Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
×
Yazı Saatları
Tip: gecə quşu
Pik saat: 04:00
Gecə (00-06):25 post
Səhər (06-12):3 post
Gündüz (12-18):8 post
Axşam (18-00):10 post
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
×
Səviyyə Sistemi
Səviyyə 1: Yeni
XP: 69 (karma əsasında)
Növbəti səviyyəyə: 31 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
×
Yazı Statistikası
Təxmini söz sayı: 10,233
Toplam simvol: 61,399
Orta entry uzunluğu: 1,335 simvol
Kitab ekvivalenti: ~0.1 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
1960-cı illərdə San Fransiskoda meydana çıxmış və erkən dönəmlərində əsasən posterlərin dizaynı üçün istifadə edilmiş incəsənət növü. ilk pyschedelic poster nümunəsinin 1966-cı ildə Fillmoreda keçiriləcək şou üçün *Wes Wilson* tərəfindən hazırlandığı güman edilir. Tarixi: 1960-cı illər xüsusilə ABŞ-da önəmli siyasi/sosial dəyişikliklər, hippi hərəkatı, psychedeliclərin kütləvi qəbulu kimi müxtəlif hadisələrlə yanaşı, onların təsiri ilə meydana gəlmiş yeni incəsənət axımları, məsələn *Jefferson Airplane*, *the Grateful Dead* kimi qruplarla başlayan *psychedelic rock* subjanrı ilə yadda qalmışdır.
Psychedelic art incəsənət növünün də bu dövrə təsadüf etməsi təxmin etdiyiniz kimi heç də təsadüfi deyil. Lakin bu axım vizual gözəllik axtarışından daha çox, praktik bir ehtiyac nəticəsində meydana gəlmişdir: Yeni meydana çıxan növbənöv qrupların və saysız-hesabsız konsertlərin arasından sıyrılaraq kütlənin diqqətini çəkmək istəyi. Nəticədə, konsertlər üçün nəzərdə tutulmuş posterlərin dizaynında yeni ilham mənbələrinin axtarışına çıxılmış və bu da öz növbəsində *pop art*, *sürrealizm* və ən önəmlisi *art nouveau* kimi məktəblərin təsirləri altında formalaşmış, daha sonra psychedelic art adı ilə tanınacaq yeni incəsənət növünün yaranmasına gətirib çıxarmışdır.
Bu incəsənət növünə aid əsərlərin bəzi əsas fərqləndirici elementləri:
1. Art nouveau elementləri və mərkəzi qadın fiquru.
2. Rənglər və tovuzquşu fiquru.
3. Formanın və yazı fontlarının distorsiya edilməsi. (kaleydoskopik/əriyən görüntü)
Sayta daxil olaraq xəritə üzərində və ya siyahıdan istədiyiniz dili seçirsiniz və sayt sizə dərhal bu dillə bağlı olan bütün əsas məlumatları və kontentləri təqdim edir: həmin dildə əsas sözlər, ifadələr, mahnılar, filmlər, canlı yayımlar və s.
Həmçinin müstəqil şəkildə hər hansı bir dili öyrənmək istəyir, lakin bunu necə edəcəyinizi bilmirsinizsə, saytda həmin dillə bağlı yerləşdirilən pulsuz dil proqramından istifadə edə bilərsiniz. Proqramlar adətən bir dili öyrənməyə sıfırdan hardan, necə başlamalı olduğunuzu, hər səviyyə üzrə nələr etməli olduğunuzu, hətta bütün bunlara ümumilikdə nə qədər zaman xərcləyəcəyinizi də göstərir.
Saytda olan bəzi başlıqlar:
Azərbaycan dili ilə bağlı səhifənin ümumi görüntüsü:
1908-1989-cu illər arasında yaşamış daha çox *Salvador Dali*nin bacısı və modeli olaraq tanınan ispan yazıçı. Anna Marianın ədəbiyyata gəlişi, əslində, qardaşı və şöhrət qazanmaq istəyi ilə deyil, yaşadığı daha böyük travma ilə bağlı olmuşdur. 1936-cı ildə başlayan ispaniya vətəndaş müharibəsinin təsirləri Salvadordan yan keçsə də (rəssam həmin dövrdə artıq Parisdə yaşayırdı), Anna Maria digər ailə üzvləri ilə yanaşı casusluqda şübhəli bilinərək həbs edilmişdir. 17 gün müddətinə həbsdə saxlanılan Annaya tətbiq edilən müxtəlif işgəncələr onda ciddi psixiatrik-nevroloji problemlərin yaranması ilə nəticələnmişdir. Bu problemlərdən qurtulmaq və rahatlıq tapmaq üçün isə dostlarının da təkidi ilə özünü yazıçılığa vermişdir.
Yazıçının qardaşı ilə olan münasibəti də xeyli qarışıq və maraqlıdır. Uşaqlıq dövrlərini birlikdə keçirən və xeyli sıx münasibətdə olan Salvador və Anna Dalinin yaxınlığı onların yaradıcılığına da yansımışdır. Rəssam ilk dövrlərdə bacısından əsas model olaraq istifadə etmiş və tez-tez onun pəncərə önündə portretlərini çəkmişdir. Həmin əsərlərdən biri olan " Figura en una finestra" (young woman/girl at a window/pəncərə önündə gənc qız) rəsmi xüsusilə məşhurlaşmış və 1925-ci ildə rəssamın ilk sərgisində də yer almışdır.
Lakin bu xoş münasibət çox uzun davam etməmişdir. 1942-ci ildə çap etdirdiyi "The secret life of Dali" (Dalinin gizli həyatı) avtobioqrafiyası ilə ailə həyatının qaranlıq tərəflərini təsvir edən Dalinin yazdıqları bacısının qəzəbinə səbəb olmuşdur. Anna bunların həqiqətləri əks etdirmədiyini bildirmiş və buna qarşılıq olaraq intiqam üçün 1949-cu ildə "Salvador Dali as seen by her sister" (Salvador Dali bacısının gözündən) adlı əsərini çap etdirmişdir. Təbii ki, çılğın təbiətli Salvador da öz növbəsində bu addıma qarşı səssiz qala bilmədi. Yaranan bu gərginliyə qarşılıq olaraq rəssam daha öncə bacısını təsvir etdiyi portretə - "Figura en una finestra" əsərinə yeni interpretasiyasını çəkdi. Həmin dövrün pornoqrafik jurnallarının birindən ilhamlanan bu əsəri rəssam "Young Virgin Auto-Sodomized by the Horns of Her Own Chastity" adı altında təqdim etmişdir.
Bu rəsm intiqam məqsədi daşımaqla yanaşı, eyni zamanda Salvador Dalinin bacısına qarşı ola biləcək basdırılmış gizli sevgisi və ikili hissləri haqqında gəzən şayiələri də alovlandırmışdır.
məsələn, az öncə oxuduğum kitabdakı obrazın gəncliyini *truly, madly, deeply* mahnısını dinləyərək keçirdiyini öyrəndim və hər zaman olduğu kimi vaxt itirmədən youtube'a keçid edərək mahnını dəfələrlə dinləməyə başladım -*
hər kəs belədir ya yox bilmirəm amma, personajların real həyatımla kəsişən maraqlarını kəşf etmək hər zaman qəlbimi isidir və səbəbsizcə xoşbəxt edir məni. Sanki onlardan özümə bir parça əlavə etmiş kimi hiss edirəm. Sanki nə zamansa real həyatda qarşılaşmışıq və artıq həqiqi xatirələrimin bir parçasıdırlar.
balinaların əcdadının müasir itlərə bənzəyən canavar ölçülərində Pakicetus adlı bir heyvan olması. balina: pakicetus:
Pakicetusların təxminən 50 milyon il öncə əsasən quruda, lakin göl kimi su hövzələrinə yaxın ərazilərdə yaşadıqları və dayaz hissələrdə ovlandıqları güman edilir. Müasir pakistan ərazisinə aid endemik bir heyvan olduqları üçün bu adı almışlar. Fizioloji olaraq bədənlərinin əsasən qaçma və tullanma kimi hərəkətlərə uyğun olduğu bilinir. Su hövzəsinə əsas uyğunlaşmış üzvləri isə dinləmə sistemi (su altında eşidə bilirdilər) və timsaha bənzər bir-birinə yaxın şəkildə yerləşmiş gözləridir.
Az öncə rektorumuz çıxışında universitetin metaverse versiyasının yaradılacağını və mübadilə proqramlarının artıq burada həyata keçiriləcəyi haqqında danışırdı. Yəni eyni təcrübəni yaşamaq üçün artıq xarici tələbələrin fiziki olaraq ölkə dəyişməsinə və universitetə gəlməsinə ehtiyac qalmayacaq. Olduqları yerdən özlərini universitetdə hiss edəcək, otaqlar arasında, eyni zamanda kampusun yerləşdiyi şəhərdə gəzə biləcəklər. Düzü, bu haqda nə hiss edəcəyimi bilmədim, çünki çatımlılığın nə dərəcədə olacağı haqqında da fikrim yoxdur. Lakin daha ucuza başa gələrək daha geniş kütlənin istədiyi təhsilə çatımlılığını təmin edərsə, avantajlı hesab etmək olar. Digər tərəfdən isə, Görünür, artıq gələcəkdə digər ölkələrə uzunmüddətli viza almaq üçün heç bir səbəbimiz qalmayacaq -* Bəlkə də artıq heç birimiz buna ehtiyac da hiss etməyəcəyik.
Qədim romada müxtəlif ənənə və ayinlərlə müşayiət olunan dini qruplaşmalardır.
Başlıca olaraq üç kult növünü fərqləndirmək olar: özəl (ailə), gentile (nəsil) və ictimai (rəsmi). Bu klassifikasiya demək olar ki, bütün dini sistemi əhatə etsə də, bundan kənarda qalan, qapalı üzvlük sisteminə malik mistik kultlar da Romada kifayət qədər geniş yayılmışdı. Bu haqda daha ətraflı danışacayıq. Lakin ilk öncə kultların başlıca üç növünü aydınlaşdıraq:
ictimai kultlar. adından da göründüyü kimi bütün cəmiyyət tərəfindən qəbul edilən və hakimiyyətin önəmli bir dayağı kimi rəsmi qaydada təbliğ edilən kultlar idi. Bu kultlar adətən Romanın ən önəmli tanrılarının adı ilə bağlı olur və onlara sitayişi, tanrıların şərəfinə keçirilən ictimai bayram və ayinləri əhatə edirdi. Bu kutların arasında Yupiter, Venera, Vesta və Mars kultları xüsusilə seçilirdi. Hər kəsin romada din deyiləndə ilk ağlına gələn məhz bu ictimai kultlardır.
özəl və ya ailəvi kultlar. ən spesifik kult növüdür. Qədim Romanda demək olar ki, hər bir ailə özlüyündə bir kult idi və kultun rəhbəri ailənin başçısı - ata hesab edilirdi. Kultun ayinləri ev daxilində, əsasən foyedə yerləşən larariumun önündə həyata keçirilirdi. Larariumda evin və ailənin qoruyucu olan bir neçə fiqur təsvir edilirdi.
Məsələn, pompeydə tapılan bu larariumların yuxarı hissəsində ortada təsvir edilən obraz genius adlanır. Geniuslar şəxsi qoruyucular hesab edilirdilər və demək olar ki, hər kəsin bir geniusu olduğuna inanılırdı. Bu məbədlərdə ortada təsvir edilən məhz ailə başçısının geniusudur. Freskanın yuxarı hər iki küncündə isə Lares adlanan fiqurlar dayanıb. Lareslər evin qoruyucuları hesab olunurdular və tanrı Merkurinin övladları idilər. Aşağı hissədə təsvir olunan ilan obrazı ailə evinin üzərində dayandığı torpağın qoruyucusu hesab edilirdi və Romada bolluq-bərəkət rəmzi kimi qəbul edilirdi.
Bundan başqa ailə kultları daxilində daha iki obraza: penates- ailənin qoruyucusu olan olimp tanrıları və manes - əcdadların ruhuna ibadət edilirdi. Sonunculara ölüm günlərinin ildönümlərində ailə üzvləri tərəfindən bəxşişlər edilirdi. Ümumiyyətlə isə, ayin olaraq hər gün yeməyin ilk hissəsi onlara verilir, digər önəmli günlərdə bu fiqurlara şirniyyat və ya bal təklif edilir, güllərlə bəzədilir, önlərində şam və ya insenslər yandırılırdı. Ocaq da həmçinin ailə kultunun çox önəmli bir hissəsi hesab edilirdi və onun sönməsinə heç bir zaman icazə verilmirdi.
gentile və ya gentilice kultları həcminə görə yuxarıdakı iki kulta nisbətdə aralıq mövqe tuturdu. Bu kult ailə kultuna çox yaxın olsa da, ondan daha geniş idi və adətən eyni soyadı daşıyan, yəni eyni nəslə aid hər kəsi əhatə edirdi. Romada belə qruplar gens adlanırdı və kultun adı da məhz buradan gəlir. Nəslin başladığı ortaq əcdad adətən bu nəslin tanrısı, dolayısı ilə kultun ibadət obyekti hesab edilirdi. ən məşhur nəsillər bəzən öz əcdadlarını Romanın önəmli tanrılarına bağlayaraq müqəddəsliyə iddia edirdilər.
Mistik kultlar. ilk başda qeyd etdiyimiz və bu üç kateqoriyadan heç birinə uyğun gəlməyən mistik kultlar həcminə görə gentile kultlarına daha yaxın olsalar da, tamamilə başqa prinsiplər üzərində qurulurdular. Bu kultlara üzvlük gizli və qapalı idi və üzvlük üçün hər hansı bir bağın olması vacib deyildi. Dövlət tərəfindən qəbul edilmiş dinlərə aid olmayan bu kultlar ekstazik ayinlər, ekzotik rituallarla müşayiət edilirdi və ictimaiyyətdən uzaq yerlərdə, habelə yeraltı gizli məkanlarda keçirilirdi. Mithraism, isis kultu və Bacchanalia bu kultların arasında ən məşhurları idi. Adətən xüsusi bir tanrıya ibadət üzərində qurulan bu kutların üzvləri tanrıya çatmaq üçün bir çox illeqal və ya əxlaqi olaraq ümumi kütlə tərəfindən qəbul edilməyən ayinlərin icrasını məcbur görürdülər. Bu ayinlər zamanı homisid və seksual xarakterli cinayətlərin artması səbəbilə bəzi mistik kutlar Roma imperiyası tərəfindən ictimai asayiş və əxlaqi dəyərlərə təhdid hesab edilərək məhdudlaşdırılmışdır. Sonralar xristian dininin gəlişi ilə mistik kultlar daha da azalaraq tarixə qovuşmuşdur.
Bu başlığa daha uyğun olardı entry, əslində. amma yetəri qədər başlıq açılıb yuxular üçün, bura yazım.
Bu gecə yuxumda *azərbaycan*ın *norveç*lə qonşu olduğu xəbərini öyrənirdim. Sən demə, əzəldən belə imiş, bəzi vətəndaşların xəbəri var, ancaq biz bilmirmişik. Sərhəd də novxanıda imiş. Əslində, çimərliyə gedərkən xətti o tərəfə keçsək, norveçə keçmiş oluruq, amma bundan xəbərimiz olmayıb illərlə. saf kimi bu tərəfdə üzmüşük həmişə. -*
Bu xəbəri atam da əmimdən eşidib və tez-tələsik gəlib bizi norveçin çimərliyinə aparmağa. Nə kəramətdirsə, biz də heç sorğulamırıq, sevincək olub tez ataya qoşuluruq çoxdandır bu xəbəri gözləyirmiş kimi.
Və budur, gözəllik. həqiqətən də novxanıda bir çimərliyin yarı hissəsi norveçdə qalırmış. Amma relyefi filan təmiz fərqlidir, breton çimərliklərinə bənzər. *Obsidian* kimi qapqara parlayan qayalıqlar, mavi soyuq dəniz. Mənzərə qarşısında heyran qalıram və daha tez-tez bu tərəfə gəlib dənizə tamaşa etməyi qərara alıram. Maraqlıdır ki, heç burda yerləşim yaşayım fikri olmur məndə. elə sadəcə yaxınımda var olması belə bəs edirmiş norveçin.
nəysə. yuxularımın belə sərhəd tanımaz və coğrafiya cahili (və ya qatili) olmasını sevməyə başlayıram, deyəsən.-*
1934-cü ildə anadan olmuş isveçin ən tanınmış və sevilən rəssamlarından biri. Əsərləri xüsusilə ekspressiv realist stili və sensual rəngli fiqurları ilə seçilir.
Dahl öz adını 1970-ci illərin əvvələrində isveçdə keçirilən 'Vəhşət' (Horror) adı sərgidəki əsərlər silsiləsi Dreams in the sofa corner ilə tanıtmışdır. Lakin sağ kəsimi və yüksək təbəqəni tənqid edən stili ilə rəssam cəmiyyətdə heç də birmənalı qarşılanmamış və karyerası qısa bir zamanda təhlükə altına düşmüşdür. Xüsusilə, silsiləyə daxil olan Liberalismens genombrott i societeten (The Breakthrough of Liberalism in Society) adlı əsəri əxlaqi cəhətdən sarsıdıcı qəbul edildiyi üçün polis tərəfindən müsadirə olunmuşdur. Əsərdə Dahlın isveç şəhzadəsi Sibyllanı bir məclisdə, öz bədənini yanında dayanan aristokrata təklif edərkən təsvir etməsi hüquq-mühazifə orqanları tərəfindən kral ailəsinə hücum olaraq dəyərləndirilmişdir. Lakin sonradan Dahla qarşı yönəldilən ittiham qaldırılmış və əsər rəssamın özünə qaytarılmışdır. Rəsm əsəri 1987-ci ildə Gothenburg incəsənət muzeyi tərəfindən satın alınaraq kolleksiyaya daxil edilmiş və hal-hazırda orada sərgilənməkdədir.
Peter Dahl məşhurluğu sayəsində *avanqard* (*avantgarde*) və modernist çevrələr tərəfindən qəbul edilsə və muzeylərdə sərgilənsə də, 1980-ci illərdə çəkdiyi 'Carl Michael Bellman Fredman's Epistles' adlı litoqrafiyalar seriyasından sonra müasir avanqard (contemporary avantgarde) dairələrin gözündə dəyər itirmişdir. Bununla da *Moderna Museet* kimi muzeylər üçün daha az cəlbedici hala gələrək isveçi heç bir zaman xaricdə təmsil etmək haqqı qazanmamışdır.
Parisə yolu düşən incəsənət sevərlərin mütləq baş çəkməli olduğu *Haussmann* stili ənənəvi Paris binalarından birində yerləşən qalereya. Adını elə yerləşdiyi 59 rue de Rivolidən alır. Əslində, məkan rəssamların aktiv çalışma yeridir, lakin həftə içi ictimaiyyət üçün də açıqdır.
Digər bir çox "donuq" muzey və qalereyalardan çox fərqli bir ab-havası var və bunu binaya daxil olduğunuz zaman dərhal hiss edirsiniz. Binanın hər bir tərəfi "sənət əsərləri" ilə örtülüdür, divarları, pillələri, küncləri... Azad ruhlu rəssamları və əsərləri ilə insanın eynini açır. Hərəkətli, daim dəyişən ekspozisiyaları, kiçik detalları və ilhamverici ab-havası ilə də. Əgər fransız dilini bilirsinizsə və hər tərəfdə rasta çıxan irili-xırdalı yazıları, rəssamların interpretasiyalarını başa düşürsünüzsə, bu yer sizdə daha xoş hisslər yaradacaq. Klassik bir rəsm qalereyası gözləməyin, çünki çox şey sizə ilk baxışdan "sənət" kimi görünməyə də bilər. Lakin daha çox diqqət etsəniz və perskpektivinizi bir balaca dəyişsəniz, daha çox gözəlliyin fərqinə varacaqsınız. Eyni zamanda, qalareya ziyarətçilər üçün də buraya öz "sənət əsərlərini" qata bilmək imkanı yaradıb. Əlinizdə Paris metrosunun artıq istifadə edilmiş bir bileti qalıbsa, yaxud bir vərəqə və qələminiz varsa, həmin an ağlınızdan keçən hər hansı bir cümləni yaza və ya xüsusilə seçilmiş əsərin, obyektin sizə "nə dediyini" qısaca şərh edərək yerləşdirə bilərsiniz. Elə qalereyadakı təcrübənin ən maraqlı hissələrindən biri də, sözsüz, müxtəlif insanların yazdığı həmin bu cümlələri oxumaq olur. 59 Rivolinin bir başqa maraqlı yanı isə rəssamlarının rəngarəngliyidir. Binada çox fərqli ölkələrdən olan, söhbətlərindən doya bilməyəcəyiniz incəsənət adamları toplaşıb. Yolunuz düşərsə, daha maraqlı bir təcrübə üçün mütləq onlarla da ünsiyyətə girməyi unutmayın.
yaponların maraqlı bir ağac yetişdirmə texnikası. "Sugi" hərfi mənada yapon şam ağacı, (metodun həyata keçirilməsində də məhz bu növ ağacdan istifadə edilir), "dai" isə stol, platforma mənalarına gəlir. Sanki bir masa üzərində dayanan bitkiləri xatırlatdığı üçün metoda bu ad verilmişdir.
Daisugi metodu zamanı ana ağac kimi istifadə edilən "sugi" xüsusi üsullarla yetişdirilərək üzərində əsas kökdən ayrılan müstəqil kiçik ağaclar əldə edilir. Yəni bu metodla iki tipdə ağac - ilk olaraq dayaq rolunu oynayan ana ağac və onun gövdəsi üzərində yüksələn müxtəlif sayda kiçik ağaclar yetişdirilmiş olur.
Daisugi sayəsində həm daha kiçik ərazidə daha çox ağac yetişdirmiş olursunuz, həmçinin oduna ehtiyac olduqda yalnız üstdəki kiçik ağaclardan istifadə edərək ana ağacın kökünə ziyan vurmamış olursunuz.*
Sustainable və ecofriendly
Eyni zamanda, bu üsul estetik baxımdan da gözəl göründüyü üçün dekorativ məqsədlər üçün istifadəsi də məşhurdur.
Qeyd: Dünyanın müxtəlif yerlərində bu ağac yetişdirmə metodunun analoji növləri mövcuddur. Məsələn, Avropada meşələrdə kəsilmiş ağacların oduncaqlarının israf olmaması üçün onların üzərində eyni şəkildə kiçik ağacların yetişdirilməsi ənənəsi mövcuddur.
Və ya ingiliscə bilinən adı ilə *horn of plenty* - adətən tək təsvir edilən və daimi bolluq, qida gətirdiyi düşünülən buynuz simvolikası.
Yunan mifologiyasına görə ida dağında balaca Zevsə baxan personajlar arasında yer alan dişi keçi Amalfeya onun ehtiyatsızlığı ucbatından bir buynuzunu itirir və bu buynuz Zevsin təsiri sayəsində sonsuz bir şəkildə bolluq gətirməyə başlayır. Digər mənbələrə görə anlayışın yaranmasına Herakl və Axeloyun mübarizəsi zamanı çaylar tanrısı öküz görünümlü Axeloyun qırılan buynuzunun başlanğıc verdiyi düşünülür.
Roma mifologiyasında isə bu termin təbii olaraq *Fortuna*, yəni bəxt ilahəsi ilə əlaqələndirilir.
Əlavə: Amalfeyin adı Capellanı əhatə edən Capra bürcünün bir ulduzuna verilmişdir. Bunun isə bilinənin əksinə oğlaq bürcü *
Capricorn
ilə heç bir əlaqəsi yoxdur.
ilk dəfə 1795-ci il 14 iyul tarixində rəsmi olaraq qəbul edilmiş Fransa dövlət himni. Adı "Marselyoza"("La Marseillaise") olsa da, bu himn, əslində, bilinənin əksinə Marseldə deyil, Strazburqda *Ruje de Lil* (Rouget de Lisle) tərəfindən Böyük inqilab zamanı Avstriyaya müharibə elan edilməsindən sonra döyüşçüləri həvəsləndirmək məqsədilə yazılmış (6 bənd) və bəstələnmişdir. (Himnin sözlərində də xarici işğala və tiranlara qarşı mübarizəyə çağırışı eşitmək olar.) Bəstəkar özü ifasını "Reyn ordusu üçün hərbi marş"(chant de guerre pour l'armée du Rhin) adlandırmışdır. Himn ilk dəfə Strazburqda mayor Dietrichin evində səslənmiş və bəyənilmişdir.
Yaranma tarixinin Strazburq şəhəri ilə bağlı olmasına baxmayaraq, himnin "Marselyoza" adlanmasının səbəbi isə onun Parisdə ilk dəfə məhz Marsel şəhərindən olan könüllü dəstə tərəfindən ifa edilməsidir. Himni ilk dəfə 1792-ci ildə paytaxta doğru zəfər yürüyüşü edən bu qrupdan eşidən Paris əhalisi dərhal ifaya "La Marseillaise" adını verərək onu bu ad altında əbədiləşdirmişdir. Tarix boyu müxtəlif hökumətlər tərəfindən bir neçə dəfə qadağan olunan və ya əvəzlənən bu marş sonuncu dəfə 1958-ci ildə V Respublika tərəfindən rəsmi olaraq dövlət himni elan edilmişdir.
Kiçik qeyd: Nə vaxtsa Strazburq şəhərinə yolunuz düşərsə, Homme de Fer və Broqli meydanları arasında Mésange küçəsində yerləşən və himnin "doğulduğu" ev hesab edilən tarixi məkanı da ziyarət edə bilərsiniz.
XX əsrin ən önəmli siyasi filosoflarından biri olan John Rawls tərəfindən ortaya atılmış və hazırda da sosial elmlərdə geniş istifadə edilən ədalət anlayışı nəzəriyyəsidir.
Bu nəzəriyyəsində, Rawls ədaləti "justice as fairness" konsepsiyası ilə izah edir və qruplaşdırsaq, bu konseptin iki əsas prinsipini gözləyən cəmiyyəti aşağıdakı qaydada izah edir:
1- Hər bir şəxs üçün bərabər əsas azadlıqlara sahib olma hüququ təmin edilir;
2- Sosial və iqtisadi bərabərsizlik "ən az imtiyazlıların ən böyük fayda əldə etməsini" və "imkanların bərabərliyi prinsipinin gözlənilməsini" təmin edəcək şəkildə təşkil edilir.
Rawls'a görə bu, ən ədalətli cəmiyyətdir və "orijinal vəziyyətdə" (heç bir cəmiyyətin olmadığı 0 vəziyyətində) hər bir insan bu, cəmiyyəti seçərdi. Bu fikrini sübut etmək üçün o, növbəti abstrakt sosial eksperimenti təklif edir: Təsəvvür edək ki, biz orijinal vəziyyətdə, yəni cəhalət pərdəsinin ("veil of ignorance") arxasındayıq. Bu pərdənin arxasında özümüzə aid heç bir məlumata malik deyilik, yəni dilimizin, inancımızın, cinsimizin, seksual oriyentasiyamızın, dəri rəngimizin, sosial rifah vəziyyətimizin necə olacağını bilmirik. Yalnız cəhalət pərdəsi qalxdıqdan sonra qadın və ya kişi, qaradərili və ya ağdərili, heteroseksual və ya homoseksual, kasıb və ya varlı olduğunumuzu öyrənəcəyik. Filosofun fikrinə görə belə orijinal vəziyyətdə bizə yaşayacağımız cəmiyyəti seçməyi təklif etsələr, biz ən imtiyazsız təbəqə olmaq ehtimalını nəzərə alaraq, həmin təbəqə üçün ən yüksək bərabərlik və fayda vəd edən cəmiyyəti seçəcəyik. Məsələn, hər hansı bir cəmiyyət varlılara 9, kasıblara 1 əmsalında ədalət təklif edirsə, digəri üçün isə bu, 6-4 şəklindədirsə, biz ən pis ehtimalda ən yaxşı yaşayacağımız təklif olan 6-4 versiyasını seçməyə daha meyilli olacağıq. (Bu misal ən sadə variantdır, təbii ki, cəmiyyət, hüquqlar, imkanlar daha kompleks anlayışlardır). Bu seçim bizim üçün ədalət anlayışını əmələ gətirir.
Bu nəzəriyyənin ən önəmli tərəfi insanlara ədalətə cəhalət pərdəsinin arxasından baxmalı olduqlarını göstərməsidir. Biz bu gün artıq imtiyazlı təbəqə (ağdərili, kişi və ya heteroseksual və ya normal gəlirli) olaraq doğulmuş ola bilərik, lakin ədalət, bərabər hüquqlar kimi məsələlər barədə qərar verərkən öz pozisiyamızdan deyil, ən imtiyazsız təbəqənin pozisiyasından məsələyə yanaşmalı (əgər mən X olaraq doğulmuş olsaydım, bu vəziyyət/cəmiyyəti ədalətli hesab edərdim mi?) və onlar üçün ən maksimal bərabərliyi/faydanı təmin etməliyik. Ən ədalətli cəmiyyətə və siyasi sistemə məhz bu şəkildə çatmaq mümkündür.
Həyat yalnız pis hadisələrin cəmindən ibarət deyil. Həyat yüngül havanı ciyərlərinə çəkmək, sonsuz sayda və müxtəlif mənzərələri özü üçün kəşf etmək, xoşagələn və intellektual adamlarla görüşmək sevincidir. Odur ki, mən də bütün bunların bir parçasıyam.
*Judah Loew ben Bezalel* adlı Praqa ravvini tərəfindən 16-cı əsrdə Vltava çayının palçığından yəhudiləri qorumaq üçün yaradılmış varlıq. Lakin get-gedə gözləniləndən çox böyüyüb nəzarətdən çıxdığı üçün ravvin onun boynundakı “emet” (ivr. həqiqət) yazısını çıxararır və o, toza dönür. Bəzi versiyalara görə isə ravvin sadəcə öndəki "e" hərfini silmişdi və "met" sözü ivritcə "ölüm" demək olduğu üçün Qolem yoxa çıxmışdı.
Qolem analogiyası incəsənətdə bir çox hallarda "insanın yaratdığı bir şeyin nəzarətdən çıxaraq elə onun özü üçün təhlükəyə dönməsinə" işarət etmək üçün işlənilir. *Karel Çapek*in də yaradıcılığında robotlar üçün (robot anlayışına məhz ilk dəfə onun əsərində rast gəlindiyi düşünülür) məhz qolemdən ilhamlandığı deyilsə də, o, bunu inkar etmişdir. Qolem həm də DC aləmində ravvin rolunda olan *Ragman*ın antoqonistidir.
Psixologiyada: *Qolem effekti* *Piqmalion effekti*nin tərsidir və ətrafdakılar tərəfindən az güvənilən birisinin performansının ona uyğun olaraq zəiflədiyini bildirir.
"Rats" adlı mahnıları ilə tanıdığım qrup. Mahnının sözləri xüsusilə pandemiya dövründə daha çox məna kəsb etməyə və dəyər qazanmağa başladı. Maraqlı və epik tərzləri var. Fəaliyyətdə olan azsaylı yaxşı qruplardan biridir, fikrimcə.
*Xavier Dolan*ın "*Les amours imaginaires*" filmi vasitəsilə tanış olduğum anlayış. *Alfred Kinsey*ə görə heteroseksuallıq və homoseksuallıq tamamilə ağ-qara anlayışlar deyildir və öz içlərində də dərəcələrə bölünürlər. Şkala 6 kateqoriyadan ibarətdir, "0- 100 % tam heteroseksual"dan başlayır və getdikcə heteroseksuallığın dərəcəsinin zəifləməsi ilə birlikdə ən sonda "6- 100% tam homoseksual"da tamamlanır. Kinsey şkalası son dönəmlərdə aktuallaşan *bi-curious*, *heteroflexible*, *homoflexible* kimi anlayışlarla da uyğunluq göstərir.
)