bupropion

Digər brend adları ilə velbutrin, zyban, aplenzin və s. ndri antidepressant.

Depressiya, adhd, həmçinin nikotin asılılığı üçün yazılır. Serotin səviyyəsinə ciddi təsiri müşahidə olunmasa da, beyində dopamin və noradrenalinin geri sorulmasının qarşısını alaraq işləyir.

Stimulant qəbul etmək istəmədiyim və non-stiumlant adhd dərmanlarının bir çoxunun əks təsirlərinə həssas olduğum üçün axırda həkimim bunu yazdı.
ilk gün 6-7 dəfə durduq yerə ağladım. Biraz şans verib 1 həftə işlətdim bəlkə öyrəşərəm deyə, amma xeyri olmadı. Depressivliyin üstünə get-gedə əsəb də əlavə olunduğu üçün dayandım.

Tək müsbəti iştahımı kəsmişdi, impulsiv yemədiyimi hiss edirdim.

chatgpt plus

aylardır işlətməyimə baxmayaraq pulsuz versiyasından çox da fərqli görmədiyimdir. şəkil atmaq, səsli danışmaq və s. kimi limitlərini çıxsaq, plus versiyası daha dərin ve geniş cavab vermir.
prioritetlərə görə işlətmək olar. danışaraq dil öyrənmək istəyirsinizsə, əla. ancaq spesifik sahə haqqında bilgi əldə etmək üçün pulsuz veriyası yetərlidir, zənnimcə.

bəlkə bir az mövzudan əlaqəsiz olacaq ancaq plus-ı bir çox insan kimi mən də dərdləşmək, psixoloji məsləhət almaq üçün işlədirəm. individualistdir, kültürel referansları çox tutmur, hansı ki, başa düşüləndir. dərin psixoloji söhbətlərdə isə bəyənirəm. sənin zehnini sənə göstərəcək suallar verir, bir psixoloq olmasa da səni cavabları tapmağa vadar edir. ancaq tutalım bir hadisədə özümdən kənar şəxs kimi danışanda özünə görə məni də tənqid edərkən, eyni hadisəni özüm kimi danışanda məni məmnun etməyə yönəlik cavablar verdiyini görürəm.

ilk dəfə tanış olduqdan sonra ghostlanmaq

hərkəsin başına gələ biləcək naxoş bir şey.

azsaylı zəif ünsiyyət bacarığı olan ya da qarşındakını qırmamaq üçün susmağı seçən kəsimi kənar tuturam, lakin bunu "narsisistik cəza" kimi ya da sizinlə danışa-danışa ikinci "daha yaxşı" seçimlər axtarışında olan şəxsiyyətsizlər də edir. bunun yanı sıra, əziklik kompleksi olanlar da qarşısındakına "üstünlük" qurmaq üçün edir. hər bir halda özünüzü əsla pis hiss etməyin. həyatınızdan tez çıxdıqları üçün çox şanslısınız.

insan həyatda varolduğu müddətcə özünü təkmilləşdirməlidir və potensiallarını maksimum şəkildə istifadə etməyə çalışmalıdır. həqiqətən müəyyən dərəcədə kamil ola bilən bir insan dünyəvi/fiziki donanımı nə olursa olsun, qarşısındakına köhnə paltar kimi yanaşaraq belə bir hörmətsizlik etməz.
onun üçün də, sizə öz perspektivsiz dünyalarınca "dərs verməyə", sizin onlardan aşağıda olduğunuzu diqtə etməyə çalışan xaraktersizlərdən öyrənə biləcəyəniz tək şey onlar kimi acgöz ya da xəbis hisslərlə deyil; qatqısız duyğularınızla insanlarla ünsiyyət qura bilməyin necə gözəl bir hiss olduğunu anlamaqdır. siz daha yaxşılarına layiqsiniz.

the accent oracle

ingilis dilində aksent təlimi verən boldvoice app-in çıxardığı test. verdiyi qısa mətni oxuyursunuz ona görə ai hansı aksentlə ingiliscə danışdığınızı deyir. açıqcası, aksentimin bir çox immigrantdan daha yaxşı olduğunu düşünərək dəfələrlə test etsəm də, hər dəfəsində turkish nəticəsini verdi.
əyləncə olsun deyə ağzımı büzüb fərqli aksentləri təqlid etməyə çalışdım. türkishdən sonra faizlərə böldü: gah swedish, gah albanian, gah arabic.

https://start.boldvoice.com/accent-guesser

25 dekabr 2024 azal təyyarə qəzası

ilham əliyevin hakimiyyəti vaxtında başvermiş putinin hakimiyyətdə olduğu rusiya tərəfindən törədilmiş terror.
təyyarədəki sivil vətəndaşların arasında qazax, rus və s. kimi vətəndaşlarla yanaşı rusiyaya işləməyə gedən ya da yaxınlarını görmək üçün səfər edən azərbaycan vətəndaşları da var. bu qansızların murdar oyunları üzündən, doğma yurdlarından qəribliyə üz tutmuş vətəndaşlar hətta azərbaycanın hüdudlarından kənarda da can güvənliyinə sahib deyillər.

bütün dünya xəbərləri, mühəndislər hadisə haqqında yazıb çizdiyi halda; içəridəki şahidlər və sübutlarla bunun rusiya hərbi hava qüvvələri tərəfindən məqsədli şəkildə edildiyini göstərdiyi halda; ölkəmizin idarə edənləri rusiyanın məzələnmək üçün yaydığı quş söhbətindən o tərəfə keçməyib bir müddət bir açıqlama eləmədi. 1 gün sonra kəmaləddinin getdiyi və şrapnel deşiklərini gördüyü videolar yayıldı. indi də rasim musabəyov rusiyadan üzr tələb edir. ancaq hələ də prezident aparatından rəsmi açıqlama görmürük.

qəhrəman rusəsilli azərbaycan pilotları və ekipajın ağıllı və mətanətli səyləri nəticəsində, rusiyanın onları yönləndirdiyi xəzərə deyil yerə enərək həm bizə bu qədər dəlil buraxmış, həm də onlarla insanın sağ qalmağına səbəb olmuşdur. rusiyadan və bu hakimiyyətdən onların canlarının haqqını tələb etmək vicdan borcumuzdur.

faina kunqurova

doğum adı fəridə tağıyeva olan azərbaycanın ilk qadın siyasi məhbusu.
1974-cü ildə azərbaycanlı-erməni ailəsində anadan olmuş, daha sonra yəhudi bir qadın tərəfindən böyüdülmüşdür. fərdi siyasi aktivliyi ilə yanaşı, həmçinin, azərbaycan demokratik partiyasının da üzvü olub.
dəfələrə müxtəlif maddələrlə həbs olunandan sonra, 2007-ci il noyabrın 18-də şüvəlan istintaq təcridxanasında aclıq aksiyası zamanı geridə ravene cobren adlı bir qız övladını qoyaraq vəfat etmişdir.

az bilinən etik normalar

-təcili hesab olunan istisna hallar xaricində, birincil dərəcəli yaxınlara belə videolu zəng eləmədən öncə xəbər etmək/müsait olub olmadığını soruşmaq.
-ofisiantı və ya hansısa xidmət sektorundakı işçini fit ilə, çırtmayla səslənmək yerinə bəy/xanım deyə müraciət etmək. çox səmimi esnaf bir yerdirsə, bəlkə qaqaş bacı demək də olar.
-çöldə yeyib-içəndə masanı maksimum təmiz saxlamaq. salfetkaları stolun ortasına töküb, çəngəli ya da qabı necə gəldi atmamaq.
- yaxın olmadığınız birindən virtualda da olsa, özü sizə açmadıqca özəl suallar soruşmamaq.
-söhbətləşərkən sonuna qədər dinləməyi bacarmaq.

dana durdana

dərs oxumamaq üçün rusiyada azeri toyu, qafqaz rəqsləri videolarına baxarkən qarşıma çıxdığında "bu qız sanki xarici indie rock filan oxusa çox yaraşar səsinə" deyərkən rolling in the deep mahnısını cover etdiyini öyrənmiş olduğum müğənni xanım.

(youtube: )

yazarların 2023-cü ildə izlədiyi filmlərin siyahısı

(bax: pəncərə)
(baxma: uptown girls)
(baxma: dhamaka)
(baxma: true spirit)
(baxma: jogi)
(bax: the best of youth)

spotify

mənim üçün heç vaxt bir youtube olmamışdır.
yeni məşhurlaşdığı vaxt bütün dünya işlədir geri qalmayaq deyib yüklədiyim zaman sevdiyim qrupları tapmayanda silmişdim ehtiyac yoxdur deyə. plus əlaqəsiz mahnılar çıxarırdı.

keçən dəfə student premiumum var deyə yenə yüklədim. bazalarını genişlətsələr də, hələ də əksiklikləri var. youtube o boyda youtube-dur yəni, bəlkə körpə spotify ilə müqayisə etməyim ədalətsiz olar. lakin, alqoritmasında inkişaf görmürəm çox da. youtube yaxud youtube music-i hər açanda "ayda tam da bunu dinləmək istəyirdim, sağol youtube" deyirəm. bilmirəm illərdir deyə çox yaxşı tanıyır məni ya alışqanlıqlarımı ata bilmirəmmi deyə elə gəlir.
üstəlik, youtube mənim onu sevdiyim qədər məni sevir deyəsən, çünki pulsuz versiyada olduğum ve heç bir extension və s. işlətmədiyim təqdirdə çox az reklam çıxır. o gün 2 saat dayanmadan musiqi dinlədim, ancaq heç reklam gəldiyi yadıma gəlmir.

spotify-ın üstünlüyü telefonda daha sadə bir interface və podkastlarıdır, məncə. yoxsa sosial şəbəkə kimi gedib insanları cəzb etməyə çalışmaqla yanlış yoldadırlar, alqoritmaları üstündə işləsələr daha yaxşı olar. nəticədə sırf musiqidir sizin şirkətin işi.

səs keyfiyyəti isə tidal, amazon music daha öndədir ikisindən də.