la migliore offerta

+2 əjdaha

gözlənilməz sonla bitən film. düzdür, filmin ortasında axırında nə baş verəcəyini təxmin etmək olur hardasa. amma istənilən halda, həm aktyorluqlar həm də ümumi ssenari baxımından çox gözəl filmdi. ümumiyyətlə həm son dəqiqələrdə təsvir olunun virgilin psixologiyasına aid səhnələr, həm də virgil və mexanikin arasındakı söhbətlər çox maraqlı və dəyərlidi mənə görə. izlədiyiniz ən yaxşı filmlərdən biri olmayacaq əlbəttə ki, amma baxmağa dəyər.

--spoiler--

sevginin saxtası olur.

--spoiler--

1 əjdaha! 16.09.2018 20:30, orjinaladam

#278019 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1337

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1344

orjinaladam

son bəyənilənlər:

oxuyucuların bəyəndikləri: