#karma xalı
yeni ayın ilk dəqiqələrində -7 -yə düşməsi ilə məni şoka salan və bi miqdar da üzən sözlük şeysi. tamam, bilirəm, fevral ayı çox da aktiv olmadım amma mənim suçum deyil kii,dərslər izin vermir, bir az insaf,bir az anlayış ya ( gözləri dolmuş emoji)
spotify
ən son vpnlə girdiyimi anlayıb hesabımı bloklamışdı. spotifyın mənim üçün nə qədər önəmli olduğunu deezera möhtac qalanda bildim. o zamanlar stipendiya kartımın vaxtı bitmişdi deyə premiumunu ala bilmirdim. deezerın reklamı hələ də qulaqlarımda çınlayır. tam bir travma. hələ də aşa bilmirəm onu. gül kimi vpnlə də olsa işlədirdim spotifyı, free hesab olsa da işimi görürdü, yeni nə qədər mahnı dinləyirdim, alqoritm çox yaxşı işləyirdi. sonra deezerın reklamları və tez-tez error verməsi sayəsində heç bir şəkildə girmək və görmək istəmədim deezerı. dizaynı, podcastlarının demək olar ki olmaması məni o qədər sıxırdı ki. sonra bir sürü musiqi platformasına baş vurdum, amma heç biri də bir neçə aylıq free hesab üçün tələbatımı ödəmədi. apple music premium alacaqdım bu ərəfələrdə. yenə kartla bağlı 1 aydı hələ də həll edə bilmədiyim problemlər yaranırdı. spotifyın azərbaycana gələcəyi xəbərini eşidəndə sevindim amma xəbəri indi veriblərsə, azı 1 ilə də gəlib çıxar bura dedim. hər şərdə bir xeyir var dedikləri bu olsa gərək. yaxşı ki almamışam appleı. indi spotifyın premiumunu alacam. səhər qalxanda spotifyın gəldiyi xəbərinə sevincimdən uçurdum. o sevinc bir gün bəs elədi mənə. yoxsa youtubedan musiqi dinləmək çox çətin şeydir. musiqi üçün hər şey deməkdir spotify. digərləri ona çata bilmir. xoş gəlib, səfa gətirib. musiqi sektorumuza xeyir gətirməsi diləyi ilə.
günlərdir,bu barədə ağzımı açmaq istəmirəm,çünki aça da bilmirəm. ətrafımdakı çürük təfəkkürlü beyinsiz insanları analiz etməklə məşğulam. sadəcə uzaqdan. linkini buraxdığım video bütün duyğularımın qısa özetidir. deməyə çox söz də tapa bilmirəm onsuz,təəccüblənməməklə yanaşı,nədənsə böyük bir qırğınlıq da yaşayıram insanlara qarşı. başqa sevillər qurtulsun yetər...
rest in peace, sevil.
14 fevral
sevgilisi olmayanların inkar etməyə çalışdığı gün. (belə edəndə də özlərini cool filan hesab edirlər) bir də bu ildən 'bu sevgisi nakam qalan şəhidlərin günüdür' deyən like ovçuları da çıxdı. nə bilim e,bilmirlər necə hype tutsunlar.
aşk 101
hər bu serialın adını görəndə ürəyimə bir ağrı girir,keçən ilin aprel ayında yaşadığım sinir krizlərini xatırlayıram. serialla bərabər bir mor ve ötesi mahnısı ifşa olmuşdu deyək : 'daha mutlu olamam'. qəşəngcə pis olmuşdum, səbəb də birdən-birə klipin altına gələn şərhləri gördüyümdə həyatdan soyuma hissi idi. ərgən tayfa doluşdu şərhlərə anidən, 'mert yazıcıoğluna düşelim', 'sinana aşığım' filan tipli qıcıq cümlələr. biz klipə baxanda illərdir haruna,burak'a,keremlərə düşürdük,bunlar gəlib düz 19 il sonra o gözəlim mahnını tap,sonra da altına 'aşk101'den gelenler like atsın' və ya aktyorlar haqqında şərh yaz. mor ve ötesi də bu durumdan məmnun idi ki,19 il sonra mahnı dəyər qazandı amma qısa müddətli olacağının fərqində deyildilər deyəsən. bəli, netflix'də xarici ölkələrdən bu serialı izləyənlər o soundu tutub bəlkə qrupu araşdırdılar,bəlkə qrup da buna sevinirdi amma ki, mağara insanı kimi gəlib şərhləri boş-boş zir-zibil ilə zəbt edən ərgən tayfaya hələ də qıcığam. serialın da sırf daha mutlu olamam çalan bölümünü izlədim. ona da izləmək deyilərsə. çünki o qədər səviyyəsiz gəldi ki mənə. obrazların nitqlərində normal söz yoxdur. nəyisə də insanlara çatdırmaq məqsədləri olmadığını düşünürəm artıq. deyəsən 33 dəq idi həmin bölüm,o qədər uzun gəlmişdi ki mənə,dözə bilməyib tez-tez keçirdim. sıradan türk serialı da deyə bilərəm.
25 yanvar 2021 şəhid ailələrinin etirazı
səhv etmirəmsə,ayın 25-dən başlayan etirazdır. o qədər əsəblərim korlanır ki, hər yerdə qabağıma çıxan o videolara risk edib baxa da bilmirəm. şəhid ailələri çöllüklərdə pis şəraitdə dəfn edilən övladlarının məzarlarının yerinin dəyişdirilməsi, şəhidlər xiyabanında və ya daha yaxşı yerdə dəfn olunması üçün aidiyyatı qurumlara dəfələrlə müraciət etdiklərini deyirlər. nəticə də hər zamankı kimi bəllidir. onların səsini duyan yoxdur. hətta hədd o qədər aşılıb ki, xəzər tv bu barədəki reportajında şəhid ailələrini "bir qrup təxribatçı" adlandırıb. yəni bu ölkədə haqqını tələb elədin və ya sözünü demək istədin (ki bunlar hamısı dövlətin siyasətinə ziddir) demək ki təxribatçı qrupsan. mən bu dövlətdən müharibə sonrası bundan fərqli və bundan başqa bir şey gözləmirdim. müharibə vaxtı ilhama ölənlər,bitənlər,ona video hazırlayanlar, bizim boss'dan yoxdur deyənlər. nə oldu? bu yerdə bu mahnı ilə özümü sakitləşdirirəm,istərdim sözlərinin bir qismini sizinlə də paylaşım:
"...ne yazık farkeden hiç birşey yok.
ah, onlara kızmayın
onlar farkında değil."
20 yanvar 1990-cı il hadisələri
uzun illərdən sonra ilk dəfə 20 yanvarın səbəbkarları düz ürəyimizin üstündəykən şəhidlər xiyabanına gedib 1990 hadisələrini yad edirik. heç vaxtmı dərs almayacağıq,mənə çox maraqlıdır. hələ yazanlar var ki, "şəhidlərimizin yanına ilk dəfə başı dik gedəcəyik". hə, deyəcəksən ki, "larisa, sənin qatilin olan ölkənin ordusunu 29 il sonra yenə gətirdik ölkəyə, bax hal-hazırda qarabağdadılar, sülh gətirməyə gəliblər, rahat ol, sən rahat yat ?!" daha rusun olduğu bölgələrin taleyi məlum deyil amma biz alnıaçığıq. hələ torpaqlar qayıdan günlərdə rus bayrağını götürüb çölə çıxıb zəfər qeyd edənlər vardı. gedib indi qərənfil zad düzürlər 100% şəhidlərin üstünə. biri belə fikirli insanlara 1990 hadisələrini erməninin yox, rusun törətdiyini xatırlatsın.
təki bu yazdıqlarım da boş olsun,boş çıxsın. bunu istəməyinin də gözü çıxsın amma ki tarixi faktlar qarşısında hələ də tarixin təkrarlanacağından qorxuram. allah bizə bir də "20 yanvar" yaşatmasın...
öyle bir geçer zaman ki
evə krosna antena gələndən sonra ailəcək izlədiyimiz ilk türk seriallarından biri idi. aras bulut iyinemli nin ilk işlərindən biri idi və mən də ilk və son orada bəyənmişəm aktyorluğunu da,özünü də. sonrakı seriallarında mənə çox itici gəlir,deyəsən daha çox heç sevmədiyim mafia seriallarında oynadığına görədir.
belə baxanda estetik bir görüntüsü olmasa da, klipi ilə dinlənilməli deyəndə ağlıma ilk bu performans gəlir. klip deyil amma bu görüntü olmadan mahnı o coşqunu vermir.
belə belə işlər
aztv-yə veriliş olacaraq keçdiyindən bəri özümdən asılı olmayaraq gözümdən düşüb. amma ki, məktəb vaxtı hazırlıqlardan gəlib özümə istirahət olaraq ayırdığım cəmi 1 saatımı da belə belə işlər youtube kanalında keçirmişəm. o videolar sayəsində neçə-neçə şəxsiyyətləri daha dərindən araşdırmaq şansı qazanmışam,neçəsini tanımışam,nə qədər filmlərimizin haqqında məlumat almışam,sonra gedib onları izləmişəm... çox çox çox gözəl bir layihədir. nəzərə alsaq ki,indiki cəmiyyət oxuduğundan çox gördüyü və eşitdiyi onu daha çox cəlb edir,bu layihə bir azcıq maarif üçün çox əlverişlidir. hələ videolarda yerləşdirilən musiqilər... əfsanə! həm zövq al,həm öyrən!
11 yanvar 2021 moskvada 3 tərəfli görüş
ilham əliyev deyir "artıq qarabağ münaqişəsi keçmişdə qaldı,gələcəyə baxmaq lazımdır" , paşinyan deyir " qarabağ məsələsi öz həllini tapmayıb". putin də deyir yol çəkirik zad. indi kimə inanaq,nəyə inanaq? putinin dəyirmi masa qoymayıb,sanki valideyn iclasında oturmuş kimi iki dövlət rəhbərini qabağında sırayla düzməsinə nə deməli? hər şey mesajdır, ümid edirəm bu günün tarixini doğru-düzgün şəkildə anlayıb,bunları tarixə qeyd edənlərdən olaram. amma tam da işğal tarixi oxumaqdan bezdik,qələbə tarixi yazmaq istəyirəm dediyim sırada yerdən xəyalımın qırıntılarını süpürmək məcburiyyətində qalamaram. (bunu demək üçün əslində çox gecdir amma zaman da,hadisələr də çox sürətli dəyişir)
6 yanvar 2021 abş hadisələri
türkiyə xarici işlər nazirinin " olanları narahatlıqla izləyirik" açıqlamasını amerikanın nbc kanalı yayınlayıb və spiker bunu belə şərh edib:
-"burada bir ironiya var. bir diktator tərəfindən idarə olunan və jurnalistlərin həbsə atıldığı türkiyə hadisələri narahatlıqla izləyirmiş".
)