sağdan keçən solçu

78 0 0 0

4. nəsil yazar

entry: 78

buyur bacıoğlu, keç oxu.

auckland, nz AI

0 post son 1 ildə

Son 1 il 2026 2025 2024 2023 2022 2021 2020 2019 2018 2017 2016 2015

çox

0 gün

ardıcıl post

rekord: 2 gün

axşam yazarı

Yeni

Səviyyə 1

0 / 100 XP

4.9K

təxmini söz yazıb

0.1 kitaba bərabər

Statistika

#sözaltı artist

Nailiyyətlər 8 / 15

İlk Addımlar

Əjdaha Balası

Tanınmış

Oxunan

Bestseller

Veteran

Əbədi

Abidə

Yazıçı

Əjdaha

Karma Yığıcı

Məşhur

Vikipedist

Milyonçu

Həftəlik Seri

blok başlıqlarını gizlət postları gizlət

sözaltı fotoqrafiya

yazarların ruh halı

sözlük yazarlarının səyah

4 oktyabr 2021 facebook, insta

sözlük yazarlarının uşaql

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ielts

+73 əjdaha

gün etibarı ilə nəticələrimi əldə etdiyim imtahan. mən də öz hekayəmi yazım dedim. score:
listening: 7.5
reading: 8.0
writing: 7.0
speaking: 7.0
overall: 7.5
əvvəlcə deyim ki, bazanız varsa (!) kursa zada gedib vaxt və pul öldürməyin mənası yoxdur. materialları alıb özünüz rahat şəkildə işləyə bilərsiniz. speaking üçün isə internetdəki sample'lara baxmaq və onları conversation club'larda tətbiq etmək kifayətdir.

deməli, bilindiyi kimi artıq speaking imtahanını yazılı hissədən 2-3 gün sonra yox, əvvəl götürürlər. speaking'ə bir gün qalmış məşqdə boynumun damarı dartıldı, ağrıdan heç yana tərpənə bilmədim. medsestra gəldi, ağrıkəsici falan vurdular, amma dedilər ki, damardı, 3-4 gündən tez düzəlməsi mümkün deyil. pay içini dedim, qarşıdaki 3 gün ərzində 2 dəfə imtahana girməliyəm dedim. bir şey eləyin, düzəlsin. xeyri olmadı. gecə birtəhər yatıb səhər durub getdim speaking'ə. ağrının bir faydası o oldu ki, həyəcanlanmağa macal tapmadım. içəri girən kimi examiner day-day birtəhər olduğumu anlayıb nə baş verdiyini soruşdu, yalandan basdım ki, əməliyyat olunmuşam. bidənə də "yazığın gəlsin ala mənə" sifəti aldım ki, bəlkə nəsə xeyri olar. vobşem imtahan başladı, part 1 zor keçdi, sadə, babat cavablar verdim, part 2-də qısa müddətlik gedib işləmək istədiyim xarici ölkə soruşulurdu. lənət olsun ki, ana dilində tez-tez danışdığım üçün ingiliscə də istər-istəməz eyni tempdə danışıram. nitqimin ortasına çatanda hələ 1 dəqiqəni belə doldurmadığımı anladım və içimdən bir səs "oybləə" dedi. bir-iki cümlə də deyib dayandım. examiner cue card'daki bir sualı göstərib bu barədə bir az da danışa bilərsən? dedi. yenə "əməliyyat olunmuşam da ala, başa düş" sifəti aldım, amma kəkələyə-kəkələyə daha 2 cümlə dedim. dedi that's enough. part 3 normal başladı, amma bir sual verdi, heçnə anlamadım. dil ilə əlaqəsi yoxdu, azəricə də versəydi başa düşməzdim. nə edəcəyimi bilməyib, öz bildiyim kimi cavablamağa başladım, amma səhv danışdığımı bilirdim. kişinin sifətindəki "onun nə dəxli var ala" ifadəsini gördüm. sualı biraz da açmağa çalışdı, amma yenə də söhbəti tutmadım və dirəşməyin mənasız olduğunu anlayıb "i've no idea about it" dedim. o ana qədər heç nəyə heç bir reaksiya verməyən kişinin bu dəfə sifətini turşutmasından anladım ki, babat score itirdim. nə isə amma 6.5 gözləyirdim ki, 7.0 gəldi. yəni speaking imtahanına heç cür proqnoz vermək olmur, gözləntinizdən çox aşağı da çıxa bilər, yuxarı da. həyəcanlanmamaq ən əsas məsələdir. sadəcə danışmağa partnyor tapın, məşq edin. mən heç birini etməmişdim amma, yenə də yeganə effektli yolun bu olduğunu düşünürəm.
listening - çox yaxşı yazdığımı düşünməyimə rəğmən niyə 7.5 çıxdı anlamadım. ən az 8.0 gözləyirdim. bir dənə 125 ultimate listening adlı nəhəng kitab var. mağazada soruşsanız biləcəklər. qiyməti 13-15 manat arası dəyişir. alın və işləyin, içində o qədər material var ki, ömürlük bəs edəcək. mən heç cambridge listening'lərinin hamısını bitirə bilmədim. o dərəcə yəni.
reading - mənə görə ielts imtahanının ən asan hissəsi. ölüsü 7.5 gözləyirdim, çünki 2 sualı yazmamışdım, vaxt çatmamışdı, amma yenə də 8.0 çıxdı. eyvallah. ielts-simon'un saytını izləyin və reading'lə bağlı paylaşdığı nə varsa göz atın.
writing - ən tricky hissədi. azərbaycanda yüksək bal verilmir deyirlər - yalan söhbətdi, çünki 7.0 almışam. fitri istedadım falan yoxdu ki, deyim belə. üstəlik task 1-i axıra çatdırmağa vaxt qalmadı və 130 civarı söz yaza bildim. sadəcə bacardığınız qədər mürəkkəb və samballı cümlələr qurun, sinonimləri düzgün, yerli-yerində işlədin, bir də sual tipinə görə yazını necə qurmalı olduğunuzu öyrənin. məncə çox adam strukturu, adamların nə tələb etdiklərini bilmir, ona görə aşağı score gəlir.

nə isə, mən bu ielts'in nə olduğunu anlamaq üçün cəmi 1 ay hazırlığa getdim, sonra çıxdım, vaxt tapdıqca self-study etməklə istədiyimdən də artığına nail oldum. pulunuzu israf etməyin, internetdə hər şey var. material istəyən varsa mesaj atsın, istifadə etdiyim şeyləri göndərim. hər kəsə uğurlar.

49 əjdaha! 01.04.2017 00:34, sağdan keçən solçu

#249970 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözlük yazarlarının uşaqlıq şəkilləri

+34 əjdaha

sünnət olunacağını bilmirdi.

30 əjdaha! 19.06.2021 16:45, sağdan keçən solçu

#330201 şikayət

sırlar dünyası

+22 əjdaha

keçən dəfə bilmirəm, bekarçılıqdanmı yoxsa prablemsizlikdənmi oturub birinə baxdım. adı "şeytanın oyunu" idi. deməli qaqaşın biri şəhərdə ali təhsil alıb, qayıdıb kəndlərinə. kəndlərindən bir qızla nişanlanıb. hamı da deyir ki bəs oxumuş adamsan, nağarırsan kənd qızını? bu da deyir yox, sevirəm. atası da razı olur, nişan günündə mərdimazar salih gəlib evi yandırır amk nişan təxirə salınır. nəysə axırda qaqaş ev də alır, remont da eliyir, amma qıza deyir ki 2ci mərtəbədə bir otaq var, ora girmə, o sürprizdi. qız da həyəcanlanır, deyir yaxşı. bir gün qız hansısa əşyasını itirir deyir yəqin o evdə qalıb, gedim baxım. gedir axtarır 2ci mərtəbədə görür həmin otağın qapısı aralıdı, yaxınlaşır görür içəridə isanın şəkli, xaç zad var. qorxur, anqırır orda kadr bitir. bir də göstərirlər ki polislər qaqaşı tutub basıllar maşına. atası da arxadan qışqırır ki: "yazıklar olsun! yıllardır koynumda yılan beslemişim!"
indi bunu nətər başa düşək? qaqaşı hansı cinayət üstdə tutub basdılar? o rejissoru tutub deyəsən ki, ə gijdıllax bu nə kinodu çəkirsən. xristianlıq sadizm zaddı?

17 əjdaha! 03.09.2015 02:29, sağdan keçən solçu

#179876 şikayət

həyatın nə qədər cındır olduğunun anlaşıldığı anlar

+17 əjdaha

həm insani, həm də peşəkar keyfiyyətləri çox aşağı səviyyədə olan bir müdirin rəhbərliyi altında işləməyə məcbur olmaq.
çox cındır müdürüm var sözlük, çox.

14 əjdaha! 25.06.2021 11:14, sağdan keçən solçu

#330694 şikayət

metal dinləmənin önəmi

+16 əjdaha

metal sənaye dövrünün qlobal xalq musiqisidir. bu tərzin tərəfdarlarının əksəriyyəti fəhlə sinfinin nümayəndələridir və sistemə qarşıdırlar. opressiv rejimlər və ətraf mühiti çirkləndirən sənaye müəssisələri var olduqca, bunlara müxalif bir cəbhə olaraq metal musiqisi də var olmağa davam edəcək.

metalın mürəkkəb, kompleks soundu, dərin mənalı mətnləri musiqi və instrument anlayışını inkişaf etdirməyə və insanın özünü daha yaxşı ifadə etməsinə kömək edir. xarici ölkələrdə metal dinləməklə özün kimi insanları tanımaq, onlarla aranda bir bağ yaratmaq imkanı əldə edirsən. sevdiyin qrupları dinləmək, konsertlərə, festivallara getmək istər-istəməz kiçik bir community yaradır. aqressiv reputasiyasının əksinə, tədqiqatlar göstərir ki, metal dinləyən insanlar təbiətcə daha sakit, introvert olurlar və çox vaxt özgüvən əksikliyindən əziyyət çəkirlər.

gözəlim azərbaycana gəlincə, burada metal dinləmək onsuz da hər gün başımızın üstündə gəzdirdiyimiz social anxiety adlı qara buludu böyütdükcə böyütmək deməkdir. küçədə metallica t-shirtü geyinən adam görəndə istəyirəm gedim qucağlıyım, ağlıyım. konsert anlayışı da ildə bir dəfə hansısa pub-in təşkil etdiyi, hər dəfə eyni mahnıların çalındığı son zəng tədbiri kimi. dost-tanış içində telefonu çıxardıb mahnı qoya bilmirsən, öz maşınında istədiyin mahnıya qulaq asmağa qoymurlar, nəyə görə metal dinlədiyini, ildən-ilə getdikcə daha da sərt musiqi tərzinə yönəldiyini heç kimə izah edə bilmirsən.

bir sözlə, azərbaycanda metalhead olmaq qütb ayısı olub meşədə yaşamaq kimi bir şeydir.

12 əjdaha! 18.06.2021 21:54, sağdan keçən solçu

#330111 şikayət

sözlük yazarlarının səyahət xatirələri

+19 əjdaha

... təyyarəmiz malmö hava limanına eniş edəcək. yerli vaxtla səhər saat 6-7 olar. wizz airin kənd tualeti fortoçkası boyda olan pəncərəsindən baxdım ki... ala bu nədi! hər yer yaşıllıq! balaca rəngarəng domiklər! insanlar əkir-becərir! ordan çay zad axır! elə bil ki, tovuzun qalaboyun kəndidi, prosto cyberpunkda...

aeroportdan şəhərə getmək üçün shuttle busa mindik, yolboyu bu dəfə qane edəcək böyüklükdə olan avtobus pəncərəsindən çölə baxıram ki... yenə hər yer yaşıllıq! meşəlik! güllük-gülüstan!.... axı qışdı, fevral ayıdı, hər şey boz-bozumtul olmalıdı. hanı bizim aeroport yolundakı çöllük-biyabanlıq? təyyarə pistinin düz yanında tikilmiş sovetdən qalma evlər? təyyarənin səsinə evindən çıxıb göyə baxaraq üzündə: "skm, yenə gəldilər" ifadəsi yazılan insanlar? socarın mendeleyev cədvəlindəki hansısa elementi əritmə zavodunda işləyən fəhlələrin yeni ramana yolunun üstündəki şınıx marketdən alıb içdikləri və yerə atdıqları bizon energy qabları...

shuttle gəlib çatdı şəhərə, central stationa - yəni mərkəzi dəmiryol stansiyasına. gözüm bir anlıq asan kommunalı və qarşısındakı poz - qazan lotoreyalarının yaratdığı izdihamı axtardı. amma gördüyüm qırmızı vağzal binası, rəngli tramvay, bəzəkli avtobus, hiss etdiyim də hüzur oldu.

səsli svetoforları, geniş küçələri, havası, meksikan restoranında yediyim burritosu ilə malmönü daha öncə getdiyim avropa şəhərlərindən heç birinə oxşada bilmədim.

başıma gələn bir hadisəni də danışım. şəhəri gəzərkən avtobusa mindik ki, hardasa 8-9 dayanacaq sonra düşməliyik. avtobus sürücüsü xanım 3 dayanacaq gedəndən sonra yerindən durub isveç dilində nə isə dedi, hamı başladı busdan düşməyə. yaxınlaşıb soruşdum ki, nə məsələdi? dedi ki, bəs mənim iş vaxtım bitdi, düşüb növbəti sürücünü gözləməlisən. şey-şüyün yığdı, avtobusun yan tərəfindəki siyirməyə oxşar şeyi açıb içindən nəsə götürdü, əlini cibinə qoydu və getdi.
2-3 dəqiqə sonra sürücü uniforması ilə başqa bir kişi gəldi, həmin siyirməni açıb içinə yenə nəyisə qoydu və hamı yenidən başladı avtobusa minməyə.

azərbaycanlı olaraq ağlımızda bir sual var idi: həmin avtobusa minmək üçün yenidən ödəniş etməliyik? axı 44 nömrəli hövsan avtobusunda belə şeylər olmur... qarayevdə 30 qəpik verib bir də zığda düşürsən... sən necə yəni yolun ortasında bu boyda camaatı qoyub gedirsən ki, iş vaxtım bitdi?

bəli, yenidən ödəniş etməli idik və etdik. gedişhaqqı da hardasa 11 azn... plana uyğun olaraq qırmızı binalı vağzala qayıdıb qatarla yola düşdük stockholm tərəfə...

15 əjdaha! 06.08.2022 13:59, sağdan keçən solçu

#356231 şikayət

xalqın siyasətə qarışmama səbəbləri

+15 əjdaha

xalqın götündən xəbəri olmadığı kimi siyasətdən və onun insan həyatına birbaşa təsirlərindən də xəbəri olmadığı üçün narahat etməyən başlıq.
amma təbii ki, bunun günahı təkcə xalqda deyil, həm də hakimiyyətdədir. millətin başını o qədər yemək-içmək, pul qazanmaq, ipoteka götürmək kimi məişət məsələləri ilə qatıblar ki, kiminsə ölkənin arxasına keçməyi heç kimin qozuna deyil - hətta imkan yaransa, vəzifə zad verilsə, hamının qəhbəlik eləmək potensialı yüksəkdir. bir az araşdıranda görürsən ki, indiki vəzifədə olan cavan kadrların 95%-i amerikada, ingiltərədə zadda təhsil alıb, demokratiya, insan hüquqları və s. ilə bağlı tədbirlərdə, konfranslarda iştirak edib, şəkil zad çəkdiriblər. həmişə demişəm ki, azərbaycanda insanları narahat edən hansısa x şəxsin qanunsuz yolla var-dövlət və güc əldə etməsi deyil, niyə o x şəxsin elədiyini özünün edə bilməməsidir. yəni hamı deyir ki, o yeyir, mən yeyəmmirəm. yoxsa ki, ədalət, hüquq zad... çox da onun qozunadı.
avtokratiyanın ən başlıca məqsədi alternativi aradan qaldırmaqdır ki, siyasətdən söhbət düşəndə sənin-mənim kimi gijdıllaqlar desin ki: "ə guya kim var e, bu getsə kim gələcək? adam var?"
biriniz azərbaycan siyasi quruluşuna görə necə dövlətdir? prezident neçə illiyinə seçilir? sualları ilə küçədə sorğu keçirin, oturaq baxaq, uzun video olsun amma.

12 əjdaha! 30.03.2025 13:01, sağdan keçən solçu

#390551 şikayət

sözaltı music

+13 əjdaha

metallica - my friend of misery
akustik gitara ilə təhqirolunmuş versiya

13 əjdaha! 29.01.2022 20:26, sağdan keçən solçu

#344473 şikayət

düşün ki o bunu dinləyir

+13 əjdaha

belə şeylər dinləmək heç vaxt sənin başın üçün olmayıb. thot.

(youtube:

)

11 əjdaha! 09.07.2021 21:12, sağdan keçən solçu

#331759 şikayət

xaricdə yaşayan sözlük yazarları

+10 əjdaha

gələn ay aralarına qatılacağım yazarlardır. tələbəlik illərimdə reallaşdırmaq istədiyimi bu yaşımda həyata keçirməyim bir az üzür. burdan ən uzaq ölkəyə - 15 min km ötəyə getmək fikri ilk dəfə ağlıma gələndə son dərəcə qeyri-real göründüyü üçün ciddiyə almamışdım. amma keçən ay vizam təsdiqləndi və artıq həmin ölkəyə iş vizası ilə gedən bəlkə də ilk azeri olmağıma 1 ay qalıb. ilk dəfə idi ki, geri dönüş bileti almadım. ölkədəki son günlərimi necə keçirim, bilmirəm açığı...
yol göründü dostlar. həyat bizə nələr göstərər, bilə bilmərik. hesoyam yığıb oyuna yenidən başlayırıq, çünki necə deyərlər, challenge accepted.

silinmiş entry.

10 əjdaha! 04.11.2023 00:18, sağdan keçən solçu

#380017 şikayət

sözlükdə qızla tanış olmaq üçün atılan ilk mesaj

+11 əjdaha

sözlüyün yarısı abituriyent olduğu üçün "artıq meydan gənclərindir" dedirdən başlıq.
(baxma: 4-cü nəsil pedofil yazar)

11 əjdaha! 09.06.2022 15:34, sağdan keçən solçu

#351281 şikayət

türkiyəlilərin ingilis aksenti

+8 əjdaha

türk dilindəki tələffüz normalarını ingilis dilinə tətbiq etməklə danışılan aksent. məsələn, türk dilində bir çox hallarda e hərfi tələffüzdə ə səsini verir. bunlar da eyni qaydanı ingilis dilinə tətbiq edir:
then - [dən]
when - [vən]
[şvaynştaygər]

bir də komsomolun k-sı ilə kainatın k-sını qarışdırırlar.

5 əjdaha! 05.06.2024 03:16, sağdan keçən solçu

#385020 şikayət

nurlan libre

+8 əjdaha

jurnalistika adlı ali peşənin ölkədəki ən dəməqoy məşğuliyyətlərdən biri olduğunu sübut edən daha bir insan.
azərbaycanda bu sahədə çalışanların 90%-nin jurnalistika üzrə ali təhsili yoxdur.
- hansısa dəxlisiz bir ixtisas üzrə ali təhsil almısan ?!
- iş tapa bilmirsən ?!
- əlindən-götündən bir iş gəlmir ?!
hah! jurnalist ol !

7 əjdaha! 07.06.2019 22:15, sağdan keçən solçu

#287236 şikayət

universitetə qəbul olanlara məsləhətlər

+10 əjdaha

əvvəla, my commiserations.
bir qələtdi, eləmisiz. bizim kimi ağıl verəniniz olmuyub, zırhazır hazırlığa zada gedib axırda universitetə girmisiz. nəzərə alın ki, universitet sizə ixtisasınızla bağlı heç nə öyrətməyəcək və ya çox az şey öyrədəcək. ümumiyyətlə, "bugün uniyə gedirəm, 2025-ci ilin iyun ayında salidni karyera həyatıma başlayacam" düşüncəsindən tez-bazar qurtulun. heç kim sizi əmək bazarına hazırlayan deyil. məsləhətim: birinci kursu yola verin, sonra texniki sahələrdən birinə yönəlin.

universitetin heç bir dənə də yaxşı tərəfi yoxdu? var, insan orada biraz vaxt keçirəndən sonra gözü açılır və "bura haradı ala" deyib özünə gün ağlamaq barədə düşünməyə başlıyır.

10 əjdaha! 07.09.2021 22:34, sağdan keçən solçu

#335834 şikayət

kerim aliyev

+6 əjdaha

inbox`a "yazdiqlarimi like ele pls" deyə ismarıc yollayan troll.

6 əjdaha! 25.08.2016 14:45, sağdan keçən solçu

#226339 şikayət

oklahoma universiteti

+6 əjdaha

azərbaycanla imzalanmış memoranduma əsasən, azərbaycanlı tələbələrə təhsil haqqında 57% güzəşt edəcək universitet.
bu barədə keçirdiyi brifinqdə oklahoma ştatının qubernatoru Con Kevin Stitt deyib.
(baxma: doluşun gənclər)

6 əjdaha! 27.07.2021 17:50, sağdan keçən solçu

#333029 şikayət

ayda 5000 manat maaş almaq

+5 əjdaha

avropa oyunları'nda crystal hall'un venue technology manager'i var idi. holland idi, daan klumper. 7000 maaş alırdı. adam bütün günü boş-boş oturub ora-bura zəng eliyirdi. bir dəfə dedim what exactly are you doin' here? qayıtdı ki: i am venue tec manager.

(baxma: çöplədə-çöplədə pul qazanmaq)

4 əjdaha! 04.09.2015 21:31, sağdan keçən solçu

#180106 şikayət

tarixin ən böyük umbaylamaları

+8 əjdaha

şah ismayılın çaldıran döyüşü gedən momentdə arxa cəbhədə bildirçin ovlaması.
sonradan tutub gətiriblər döyüş meydanına ki, gə bıra camaat qırılır. döyüşdə də yaralanıb yerdə bir oyuğda gizlənməsi və osmanlıların başka birini şah ismayıl zənn edib əsir götürməsi. (həmin adam şah ismayılın paltarından geyinmişdi)

7 əjdaha! 08.09.2015 21:09, sağdan keçən solçu

#180435 şikayət

mesaj qutusunda sevişmək

+4 əjdaha

(baxma: sistem robotu ilə təpişmək)

4 əjdaha! 24.06.2021 19:51, sağdan keçən solçu

#330666 şikayət

hamının sevdiyi halda sevilməyən şeylər

+5 əjdaha

(bax: pop)
(bax: rep)
(bax: game of thrones)
(bax: instagram)
(bax: vodka)

4 əjdaha! 05.06.2021 01:36, sağdan keçən solçu

#329201 şikayət

jinjer

+4 əjdaha

avqustun 27-də wallflowers adlı növbəti studiya albomunu təqdim edəcək ukraynanın ən uğurlu extreme metal qrupu. albomun vortex adlı ilk sinqlı və klipi artıq onlayndır.

(youtube:

)

qrup üzvlərinin hər birinin öz instrumentlərində texniki bacarıqları dəhşətli səviyyədədi. yenə mahnıları öyrənmək üçün tuningimizi drop a-ya salıb simlərimizin anasını ağladacağıq, amma olsun.
tatiana üçün isə əlavə nə isə deməyə ehtiyac yoxdu.

3 əjdaha! 18.06.2021 01:42, sağdan keçən solçu

#330051 şikayət

the last kingdom

+4 əjdaha

bernard cornwell'in the saxon stories adlı bestseller kitabları əsasında çəkilən, yola bbc ilə başlayıb hazırda netflix'lə davam edən underrated serial. 3-cü sezonu bir neçə həftədir bitirdiyim üçün hazırda çox darıxıram the last kingdom üçün. ona görə dedim bir sözlüyə baxım görüm məndən başqa bu serialı izləyən varmı. amma cəmi 1 entry ...

şəxsən mənə görə vikings'dən üstündür, çünki hekayədə məntiq xətası tapmaq demək olar mümkün deyil. büdcəsinin elə də geniş olmamasına baxmayaraq, rejissor və aktyorların - xüsusilə də david dawsonun gördüyü mükəmməl iş təqdirəlayiqdir.
necə edirlər bilmirəm, amma serial insanı 9-cu əsr dünyasına teleport edir. izləyərkən özümü wessex küçələrində, king alfred'in kilisəsində hiss edirəm. müharibə səhnələri də olduqca realdır və başqa seriallarda olduğu kimi bir dənə slim fit sarışın xanım çıxıb özündən 3 dəfə zırpı gədələri qılıncdan keçirmir.

3 il əvvəl bu serialı izləməyə başlayanda ilk bölüm elə də xoşuma gəlməmişdi, amma nə yaxşı ki, özümə bir şans verib davam etmişəm. siz də başlayın. sonra çox sağol deyərsiniz.
hə birdə (baxma: destiny is all!)

4 əjdaha! 06.12.2018 22:01, sağdan keçən solçu

#280176 şikayət

sözlükdə yaraşıqlı oğlanların olmaması

+3 əjdaha

(baxma: soz6 sozluyun yarawiqli oqlanlari ve gozel qizlari)

3 əjdaha! 05.03.2022 00:13, sağdan keçən solçu

#346664 şikayət

the white stripes

+2 əjdaha

elə özü tək başına bir qrup olan jack whiteın keçmiş həyat yoldaşı meg white ilə birlikdə 1997-2011-ci illərdə fəaliyyət göstərdiyi qrupun adıdır.

adamın riff'ləri çox mürəkkəb olmasa da, gitarasının tonallığı nəyə desən dəyər. əslində sadəlik blues janrının xüsusiyyətlərindən biridir. əminəm ki, başqa tərzi seçsəydi, daha rəngarəng riff'lər ortaya çıxarardı. onsuz da ifa edə bilmədiyi musiqi aləti yoxdur. əjdaha mahnılarından birinin canlı performansı:

(youtube:

)

1 əjdaha! 09.06.2018 18:53, sağdan keçən solçu

#273451 şikayət

remedy lane

+2 əjdaha

pain of salvation'ın əjdaha albomu. belə şeylər çox vaxt skandinavlardan çıxır.

2 əjdaha! 18.03.2025 11:09, sağdan keçən solçu

#390435 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3342

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3349

sağdan keçən solçu

son bəyənilənlər:

oxuyucuların bəyəndikləri:

sağdan keçən solçu

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: