shalalaay

47 0 0 0

10. nəsil yazar

Entry: 47

existential crisis

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

azərbaycanda qız olmaq

+33 əjdaha

qorxu içində yaşamaq, özün ola bilməməkdir. hələ də corablarını anası yuyan, yorğanına üz keçirə bilməyən, bir qazan yuya bilməyən kişilərin sözündən çıxmamağa məcbur olmaqdır. kafe-restoran seçərkən belə "burda kişilər oturur" deyə düşünmək, insanların sənin hüquqlarına hörmət qoymamasına baxmayaraq 8 martda qadınlar çiçəkdir, böcəkdir, anadır statuslarını oxumaqdır. trans qadınsansa cinsi obyektdən başqa dəyərinin olmaması, qadın olaraq görülməməyin deməkdir. işdə, küçədə, məktəbdə və universitetde mobbingə məruz qalsan da bunu şikayət eləməyin heç ağlına gəlməməsidir, çünki heç nəyi sübut eləyə bilməyəcəksən. Sübut eləsən belə yaxşı at olmayıb özünə qamçı vurdurtmağın deməkdir. bunları dilə gətirəndə kişilər tərəfindən susdurulmağındır, qadın olaraq öz təhlükəsizliyindən şikayət eləyəndə belə "bizdə əsl azerbaycan xanımına hörmət var, xaricdə arvadlar da işləmək məcburiyyətindədir, şükür eləyin" deyən kişilərin özlərini bir zibil bilib sənə ağıl öyrətməsidir. qadınlar qadındır, cəmiyyətdə yeri onun analığından, övlad və ya bacılığından asılı deyil, namus ölçü vahidi heç deyil. çiçək də deyil, incə olmaq məcburiyyətində də deyil. qadın kişilərinin affirmasiyası olmadan da fərddir. bunu oxuyub bəyənməyən çox adam olacaq, bütün kişilər belə deyil deyəcəklər. bütün kişilər belə deyil, amma bu boyda yazıdan sonra hələ də kişiləri vəziyyətdən çıxarmağa çalışırsınızsa bu sizin probleminiz, zəhərli düşüncənizdir. hamı bilir ki, bütün kişilər deyil. amma bütün qadınlardır

28 əjdaha! 23.04.2021 21:19, shalalaay

#325309 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük

+19 əjdaha

aylar sonra geri döndüm. mesaj qutumda nə qədər insan narahat qalıb, onu gördüm. bağışlayın, cavabsız qalıblar. dostumun intiharı mənim üçün ağır keçdi. yavaş-yavaş bir şeyləri eləməyə başlayıram. bütün sosial şəbəkələrim bildirimlərlə dolub daşır. kimə necə cavab verim bilmirəm. kim bilir neçə insan məndən küsüb, bloka atıb. olan şeydi. ayın 5-i terapiyaya başlayıram. inanmıram imkanım çatsın normal davam eləməyə. bacıma heç nə deməmişəm, amma bir gün özü gəlib "yaxşı deyilsən. psixoloqa, lazımdırsa psixoterapevtə get, müalicə al. bacın ölməyib ki, mən pulu sənin üçün qazanıram" dedi. bilmədim nə deyim. güldüm. dedim "bəs necə, elə də olmalıdır, amma pulum var". ümumilikdə, daha yaxşıyam, amma hər şey daha pisdir. yəqin progress buna deyirlər. həyatımda çox yaxşı bir insan var. məni yormayan, qısnamayan, qınamayan. ən əsası, mənim onu qınamağımdan, yormağımdan, qısnamağımdan qorxmayan, mənə güvənən. tanış olanda o da yaxşı deyildi. intihar eləyib, uğursuz cəhdindən sonra xəstəxanadan çıxdığı bir gündə tanış olmuşuq. o da daha yaxşıdır indi. işləyir, öyrənir, əylənir, qonaq gedir, qonaq çağırır. qorxurdum ki, mənə ehtiyacı olmadığı an məni unudacaq, problemlərimi öyrənəndən sonra üzümə vuracaq, yuxarıdan aşağı baxacaq. özüm-özümü cılızlaşdırırammış. yaxşı insanlar varmış. hərdən bəxtim gətirirmiş. güvəndiyinə yox, daha əvvəl güvənməməyinə peşman ola bilirsənmiş. sağolsun.

15 əjdaha! 25.09.2021 23:23, shalalaay

#337239 şikayət

sözaltı etiraf

+14 əjdaha

hər gün saatlarla danışdığım, bir-birimizə heç kəsə deyə bilmədiyimiz şeyləri deyib növbə ilə ağladığım, sıra ilə insanları söyüb əsəbiləşdiyim, baxanda həqiqətən "bu insan elə bil mənəm" dediyim, mənə "biz eyni adamıq" deyən dostum özünü öldürüb. nə din, nə də yaradıcı tanıyıram, amma başımı bağladım, ayaq biləklərimə kimi örtdüm, üzü qibləyə diz çöküb oturdum. kimə hansı formada dua elədiyimi bilmirəm. alnımı qoydum yerə, uzun uzun o formada ağladım. pişiyim gəldi, fırlandı getdi. elə bir gün yoxdur ki, ona nə isə yazmayım. zəng eləyirəm cavab verən, mahnı göndərirəm qulaq asan yox. artıq neçənci belə itgidi bilmirəm. mən doğrudan dözmürəm. mən ona, o da mənə baxanda deyirdik ki "eyni zibilin içindəyik". eyni zibilin içində olduğum adam dözmədi, gəl indi döz. ailəsi ilə əlaqə qurmağa çalışıram, işə yaramır. özünü görməyə gedəcəkdim. deyirəm heç olmasa qəbrini görüm.

11 əjdaha! 18.05.2021 15:54, shalalaay

#327816 şikayət

evdən pul almağın yolları

+14 əjdaha

"təzə manatları görməmişəm heç, əlinizə düşəndə verin" - çox olmasa da, indiyə kimi 15 manat yığmışam belə. qənimətdir bu zəmanədə

8 əjdaha! 02.05.2021 17:38, shalalaay

#326416 şikayət

faydalı məsləhətlər

+13 əjdaha

hər gün çimin... çox xahiş eləyirəm. qabaqdan yay da gəlir. kimə inanırsınızsa onun xətrinə çimin. xüsusi ilə bakıda yaşayanlara səslənirəm: hava rütubət, şəhər küləkli. bir tərəfdən tərləyib, bir tərəfdən küləklə qoxunu yayırsınız. evə girəndə çox yox, 3 dəqiqə suyun altında qalın heç olmasa (sözüm mental sağlamlıqlarına görə bu kimi məsələlərdə çətinlik çəkənlərə deyil, onlar nəyi nə vaxt istəyirlərsə, elə də yerinə yetirsinlər. təki özlərini daha yaxşı hiss eləsinlər. sözüm şəhər hanzolarınadır). sitatın sonu

13 əjdaha! 02.05.2021 17:36, shalalaay

#326415 şikayət

kreativ qarğışlar

+11 əjdaha

mən hələ balaca olanda evdə tapdığım, kiril əlifbası ilə yazılan, adı "gəlinin cehiz kitabı" olan o möhtəşəm əsərin qarğışlar bölməsindən (bəli, belə bir bölməsi var) yadımda qalan qarğışlardan bir sıra nümunələr: "nişanlının atı boş qayıtsın", "nişanlının qanlı köynəyi üstünə gəlsin", "cehizin sandıqda qalsın" və s...

10 əjdaha! 20.04.2021 19:57, shalalaay

#325035 şikayət

sədaqət

+8 əjdaha

şişirdilən məfhum. insanları boş yerə həyatımızda tutub saxlamağın, özümüzün də zülüm çəkə-çəkə başqalarını həyatında olmağımızın mənası olduğunu düşünmürəm. insanlar dəyişə, inkişaf edə və ya daha da konservativ ola bilər. dostlarımız, romantik partnyorlarımız və hətta ailələrimiz ilə yollarımız ayrıla bilər. bunlar çox təbii hallardır. insanlar bir aylığına həyatınıza girib, sizi dünyanın ən xoşbəxt insanı elədikdən sonra bir də yazıb axtarmaya bilər. yazıb axtarsa belə münasibətin əvvəlki kimi olmadığını başa düşə bilərsiniz. hamımız insanıq, bunlar da bizim balaca təcrübələrimiz. əsas vacib olanın səmimi şəkildə hislərimizi bildirmək olduğunu düşünürəm. heç kəsi aldatmadan, öz kiçik ağıllarımızla böyük oyunlar oynayırmış kimi davranmadan səmimi olmaq. qalanlar düzələr

6 əjdaha! 18.04.2021 00:05, shalalaay

#324827 şikayət

kiçik xoşbəxtliklər

+5 əjdaha

yazdığın "yatmısan?" mesajına dərhal gələn cavab, sonra həmin adamın uzun-uzadı sənlə danışmağa çalışması, yuxusu gələndə "axırıncı bir şey də deyim" deyib söhbəti bir saat daha uzatması

4 əjdaha! 29.04.2021 20:01, shalalaay

#326059 şikayət

yazarların ruh halı

+4 əjdaha

dözmürəm. həm məni heç nə incidə bilməz, həm də hər şey incidə bilərmiş kimi gəlir. varam, amma olmasam daha yaxşıdır. həm gözləyirəm, həm də gecikmişəm. ağlımda tək bir fikir var, çıxmır. məndə sığar iki cahan, mən bu cahana sığmazam. nəysə, mənim dərimi də üzməsinlər indi

4 əjdaha! 28.04.2021 12:56, shalalaay

#325899 şikayət

həyatın nə qədər cındır olduğunun anlaşıldığı anlar

+5 əjdaha

Heç kəs yaşatdığını yaşamadan ölmür söhbətinin boş xürafə olduğunu başa düşdüyün, imkanı olan əksər insanın başqasını incitdiyini gördüyün, öyrənib qabağa getməyə çalışdıqca dibə çökdüyünü hiss elədiyin, sənə qalanın klaviatura arxasında yazmaq olduğunu dərk elədiyin andır

4 əjdaha! 13.04.2021 16:31, shalalaay

#324383 şikayət

qara yumor

+4 əjdaha

- don't make jokes about jews
- why?
- they get burned easily

4 əjdaha! 27.04.2021 15:35, shalalaay

#325809 şikayət

8 marş

+3 əjdaha

içimdə azca ümid qalıbsa, o da cəsarətlərini toplayıb o yürüşdə iştirak eləyə bilən insanlara görədir. hər biri ilə fəxr edirəm

2 əjdaha! 02.05.2021 13:55, shalalaay

#326388 şikayət

yazarların hazırda düşündükləri

+3 əjdaha

ölüb, yoxsa hələ sağdır? mənə deyərdi də, düzdür? yoxsa deməzdi? nə qədər gözləməliyəm əmin olmaq üçün, bu işlərin qaydası nədir? mənə niyə demədi? sağdırsa indi hardadır? soyadını niyə soruşmamışam bircə dəfə? haqqında heç kəsin bilmədiyi şeyləri, yediyi mürəbbədən tut oxuduğu kitaba kimi hər şeyi bilib, soyadını necə bilməyə bilərəm axı? mən necə axmaq insanam. hər şeyi yıxıb-tökmək istəyirəm. mahnı göndərmək əvəzinə kaş "gəbərirəm, kömək elə" yazsaydın, kaş məni söysəydin, kaş hamını söysəydik. kaş hamıya ana-bacı girəydik. kaş özümüzü də söyəydik. elə bilirsən mən o mahnılara qulaq asa biləcəm? mən canavaram? necə sakit halda qulaq asa bilərəm axı? mənə ürək üzən mahnılara qulaq asma deyirdin, britney spears göndərib gülürdün. sən necə insansan? səni bu hala salanlar utansın. bilmirəm sağsan, ya yox amma yaxşı olmadığına əminəm. saatlardır ağlayıram, nə hiss eləməli olduğumu bilmirəm. mən kimə əsəbiyəm? nə haqla əsəbiyəm? kimə görə yanıram? aylar sonra pianino çaldım ilk dəfə. eşitmiş ol. qəmqin nə isə də çalmadım. üstümüzdən keçdi külək, mehribanlıq səadətdir falan çaldım. çimdim, özümə qulluq elədim, 5-6 fərqli serum çəkdim. "eləsəydin, mənə deyərdin də hə?" deyə mesaj yazdım. dəli oluram. o çoxdan olmuşdu. cavab gözləyirəm

2 əjdaha! 05.05.2021 01:46, shalalaay

#326654 şikayət

intihar etmək üçün ən ideal vaxt

+2 əjdaha

dünən gecə

1 əjdaha! 28.04.2021 12:47, shalalaay

#325896 şikayət

kişilərdən soyudan səbəblər

+2 əjdaha

it kimi davranmırlar görə qadınların onların hər istədiklərini eləyəcəyini düşünmələri, daha da pisi bunu tələb eləmələri. başa düşmürlər ki, bu onları digər 99% kişilərdən yaxşı mənada fərqləndirmir, əksinə daha təhlükəli, daha pis eləyir mənim fikrimcə. çünki belələri necə davranmalı olduqlarını bilirlər, amma buna baxmayaraq bundan sadəcə manipulyasiya üçün istifadə eləyirlər. belələri əksər hallarda bir az kitab oxumuş, xarici medya izləmiş, hər şeydən ancaq ortamlarda rəy bildirəcək qədər məlumatları olanların arasından çıxır. ən sevdikləri cümlə tipi "amma"-lı cümlələrdir. məsələn: "homofob deyiləm, amma diqqət çəkmək üçün eləyən çoxdur", "qadınlar azad olmalıdır, amma hərdən lap ağın çıxarırlar", "irqçi deyiləm, amma zəhləm gedir farslardan" və s...

2 əjdaha! 29.04.2021 19:52, shalalaay

#326057 şikayət

call me by your name

+2 əjdaha

Oxuyanda insana bilməməli olduğu bir şeyi oxuyurmuş kimi hiss elətdirən, 1973-cü ilin şimali italiyasında heç vaxt 17 yaşında olmayacağına görə heyifsiləndirən, yazıçısının obrazların arasındakı yaş fərqinə görə tənqid olunduğu (yazıçı Andre Aciman özü də az aşın duzu deyil) kitab. Həm bunu, həm də ikinci kitab "Find me"-i oxuyanda insana elə gəlir ki, sevgidə fantastik təbəqə varsa Oliver və Elionunki həmin o təbəqədə olar. Kitab kiçik sentimental detallarla doludur və sonda Elionun atası ilə olan dialoqu mənim fikrimcə xüsusilə dəyərlidir. Kaş bütün valideynlər elə ola.
Uzun sözün qısası, iki insanın qarşılıqlı obsessiyasını oxumaq istəyənlərə tövsiyə edirəm.

1 əjdaha! 14.04.2021 19:44, shalalaay

#324502 şikayət

sözaltı günlük

+1 əjdaha

Yorğunam, dəqiq nə vaxt bu vəziyyətə gəlib çıxmışamsa bilmirəm. Mənə nə olub, hansı ara hər şey belə dəyişdisə onu heç bilmirəm. 8-9 ildi eyni problemlə əlləşirəm. Xoşbəxtliyin xəyalını belə qurmuram artıq. Pişiyim yanımdadır. Kədər daimidir

1 əjdaha! 13.04.2021 23:18, shalalaay

#324432 şikayət

fəlsəfənin əsas sualları

+1 əjdaha

intihar etmək ya etməmək? başqa formada desək intihar etmək şəxsin hüququdur mu? əgər bu bir hüquqdursa, bizi bu fikir niyə bu qədər narahat edir? əgər bu bir hüquq deyilsə nədir, azad individualdan başqasını niyə maraqlandırır?

1 əjdaha! 17.04.2021 23:55, shalalaay

#324824 şikayət

yaddaş pozuntuları

+1 əjdaha

Bütün stress, yuxusuzluq və problemlər yoxmuş kimi davrandıqdan sonra bədənin "özünə gəl, it günündəsən" demək forması

0 əjdaha! 13.04.2021 16:16, shalalaay

#324374 şikayət

düşün ki o bunu oxuyur

+1 əjdaha

sənə olunanları bağışlaya bilmirəm, bilirəm sən də mənə olunanları bağışlaya bilmirsən. ikimiz də özümüzü söyürük və bunun səhv olduğunu bir-birimizə izah eləməyə çalışırıq. bunu eləməyi nə sən bacarırsan, nə də mən. mənə "yaşadığın həyata öyrəşməyindən zəhləm gedir" demişdin. öyrəşməmişəm. sən də bilirsən bunu, pis olmayım görə söhbəti zarafatla bağlayırsan. hərdən sən ağlayırsan, hərdən mən. mənə "güclüsən" deyirsən, öz gücündən xəbərin yoxdur. ağlına gəldikcə əsəbiləşirsən. əslində hər gün əsəbisən. mən əsəbiləşəndə günahkar hiss eləyirsən, elə bilirsən ki, mənə pis təsir eləyirsən. mənə yaxşı insan olduğumu, ətrafımdakıların ən şanslı, sənin isə minnətdar olduğunu deyirsən. yeganə insansan ki, istəyirəm nə bilirsənsə mənə öyrədəsən, məsləhət verəsən. istəyirəm uzun-uzun danışasan və mən dediklərini qeyd eləyim. səhv olduğunu qəbul eləməyindən, uzun-uzun izah eləməyindən, məqalələr göndərib "nə düşünürsən?" deyə soruşmağından, məndən nə isə öyrənməyə çalışmağından, mənə cavab verəndə arada dayanıb fikirləşməyindən xoşum gəlir. kaş nə qədər ağıllı, yaxşı, xeyirxah olduğunu görə biləydin. düzünü desəm, kaş pis insan olardın. onda bir çox şey daha rahat olardı. kaş məndən də zəhlən gedərdi, sənin qabağına çıxan hamıdan da. kaş yıxıb-töküb, asıb-kəsib özünə yol açanlardan olardın. amma ilişmisən. sırf yaxşısan görə. sən mənə gec cavab verəndə qorxuram. gecələr yatmıram. danışmağa ehtiyacın olsa oyaq olmamaqdan qorxuram. gücüm qalmayıb, ya qəmginliyi hiss eləyirəm, ya da soyuğu. yaşamağını istəyirəm, amma səndən bunu istəməyə haqqım yoxdur. əziyyət çəkdiyini görmək, otağında oturub fikirləşməkdən dəliyə döndüyünü bilmək çox ağırdır. əvvəl "shalalaay, düz eləyirsən" deyirdim, indi isə gündən-günə əriməyinə səbəb olurammış kimi gəlir. məni çox istədiyindən əmin deyiləm, amma məni tam başa düşdüyünü bilirəm. eyni ilə, səni nə qədər çox istəyirəmsə deyə bilmərəm, amma səni başa düşdüyümü bilirsən. ölmə, amma ölsən bağışlayacam. bağışlamayanlar utansın.

silinmiş entry.

1 əjdaha! 25.04.2021 22:28, shalalaay

#325550 şikayət

borderline personality disorder

+1 əjdaha

insanların ya məlumat sahibi olmadığı, ya da insanların ancaq bpd ilə bağlı stereotipləri bildiyi, mediada qətiyyən düzgün formada əksini tapdığını düşünmədiyim şəxsiyyət pozuntusu (təəssüf ki, yenə dilimizə tərcümə eləyəndə bir qədər kobud çıxır). Bu ay mental sağlamlıq ayıdır və düşünürəm ki, depressiya, anxiety, ptsd kimi əhalinin böyük qisminə təsir edən problemlərdən əlavə olaraq (bax: ) bpd, (bax: ) bipolar 1 və (bax: ) bipolar 2, (bax: ) şizoid, (bax: ) maladaptive daydreaming və s kimi haqqında az danışılan problemlərə də toxunmalı, bu barədə danışmağı normallaşdırmalıyıq.

***Buradan sonra yazacağım heç bir şey diaqnoz xarakteri daşımır, ümumi məlumat sahibi olmaq üçündür. Bir çox mental problem oxşar simptomlara sahibdir. Yazılanlara uyğun olmağınız BPD-li olduğunuz mənasına gəlmir***

Şəxsiyyət pozuntularına sahib olmaq düşüncə və davranış sistemində yaranan bir sıra hallar ilə yaşamaq deməkdir. Diaqnoz qoyulması üçün gündəlik həyatdakı düşüncə prosesi, hadisələr, insan və fikirlərə qarşı reaksiya nəzərə alınır. BPD-li şəxslər emosional cəhətdən stabil olmurlar, manik və depressif epizodlar yaşayırlar. Yəni BPD sahibi insan saatlarla ağlayıb, əsəbiləşib, qışqırıb daha sonra iki dəqiqə içində durub oynamağa başlaya, birdən-birə 3 saatlıq məsafədəki rayona getmə qərarına gələ bilər. insanlarla münasibətlərində favourite person, splitting kimi anlayışlar araya girir. BPD-li insanların çox hallarda həyatlarında onlar üçün hamıdan əziz, hamıdan dəyərli bir insan olur (favourite person). Həmin insan xoşbəxt olduqca xoşbəxt olur, o insanın onlara ayırdığı vaxt qədər rahatlıq tapırlar. O insan üçün saatlarla telefon başında gözləyə, bütün həyatlarını o insanın ətrafında planlaşdıra bilərlər. Bir tərəfdən isə insanlar haqqında düşüncələri tamamilə dəyişə bilər (splitting). Məsələn, bir BPD-li şəxs Mamedi çox istəyir. Rasional cəhətdən fikirləşəndə o bilir ki, Mamed ona kömək eləyir, Mamed xeyirxahdır və ya Mamed cındırın biridir amma yenə də onu çox istəyir. Hərdən isə fikirləşir ki, Mamed qətiyyən yaxşı insan deyil, Mamed qəlb qırır, başa düşmür, incidir, ən
əsası, Mamed onu çox istəmir və s. BPD terapiya və müalicə ilə ümumi ideyanın əksinə olaraq, nəzarət altına alına bilir. BPD-li insanlar çox yaxşı işçi, dost, yoldaş da ola bilir. Əsas olan düzgün kommunikasiya qurmağı bacarmaqdır. Onları medyadakı kimi şeytanlaşdırmaq, cəmiyyətdən uzaqlaşdırmaq oluna biləcək ən böyük vicdansızlıqlardan biridir deyə düşünürəm.

silinmiş entry.

0 əjdaha! 06.05.2021 20:05, shalalaay

#326920 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1337

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1344

shalalaay

son bəyənilənlər:

oxuyucuların bəyəndikləri: