yazarların paylaşmaq istədikləri şeirlər

Axı dünya fırlanır

Vaxtın dəyirmanında daş əridi, qum oldu,
Tarixə atdığıımız qayıtdı, lüzum oldu.
Dünənin həqiqəti bu gün tərs yozum oldu,
Niyə də yozulmasın, axı, dünya fırlanır.

Çox ovlaqlar içində çox ovları ovladım,
Aşıb-daşan arzumu mən artıq cilovladım.
Mən atamı ötmüşəm, məni ötür övladım,
Bu, belə də olmalı, axı, dünya fırlanır.

Dünən düz sandığımı bu gün əyri sanıram.
Bəzən olur, özümdən özüm oğurlanıram.
Hər il başqa arzunun başına fırlanıram,
Niyə də fırlanmayım, axı, dünya fırlanır...

Çox əyilən görmüşəm, əyilməyən başları.
Sular duruldu, gördük dibindəki daşları
Ünvanmı dəyişdi dünənin alqışları;
Niyə də dəyişməsin, axı, dünya fırlanır...

Necə dönür bu dövran, necə dönür bu gərdiş,
Tazılarm üstünə dovşanlar da gülərmiş.
Dünya bina olandan hər şey dəyişilərmiş,
Dəyişməsin neyləsin, axı, dünya fırlanır.

əbədini dünyada mən əbədi sanmadım,
Bir atəşə tutuşdum, min atəşə yanmadım,
Bütlər gəldi və getdi, birinə inanmadım
Niyə inanmalıyam, axı, dünya fırlanır.

Fırlandıqca bu dünya, yox da dönüb var olur,
Quruyan çeşmələrdən sular yenə car olur.
Bu dünyanm xeyri də, şəri də təkrar olur,
Niyə təkrar olmasın? Axı, dünya fırlanır.

Min-min illər bu dünya beləcə fırlansa da,
Bir yuvanın bülbülü min budağa qonsa da,
Aylar, illər, fəsillər bir-birini dansa da,
Dəyişməzdir əqidəm, çox da dünya fırlanır,

Nə qədər istəyirsə, min o qədər fırlana,
Qarşıma gah şər çıxa, gah xeyir dığırlana.
Çərxi-fələk istəyir lap dolana tərsinə,
əqidəmi heç nəyə dəyişmərəm mən yenə.

sevgi

biz aşiq olanda ola bilər ki sevdiyimizi düşünək.amma o insanı nəzərə alanda,görəndə o sevgidir artıq.sən səhv edə bilərsən,nəyisə unuda da bilərsən,amma sən o insanı nəzərə almağı seçirsən bu yolda."bunu etsəm inciyə bilər və mən bunu istəmirəm"deyirsən.dəyər verirsən çünki.amma biz aşiq olanda eləcə maraqlana bilərik,gözümüz bəzi şeyləri görməyə bilər və biz o insanı nəzərə almağı unuda bilərik,çünki daha çox "əldə edim" düşüncəsində oluruq.sevgi isə ayrıdır.sənə sübut lazım olmur,nə söz,nə hədiyyə.o insanı görə bilirsən həqiqətən.təkcə qarşı cins yox,ailəyə də aiddir bu.deyəsən sevgini indi kəşf edirəm.anidən yaranan yox,zamanla güclənən bir şey.hiss deyil,təkcə hisslərdən ibarət deyil çünki.ifadəsi çətindir.mən ailəm timsalında öyrənirəm bunu.yaxşı ki deyirəm.çünki artıq nəsə axtarmıram.möcüzəvi bir şey gözləmirəm.o ən gözəl şeydir.

təkcə mənmi edirəm deyə düşünülən şeylər

qarşımdakı insanın fikrinin səhv olduğuna nə qədər çox əmin olsam bir o qədər çox diqqətlə qulaq asıram, başımı yelləyirəm. dedikləri mənə görə qram doğru olmasa da, düşünürəm ki, mənasızdır sözünü kəsib nəsə demək. məndən fikrimi soruşsa deyərəm. bəzən də insanlara eşitmək istədiklərini demək lazımdır. səndən söz soruşanda gözləyir ki, sadəcə təsdiqləyəsən, o baxışlar danışır ki "düz deyirəm həəə?". qarşılıqlı oyundur bir növ. həmişə etmirəm təbii ki. öz fikrimi deyirəm bir çox halda. amma bəzi hallarda məncə lazımdır. hər nə qədər manipulativ davranış olsa da.

sözaltı günlük

sözün əsl mənasında peşmanlıqla doluyam keçmişdə verdiyim qərarlara görə.əvvəllər düşünürdüm ki,əsas dərs çıxarmaqdır səhvindən,əsas sənə nəsə öyrətsin.amma indi görürəm elə deyil,bəzi səhvlər elə yaxandan yapışır ki.o qərarları verəndə doğruluğuna elə inanırsan ki.indi o qərarlar məni mübarizə aparmağa vadar edir. bu peşmanlığın bir xeyri yoxdur. insanlar səhv etdiyimizi asanlıqla görür,amma biri necə düzəldəcəyimizi demir,yanımızda olmur.həmişə istəmişəm səhv də olsa,düz də olsa hər ikisinin cəzasını mən çəkim,deyəsən elə çəkirəm.ümid edirəm üzüağ çıxaram bu vəziyyətdən.ümidsiz səslənə bilər,amma daha güclü hiss edirəm və hər zamankı kimi ümidliyəm.

linkedin

heç sevmədiyim ortamdır.təbii ki faydaları var.bir çox insana iş tapmaqda kömək olur.o vaxt kiber təhlükəsizlik üzrə kursa gedəndə ilk gün müəllim dedi "açırsız linkedin ora yazırsız cyber security student".elə o vaxtdan adım olub elə.connections hamsı o sahədəndi.indi özüm mühasibat üzrə gedirəm.bilmirəm silim onu ya əlavə edim bunu.
orda da bir iki lab işləyən kimi hamı paylaşır.o ortama girəndə insan elə geridəqalmış hiss edir.bəlkə yarıda qoymağıma səbəb o da olardı.düzü gördüm mənə görə deyil o sahə.əslində mənə görədi amma osint hissəsi.çox bilik tələb olunurdu çətin gəldi axırda kursda sonuncu imtahana girmədim qaldı elə.nəysə ağlımda hüquq oxumaq da var.görəsən axırda nə olacam deyə hər gün düşünürəm.məncə heç nəyi silməyim 2ni də əlavə edərəm linkedinə.

sevgi

"Bir gün anlayacaqsan ki, bütün bu ehtiras, ağrı, qəzəb və emosional yelləncəklər heç də sevgi haqqında deyilmiş... Onlar sadəcə əhəmiyyətli birindən uzaqlaşmaq, ayrılmaq (separasiya olunmaq), böyümək və özünü tapmaq cəhdi imiş.
insanın "güclü sevgi" kimi hiss etdiyi şey əslində çox vaxt sevgi olmur. Münasibətdə çoxlu ağrı, gərginlik, qısqanclıq və davamlı emosional dalğalanmalar varsa, bu, çox dərin bir hiss kimi hiss oluna bilər, amma əksər hallarda bu, sevgidən çox insanın daxili mübarizəsidir." Bir psixoloq tərəfindən yazılmış yazıdır.
Hər zaman düşündüyüm şey bu idi.Bu mübarizəyə "sevgi"adı vermək.Ona görə deyirəm ki,indiyə kimi heç kimi sevməmişəm.Özüm özümlə mübarizədə olmuşam.Sübut etməyə çalışmışam özümü özümə.Nəsə yolunda getmir kimi hiss etmişəm həmişə. Mən bunların heç birinə sevgi adını verə bilmərəm.Bir gün həqiqətən özümlə tam olsam onda həqiqətən aşiq olaram sevgini hiss edərəm. Biz sanki özümüzə sübut etməyə çalışırıq ki,biz sevirik və o bizi sevir.Və inanıram ki, bunun üçün insanlar hər şeyi edər.Maşın,pul və bir çox hədiyyələr.illər verə bilər.Amma sonda ayrıla bilərlər.Bəs adı nədir desələr.Bilmirəm sevgi olmadığına isə əminəm.Kimsə buna sevgi adın verirsə özü bilər.insanlar o insan üçün bütün həyatlarını qurban verir,özlərini fəda edir,hər şeydən keçir ve nəticədə "lüt" qalırlar.özlərindən də uzaqlaşırlar.Məncə bu sağlam olmayan sevgi adı verilən qarışıq hisslər insanı yerə vurur,süründürür,özündən uzaqlaşdırır,amma ele bir uzaqlaşma olur ki, gözünü açsan görməyə çalışsan onda özünə də bir o qədər yaxın olacaqsan,acizliyini qəbul edəcəksən.bəli bu "sevgi" həm də bir lütufdur ki görək özümüzü,amma biz nə qədər burada itsək nə baş verdiyinə həqiqətən baxmasaq elə bu yolda azacayıq,münasibətdən münasibətə sürüklənəcəyik.ümid edirəm hər kəs bir gün sevgini tapar və bu yolda daha az fədakar olar,daha az insanların hissləriylə,özümüzlə oynayarıq.içimizdə baş verən hissləri,yaşanmışlığı dəyərsizləşdirmək istəmirəm,bu hər kəsə aid deyil təbii ki.Bizi pis insan da etmir,normaldır.Günahlandırmaq üçün də paylaşmıram,sadəcə müşahidə etmək üçün.Məncə bunu müşahidə etmək bizə daha çox kömək olar,nəinki elə bu saat münasibəti bitirmək.Çünki sən artıq bunu biləndə görürsən ki sən bura aid deyilsən,bir gün gedəcəksən,indi gedə bilmirsənsə də dua edərsən ki,Allah səni xilas eləsin.
Çıxıb getmək həqiqətən asandır,amma sən buradan "götürəcəyini",lazım olanı qoyub getsən ya bura yenə qayıdacaqsan ya başqa bir münasibətdə tapacaqsan özünü eyni halda.
Bunları yazmağımın səbəbi özümə xatırlatmaqdır daha çox.Nələrisə yazıya tökməsəm içimdə dolub-daşır,itirəm orada.Bəzən mən də unuduram,darıxıram.Amma bunları xatırlayanda xilas olmuş kimi hiss edirəm.

xoşbəxtlik

hal-hazırda elə xoşbəxtəm.ancaq gülürəm istəmsizcə.qorxduğum,qaçdığım o şeyin üstəsinə getdim.və o qədər də qorxulu olmadığını öyrəndim.sevincdən ağlaya bilərəm.sanki aylardır məni narahat edən,boğan şey bu imiş.azadam sanki.insan üzləşməyəndə lap qorxur birdən nəsə olar deyə,üzləşəndə isə artıq rahatlaşır.bəlkə nəticələr bir az pis çıxacaq,amma mən onları qaldırmağa gücüm var artıq,qaçmıram.əslində yaxınlarıma,dostlarıma deyə bilərdim,amma özüm həll etməyə çalışdım,kiməsə görə adi,mənə görə böyük şeydir.o qədər xoşbəxtəm ki.bu addımı atmayandan əvvəl içim içimi yeyirdi,birdən çox pis olar deyə.hər cür ssenari qurmuşdum.indi azadam.günlərdir sanki nəfəsim kəsilir,nəfəs ala bilmirəm,nə qədər yoga,meditasiya edirəm,ancaq elə rahatlayırdım.indi sanki rahatam.çiynimdən bir yük qalxdı.içimizə atdığımız hər bir şey nə cür olur olsun qabağımıza çıxacaq bir gün.ona görə üzləşməkdən başqa çarə yoxdur.heç kimə bunu deyə bilmirdim,sadəcə bura yazım dedim.bir tək bu günlərdə yanımda olan gemini'ə təşəkkür edirəm.