ilk dəfə tanış olduqdan sonra ghostlanmaq

hərkəsin başına gələ biləcək naxoş bir şey.

azsaylı zəif ünsiyyət bacarığı olan ya da qarşındakını qırmamaq üçün susmağı seçən kəsimi kənar tuturam, lakin bunu "narsisistik cəza" kimi ya da sizinlə danışa-danışa ikinci "daha yaxşı" seçimlər axtarışında olan şəxsiyyətsizlər də edir. bunun yanı sıra, əziklik kompleksi olanlar da qarşısındakına "üstünlük" qurmaq üçün edir. hər bir halda özünüzü əsla pis hiss etməyin. həyatınızdan tez çıxdıqları üçün çox şanslısınız.

insan həyatda varolduğu müddətcə özünü təkmilləşdirməlidir və potensiallarını maksimum şəkildə istifadə etməyə çalışmalıdır. həqiqətən müəyyən dərəcədə kamil ola bilən bir insan dünyəvi/fiziki donanımı nə olursa olsun, qarşısındakına köhnə paltar kimi yanaşaraq belə bir hörmətsizlik etməz.
onun üçün də, sizə öz perspektivsiz dünyalarınca "dərs verməyə", sizin onlardan aşağıda olduğunuzu diqtə etməyə çalışan xaraktersizlərdən öyrənə biləcəyəniz tək şey onlar kimi acgöz ya da xəbis hisslərlə deyil; qatqısız duyğularınızla insanlarla ünsiyyət qura bilməyin necə gözəl bir hiss olduğunu anlamaqdır. siz daha yaxşılarına layiqsiniz.

the accent oracle

ingilis dilində aksent təlimi verən boldvoice app-in çıxardığı test. verdiyi qısa mətni oxuyursunuz ona görə ai hansı aksentlə ingiliscə danışdığınızı deyir. açıqcası, aksentimin bir çox immigrantdan daha yaxşı olduğunu düşünərək dəfələrlə test etsəm də, hər dəfəsində turkish nəticəsini verdi.
əyləncə olsun deyə ağzımı büzüb fərqli aksentləri təqlid etməyə çalışdım. türkishdən sonra faizlərə böldü: gah swedish, gah albanian, gah arabic.

https://start.boldvoice.com/accent-guesser

25 dekabr 2024 azal təyyarə qəzası

ilham əliyevin hakimiyyəti vaxtında başvermiş putinin hakimiyyətdə olduğu rusiya tərəfindən törədilmiş terror.
təyyarədəki sivil vətəndaşların arasında qazax, rus və s. kimi vətəndaşlarla yanaşı rusiyaya işləməyə gedən ya da yaxınlarını görmək üçün səfər edən azərbaycan vətəndaşları da var. bu qansızların murdar oyunları üzündən, doğma yurdlarından qəribliyə üz tutmuş vətəndaşlar hətta azərbaycanın hüdudlarından kənarda da can güvənliyinə sahib deyillər.

bütün dünya xəbərləri, mühəndislər hadisə haqqında yazıb çizdiyi halda; içəridəki şahidlər və sübutlarla bunun rusiya hərbi hava qüvvələri tərəfindən məqsədli şəkildə edildiyini göstərdiyi halda; ölkəmizin idarə edənləri rusiyanın məzələnmək üçün yaydığı quş söhbətindən o tərəfə keçməyib bir müddət bir açıqlama eləmədi. 1 gün sonra kəmaləddinin getdiyi və şrapnel deşiklərini gördüyü videolar yayıldı. indi də rasim musabəyov rusiyadan üzr tələb edir. ancaq hələ də prezident aparatından rəsmi açıqlama görmürük.

qəhrəman rusəsilli azərbaycan pilotları və ekipajın ağıllı və mətanətli səyləri nəticəsində, rusiyanın onları yönləndirdiyi xəzərə deyil yerə enərək həm bizə bu qədər dəlil buraxmış, həm də onlarla insanın sağ qalmağına səbəb olmuşdur. rusiyadan və bu hakimiyyətdən onların canlarının haqqını tələb etmək vicdan borcumuzdur.

faina kunqurova

doğum adı fəridə tağıyeva olan azərbaycanın ilk qadın siyasi məhbusu.
1974-cü ildə azərbaycanlı-erməni ailəsində anadan olmuş, daha sonra yəhudi bir qadın tərəfindən böyüdülmüşdür. fərdi siyasi aktivliyi ilə yanaşı, həmçinin, azərbaycan demokratik partiyasının da üzvü olub.
dəfələrə müxtəlif maddələrlə həbs olunandan sonra, 2007-ci il noyabrın 18-də şüvəlan istintaq təcridxanasında aclıq aksiyası zamanı geridə ravene cobren adlı bir qız övladını qoyaraq vəfat etmişdir.

az bilinən etik normalar

-təcili hesab olunan istisna hallar xaricində, birincil dərəcəli yaxınlara belə videolu zəng eləmədən öncə xəbər etmək/müsait olub olmadığını soruşmaq.
-ofisiantı və ya hansısa xidmət sektorundakı işçini fit ilə, çırtmayla səslənmək yerinə bəy/xanım deyə müraciət etmək. çox səmimi esnaf bir yerdirsə, bəlkə qaqaş bacı demək də olar.
-çöldə yeyib-içəndə masanı maksimum təmiz saxlamaq. salfetkaları stolun ortasına töküb, çəngəli ya da qabı necə gəldi atmamaq.
- yaxın olmadığınız birindən virtualda da olsa, özü sizə açmadıqca özəl suallar soruşmamaq.
-söhbətləşərkən sonuna qədər dinləməyi bacarmaq.

dana durdana

dərs oxumamaq üçün rusiyada azeri toyu, qafqaz rəqsləri videolarına baxarkən qarşıma çıxdığında "bu qız sanki xarici indie rock filan oxusa çox yaraşar səsinə" deyərkən rolling in the deep mahnısını cover etdiyini öyrənmiş olduğum müğənni xanım.

(youtube: )

yazarların 2023-cü ildə izlədiyi filmlərin siyahısı

(bax: pəncərə)
(baxma: uptown girls)
(baxma: dhamaka)
(baxma: true spirit)
(baxma: jogi)
(bax: the best of youth)

spotify

mənim üçün heç vaxt bir youtube olmamışdır.
yeni məşhurlaşdığı vaxt bütün dünya işlədir geri qalmayaq deyib yüklədiyim zaman sevdiyim qrupları tapmayanda silmişdim ehtiyac yoxdur deyə. plus əlaqəsiz mahnılar çıxarırdı.

keçən dəfə student premiumum var deyə yenə yüklədim. bazalarını genişlətsələr də, hələ də əksiklikləri var. youtube o boyda youtube-dur yəni, bəlkə körpə spotify ilə müqayisə etməyim ədalətsiz olar. lakin, alqoritmasında inkişaf görmürəm çox da. youtube yaxud youtube music-i hər açanda "ayda tam da bunu dinləmək istəyirdim, sağol youtube" deyirəm. bilmirəm illərdir deyə çox yaxşı tanıyır məni ya alışqanlıqlarımı ata bilmirəmmi deyə elə gəlir.
üstəlik, youtube mənim onu sevdiyim qədər məni sevir deyəsən, çünki pulsuz versiyada olduğum ve heç bir extension və s. işlətmədiyim təqdirdə çox az reklam çıxır. o gün 2 saat dayanmadan musiqi dinlədim, ancaq heç reklam gəldiyi yadıma gəlmir.

spotify-ın üstünlüyü telefonda daha sadə bir interface və podkastlarıdır, məncə. yoxsa sosial şəbəkə kimi gedib insanları cəzb etməyə çalışmaqla yanlış yoldadırlar, alqoritmaları üstündə işləsələr daha yaxşı olar. nəticədə sırf musiqidir sizin şirkətin işi.

səs keyfiyyəti isə tidal, amazon music daha öndədir ikisindən də.

community college

abş təhsil sistemində orta məktəbdən sonra sınaqsız daxil oluna bilinən, adətən, 2 ilə associate' s degree diplomu verməklə yanaşı, sertifikatlar və s. ilə də təmin edən ali təhsil müəssissəsi.

adı college olsa da azərbaycan perspektivindəki kollec deyildir. demək olar ki, bütün akkreditasiya haqqına sahib community college-ların ştat daxilində əməkdaşlıq etdiyi üniversitetləri olur və tələbələr asanlıqla dərslərini üniversitetlərə transfer edib növbəti 2 ilə bakalavr diplomunu ala bilirlər.
hətta belə ki; amerikadakı üniversitetlər kampus, sosial həyat və digər qaynaqlar baxımından zəngin olmasına baxmayaraq bəzən tələbələr həm siniflərin kiçik olmağı, həm də professorların daha "əlçatan" olmağı, həm də ucuz olmağı səbəbilə transfer oluna bilən dərsləri community college-da alıb öz üniversitetlərinə transfer edirlər.
keyfiyyət və tədris baxımından da dərsləri üniversitet dərslərinə bərabərdir.

standart tələbələr xaricində öz işi ilə əlaqəli sertifikat almaq, kariyerasını dəyişmək yaxud hobbi olaraq maraqlı gələn fənni alan 30-lu, 40-lı hətta 50-li yaşlarda çox insan görmək olar bu müəssisələrdə. bununla yanaşı, high schoolun, yəni, orta məktəbin 10-cu 11-ci və ya 12-ci sinfində yaxşı oxuyan şagirdlər istədiyi müəyyən dərsləri pulsuz götürürlər. xərcləri dövlət tərəfindən qarşılanır. bu da onların daha tez məzun olmalarına kömək olur.

beynəlxalq tələbələri asanlıqla qəbul etsə də, bildiyim qədərilə tələbə vizası daha çox üniversitetə qəbul olanlara verilir. lakin, üniversitetə qəbul olub community college-a transfer olmaqla bunu həll etmək olar.

daxili büdcəsindən ayırdığı təqaüd programları və qiymətləri üniversitetdən ucuz olsa da, yenə də dünya üzərində götürsək bahadır, xüsusilə də bir international student üçün. dərsləri az-az götürmək şansı olur arada gec məzun olmağın müqabilində.
biraz bütün community college-ları ümumiləşdirib yazdığım entry-dir. əlbəttə ki, ştata/şəhərə görə spesifik fərqliliklər ola bilər. ümid edirəm izah edə bildim. suallara açığam.

(bax: xaricdə təhsil)

cornelius fudge

qələmi ilə mənə zülfü livanelini edip akbayramı biraz da ismet özeli xatıraladan yazar, həmçinin söhbəti gözəl köhnə postdaş. necə deyərlər gözümüzün önündə böyüyüb.

hələ məktəb vaxtlarından ölkədə və dünyada baş verənlərə heç vaxt biganə qalmayıb öz şərhini qatması, hətta fərqli cəmiyyətləri belə sosial ictimai analiz etməsi ilə yazılarını həmişə maraqlı oxutdurub.
hər şey könlüncə olsun, sən ey sözlükdəki sumqayıt uşaqlarının fəxri nümayəndəsi hey!

(youtube: )

aile arasında

demet evgarın və ayta sözerinin gözəl səsini kəşf etdirən gülse birsel filmi.

cəmiyyətin "mühafizakər" vs "marjinal" sayılan iki fərqli ailə anlayışını qarşılaşdırması ilə çox orijinal bir ssenari olduğunu düşünmürəm. lakin cinsiyyətçi zarafatlar etmədən - ki bu türk komediyasında çox deyil-komediya ərsəyə gətirdikləri üçün biraz da ötürdükləri bəzi sosial mesajlara görə izləmək xoş olmuşdur. çəkimlərin olduğu məkanlar, caddələr və b. filmi rəngarəng edən xüsusiyyətlərdəndir.

belə bəlkə uğruna pul verilib kinoya gedilməz, amma bir yay axşamı tum ilə izlənilə bilər.
sifarişi verən: arnella