trigun

26 bölümlük seinen, shönen tipli əyləncəli anime. hadisələr qiyamətdən sonra bir planetdə cərəyan edir. baş qəhrəmanımız vash the stampede və ya digər adı ilə humanoid typhoon'un getdiyi yerlərdə həmişə necəsə bir dağıntılar baş verir, şəhər sakinləri tərəfindən hücuma məruz qalır. işin maraqlı tərəfi bu hadisələrdə bir nəfərə belə zərər gəlmir. şikayətlərdən bezən siğorta şirkəti onun arxasınca meryl styphe və milly thompson adlı işçilərini göndərir və olaylar gelişir. bundan sonrası spoiler'ə girər deyə çox danışmayacam.

ilk 14-15 seriyanı komediya adı ilə izləyib gülərsiniz, amma sonra işlər dəyişir və güldüyünüz anlarda beyninizdə yaranan amma diqqət etmədiyiniz sualların cavabını tapmağa başlayarsınız.

bir də bir çoxları cowboy bebopu sevən bunu da sevər deyə fikir bildirib. bilmirəm cowboy'u bundan sonra izləməyimə görəmi yoxsa başqa səbəbdən bəyənməmişdim mən onu * sorry bebop * səhərisi animesevərlər tərəfindən evində ölü tapıldı .

son olaraq demək istəyirəm ki, luuuvandapiiis! * glş

histologiya

tədris edən müəllimdən asılı olaraq aşiq ola və ya nifrət edə biləcəyiniz hüceyrələr, toxumalar, onların quruluşu və funksiyası haqqında çox çətin amma çox maraqlı elm sahəsi. sitologiya, embriologiya, ümumi histologiya, xüsusi histologiya kimi alt sahələri mövcuddur. anatomiyanın mənasızlığı, sıxıcılığı və əzbərçiliyi bu elm sahəsində rast gəlinmir.* mənə görə inkişafı və öyrənilməsi elektron mikroskoplarla * hansı ki ölkəmizdə bildiyim qədərilə tədris müəssisələrindən ancaq atuda var sıx əlaqəli olduğuna görə digər elm sahələri kimi azərbaycanda küncdə qalmış bir elm sahəsidir. həmçinin insanı histoloq-patoloq olmağa həvəsləndirir digər tərəfdən.* bilim çok güzel lan

azərbaycan dilində mənbə axtarırsınızsa eldar qasımovun kitabları bir qədər akademik dillə yazılmış olsa da kifayət qədər əhatəli və başa düşüləndir. amma ən azından orta məktəb sitologiyasına bələd olmağınız vacibdir. anatomiya kitabındakı kimi axmaq və yersiz tərcümə edilmiş sözlər yoxdur ən azından. bəli, anatomiyaya nifrət edirəm, sabah anatomiya olsa belə mən histo oxuyuram çünki belə zordu (kəsildi)

edit: əgər maraqlananınız varsa, azərbaycan dilində histologiya atlası pdf https://yadi.sk/d/dwuZ6thu3Q3kVV

henry and june

amerikalı yazıçı henry millerin həyatı haqqında çəkilmiş dram, bioqrafik janrlarda olan 1990-cu il amerikan filmi. rejissoru philip kaufmandır. ssenarinin əsas qaynaqları anais nin'in gündəlikləri və henry millerin avtobioqrafik romanı olan tropic of capricorn olmuşdur. anasis nin gündəliklərinin ancaq hekayədə adı keçən hər kəs öldükdən sonra istifadə edilməsini vəsiyyət etdiyinə görə filmin çəkilməsi uzun müddət gecikib.

rollarda fred ward, uma thurman, maria de medeiros, kevin spacey kimi isimlər vardır. həmçinin, uma thurman və maria de medeiros'un birlikdə rol aldığı 2 filmdən biridir. * digəri hamımızın bildiyi pulp fiction

əslində bu tərzdə filmlər normalda çox diqqətimi çəkmir, hətta bir replikaya görə oturub bütün filmi izləmişəm demək olar. * you fall in love with people's minds . amma təəccübləndirici şəkildə filmi bəyənmişdim. xüsusilə bioqrafiyasından oxuduqlarıma görə yazıçının xarakteri, düşüncə tərzi çox gözəl əks etdirilib. əslində çox geniş mövzulu filmdir. parisin həmin dövrdəki ümumi vəziyyəti, ədəbiyyatı, incəsənəti, siyasi vəziyyəti və s gözəl təsvir olunub. çoxları filmi sıxıcı hesab edib, əlbəttə filmi izləyərkən ruh halınız, gözləntiləriniz və s kimi bir çox faktor var. amma mən heç sıxılmamışdım, bu tərz filmləri sevməməyimə baxmayaraq.

ride

bir david sylvian şahəsəri. ümumiyyətlə david'i kəşf edəndən çox dəyərli bir xəzinə tapmışam kimi gəlir. * ki əslində elədir

(youtube: )

david sylvian

1974-1982- ci illərdə fəaliyyət göstərmiş japan qrupunun art pop, ambient janrında ifa edən vokalisti. sonradan isə solo fəaliyyət göstərmişdir. şəxsini monsterin qapanış musiqisindən tanımışam. cavanlıq şəkillərini görəndə wtf dedim bir anlıq. * animeni izləyənlər bilər :d səsi çox sakit və hüzurvericidir.

(youtube: )

(youtube: )

rome

an etibarilə 1-ci sezonunu bitirdiyim 2 sezonluq mükəmməl tarixi serial. haqqında yazılmalı olanlar yazılıb. mən sadəcə biraz yazıb ürəyimi rahatlatmağa çalışacam. yəni serial haqqında informativ xarakterli entry axtarırsınızsa bundan əvvəlki entrylərə göz atmağınız məqsədəuyğundur.

-- spoiler --

lan brut necə eləyə bildin sən onu? az qala bıçağı mənə saplayırmış kimi empatiya hiss etdim bir anlıq. okay, yəni bilirdim bunun olacağını amma çox tez oldu bu. tarix kitablarında bu qədər təsirli deyildi bu səhnə. ah sezar, bu qədər güvənməsəydin kaş insanlara.

o deyil də ən manyak hərəkətləri ən sakit adamlar edir yenə. cervilia olsun ya da avqust olsun. ikisi də çox ağıllı xarakterlərdir. oktavianın manyaklıqlarına görə izləmək lazımdı 2-ci sezonu. belə ümumiyyətlə bu sezona başlamamış bilirdim az çox nə olacağını. amma 2-ci sezonda olacaqlar haqqında (oktavianın manyaklıq edəcəyini bilirəm ancaq) heç bir fikrim yoxdur.

lucius vorenus'a gəlsək. breaking bad'da gustavo fring'dən sonra hansısa serial * əslində tarixi şəxsiyyət xarakterini bu qədər sevdiyim yadıma gəlmir . bir insan bu qədər mi mükəmməl olar? * glş heç nə olmasa belə ona görə 2- ci sezonu izləyəcəm mütləq. lan 2 dəq imkan vermədiz adam xoşbəxt olsun. amma bir yandan da o qızın elə sevincək ortalıqda dolaşmasına ürəyim dözmürdü. indi daşlar yerinə oturdu elə bil.

cicero haqqında danışmaq istəmirəm breaking bad'da skyler white nədirsə bu əclaf da odur. qıcıq tip. görəndə əsəbləşirəm.

pompey magnus'u da sevmirdim əslində çox. amma başını o vəziyyətdə görəndə yazığım gəldi nəsə. qıcıq olmuram deyəsən ona. amma sevmirəm də.

deyəsən mənə anlamsız gələn ancaq cleopatra oldu. tamam sezara oğlan uşağı filan verdin, onu anladıq. * sezarın olduğu belə bəlli deyil :d amma nəsə sevmədim onu. 2-ci sezonda olacaq mı ya yox bilmirəm. amma olacaqmış kimi görünür. çünki haqqında eşitdiyim bir çox əfsanəyə dair heç nə görmədim. görək onda görərik marifetlerini -*

-- spoiler --

mənasız və vaxt itkisi olan serialları izləməkdənsə belə serialları izləyin. əslində qəbul etmək istəməsək də serialların çoxu vaxt itkisidir. həm də çox uzun-uzadıdırlar. bəzən reytinq xətrinə ssenarini dəyişdirirlər, aidiyyatı olmayan xarakterləri daxil edirlər. nəticədə maksimum 5 sezona mükəmməl çəkilə biləcək serial 8-9 sezon olur. sonra da gəl bunu izlə qurtar. bu elə deyil həm cəmi 2cə sezon * glş

mushishi

26 bölümlük mistik, fəlsəfi, psixoloji, fantastik seinen tipli az bilinən möhtəşəm anime. bu animeyə baxarkən hiss etdiyim hüzuru hələ heç nədə tapmamışam. son dəfə aylar öncə izləmişdim bir bölümünü, təsadüfən yadıma düşdü oturub başqa bir bölümünü izlədim. animenin konkret mövzusunu başa salmaq olmur, amma qısaca təsvir etməyə çalışacam.

mushi'lər, çox nadirən bəzi insanların gözünə görünən mistik canlılardır. pis və ya yaxşı deyillər, sadəcə bütün heyvanlar kimi həyatda qalma içgüdüsünə * bu sözün tərcüməsini tam bilmirəm, instinkt uyğun gəlir, amma tam olaraq mənasını qarşılamır fikrimcə uyğun olaraq hərəkət edirlər. insanlara ziyan və ya xeyir vermək kimi bir məqsədləri yoxdur. amma bəzən onların yaşadığı yerlərdə insanların başına qəribə hadisələr gələ bilir. və tam burda ginko dövrəyə daxil olur. ginko, bir mushishi'dir, yəni mushi'lərin doktoru kimi bir şey. bu qəribə hadisələr baş verən yerlərə gəlir və işləri yoluna qoymağa çalışır. hər seriyada fərqli hekayələrdən bəhs edir, ona görə də axıcı sujet xəttinin olduğunu deyə bilmərəm. amma çox maraqlıdır, səhv xatırlamıramsa, bir neçə mükafata da layiq görülüb, niyəsə o da bir çox qəşəng animelər kimi underrated'dir.
və deyəsən monster kimi növünün tək örnəklərindəndir. yenə bəlkə də buna oxşar anime tapmaq olar, amma monster tipində heç anime tapa bilmirəm. ondan sonra hamısı çox klişe və maraqsız gəlir, belə bildiyiniz varsa aydınlatsanız mütəşəkkir olaram * glş

god is an astronaut

bütün albomlarını sevdiyim, amma age of the fifth sun albomundakı lost kingdom parçasının narkotik təsiri daşıdığını düşündüyüm qrup. post rock özü narkotik təsiri yaradır o ayrı, amma xüsusilə bu dəhşət bir şeydir.

(youtube: )

dermatofagiya

çox vaxt dırnaq yemək (baxma: onixofagiya ) ilə qarışdırılan dırnaq ətrafındakı dərini yemə xəstəliyi. uşaqlıqdan bəri bərəlmiş gözlərlə verilən sən dırnağını yeyirsən?! sualına hər dəfə dırnağı yox ətrafındakı əti yeyirəm * belə yazanda nə qorxunc çıxdı lan cavabını verməkdən bezdiyim xəstəlikdir həmçinin. bu davranış çox vaxt dırnaq yemə vərdişi kimi stresslə və gərginliklə müşahidə olunsa da, bəzən sakit hallarda da özünü göstərə bilir. davranışın dəqiq səbəbləri və ya müalicəsi hələ ki tapılmayıb. xəstəliyin xüsusi verdiyi zərər yoxdur. amma dərini yemək nəticəsində yaranan yaralara * ağıza turş qan dadı gələndə durmaq lazım olduğunu başa düşürsünüz :d keçən mikrobdan infeksion xəstəliklərə tutulma ehtimalı var. bir sıra elmi araşdırmalarda obsessiv kompulsiv pozuntu ilə əlaqələndirilsə də, hələ ki keçərli iddialar yoxdur.

bəzən xalq arasında bu xəstələrə wolf-biter də deyilir. çünki canavarların tələyə düşdükdə və ya qaçmağa yer tapmayanda öz dərilərini yedikləri müşahidə olunmuşdur.

silicon valley

imtahan suallarını oxumaq yerinə 4-cü sezonunu bugün izləyib bitirdiyim möhtəşəm komediya serialı. niyə bu qədər underrated olduğunu anlamıram. bir komediya serialından daha artıqdır, dialoqlar, aktyorlar, ssenari hər şey əladır mənə görə. kefim olmayanda da təkrar-təkrar izlədiyim serialdır. kaş bu qədər sürətlə izləyib bitirməsəydim. (baxma: imtahan sessiyası dövründə hər şeyin daha bir maraqlı gəlməsi )
silicon valley, öz şirkətlərini qurmaq istəyən bir qrup geek proqramistlərin başına gələn maraqlı hadisələr, problemlər və onların ağlasığmaz həll yolları haqqındadır. hər xarakterini bir ayrı sevirəm. bu səhnə isə

(youtube: )

azərbaycan dilində elmi bloglar, kanallar və digər mənbələr

http://rezonanss.com/ - populyar elm, incəsənət, iqtisadiyyat, ədəbiyyat kimi bir çox fərqli və əhatəli mövzularda məqalələri olan, bir çox universitetdən gənclərin olduğu əla sayt. təməl daşları azərbaycan tibb universitetində qoyulmuşdur * glş


http://halmashik.tumblr.com/archive - neyroelm sahəsində azərbaycan dilində ən əhatəli, dəyərli məqalələri olan bloq. neyroelmlə maraqlanırsınızsa, mütləq göz atmalısınız. çox təəssüflər olsun ki, çox aktiv deyil.

http://tekamulaz.blogspot.com/ - əsasən təkamül haqqında, amma tibb və s mövzularda da maraqlı məqalələri olan bir digər dəyərli elmi bloq.

edit: http://kvantdunyasi.blogspot.com/?m=1 - buna da mütləq göz atın.

taun

və ya digər məşhur adı "qara ölüm" olan yersinia pestis bakteriyaları tərəfindən törədilən infeksion xəstəlik. 4 növü vardır: bubonik, septisemik, pnevmonik və qastral-intestinal. tarix boyu milyonların kütləvi ölümünə səbəb olmuşdur. hətta roma imperiyasının dağılmasına da dolayı yollarla təsir etmişdir. bu cür ağır xəstəliyin genlərimizdə qoyduğu iz hələ də qalır əlbəttə ki. adam rutherford'un a brief history of everyone who ever lived kitabında vəba ilə bağlı belə maraqlı bir sitat var:
" təkamül bir silahlanma yarışıdır. genlərin, özlərini daşıyan ev sahibində və üzərində qidalandığı orqanizmlərdə qalıcı bir şəkildə davam etdirdikləri pinpon oyunudur və var olmaq üçün tsiklik olaraq apardığı mübarizədir. yersinia, birələri tapıb onları öz köləsi halına gətirmişdir. birələr isə siçanları sevir. siçanlar isə kölgəmizdən qorxsalar belə, olduğumuz hər yerdədirlər. və birələrin orqanizmində 5000 ildir ki, mövcud olan antik və ənənəvi təbii seçmə mexanizmi ilə var olmaq istəyən yersinia pestis əmirlərini verməyi davam etdirmək üçün genləri mutasiyaya uğratmışdır. biz də buna qarşılıq olaraq öz genlərimizi mutasiyaya uğratmışıq. ümumiləşdirməli olsaq, dna bütün dünyanın tarixini şəkilləndirmişdir."

müasir tibbin qarşısında bu gün vəba heç bir problem törətmir. aşkar olunduğu zaman antibiyotik vasitəsilə tez bir zamanda müalicə edilir.

əsasən həkimlərin istifadə etdiyi qorxunc görünümlü vəba maskası bir çox qorxu filmləri üçün motiv olmuşdur.

futurizm

(lat. futura- gələcək) xx əsrin əvvəllərində əvvəlcə avropa ədəbiyyatında, daha sonra isə incəsənətdə geniş vüsət alan cərəyan. ədəbiyyat qismi kifayət qədər maraq dairəsindədir, mən daha çox incəsənət, xüsusilə rəssamlıqda futurizm haqqında məlumat verməyə çalışacam.

rəssamlıqda futurizmin vətəni italiya sayılır. Futuristik rəsm əsərlərində rəssamın təsvir etməyə çalışdığı hər şeyin daim hərəkətdə olduğu, daim dəyişdiyi, baxdığımız hansısa varlığın 1 saniyə əvvəlki kimi olmadığını göstərməkdir. Futuristik rəssamlar əsərlərində işıqdan və rənglərdən istifadə etməklə sürəti, dinamikanı və inkişafı təsvir etməyə çalışmışlar. Bu cərəyanın öncüllərinə misal olaraq Giacomo Balla, Gino Severini, Umberto Boccioni, Luigi de giudici və s misal göstərmək olar. Yuxarıda yazdığım bir çox rəssam və digərləri ədəbiyyatda futurizmin qurucusu sayılan şair Filippo Tommaso Marinetti'dən təsirlənmişlər.

Futurizm cərəyanın ən məşhur əsərlərinə misal olaraq
Dinamismo di un cane al guinzaglio ( giacomo balla, 1912) göstərmək olar
https://i.imgur.com/6TD2Kwd.jpg

mutasiya

( lat. mutatio-dəyişiklik) təkamülə səbəb (əslində tam olaraq təkamülün səbəbkarı deyil, sadəcə mahiyyətini izah etmək üçün belə bir tanım verməli oldum) olan bir növ "üzünüçıxartma" xətası. mutasiya zamanı adenin nukleotidi timinə çevrilə bilər ya da tam əksi. və ya nukleotidlərin kodda yeri dəyişə bilər, tamam itə bilər və ya yenisi əlavə oluna bilər. əlbəttə ki, bütün mutasiyalar təkamül üçün əhəmiyyət kəsb etmir. məsələn, əlinizdə və ya saçınızda olan hansısa bir hüceyrədə baş verən mutasiyanın təkamül üçün heç bir əhəmiyyəti yoxdur. çünki bu mutasiyaların gələcək nəsillərə ötürülmə kimi bir şansı yoxdur. təkamül üçün xammaddə yaradan mutasiyalar cinsiyyət hüceyrələrində və ya ziqotda baş verməlidir.

ümumiyyətlə insan orqanizmində ömrü boyu ortalama olaraq 100 milyon ilə 10 milyard arası mutasiya baş verir. orqanizmin təmir mexanizmləri bunların bir qismini "düzəldir". yəni, əksər mutasiyalar orqanizmdə qalıcı olaraq qalmır.

sanılanın əksinə, mutasiyaların çoxu (70%-90 %) öldürücü deyil, sadəcə neytraldır. 1999-cu ildə aparılan araşdırmaya görə, insanın bir nəslində baş verən 128 mutasiyadan ortalama 1.3-ü zərərlidir. 2000-ci ildə aparılan digər araşdırmaya görə isə, 175 mutasiyadan ortalama 3-ü zərərlidir, qalanları isə neytraldır. bəs ani olaraq fiziki təsir göstərən zərərli mutasiyalar yoxdurmu? nadir olsa da, belə mutasiyalara rast gəlinir. misal kimi ollier xəstəliyini göstərə bilərik. əslində, zərərli və neytral mutasiyaların nisbəti canlıdan-canlıya fərqlilik göstərir.

baş verdiyi yerə və ya təsirinə görə mutasiyalar bir neçə cür təsnif olunur. gen mutasiyaları, xromosom mutasiyaları, genom mutasiyaları və s.

gen mutasiyalarına yuxarıdakıları misal göstərmək olar.
genom mutasiyaları xromosomlarımın sayının dəfələrlə artmasıdır.
xromosom mutasiyaları ümumi xromosomda baş verən dəyişikliklərdir: xromosomun bir hissəsinin qopması, yenisinin əlavə olunması və s.
rentgen şüaları, radiasiya, müxtəlif kimyəvi maddələr, temperatur və s də mutasiyaya səbəb ola bilir.

monster

Naoki Urasawa'nın mangası əsasında çəkilmiş seinen tipli möhtəşəm anime. Başlığı açılmayıbmış, çox təəccübləndim. Bu animeni hardasa 2 ay olar bitirmişəm. amma hələ də haqqında bir şey deyə bilmirəm. izləmədən ölməyin dedikləri şahəsərlərdən biridir məncə. Soundtrackləri də animenin qaranlıq havasına çox uyğundur.

(youtube: )