orjinaladam

69 0 0 0

5. nəsil yazar

Entry: 69

Əgər insanlar başa düşsəydilər ki, beşmərtəbəli evin altıncı mərtəbəsi də ola bilər, onda nə vardı ki...

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ielts

+23 əjdaha

https://starkcamp.com/ielts-aca

Yuxarıda göstərilən saytdan istifadə edərək Listening və Reading hissələrinə rahatlıqla hazırlaşa biləcəyiniz imtahan. Cambridge kitabları computer-delivered formatda paylaşılıb.

https://www.ielts-mentor.com/48-ielts-vocabulary/vocabulary-for-academic-ielts-writing-task-1/528-vocabulary-for-academic-ielts-writing-task-1-part-1

bu saytın köməkliyi ilə writing task 1 üçün lazım olan sözləri və cümlə quruluşlarını öyrənə bilərsiniz. Eyni saytda müxtəlif başqa səhifələrdə də maraqlı məlumatlar var, mən ən çöx göstərilən linkdən istifadə etmişəm.

https://www.ieltsg.com/2018/01/ielts-writing-task-2-academic.html
https://www.ieltsjacky.com/ielts-task-2.html

writing task 2 üçün yuxarıdakı linklərdən istifadə edə bilərsiniz. həm ümumi struktur, həm də cümlə strukturu baxımından kömək edəcək.

12 əjdaha! 18.12.2020 21:35, orjinaladam

#313815 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

təhminə

+21 əjdaha

Bu sözlərin müəllifi olan Azərbaycan ədəbiyyatındakı ən yaxşı qadın obrazlarından biri:
Mənim barəmdə nə danışırlar, qoy danışsınlar, vecimə deyil. Mən elə hesab edirəm ki, insanın öz daxili əxlaqı olmalıdır və əgər bu əxlaq varsa, insan öz daxili əxlaqına sadiqdirsə, bütün zahiri şeylərin heç bir əhəmiyyəti yoxdur - kim nə bilim nə dedi, kim nə bilim nə fikirləşdi.

21 əjdaha! 06.03.2020 17:25, orjinaladam

#292697 şikayət

təhminə

+15 əjdaha

"ağ liman", "beşmərtəbəli evin altıncı mərtəbəsi" və "altıncı" əsərlərinin baş qəhrəmanı. azərbaycan ədəbiyyatında məncə ən yaxşı işlənmiş qadın obrazı. səməd vurğunun aygünü də çox yaxşı işlənib amma təhminə çox daha fərqlidi. yuxarıda yazdığım hər üç kitabı da oxuyandan sonra təhminənin bütün hekayəsi məlum olur. əslində, anarın qızı tərəfindən yazılan və təhminənin gündəliklərindən bəhs edən "altıncı" povestini çox da sevmirəm, çünki bəzi boşluqları qətiyyən istədiyim və təsəvvür etdiyim kimi doldurmayıb yazıçı. amma hər nəysə. təhminə çox kiçik yaşlarından bəzi problemlər yaşayır və ilk aşiq olduğu adam onu belə desək yarı yolda qoyub gedir. uşağını aldırmalı olur. səhv eləmirəmsə, "ağ liman"da təhminə zaura deyir ki, "uşağı olmayan qadına ona görə sonsuz deyirlər ki, o ailənin sonu olmur çünki ailənin son üzvü o uşaqdır". təhminədə bu uşaq söhbəti travma kimi idi, ilk məhəbbətindən qalan travma. adama elə gəlir ki, təhminə yuxarıdakı yazarın dediyi kimi "quşdu", amma yalnız əsərlərdə təsvir olunanlara baxsaq (özümüzdən hekayə artırmasaq), başa düşmək olar ki, o sadəcə zauru sevmişdi və ona heç vaxt xəyanət də etmədi. hə, evləndiyi adamı zaurla aldadırdı amma onu da heç sevməmişdi və həm də o adam (əsərdə manaf, filmdə arif) da xəyanət edirdi onsuz da. insan sevmədiyi bir adamla evlidirsə ona xəyanət edir kimi qəbul oluna bilər yoxsa yox, düzü bunu bilmirəm, amma məncə xəyanət deyil. təhminə istədiyini eləyirdi həmişə, illər keçib amma hələ də elə yaşayan qız, qadın çox azdı bu ölkədə, elə yaşamağa icazə də vermirlər onlara bəzən. zövqlü idi, şopen dinləyirdi, fərqli idi ətirləri qarışdırırdı və öz ətrini düzəldirdi. təhminə heç kimdən qorxub qaçmırdı, heç kimi narahat da etmirdi, sadəcə öz həyatını yaşamaq istəyirdi. təhminə həmin anı yaşayırdı, gələcək haqqında düşünmürdü. təhminə gözəl idi, gözəl olan hamı kimi hətta gözəllikdən asılı olmayaraq hamı kimi bəyənilmək istəyirdi amma hər bəyənənlə də birlikdə deyildi. nəysə, çox danışdım, təhminə kimi sevən qız tapsaz zaur olmaq lazım deyil məncə, firəngizlə bir ömür yaşamaq çox sıxıcı olar, ümumiyyətlə sevən qadını itirməmək lazımdı. əsərdən bir neçə cümlə ilə bitirim:
kişi məlakəni fahişəyə çevirən deyil, kişi fahişəni məlakəyə çevirəndi.
əgər adamlar başa düşsəydilər ki, beşmərtəbəli binanın altıncı mərtəbəsi də ola bilər, onda nə vardı ki...

13 əjdaha! 18.06.2017 22:33, orjinaladam

#255793 şikayət

six feet under

+12 əjdaha

oz-dan sonra baxa bildiyim tək serial. prison break, game of thrones, 24 kimi sevilən seriallara baxmağa cəhd elədim amma düzü heçbiri 2-3 seriyadan sonra cəzb eləmədi. amma six feet under tamam başqa dünyadı. həyata yaxın olan şeylər ümumiyyətlə həmişə maraqlı olur. bu serialda da, tolstoy dediyi kimi, ailənin özünəməxsus bədbəxtliyi var, hətta hər ailə üzvünün ayrı bədbəxtliyi var. təbii ki, (bax: oz) qədər sürətli deyil hadisələr amma burada da hər seriyada ölüm var, hər obraz çox dərin işlənib. brenda, nate, dave, claire, ruth hətta ilk seriyada ölən nathaniel belə çox gözəl və dərin təsvir olunub. baxmağa başlayın, bu günə qədər baxmadığına peşman olur adam.

9 əjdaha! 14.06.2017 22:19, orjinaladam

#255579 şikayət

azərbaycan respublikası dini qurumlarla iş üzrə dövlət komitəsi

+10 əjdaha

hal-hazırda xəzər tv-də verilən anonsdan eşitidiyimə əsasən "həyat bilgisi" dərsliklərində olan dinlə bağlı bilgiləri artırmaq istəyən qurum. uşaqlara düzgün təhsil vermək onları lazımsız şeylərdən uzaqlaşdırmaq yerinə nəyə görə dinə yaxınlaşdırırlar, anlamıram. ola bilər, kimsə düşünür ki din insanları yaxşı yola çəkir və pisliklərdən uzaqlaşdırır, bəlkə də haqlısız. amma məncə, uşaqları yaxşı böyütmək, onları pis şeylərdən çəkindirmək üçün dindən istifadə etmək yox sadəcə olaraq onlara yaxşı nümunə olmaq lazımdır.əgər məktəbli müəllimindən və ya ailsəindən yaxşı nümunə götürmürsə , bədii kitablar, filmlər, ətrafında müşahidə etdiyi şeylər onu tərbiyələndirməyə və yaxşı yola gətirməyə kifayət edə bilər.

10 əjdaha! 27.09.2016 20:07, orjinaladam

#231712 şikayət

do you remember

+9 əjdaha

Son günlər xeyli məşhur olan, musiqinin mark eliyahuya, sözlərin məhəmmədhüseyn şəhriyara ifanın isə bəyimxanım vəliyevaya məxsus olduğu möhtəşəm mahnı. Linki və sözləri aşağıda tapa bilərsiniz.

(youtube:

)

Ulduz sayaraq gözləmişəm hər gecə yarı,
Gec gəlmədədir yar yenə, olmuş gecə yarı

Gözlər asılı, yox nə qaraltı , nə də bir səs,
Batmış qulağım gör nə döşürməkdədi darı

Bir quş : “Ayığam” –söyləyərək gahdan inildər,
Gahdan onu day yel deyə laylay huş aparı

Yatmış hamı, bir Allah oyaqdı, daha bir mən
Məndən aşağı kimsə yox, ondan da yuxarı

Qorxum budu,yar gəlməyə birdən yarıla sübh,
Bağrım yarılar, sübhüm, açıla tarı!

Dan ulduzu istər çıxa, göz yalvarır, çıxma
O çıxmasa da ulduzumun yoxdu çıxarı

Gəlməz, tanıram bəxtimi, indi ağarar sübh,
Qaş beylə ağardıqca, daha baş da ağardı

Eşqin ki, qərarında vəfa olmayacaqmış,
Bilməm ki, təbiət niyə qoymuş bu qərarı?

Sanki xoruzun son banı xəncərdi soxuldu,
Sinəmdə ürək varsa, kəsib qırdı damarı.

Rişxəndilə qırcandı səhər, söylədi:-Durma,
Can qorxusu var eşqin, ulduzun bu qumarı

Oldum qaragün ayrıları o sarı teldən,
Bunca qara günlərdir edən rəngimi sarı.

Göz yaşları hər yerdən axarsa,məni tuşlar,
Dəryaya baxar, bəllidi, çayların axarı.

Əzbəs məni yarpaq kimi hicranla saraldıb,
Baxsan üzünə,sanki qızılgüldü, qızardı.

Mehrabi-şəfəqdə özümü səcdədə gördüm,
Qan içrə qəmim yox, üzüm olsun sənə sarı.

Eşqi var idi Şəhriyarın güllü, çiçəkli,
Əfsus, qara yel əsdi, xəzan oldu baharı.

6 əjdaha! 06.03.2019 22:25, orjinaladam

#284097 şikayət

işə yarayan internet saytları

+6 əjdaha

https://www.acowtancy.com

acca, cima, cat, dipifr kimi beynəlxalq mühasibatlıq imtahanlarına hazırlaşanlar üçün pulsuz vəsaitlərin olduğu sayt. həm oxuya, həm də oxuduğunuz mövzudan olan suallara baxa bilərsiz.

4 əjdaha! 27.07.2017 20:56, orjinaladam

#257747 şikayət

paulaner

+7 əjdaha

çox gözəl dadı olan alman pivəsi. 1634-cü ildən bəri istehsal olunan bu pivə oktoberfestdə də təqdim olunan bir neçə markadan biridir. Bakıda müxtəlif marketlərdə 330 və 500 ml butulkalarda tapa bilərsiniz. Həmçinin ağ şəhərin yaxınlığında yerləşən paulaner restoranlarında da bu pivəni dadmaq mümkündür. Restoran (brahaus adlanır əslində) həm dizayn, həm ofisiantların yanaşması, həm pivənin dadı, həm də yanında təqdim olunan çərəzlərin dadına görə Bakıdakı ən yaxşı yerdir məncə. qiymətlər də şəhərin mərkəzi hissəsindəki yerlərə nisbətdə münasibdir. Yarım litr 6 AZN, 1 litr 10 AZN.

3 əjdaha! 07.04.2019 14:23, orjinaladam

#285051 şikayət

gecə düşüncəsi

+7 əjdaha

mikayıl müşviqin məncə ən gözəl şeri. hərdən fikirləşirəm ki, azərbaycanı sevməyimin tək səbəbi deyəsən bəzi şeirlər və şairlərdi. Bu şeir də onların başında gəlir. Eyyub yaqubovun ifasında da dinləyə bilərsiniz.

(youtube:

)

Xoşladığım bir gecə, yerlər, göylər işıqlı,
Ay bir sərxoş göz kimi, ulduzlar yaraşıqlı.
Bunları seyr edərkən
Bir az fikrə gedərkən
Fikrim, hissim, xəyalım o qədər yüksəldi ki,
Mənə öylə gəldi ki,
Bizlərdən əvvəl nə yer, nə göy, nə həyat olmuş,
Nə bu ucsuz-bucaqsız gözəl kainat olmuş...

Gecə sakit... düşüncəm sakit deyildir fəqət,
Gözlərimin önündə canlandı bir həqiqət.
Xəyalım ənginlərə o qədər yüksəldi ki,
Mənə öylə gəldi ki,
ilk dəfədir kainat-
Dünyanı sellərində çalxayan bizim həyat
Sağda, solda döyüşmüş,
Sonra yoluna düşmüş.
Nə dayanmaq vaxtıdır, gözəl dostum, sən də gəl!
Seyr edəlim qol-qola bu zümrüd çəməndə gəl!
Göy üzünə bircə bax, hər ulduz bir sarı gül,
Yarı qönçə, yarı gül.
Səni gördüm, xəyalım o qədər yüksəldi ki,
Mənə öylə gəldi ki,
Bizə bu nazlı aləm görünərdi qaranlıq,
Gözəl çarpışmasaydıq, gözəl yaşamasaydıq.
Xoşladığm bir gecə, yerlər, göylər işıqlı,
Ay bir sərxoş göz kimi, ulduzlar yaraşıqlı.
Bunları seyr edərkən,
Bir az fikrə gedərkən,

Fikrim, hissim, xəyalım o qədər yüksəldi ki,
Mənə öylə gəldi ki,
Bizlərdən əvvəl nə yer, nə göy, nə həyat olmuş,
Nə bu ucsuz-bucaqsız gözəl kainat olmuş...

4 əjdaha! 24.02.2019 15:08, orjinaladam

#283809 şikayət

dünya sənin dünya mənim

+5 əjdaha

sözləri məmməd araza, musiqisi niyaməddin musayevə məxsus olan və niyaməddin musayev tərəfindən ifa olunan möhtəşəm mahnı. girişində 2 dəqiqə heç bir söz olmadan bizi gözlətsə də, sonradan deyilən mənalı sözlər hərşeyi unutdurur.

https://www.youtube.com/watch?v=RujcdRf6mNk

Bir taleyin oyununda cütlənmiş zərik,
Yüz il qoşa atılsaq da qoşa düşmərik.
Bir zərrənin işığına milyonlar şərik,
Dünya sənin,
Dünya mənim,
Dünya heç kimin...

Bu get-gəllər bazarına dəvədi dünya ,
Bu ömür-gün naxışında həvədi dünya.
Əbədiyyən qəh-qəh çəkər əbədi dünya,
Dünya sənin,
Dünya mənim,
Dünya heç kimin...

Çevrəsindən çıxsa əgər sevda fırfıran,
Bir ümidin ətəyindən tutub da fırlan.
Eşidirsən: pıçıldayır yıxılan, duran;
Dünya sənin,
Dünya mənim,
Dünya heç kimin...

Bu get-gəllər bazarına dəvədi dünya ,
Bu ömür-gün naxışında həvədi dünya.
Əbədiyyən qəh-qəh çəkər əbədi dünya,
Dünya sənin,
Dünya mənim,
Dünya heç kimin...

3 əjdaha! 08.07.2020 17:56, orjinaladam

#299460 şikayət

təhminə

+7 əjdaha

Zaurik, — dedi, bunu bil: mənim barəmdə çox şey danışırlar və bundan sonra, məhz bax elə sənə daha çox iftiralar uydurub deyəcəklər... Əgər ürəklərinə damsa ki, biz səninlə doğrudan-doğruya xoşbəxtik, bunu heç bir vaxt bağışlamayacaqlar bizə... Yüz çirkab tökəcəklər başımızdan və çalışacaqlar ki, bunların hamısı sənin qulağına çatsın. Amma mən istəyirəm ki, sən bir neçə şeyi dəqiq biləsən, Zaur. Birincisi odur ki, məlaikə-zad deyiləm, bu barədə heç bir illüziyan olmasın. Amma bu da həqiqətdir ki, mən hələ heç kəsi səni sevən kimi sevməmişəm və indiyəcən hələ heç kəsə də deməmişəm ki, onu sevirəm... Bax ən böyük, ən əsas həqiqət budur... Zaurik, dünyada bir həqiqət, bircə həqiqət var — qəlbin həqiqəti və səadət, xoşbəxtlik də elə budur, vallah... Bax bu axşam var dünyada, bu meşə var, quşlar oxuyurdu bu meşədə, sən varsan, mən varam, bir-birimizi sevirik, bir yerdə olanda bəxtiyar oluruq, — budur bax həqiqət və bundan başqa heç bir ayrı həqiqət yoxdur. Sən uçub Moskvaya gəlmisən, orada aerodromun qalereyasında uzaqdan səni görüb bilirsən necə sevindim! Bəs sən? Bəs sən?..
— Mən də...
— Görürsən... Bax bu dəqiqələr var e, bu şoseylə Moskvaya gedirik ikimiz — sən və mən, — Bəxtiyarlıq budur, Zaurik, həqiqət, ən böyük həqiqət də budur... Ayrı bir həqiqət arama bizim münasibətlərimizdə... Bir yerdə olduğumuz dəqiqələrin xoşbəxtliyi ilə yaşa... Budur əsl həqiqət...

6 əjdaha! 30.08.2020 21:23, orjinaladam

#303655 şikayət

sex explained

+5 əjdaha

netflix üzərindən izləyə biləcəyiniz mini serial. seksi çox az detal verərək fantaziyalardan doğuma qədər izah edir. içində çox maraqlı statistikalar, eksperimentlər və müsahibələr paylaşılıb. yaxşı olar ki, partnerinizlə birlikdə izləyəsiniz, həm özünüzü, həm də onu bilgiləndirməyə və başa düşməyə kömək edəcək.

1 əjdaha! 27.04.2020 09:20, orjinaladam

#294512 şikayət

çıx qatar yoluna

+5 əjdaha

Baba vəziroğlunun şeri. Mən şerlə əvvəldən tanış olsam da deyəsən belə təsir etməmişdi, bugün əvvəlcə röyanın sonra da rafiq hüseynovun ifasında dinləmə şansım oldu. Həm şer gəşəngdi, həm də mahnı.

(youtube:

)

Çıx qatar yoluna bahar gələndə
Mən sənə çiçəkli bahar göndərim
Vüsal meyvəsindən dada bilmədik
Sənə her meyvədən nübar göndərim

Çıx qatar yoluna payız gələndə
Uçan durnalarla salam yetirim
Çıx qatar yoluna qaş qaralanda
O qərib axşamı ,dəmi itirim.

Çıx qatar yoluna külək əsəndə
Dağılan saçını darayım sənin
Çıx qatar yoluna hər gün hər zaman
Bilim ki mən harda arayım səni.

Çıx qatar yoluna yagiş yağanda
Başının üstündə çətir tutaram
Çıx qatar yoluna ele özümdə
Mənzilə yetməyən qərib qataram.

Çıx qatar yoluna hər axşam səhər
Çıx qatar yoluna məni qarşıla
Bəlkə bir ömürlük çəkdi bu səfər
Mən gələ bilmədim meni bağışla.

4 əjdaha! 13.03.2019 21:46, orjinaladam

#284344 şikayət

təhminə

+4 əjdaha

Zaurun bir dəfə də olsa haqqında yaxşı nəsə düşünüdüyü və aşağıdakıları həsr etdiyi obraz.

--spoiler--

Sən elə bilirsən ki, mən kütəm, keyəm, heç nə başa düşmürəm. Mən sənin bütün dediklərini, duyduqlarını hiss eləyirəm. inan mənə ki, hiss eləyirəm. Sənin davamın olmaq istəyirəm, həyatının mənası olmaq istəyirəm. Mən səninçün həm ikinci, həm Üçüncü, Dördüncü, Beşinci, Altıncı, Yeddinci, Səkkizinci, nə bilim neçənci, neçənci olmaq istəyirəm. Məktubumu qutarıram, son sözü yazıb kibrit çəkib bu məktubu yandırıram. Son söz... Təhminə ...

--spoiler--

2 əjdaha! 29.06.2020 23:20, orjinaladam

#298768 şikayət

dominic thiem

+4 əjdaha

1993 təvəllüdlü avstriyalı tennisçi. hələ ki ən böyük uğuru keçən ilki rolland garros yarımfinalıdı. hal-hazırda oynanan 1/4 final oyununda cokoviçə qarşı üstün bir oyunla ikinci setdə 4-1 öndədi. (setlər 1-0 thiem). çox güclü forehand və backhand vuruşları var və hələ ki çox düzgün yerlərə vurur. nadal sonrası dəstəklənən oyunçu olacaq bu gedişlə.
edit: 7-6; 6-3; 6-0

4 əjdaha! 07.06.2017 14:53, orjinaladam

#255222 şikayət

remote work

+4 əjdaha

Covid-19 başımıza gəldikdən sonra istifadəsi xeyli artmış işləmə tərzi. Ofisə getmədən, yerli və ya xarici şirkətlər üçün remote şəkildə işləyə bilərsiniz. Aşağıdakı saytlardan xarici şirkətlər üçün belə işlər tapmaq üçün istifadə etmək olar.
https://weworkremotely.com/ - Axtarış imkanları, katqoriyaların olması və bütün dünyadan şirkətlərin olması ilə seçilir. Location olaraq "Anywhere in world" seçdiyiniz halda, qəbul ola biləcəyiniz işlər tapa bilərsiniz.
https://djinni.co/ - Əsasən Ukraynada olan şirkətlər burada elan yerləşdirir. Axtarış imkanları, kateqoriayalar və işəgötürənlə yazışmaq imkanı var.
https://remote.co/remote-jobs/ - Əsasən ABŞ-a aid olan işlər var burada amma Azərbaycandan olub nəsə tapmaq da mümkündür.

QEYD: Demək olar ki bütün bu tipli saytlarda işlər əsasən kompyuter mühəndisliyi (front-end, back-end, full-stack, ux), proyektlərin idarəedilməsi (project management, business analysis) və data analiz (data analytics, data science, machine learning) ilə bağlıdır. Digər ixtisaslarda olub nəsə tapmaq daha çətindir.

3 əjdaha! 29.10.2021 17:38, orjinaladam

#338880 şikayət

az bilinən mükəmməl qruplar və mahnılar

+4 əjdaha

(youtube:

)

4 əjdaha! 24.06.2017 22:47, orjinaladam

#256167 şikayət

işə yarayan internet saytları

+3 əjdaha

http://downforeveryoneorjustme.com/
Hər hansı bir sayta daxil olmağa çalışanda "error" verirsə, bu saytdan sizdə yoxsa saytda problem olduğunu öyrənə bilərsiniz.

3 əjdaha! 30.10.2016 13:36, orjinaladam

#235655 şikayət

bir varmış bir yokmuş

+3 əjdaha

2015-ci ildə çəkilmiş baş rollarda mert fırat və melisa özen olan film. yaxşı musiqiləri olsa da və əvvəldə maraqlı başlasa da sonradan tipik türk filminə çevrilən və xeyli mənasız bitən film. filmdəki məncə ən yaxşı musiqini aşağıdakı linkdən dinləyə bilərsiniz.

(youtube:

)

1 əjdaha! 24.02.2019 15:12, orjinaladam

#283810 şikayət

sözaltı radio

+2 əjdaha

Gustavo Santaolalla - De Ushuaia a la Quiaca

(youtube:

)

1 əjdaha! 06.08.2017 17:31, orjinaladam

#258409 şikayət

balkanski spijun

+2 əjdaha

kommunizmin insanları nə hala saldığını görə biləcəyiniz film. 1984-cü ildə çəkilib. insanların kapitalizmdən necə qorxması, paranoyaklaşması, onların üzərində totalitar rejimin yaratdığı psixoloji təzyiq çox gözəl təsvir olunub.

2 əjdaha! 19.11.2016 23:50, orjinaladam

#237641 şikayət

məşhur çıxışlar

+2 əjdaha

Məşhur insanlar tərəfindən edilmiş, böyük bir kütləyə təsir etmiş, yadda qalmış, bir çoxu natiqliklə bağlı dərslərdə izlədilən, dinlədilən çıxışlar toplusu. Demək olar ki hamısı ingiliscədi, sadəcə 2 istisna var ( birinin ingiliscə mətni mövcuddur). Tamamilə özüm seçmişəm, hansısa siyahıya görə hazırlanmayıb ona görə sıralama yoxdur. Yeniləri tapıldıqca əlavə olunacaq.

Çarli Çaplin - Great Dictator - https://www.youtube.com/watch?v=J7GY1Xg6X20
Martin Luter Kinq - I have a dream- https://www.youtube.com/watch?v=I47Y6VHc3Ms
Barak Obama - Yes we can- https://www.youtube.com/watch?v=Fe751kMBwms
Stiv Cobs - Stanford Commencement- https://www.youtube.com/watch?v=UF8uR6Z6KLc
Con Kennedi - Inaugural Address - https://www.youtube.com/watch?v=PEC1C4p0k3E
Franklin Ruzvelt- Pearl Harbor Address to the Nation https://www.youtube.com/watch?v=YhtuMrMVJDk
Məhəmməd Əmin Rəsulzadə - 28 May - https://www.youtube.com/watch?v=USSYDiXnBj0
Martin Luter Kinq- i have been to the mountatintop - https://www.youtube.com/watch?v=ixfwGLxRJU8
Riçard Nikson- Checkers- https://www.youtube.com/watch?v=EqjwBDH-vhY
Ronald Reyqan – Shuttle challenger disaster adress- https://www.youtube.com/watch?v=gEjXjfxoNXM
Nehru – Tryst with destiny - https://www.youtube.com/watch?v=F-NoElQulgw
De qoll - L'Appel du 18 juin - http://www.artofmanliness.com/appeal-of-june-18-by-charles-de-gaulle/ (ingiliscə mətn)
Mahatma Qandi - https://www.youtube.com/watch?v=8yMcNubXqc4
Franklin Ruzvelt- First inaugural address- https://www.youtube.com/watch?v=MX_v0zxM23Q
Çörçill – Their finest hour - https://www.youtube.com/watch?v=jB5wZtV1MWM
Folkner – Nobel Prize - https://www.youtube.com/watch?v=ENIj5oNtapw
Ronald Reyqan – Berlin wall - https://www.youtube.com/watch?v=5MDFX-dNtsM
Con Kennedi – The decision to go to the moon - https://www.youtube.com/watch?v=TuW4oGKzVKc
rahibə teresa – Nobel prize - https://www.youtube.com/watch?v=I36Nistc9wE
Malala Yousafzai – Nobel prize - https://www.youtube.com/watch?v=MOqIotJrFVM
malkolm x - message to the grassroots - https://www.youtube.com/watch?v=a59Kwp35Z80
Nelson mandela - an ideal for which i am prepared to die - https://www.youtube.com/watch?v=-Su6d6X8rn4
Nelson mandela - Harvard university - https://www.youtube.com/watch?v=5Zh8otC-c3s
Malkolm X- The ballot or the bullet - https://www.youtube.com/watch?v=7oVW3HfzXkg
lyndon baines johnson- the great society https://www.youtube.com/watch?v=x4Qc1VM80aQ link
john kerry - vietnam veterans against the war https://www.youtube.com/watch?v=ucY7JOfg6G4 link
the newsroom- why america isn't the greatest country in the world anymore- https://www.youtube.com/watch?v=ZPHSXUS0_1c link
lyndon baines johnson- ı will not run https://www.youtube.com/watch?v=FFyhAcp2DG4 link
stalin- 07/11/1941- https://www.youtube.com/watch?v=8IGbjPqFFvA link
richard nixon- resignation speech https://www.youtube.com/watch?v=2fHUSiBjcLQ#t=2 link
mary fisher- a whisper of aıds https://www.youtube.com/watch?v=zB5K9k__SOo link

silinmiş entry.

1 əjdaha! 23.04.2016 19:47, orjinaladam

#211491 şikayət

la migliore offerta

+2 əjdaha

gözlənilməz sonla bitən film. düzdür, filmin ortasında axırında nə baş verəcəyini təxmin etmək olur hardasa. amma istənilən halda, həm aktyorluqlar həm də ümumi ssenari baxımından çox gözəl filmdi. ümumiyyətlə həm son dəqiqələrdə təsvir olunun virgilin psixologiyasına aid səhnələr, həm də virgil və mexanikin arasındakı söhbətlər çox maraqlı və dəyərlidi mənə görə. izlədiyiniz ən yaxşı filmlərdən biri olmayacaq əlbəttə ki, amma baxmağa dəyər.

--spoiler--

sevginin saxtası olur.

--spoiler--

1 əjdaha! 16.09.2018 20:30, orjinaladam

#278019 şikayət

patch adams

+2 əjdaha

robin williams-ın baş rolda olduğu və 1999-cu ildə çəkilmiş film. Filmin ümumi mövzusu biraz fərqli şəkildə həkim olmağa və xəstələrə yardım etməyə çalışan oğlanın hekayəsidir. Bir baxımdan "3 idiots" filminə bənzəyir. O filmdə necə daha yaxşı müəllim olmaq göstərilirsə, burada da həkimlikdən söhbət gedir. Çox isti və insana dərindən təsir edən, həyata və digər insanlara qarşı daha yaxşı münasibət göstərməyə çağırır film insanı. Bir gülüşün insanı necə dəyişdirə biləcəyini bəlkə də ən yaxşı bu filmlə başa düşmək olar.

2 əjdaha! 24.02.2019 14:57, orjinaladam

#283806 şikayət

breaking bad

+2 əjdaha

karantindən istifadə edib bitirdiyim serial. bütün serial boyunca skyler-a nifrət etsəm də, bitirdikdən sonra fikirləşəndə görürəm ki, onun da özünə görə haqlı tərəfləri var idi.
ümumiyyətlə, serialda bütün hadisələr və obrazlar çox real əks olunub. Tək xoşuma gəlməyən səhnə Hankın bütün məsələni kitabla öyrənməsi oldu. Walter çox diqqətli adam idi, o kitabı unutması biraz qəribə alındı. Həm də hankın daha ağıllı şəkildə öyrənməsini istəyirdim sanki.

1 əjdaha! 27.04.2020 09:30, orjinaladam

#294514 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

orjinaladam

son bəyənilənlər:

oxuyucuların bəyəndikləri: