11 oktyabr 2020 Ermənistanın gəncəni bombalaması

azacıq ümidim vardı. bu dəfə var idi amma. heç vaxt olmadığı qədər. hər şeyin yaxşı olacağına inanırdım. onu da bu sabah bu acı xəbərlə açdığımda itirdim. lənət olsun belə hakimiyyətə,belə dünyaya,belə ədalətə! bir adam çıxıb danışmır. ilxam qəşəng barmaq sallayır,indi hanı o barmağı? hardadı bu dövlət vəzifəli adamlarım? danışın da ə! bu ölkədə deyəsən cəmi bir adama inana bilirəm,o da hikmət hacıyevə. inşallah o da yolundan dönüb azğınlaşmaz. hal-hazırda bundan sonra nə olacağı,nə ola biləcəyi haqqında heç bir fikrim yoxdu. dünya ağzına su alıb oturub. heç səs çıxaracağına da inanmırdım. çox pis vəziyyətdəyəm,ürəyim qırılıb elə bil. həyata küsmüşəm. bundan sonra olacaqlar haqqında bir fikrimin olmaması belə çox acıdır,heç rahatlıq vermir mənə. lənət olsun!

twitter

belə düzünü desəm,mən heç aztwitterin azərbaycanlıların böyük köçündən əvvəlki halını da heç bəyənmirdim. türkiyə trendiylə işləyirdim,bir sözlə elə türklər demiş,türklərlə muhattap olurdum. sonra qrup yoldaşlarım,mənim sayəmdə twitteri tanıyan sinif yoldaşılarım (hansı ki sonra məni oradan blokladı,çünki sevgi statusları paylaşan,twitterdən ancaq bu məqsədlə istifadə edən,müxalif fikirli (o da sözdə) bir xanım,tovuz döyüşlərindən sonra birdən birə yapçı oldu,məni bəyənmədi :d) və s. kimi insanların like'ladığı tvitlərin ana səhifəmə düşməsi ilə birdən birə mən də özümü azərbaycanda tapdım. peşmanam yəni,gül kimi oturmuşdum türkiyə gündəmində,nə işim var mənim tt listi belə olmayan aztwitterdə? türkiyə gündəminə baxın bir arada siz allah,görün trendə nə düşür? millət oranın sayəsində dövlət əhəmiyyətli məsələləri həll edir,siyasətə bir əl qatır,öz fikrini,təklifini,iradını bildirir. məncə bu məqsədlə istifadə olunmalıdır twitter. dünyaya səsimizi çatdırmaq üçün istifadə olunmalıdır. məsələn,ayın 6-da aldığımız nəticə ilə qürur duyuram,yaxşı ki elədim,dünyada tt olduq,erməni yalanlarını çatdırmağa çalışdır kendi çapımızda. amma o sırada belə ana səhifəmə düşüb ki,bəs qızlar twitterə girməsin. və bununla bağlı tvitlər. elə onda dedim ki azərbaycanlıları səssizə atmanın zamanı gəldi də keçir...

4 oktyabr 2020 xızı və abşerona raket atılması

yanımıza düşən roket. mən də deyirəm bu gumbultular nədi. məqsədi hamıya bəllidi,panika zad söhbəti də deyil,rusiya deyib ki,qarabağ daxilindəki məsələlərə biz qarışmarıq,müharibənin əhatəsi genişlənərsə,bəlkə kömək edərik. ona görə də var güclə müharibə ərazisini genişləndirməyə çalışırlar ki,rus girsin əraziyə. amma əgər elə bir şey olarsa,bu hikayede yanan rusiya və ermənistan olacaq. çünki rusiya zamanında çox ölkəyə dağ çəkib. ukrayna,moldova,amerika,türkiyə və s. digər bizi dəstəkləyən ölkələr əvəz çıxmağa fürsət tapacaqlar,bir də o tərəfdən pakistan girsə fso,necə deyərlər xışlayıb keçərlər erməniylə rusun üstündən. yenə bizə bir şey edə bilməzlər amma ki bu olası olaylar olacaqsa 3-cü dünya müharibəsi deməkdir. nəysə,sovetdən qalan roketlərini hara istəyirlər atsınlar heç vejjimizə də döyül

ilham əliyev

əli qolu gözümə girdi az qala dünən -*
əl qol hərəkətlərini paşinyanın bir çıxışına,sözlərini erdoğanın çıxışına bənzətdim. çıxışına söz demirəm,yaxşı danışdı,yenə yuxarıda qeyd olunduğu kimi,möhtəşəm deyildi və biz bu çıxışa ac idik,və ya istədiyimiz şeyləri eşidirdik deyə bu qədər yaxşı gəldi qulağımıza. amma təəccüblü bir şey deyildi,çünki bu sözlər deyilmək üçün,bu işlər görülmək üçün çox gecikmişdi. düzdür,ilxamdan zəhləm getsə də,bu dövrdə iqtidarı müxalifəti hamımız yumruq olmalıyıq,başçının ətrafında birləşməliyik,yoxsa olan bizə olacaq. ona görə bu sıralar siyasətini dəstəkləyirəm amma kaş ki həmişə belə operativ işləyələr bizi idarə edənlər,kanallarımız da həmçinin. bunlar hamısı bir qırağa,dəstəkləyirik iyi hoş da,bu ətrafımızdakı sonsuz sabunları da görmüş oldum,vallah bezdim bu düşük yaltaqları görməkdən ürəyim bulandı yeter be! əvvəl yıxıb sürüyənlər indi cənab prezident belə gəldi,möhtərəm möhtəşəm mötəbər ali baş komandan elə getdi.. biz də dəstəklədik amma bir az yavaşlayın,elə dönürsüz,baş qalmır adamda. bir də unutmayın ki,orada qan töküb torpaq alan hərbiçilərimiz,əsgərlərimizdi.
allah hamıya kömək olsun!

27 sentyabr 2020 şəbəkələrin bloklanması

mən elə bilirdim,internetin getməsi ilə bütün ölkə telefonu qoyub qırağa,sosial şəbəkələrin də istifadəçisi yoxdu. sən demə hamı internetdəymiş,mən yatmışam fil qulağında. hal hazırda bərpa edilib. doğru addım idi bu bloklanma. çünki iyul döyüşləri zamanı o 4 günlük müharibədə internet üzündən həyatdan küsmüşdüm. yaxşı ki bloklandı amma yenə də xəbər qıtlığı ürək qoymadı məndə. hər an real tv-nin qabağında,televizora kilodlənmiş şəkildə,eyni xəbərləri də eşitməkdən hamısını əzbərləmişəm. real tv-yə də baxdımsa artıq mənə zaval yoxdu -* nəysə,vətən sağ olsun,biz internetsiz qalsaq da olar.

türklərin sevilməyən cəhətləri

bizim dili öz dillərindən fərqli hesab edirlər. mənim danışdığım türklər çalışırlar ki bizim dildə danışsınlar,onlara maraqlı olan şeyləri tez tez soruşurlar bizim dil ilə bağlı. lağ etməyiblər heç vaxt amma bir az çətin başa düşdüklərini deyirlər,bu da heç vaxt bizim qədər azərbaycan filmlərinə,seriallarına,kanallarına baxmadıqlarındandır. mən onlara bizim musiqilərdən tövsiyyə edirəm,onlar dinləyir və bəyənirlər yəni. dilimizi öyrənməyə maraqlıdırlar (mənim tanıdıqlarım). bizim də təbliğatımız onlarınki qədər güclü olsa,biz də onların yanında "ay,birdən dediyimi başa düşməz,qoy onların dilində danışım" qayğısı çəkmədən rahatca azərbaycan türkcəsi ilə danışa bilərik.
bir də yuxarıdakı entry'lərin birində azərbaycan türkü ifadəsini tənqid edənlər olub. o ifadədəki türk sözü türkiyə ilə bağlı deyil. biz hamımız eyni soydan gəlirik. hamımız türkük. onların ölkələrinin adının tərkibində türk olması onları əsl türk,bizi də onların törəmələri etmir. bizi də vaxtında ərəblər istila etməsəydi,bəlkə bizim də adımız azərbaycan olmazdı amma,biz hal-hazırda türk soyundan gəlirik və azərbaycan türkləriyik. ona görə də bizə azərbaycanlı deyil,azəri deyil,azərbaycan türkü deyə müraciət olunmalıdır. çünki dünyanın heç bir yerində coğrafi addan yaranan bir milliyət adı yoxdur və olmamalıdır. bu da zamanında stalinin zibilləridir. sonrakilər də düzəltmək əvəzinə vurub göz çıxardıblar ki,milliyətimizdə türk yox,azərbaycanlı yazılıb. nəysə,çox uzatdım,anladınız siz.
türklərin ən sevmədiyim cəhəti erdoğandır :d o milləti o günə o adam qoyub,bəlkə heç nə bu cür olmayacaqdı erdoğan olmasaydı.

distant təhsil

bu gün bilik günü idi. daha doğrusu dünən -* (saat 00:00-ı keçib) universitetdən dedilər ki,bəs bu gün dərs keçiləcək. hazırlaşıb,həyəcanla noutbukun qabağına keçib dərsin başlamasını gözləyirdim. baxıram ki,bu proqramda dərs qeyd olunmayıb. bəs biz haradan daxil olaq dərsə,nə edək filan deyərkən,o sırada xəbər gəldi ki, teams proqramında dərsləri qeyd edən müəllim xəstəxanadadı,bu gün işə gəlməyib,ona görə də dərs qeyd olunmayıb. demək işə bax,o boyda universitetdə bu işə baxan cəmi 1 nəfər var,o da ağlına gəlməyib ki,bu işi 1 həftə,3 gün qabaqdan görüm ki,sonra dərs vaxtı problem olmasın. o da olmayanda fakultədə dərs dayanıb,yoxdu. 1 gün də belə boş yerinə getdi,həm bizim vaxtımız,həm də həyəcanımız və marağımız. dedik,bəlkə əvvəlcədən hər şey təcrübə edilib aydın olduğuna görə bu dəfə hər şey daha ciddi və doğru dürüst yerinə yetirilər. ilk gün göstərdi ki,biz hələ də və hələ də distant təhsilə uyğun deyilik.