müasir amerikanların dünya görüşünün olmaması

bəli, çoxunuza qəribə gəlsə də, bu belədir. heç kəs deməsin ki, abş-da yaşayan hər kəs ağıllıdır. aşağıdaki linkdən görəcəyiniz qədəri ilə amerikanlar heç öz ərazilərini tanımırlar, alyaskanı islandiya zənn edirlər. bunu bizlərdən biri etsəydi, cahil, savadsız olardı. amma düşünürəm ki, videodan sonra yenə də fikirləriniz dəyişməyə bilər.
Əslində o insanlarda günah yoxdur, başlarını partilər, seks, əyləncə ilə qatmaqla maraqlıdırlar. Emin Çapanı tanımayan yoxdur hər halda. o tedxistanbulda bir çıxış etmişdi, türk təhsil sistemi ilə bağlı. əslində onun dediyi hər bir söz doğrudur. deyir; indiki uşaqların, şagird və tələbələrin savadsız, ağılsız olmağı onların günahı deyil, sistemin günahıdır. sistem uşaqları savadsızlaşdırır. elə o sözlər amerika üçün də keçərlidir. ağılları, düşüncələri yüksək ola bilər. amma bu onların mükəmməl insan olduğu mənasına da gəlmir

https://m.youtube.com/watch?t=130s&v=kRh1zXFKC_o

ana

9 illik əziyyətinin qarşılığını heç cür ödəyə bilməyəcəyim qadın. dərslərimlə məşğul olmağa iki il ömrü yetdi. orta məktəbi kənddə bitirən, ali təhsili olmayan bir qadının mənə dərsləri sevdirməsi məni böyüdükdən sonra düşündürməyə başladı. qardaşım orta məktəbə ilk gedəndə atam yanımızda idi. dərsləri ilə atam məşğul olurdu. mən birinci sinifə gedəndə isə anam məşğul oldu dərslərimlə. bir səhvimə görə məni danlamadı. hərdən əsəbləşirdi. bu da atama görə idi. atamın da əziyyəti az olmadı, amma heç vaxt fikirlərimə, arzularıma hörmət etmədi. nəticədə bu mənə bir şeyi də aşıladı ki, bir insanı uğur və ya uğursuzluqlarına görə dəyərləndirmək düşüncəsizlikdir. ana sevgisinin boşluğu heç bir şəkildə dolmur. bundandır həssaslığım. belə mükəmməl falan deyiləm, amma həyatdakı çətinliklərimə baxmayaraq qəlb qırmamağı hədəfə almağıma görə sevinirəm. pis insan ola bilərəm, amma bu pisliyimdən tək zərəri özüm görürəm. anamı da çox sevirəm. bir də bunu kimsəni üzməmək üçün yazmadım. həyatda çox şeyə nail olmuşam. və güclüyəm. hər problemin öhdəsindən özüm gələcək durumdayam.

uşaqlığı xatırladan şeylər

(bax: iyudanın arvadı)

(youtube: )

söz soxmaq

türkcədəki qarşılığı "göndərmə" olan günümüzdə məşhurlaşmaq istəyənlərin ən yaxşı bacardıqları sənət növü. bu sənətlə məşğul olanlar öz işlərində uğur əldə edə bilmədikləri üçün durğunluq dövrü yaşayır və sağa-sola söz soxaraq məşhurlaşmaq istəyirlər. cəmiyyəti, məşhurlaşmış şəxsləri təhqir edir və hücuma hazır vəziyyətdə gözləyirlər. cəmiyyətin də bacardığı ən yaxşı şey yıxılana balta vurmaq olduğundan sonunda qələbə qazanan söz soxanlar olur.söz soxanlara qarşı ən kəskin mübarizə üsulu susmaqdır. biz isə susmağın və danışmağın yerini heç müəyyən edə bilmirik. söz soxma sənəti ilə daha çox məşğul olan şəxslər gənc yazarlardır.

livoniya müharibəsi

bu sifarişi verən: adsız dəyirmandaki xoruz


dünya tarixində heç vaxt unuda bilmədiyim müharibələrdən biri. abituriyent olduğum zamanlar hazırlıq müəllimimin nömrəsi ilə yaddaşıma həkk olunmuşdu bu müharibə. * glş

livoniya müharibəsi 1558-1583-cü illəri əhatə edən və rusiyanın öz məqsədinə nail ola bilmədiyi müharibədir.

müharibənin başlanmasına səbəb rusiyanın işğalçılıq planları olmuşdu. rusiya yeni ərazilər ələ keçirmək və daha da qüvvətlənmək üçüb baltikyanı ərazilərə yiyələnmək istəyirdi, həmin ərazilərin ələ keçirilməsində böyük maneə livoniya ordeni idi. nəticədə 1558-ci ildə rusiya ilə livoniya ordeni arasında müharibə başlayır və elə müharibənin başlanğıcında livoniya ordeninin varlığına son qoyulur.

livoniya ordeninin ərazisini bölüşdürmək üçün rusiya, litva, polşa və isveç arasında müharibə başlayır.
bir sıra məğlubiyyətlərdən və reç pospolitanın yaranmasından sonra rusiyanın vəziyyəti daha da ağırlaşır və bundan qaynaqlanaraq 1582-ci ildə rusiya reç pospolita, 1583-cü ildə isveçlə müqavilə imzalamağa məcbur olur. nəticədə rusiyanın ələ keçirmək istədiyi ərazi isveçə verilir, livoniya müharibəsi də reç pospolitanın qələbəsi ilə başa çatır.

lunatizm

william shakespeare deyir ki, onun gözləri açıqdır, amma duyğuları bağlıdır..
lunatizm də onun dediyi sözü xatırladır insana, sözlük.

lunatizm Yuxu halında olarkən gəzmək problemidir* xəstəliyidir . 
Elmi terminologiyada qarşılığı somnambulizmdir.


Lunatizmə  daha çox 6-12 yaşlı uşaqlar arasında rast gəlinir, irsi faktorlarla bağlı olmadığı müddətcə isə böyüdükcə  bu problem ortadan qalxır.
Ümumilikdə isə, yalnızca uşaqlar arasında rast gəlinən bir xəstəlik deyil lunatizm. Gənclər, yetişkinlər, qocalar-bir sözlə, hər yaşda insan bir lunatik ola bilər.

Həkimlərin proqnozlarına əsasən lunatizm epilepsiya xəstələrində Və psixoloji problemləri olan, daha çox stress keçirən insanlarda  özünü göstərir. Bundan əlavə, ürək xəstəliyi olan insanlarda da side effect olaraq özünü büruzə verir.

Yuxuda gəzən zaman insan beyninin bir qismi yuxu halında, digər bir qismi isə  oyaq halda olduğundan, lunatiklər oyandıqdan sonra  yuxuda gəzən zaman etdikləri şeyləri xatırlamırlar. Misal olaraq:  bir lunatik gecə vaxtı anidən oyanıb yerindəcə otura bilər, qapını açıb küçəyə çıxa bilər, yemək yeyə bilər, maşın sürə bilər, hətta cinsi əlaqəyə belə girə bilər. Nəticədə isə, yuxudan oyandıqdan sonra bunların heç birini xatırlamayacaqdır. Yuxuda gəzmə prosesi isə minimum 1, maximum isə 30 dəqiqə kimi qəbul olunur.
Bunu da bildirim ki, lunatiklər yuxuda gəzən zaman şüursuz hərəkət etdikləri üçün cinayət törətsələr belə,  törətdikləri cinayətə görə müqəssir sayılmırlar.



Sözlük, bu entry'ni yazmağıma vəsilə olan,  bu gün mənə yenidən xatırladılan lunatizmlə bağlı yaddaşımda böyük bir iz buraxmış xatirəmi  də danışıb sonlandırım entry'ni:

Bir ara gecə vaxtı evimizdə boşqablar sınırdı.  Gecə vaxtı heç kim oyaq olmurdu deyə, ümumiyyətlə, mətbəxlə yataq otağı arasında xeyli məsafə olduğuna görə də oyananda otaqda heç kəs gözə dəymirdi. Bütün qapı və pəncərələr bağlı olduğundan, evdə boşqabın sınmağı xaricində bir problem olmadığından oğru olma ehtimalına elə də önəm vermirdik, düzünü desəm. Təbii ki, pişik ünsürünü də düşünmüşdük, lakin pişiyin üstündəki şübhələr də qısa zamanda  yox olmuşdu, çünki pişik şkafı açıb, boşqabları sındıra bilməzdi. Nəysə, sözümün canı, bu proses hardasa 3-4 dəfə təkrarlandı, gecənin müxtəlif saatlarında evdə 2-3 boşqab sınırdı. Axır nəticəyə gəlindi ki, gecə kimsə oyaq qalsın və bütün gecə nə baş verdiyini görsün.

Beləliklə, bir gecə qardaşım oyaq qalır və səbirsizliklə nə baş verəcəyini gözləyir. Gözləyir.. Gözləyir..  Təxminən gecə 4-5 radələrində mənim yuxudan oyandığımı və mətbəxə tərəf getdiyimi görür. Neçə dəfə çağırsa da, cavab ala bilmir. Sakitcə məni izləyir, arxamca gəldikdən sonra görür ki, şkafı açıb 2 boşqabı atdım yerə.  Məni çağırır və mən yenə ona cavab vermirəm. Boşqabı yerə atdıqdan sonra da heç nə olmamış kimi gözübağlı şəkildə otağıma gedib, yenidən yatıram.

lunatizmlə belə tragedik bir tanışlığım olmuşdu yəni, sözlük. Hələ evdə yaranan situasiyanı demirəm sənə. * glş

Bir şeyi bildirməyi unutmuşam ki, lunatiklər yuxuda hərəkət etdikləri zaman onları səsləsəniz, ya səsinizi eşitməyəcəklər, ya da anlamsız və əlaqəsiz cavablarla qarşılaşacaqsınız.


Unutmadan bunu da bildirim ki, hələ ki, tibbdə lunatizmin Xüsusi bir  müalicəsi  yoxdur.

Burada daha geniş şəkildə izah edilir:
https://www.psychologytoday.com/us/conditions/sleepwalking


Entry'ni də pink floydun brain damage parçası ilə sonlandıraq* bu dəfə, həqiqətən, sonlandırıram :

(youtube: )