sözaltı günlük

aylardır buraya gələ bilmirəm, işə girəndən bəri. bu gün yaza bilməyimin səbəbi odur ki, 6-cı gün anidən kiçik bir hadisə səbəbilə həyatımın aylardır ən böyük hissəsinə çevrilən iş yerimdən çıxarıldım və başqa filiala yollandım. işlədiyim yerdən də ambulansla falan çıxmalı oldum (bu detal filialımdan çıxarılmamla bağlı deyil). ona görə həm yaşadığım xəstəlik, həm də psixoloji travma səbəbilə 1 həftəlik bülletenə də rəhbərlərin minnəti ilə çıxdım. aylardır hər cür əziyyət çəkdiyim, əmək verdiyim həm iş yerim, həm də iş yoldaşlarımla aramda qurduğum münasibət məhv oldu, indi mənə qarşı hər kəsi doldururlar. və sevgilimlə də ayrı filiallara düşmüş olduq. söz haqqı verilmədi heç mənə, demək istədiyim bir ton sözün ağırlığı var köksümdə. bu həyatda səsini duyura bilməmək qədər əziyyət verən nəsə görmədim hələ də. bu yara ilə 1 həftəni necə keçirəcəm, necə toparlayacam özümü, heç bilmirəm.

14 may 2023 türkiyə seçkiləri

meral akşenerin lüzumsuz hərəkətini öz professionallığı və soyuqqanlılığı ilə türklər demiş "alt eden" kemal kılıçdaroğlunun özünün qurduğu və 1 ilə yaxındır ki birliyini qoruduğu millət ittifaqını bir araya gətirdi və hal-hazırda saadet partiyası mərkəzində 13-cü prezident namizədliyini irəli sürmək üçün danışıqlar aparır. 3 martdan etibarən tipik sağcılığını göstərən meral akşenerin şüvənliyi ilə ekrem imamoğlu və mansur yavaş da kılıçdaroğluna yardımçı olaraq elan edildi az öncə. amerikadakı kimi - prezident və vitse-prezident seçimə birlikdə girir. səhər necə ayrı hava hakim idi muxalifət siyasətində, 2 saatın içində indi necə vəziyyət hökm sürür, sadəcə kılıçdaroğlunu ayaqda alqışlamaq lazımdır. az sonra kılıçdaroğlunun namizədliyi rəsmi olaraq açıqlanacaq. "halkın umudu kılıçdaroğlu" şüarları səsləndirilir partiyanın önündə yığışan insanlar. həyəcanlı və ümid verici bir dönəmə keçid.

6-7 fevral 2023 türkiyə zəlzələsi

mən buna məsuliyyətsizlik deməyəcəm, çünki bilə-bilə bu qədər insanın canına qəsd edildi, hələ də o qədər professional olmasına rəğmən əraziyə mədən işçilərinin chp dövründəki zəlzələlərdəki kimi səfərbər edilməməsi, əsgərlərin hələ də kordinasiyada iştirakının bariz şəkildə əngəllənməsi insanların canına qəsddən başqa bir şey deyil, mən buna başqa bir ad verə bilmirəm.
amma televiziyaların, iqtidar mediasının (həmçinin azərbaycanda da) duyğu pornosuna imza atması məni həyatdan soyudur, iyrəndirir. travma almış, səsini çatdırmaq üçün çırpınan insanların üzərinə onlarla kişinin təkbir gətirib bağırdığınız allah sizin bəlanızı versin. bu dəfə qurtula bilməyəcəksiniz. "...şimdi kendini kurtar kaptan."
hələ xalqın qəzəbini bu vəziyyətə səbəb olanlar yerinə sağa sola yaymağa çalışan 2 - 3 düşüyün qazandığı qələbədən söz etməsəm, olmaz : "türkiyede faaliyet gösteren hangi büyük kuruluş yardım bağışı yapmadıysa, taziye mesajı yayınlamadıysa, onlarla sonra hesaplaşacağız" sanki netflix, starbucks bir post atanda bunlara yardımı dəyəcək, bütün olanların səbəbkarı da bunlardır. siz seçimlə gətirdiyiniz dövlətinizdən indiyə qədər verdiyiniz vergilərin hesabını soruşun bir hələ, starbucks "geçmiş olsun" post atmağı yana dursun. provakasiyaya millət o qədər tez gedir ki, bu qəzəbinizi hökümətə yönəltməlisiniz, hökümətə! yoxsa aylar öncəsindən artıq onsuz da online yayımlanan bir jurnala və ya mubi kimi faciənin ilk günündən yas mesajı paylaşan quruma "boykot!", "abonelik iptal!" kimi şərhlər, mesajlar atırlar. çox çox mənasızdır mənə görə bu. onsuz da bu provakasiyaçıların işi də sizin hökümətə olan qəzəbinizi unutdurmağa, başınızı qarışdırmağa çalışmaqdır, hökümətin itləridir yəni.

tam olaraq hadisələrin önünü görə bilməmək, bundan sonra olacaqları təxmin edə bilməmək məni ilk gündən bəri çox yorur. çox qəribə, əslində məni çox da təəccübləndirməyən (çünki siyasal islamcılar sizi asla yanıltmaz (via: ünsal ünlü)) amma yenə də olanlar qarşısında insanın qanını donduran hadisələr anda qalmağa məcbur edir. bir an belə xəbərsiz qala bilmirəm, 6-cı gündür artıq twitter-dan, youtube-dan başımı qaldıra bilmirəm, heç nə etmək istəmirəm, bir qram həvəsim qalmayıb. dəhşətli vəziyyətdir. "biz bir kabusu yendik" diyebilecek miyiz?