blok başlıqlarını gizlət
qəhrəman ana
qəhrəman ana
aztv
difai
güldürən hadisələr
20 yanvar günündə cəmiyyə
yazarların spotify xülasəl�
Notice: Undefined variable: thisuser in /var/www/soz6/profilson.php on line 166
peter singer tərəfindən 1971-də yazılmış, imkanlı şəxslərin dünyadakı problemlərdən əziyyət çəkən insanlara qərbdə normal olaraq düşünüləndən daha çox yardım etməyə moral olaraq borclu olduğunu müdafiə edən esse.
Singer deyir ki, Sərvətindən istifadə edərək, öz həyat səviyyəni əhəmiyyətli olaraq azaltmadan və eyni moral əhəmiyyətli nəyi isə qurban vermədən kiminsə çəkdiyi əziyyəti azalda bilirsənsə, bunu etməməyin immoraldır. Esseni buradan 
oxuya bilərsiniz.
Əlavə olaraq singer deyir ki kömək edə biləcəyiniz insanın qonşunuz və ya uzaq bir ölkədə tanımadığınız bir şəxs olması əhəmiyyət kəsb etmir. Necə ki dayaz bir göldə boğulan bir uşağın yanından keçərkən onu xilas edə biləcəyiniz təqdirdə bunu etməməyiniz immoral olardı, bu insan uzaq bir ölkədə də olanda eyni cür.
(bax: effektiv altruizm )
Başqalarına yardım etməyi əlimizdə olan resurslardan ən səmərəli şəkildə istifadə edərək reallaşdırmağı təbliğ edən sosial hərəkat/fəlsəfə. Tutalım əlinizdə 100 manat var və bunu xeyriyyəyə xərcləmək istəyirsiniz. sadəcə misal olaraq deyirəm, Bu 100 manatı inkişaf etmiş (yəni xərclərin daha çox olduğu, sizin pulunuzun dəyərinin daha az olduğu) bir ölkədə fəaliyyət göstərən hansısa animal rights qrupuna bağışlaya bilərsiniz. tutalım bu qurum pulu o qədər də effektiv xərcləmir, dəqiq hesabat vermir, nə isə axırda bu 100 manat 1 küçə heyvanı üçün 1 illik sığınacağa çevrilir. Əlbətdə, yaxşı işdir və nə isə etmək heç nə etməməkdən yaxşıdır, amma resurslar limitli olduğu üçün, bu pulu daha effektiv xərcləmək haqqında fikirləşmək lazımdır. Tutalım həmin 100 manatı siz afrikada malariyaya qarşı mübarizə aparan, gördükləri iş tədqiqatlara əsaslanmış, hər il hesabat verən və effektivliyə önəm verən bir quruma bağışlayırsınız və bu 50 nəfər üçün malariya vaksininə çevrilir. Hansı variant daha yaxşı seçimdir? Effektiv altruizmə görə 2ci variant. Gördüyünüz kimi bu utilitarianizmlə əlaqəlidir.
kimsə deyə bilərki yox mənim üçün heyvan həyatı daha vacibdir. Ok, olsun. Amma burada da effektiv altruizm deyir ki o pulu ondan ən yaxşı istifadə edəcək yerdə xərcləməlisən, yəni tutalım həmin pulu daha az inkişaf etmiş bir ölkədə, daha yaxşı iş görən bir quruma bağışlayırsan və bu 10 heyvan üçün sığınacaq deməkdir. Yenə də seçim birinci yox, bu variantdır. Effektiv altruizm hər hansısa görülən bir işin real faydasının ölçülməsi və əsaslandırılmasına önəm verir. Bu sizin hisslərinizə yox, faktlara əsaslanmalıdır. Bəlkə siz effektiv olmayan quruma pul bağışlayanda özünüzü daha yaxşı hiss edirsiniz, bəlkə reklamları yaxşıdır və s, amma real nəticələrə baxmaq lazımdır.
givewell bir çox xeyriyyə/nonprofitlərin dəyərləndirilməsi ilə məşğuldur və hesabatlar hazırlayıb sizə pulunuzu ən yaxşı harada xərcləyə biləcəyinizlə bağlı təkliflər verirlər.
Əlbətdə, həmişə bu prinsiplərə görə qərar vermək mümkün deyil. Bu sizdən istənilmir də. Effektiv altruizmdən ümumi olaraq daha yaxşı qərarlar vermək üçün bir framework olaraq düşünmək olar məncə. Bəlkə siz sizə daha yaxın olan bir adama tibbi yardım almağa kömək edirsiniz, çox yaxşı, artıq o pulu başqa harada xərcləyə bilərdiniz deyə düşünməyəcəksiniz.
Uzun yazmağa həvəs olmadığı üçün bu linkləri verim entryni sonlandırım:
https://en.wikipedia.org/wiki/Effective_altruism
https://www.effectivealtruism.org/
https://www.givewell.org/
Əlavə: biraz pula fokuslanmış oldu bu entry, amma daha çox şeylərə aid edilə bilər, məsələn harada volunteer olmaq barədə seçim edərkən və s.
Son bir neçə aydır mənim və 3 dostumun üzərində işlədiyimiz start-up. Deməli bizim prinsipimiz nədir. Bəlkə də çoxunuzun "denebunu" və ya "pitch me" dən xəbəriniz var. Biz də bunun Azərbaycan versiyasını hazırlamağa çalışırdıq.
Deməli siz bizim saytımızda qeydiyyatdan keçib, formu doldurursuz. Bu formda sizin gündəlik həyatınızla bağlı təxminən 40a yaxın sual var. Siz bu suallara cavab verdikdən sonra sadəcə gözləyirsiniz. Əgər formu dolğun doldurmusuzsa növbəti ayın əvvəlcədən müəyyən olunmuş günü sizə qutu göndəriləcək. Bu qutunun içində (bizim planladığımız) müxtəlif kosmetik, qida vasitələri var. Bu qeydiyyatdan keçən adamın xüsusiyyətlərindən asılıdır. Məhsulları istifadə etdikdən sonra məhsullarla bağlı öz düşüncələrini bizim saytımızda bölüşməlisiniz. Bölüşməsəniz növbəti aylarda sizə qutu verilməyəcək. Bu qədər sadə. Heç bir ödəniş, kart məlumatı tələb olunmadan pulsuz məhsul test edə bilərsiz. Bunun şirkətlərə də böyük əhəmiyyəti var. Həm insanların düşüncələrini əyani şəkildə görə bilərlər həm də bu onlara əlavə reklamdır(saytda bizimlə əməkdaşlıq edən şirkətlərin məhsulları göstəriləcək). Başqa tərəfdən, əgər sizin şirkətin yeni bir məhsul ideyası varsa onu bizə təqdim edib, istehsala başlamadan insanların bəyənib bəyənmədiyini bilə bilərsiniz. Həmçinin çox münasib qiymətə razılaşa bilərdik şirkətlərlə. Tv-yə verdiyi reklamın qiymətindən dəfələrlə ucuz amma daha effektiv.
Bəs nəticə nə oldu? Heç bir şirkət bizimlə işləmədi. Daha doğrusu əksəriyyəti ilə heç əlaqə saxlaya bilmədik. Bəzilərinin saytında yazılan nömrəyə zəng edirik, nömrə ya işləmir ya götürən olmur ya da başqa nömrə olur. "Danone Azərbaycan"ın nömrəsinə yığdıqda qoca bir xala götürüb bunun ev nömrəsi oldğunu dedi lol. "Veysəloğlu" nun nömrəsinə yığdıqda gözləyin, operator sizinlə əlaqə saxlayacaq deyir amma 1 dəqiqə gözləyirsən sonda əlaqə kəsilir, üstəlik kontur da çıxır. Ölkənin qabaqcıl şirkətləri ilə əlaqə saxlamağa çalışdıq amma heç biri qozuna da almırdı. Problem odu ki, şirkətlərin ünvanına gedirik, görüşmək üçün əvvəlcədən danışmalı olduğumuzu deyirlər. Amma zəngə cavab vermirlər, maillərə də geridönüş etmirlər. Bütün şirkətlər içində sadəcə "Engin LTD" bizimlə danışdı, prezentasiya hazırlayıb daha sonra gəlməyimizi dedi. Marketinq şöbəsinin sədri müdirlə danışmalı oldğunu dedi. Hələ də gözləyirik ki müdirlə svyaza çıxsın. Ölkədə marketinqin nə qədər bərbad vəziyyətdə olduğunu bir daha öyrəndik. instagram, tiktokda 15k takipçisi olan götü bədəninin yarısını təşkil edən qızlara sponsorluq edib, reklam verən şirkətlər bizimlə əlaqə yaratmır belə. Çünki sadəcə 4 nəfər 1ci kurs tələbəsiyik. Bu işə sadəcə öz təqaüdlərimizlə başlamışdıq. Problem isə bu deyil, arxamızda hansısa böyük vəzifəsi olan adam gəlsəydi, ya ofislərə avtobusla yox, "Q7" ilə getsə idik indi yəqin ki, işimiz hazır idi. Bu ölkədə qalmayacağımı bir daha dəqiqləşdirdim. Heç kim mənə burda qalıb ölkəni düzəltməyə çalışmaqdan danışmasın daha. Çünki normal yolla şəxsi biznesi qurmaq qeyri mümkündür, onu anladım. Eyni prinsiplə işləyən Türkiyədəki "Denebunu" 1 ildə 2 milyon yatırım almışdı. Ehh gedim ömrümün sonuna qədər mənə lazım olmayacaq universitet dərslərin oxuyum.
babe mahnısı ilə tanıyıb bəyəndiyim yunanıstanlı musiqiçi.
özgün bir səsi olduğunu düşünürəm, amma bəzi mahnılarını doğru seçmir bnc. daha böyük şeylər gözləyirəm səndən monikacım.
(youtube: 
)
*
klip 2008 msn illəri kimidir, bilirəm
)
"biri məni incidərsə, özümü müdafiə edə bilərəm; ancaq biri məni tərifləyirsə, müdafiəsizəm."
freud abidən.
(bax: mif)
(baxma: ifadəni kontekstdən çıxarma).Puşkinin sırf öz baxış bucağını əks etdirməyən, tamamlanmamış "Tazit" nəzmində obrazların biri vasitəsi ilə dilə gətirdiyi replika. Bu sözlər Azərbaycanlı qaynaqlarda Puşkinin öz fikrini ifadə edən sözlər kimi göstərilir, həmişə kontekstdən çıxarılır. Halbuki, Puşkinin əsərində sadəcə surətlərin birinin səsləndirdiyi fikirdir. link
.Deməyə ehtiyac yoxdur ki, çox əsərdə obrazların müəyyən insanlara qarşı (mis: yəhudilər, müsəlmanlar, qaradərililər, hindular və s.) önyarğısı, qərəzi varmış şəkildə təsvir oluna bilir, halbuki bu yazıçının həmin qrup insanlar haqda mütləq ideası kimi göstərmək adekvat bir hərəkət deyildir. Nəticədə, hər nağılın antaqonisti olmalıdır, yazıçı özü nə qədər xoşməramlı olsa da.
Təəssüf ki, Azərbaycanlı mənbələr bu ifadəni hər yerdə Puşkinin öz ideologiyası kimi qələmə alır. Məni ən çox xəyal qırıqlığına uğradan Xocalı kimi mühüm bir cinayətə ədalət axtarılan saytda belə bu kontekstdən çıxarılmış qeyri-dəqiq, manipulativ informasiyanı görməkdir. (link
) Təzada bax ki, dünyanı bizə yox ermənilərə inanmaqla ittiham edirik və həmçinin auditoriyanı manipulyasiya etməyə çalışırıq. Sadəcə özümüzü aldadırıq. Bunu deməklə qatı armenofobları kədərləndirdiyim üçün üzr istəyirəm, lakin dünya Azərbaycanın əksinə ermənilərə nifrət etmir. Reallıq budur, biz sadəcə qəflətdəyik.
Dark, Lost , Kurtlar Vadisi, Narcos, Kardeş Payı
koç universitetində dərs deyən digər bir azərbaycanlı əfsanə riyaziyyatçı.
http://home.ku.edu.tr/~vkalantarov/
ekşidə bir entry oxumuşdum, qismi diferensial tənliklərlə bağlı bu sahədə tədqiqat aparan riyaziyyatçıların olduğu bir konfrans keçirilir. kalantarov müəllimin bir tələbəsi də həmin konfransda iştirak edir
hər kəs fəxrlə müəllimlərinin, elmi rəhbərlərinin adını çəkir, axırda biri qayıdıb soruşur ki bəs sizin müəlliminiz yoxdur? türk tələbə də varga kalantarov cavabını verir
təbii ki hər kəs düymələri ilikləyir, çünki bu sahədə varga müəllim həqiqətən də əfsanədir, bizim universitetlərdəki moşenniklərin görüb dərs alması gərəkənlərdəndir
http://home.ku.edu.tr/~amostafazadeh/
koç universitetində dərs deyən azərbaycanlı riyaziyyatçı, nəzəri fizik. azərbaycanın türkiyədəki əfsanələrindən biri. keçən əsrin ən tanınmış nəzəri fiziklərindən olan dewitt'in tələbəsi olub
hər dəfə tipini görəndə,
yadıma bəxt üzüyü filmində şair moşu haqda deyilən, "adı şairdi, özü kartof satana oxşayır" ifadəsi düşən zad.
nüvə reaktorlarında gördüyümüz o mavi işığın səbəbkarı.
işıqdan sürətli hərəkət edən və yüklü zərrəcyin dialektrik mühitdən keçdiyi zaman yaranan elektromaqnit radiasiya. cherenkov tərəfindən kəşf olunub. hesablamaq üçün cherenkov bucağından istifadə olunur
cos(θc)=1/β
(baxma: frank-tamm dusturu)
yeni ili, nostalgiyanı insanın iliklərinə qədər hiss etdirən wham! mahnısı.
(youtube: )
)Last Christmas
I gave you my heart
But the very next day you gave it away
This year
To save me from tears
I'll give it to someone special
*
ilin son yazısın Azərbaycan dilinə həsr etmək istəməzdim. Glş
"Doğurdan" *
Çox vaxt yanında da iki sual işarəsi olur. Glş
- "doğrudan";
"Bikarçılıq" - "bikarlıq";
"Bekara" - "bikarə".
*
Bayramınız mübarək, əziz yazarlar!
(youtube: )
)feynmanın üstdəki videoda izah etdiyi fərq. ona belə bir fərqin olduğunu atası öyrədib. yaxşı ki. beşinci sinifdə filan oxuyanda böyük siniflərin kitablarını götürüb oxuyurdum. cəbr və riyazi analizin başlanğıcı filan. ilk dəfə törəmə və inteqralı anladığımı sanmışdım. elə gəlirdi ki möhtəşəm bir dünya kəşf etmişəm, plyus da anlamışam nə baş verir. o vaxt idman dərslərində məktəbdən çölə buraxırdılar, uşaqlar da adətən futbol oynayırdı. böyük siniflərdən bir qaqaş var idi; hardasa doqquzuncu sinif zad. təsadüfən söhbətimiz alınmışdı və ona doqquzuncu sinifin cəbr kitabından müxtəlif şeylər izah etmişdim. qaqaş da təəccüblə qayıtmışdı ki sən bunları necə öyrənmisən? mən də, o da elə bilirdik ki mən nəsə öyrənmişəm. sonra illər keçdi gördüm ki nə o qaqaş məktəbdə nəsə öyrənibmiş, nə də mən o kitablardan nəsə anlamışammış. sadəcə adlarını və nə üçün işə yaradıqlarını bilirmişəm, amma onlar haqda heç bir məlumatım yox imiş, ən pisi qaqaş da dərslərdən bir zibil anlamadığı üçün o da anladığımı sanıb təəccüblənmişdi. illər keçəcək əminəm ki bugün bildiyim bir çox şeyin sadəcə adını bildiyimin fərqinə varacam. çünki bir şeyi həqiqətən də bilmək elə də asan şey deyil və çoxumuz məktəbdən başlayaraq sadəcə adları öyrənməyə proqramlaşdırılırıq; bir çoxumuz əsas riyazi nəzəriyyələrin arxasında dayanan vacib şeyləri görmürük, bəzən o haqda misallar da həll edirik amma nə etdiyimizi bilmirik. ona görə illər sonra bu inteqral mənim nə işimə yarayacaq kimi suallar çıxır ortaya. adını bilirik çünki, inteqralı bilmirik. ən pisi təkcə azərbaycanda da deyil bu, bütün dünyada iyrənc bir bayağılıq baş alıb gedir. fields medalçısı tim g. 2012-də bu haqda blog yazısı yazmışdı: https://gowers.wordpress.com/2012/11/20/what-maths-a-level-doesnt-necessarily-give-you/ - mütləq oxuyun bu bloq yazısını da. adlarını bilmək yox o şeylər haqda həqiqətən nəsə bilmək, öyrənmək lazımdır. feynmana atası bu gerçəyi göstərməsə o bəlkə də feynman olmazdı, bəs dünyanın geri qalanına kim izah edəcək bunları?
elliptik əyrilər üçün hodge-arakelov nəzəriyyəsi, aritmetik kodaira-spencer xəritəsi, anabelian həndəsə,+ və müxtəlif yeni fikirlərin əsasında, s. mochizuki tərəfindən 2012 ci ildə yayımlanan və oesterlé–masser hipotezinə ekvivalent olan szpiro və hiperbolik əyrilər üçün vojta hipotezini isbat etdiyini iddia edən,
amma bu günə qədər məqalələrin mürəkkəbliyi və təmamilə yeni metodlara söykənməsi səbəbilə riyaziyyatçılar tərəfindən skeptik yanaşılan, haqqında riyaziyyat dünyasında illərdir geniş müzakirələr aparılan,
və ən nəhayət filds medalçısı peter scholze tərəfindən məqalələrdə həll edilə bilməyəcək bir səhv tapıldığı bildirilən, taleyi bu günə qədər qaranlıq qalmış riyaziyyat nəzəriyyəsi.
ətraflı: (baxma: oesterlé–masser hipotezi)
məşhur topoloq, riyaziyyatçı.
zeeman danışır ki, bəs bir dəfə 7 ilə yaxın bir problemin doğruluğu isbat etmək üçün çalışıb və bir gün anidən fikirləşib ki əksini yəni problemin düz olmadığını isbat etmək üçün çalışsın.
həmin səhər əksini isbat etmək üçün çalışmaya başlayıb və bir saat sonra problemin düz olmadığını isbat edib. 7 il israrla səhv bir yolda didinib qalıbmış özü də bilmədən. 1 saat sonra məqalə hazır olub.
burdan çıxarılacaq vacib həyat dərslərindən biri də odur ki məsələlərə həmişə eyni tərəfdən baxmaq zaman itirməyimizə səbəb olur. *
life lesson gls
. jim simons adlı riyaziyyatçı tərəfindən qurulan hedge fund firması.
jim simons topologiya sahəsində ixtisaslamış və veblen mükafatı almış məşhur riyaziyyatçıdır. gənc yaşlarında finans sektoruna girir və milyardlarla dollarlıq sərvət sahibi olur.
adını fiziklər də eşitməmiş olmaz. chern-simons deyə modern fizikada vacib bir nəzəriyyədə keçir jim simonsun adı.
qurduğu bu şirkət işçilərinə verdiyi maaş, intellektual ortam ilə seçilir. ancaq işçiləri də riyaziyyat, fizika məzunlarından və bu sahədə məqalələri olan araşdırmaçılardan seçilir.
yəni finans sahəsində hər hansı biliyin olması belə tələb olunmur. sadəcə riyaziyyat, fizika bilikləri. zarafatlar dolaşır ki jim simons iş intervyusu əvəzinə potensial işçilərinə çalışdıqları mövzuda seminar verdirir. bu seminar mərhələsini keçə bilənlər də işə qəbul olunur -*
dediyim kimi amerikadakı ən möhtəşəm iş ortamıdır bu şirkət.
jim simons eyni zamanda da hər il riyaziyyatın ən vacib sahələrində konfranslar təşkil edir. simons leksiyası adlanır.
Notice: Undefined variable: user_id in /var/www/soz6/sds-themes/vengeful-light/profile.php on line 1336
blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343