mavi ay

deyirlər bugün olacaqmış, hətta olubmuş, mən görmədim düzü. məlumata gələndəysə nə olduğunu dünənki və bugünki söz-söhbətlərdən öyrəndim mən də. deməli bu təbiət hadisəsi 3 ildən bir olurmuş. axırıncı dəfə avqust, 2012də olub. normalda hər ay 1 dəfə ay tam görünürmüş, yəni dolunay olurmuş. ildə 12 dəfə. təqvim dəyişikliyinə görə baş verir, bir ayda 2 dəfə dolunay görünür. ildə 13 dəfə yəni. həə, onu da deyim ki, ay mavi olmur. öz rəngində qalır sadəcə nəsə başqa birşey olur biz mavi görürük. ayın rəngini dəyişdiyi tək təbiət hadisəsi ay tutulmasıdı. narıncı-qırmızı rəng alır.

cahilliyin qarşısın alan edit: səhər düz-əməlli baxdım heç mavi də görünmürmüş ad. elə normal rəngdə görünürmüş. ad simvolik imiş. normaldan fərqli olaraq bir ayda 2 dəfə bədr formasında görünürmüş deyə ikincini xəyanətkar adlandırıblar ingiliscə. sonra da o söz blue-ya çevrilb

h.o.s.t. alliance

2007-2012 ci illərdə fəaliyyət göstərmiş rep qrubu. proloq adlı ilk albomları, beşiktən məzara son konsertləri olub. "pulsuz cdlər başlanğıcı idi hərşeyin"
fikir verirəm ki, host da din kimi bir şey idi deyəsən. hostçu idim, qulaq asırdım. sinifdə zadda millət mənə lağ edirdi . * asgfsga mən də guya fərqliydim da, qulaq asırdım. düzü sadəcə bəyəndiyim üçün qulaq asırdım. amma o ziddiyətləri necə başa düşməyib bəyənirdim bilmirəm. bəzi çox əla trekləri də olub. amma indi təzdən qulaq asanda görürəm ki, qaraqanın pessimizmi, aidin saf məhəbbət hissləri, prometenin də bi boku yox idi ama oxuyurdu da. jamal ali olan vaxtlar bombaydı.
amma belə bir həqiqət var ki, host indiki bir çox marjinalların qulaq asdığı qrup olub. sevilib dinlənilirdi çünki, ən axmaq fikri səsləndirsə belə o vaxt bu fikirləri səsləndirən başqa kimsə yox idi. hətta bir çoxları deyir hostun mənim formalaşmamda böyük rolu olub zad. mənim üçün də rolu olub. amma o hostun yaratdığı anarxist ruhlu, homofobik, allahsızları yandıraq hülooğ şüarları səsləndirən asosyal adam indi ölüb. indiki məni özüm yaratmışam və nifrət dolu deyiləm. çünki bunların yanlışlığını, mənasızlığını dərk edib hostdan soyudum. onda host dağılmışdı. qaraqan kitab zad yazırdı. promete də isa şahmarlı ölümü haqda mənasız statuslar silsiləsi yazırdı. (!) amma gec də olsa başa düşdüm. sevgi yoxdu deyib, əgər sevmək acizliksə mən dünyada ən aciz insan deyən qaraqan fikirləri daim dəyişən yeniyetmə kimi bir şey idi. hamı axtarışda olub, fikirləri dəyişib, namaz qılıb sonra ateist də olub. milliyətçi də olub sonra öz etdiklərinə lağ edib amma qaraqan, a kişi, 27 yaşın var hələ də salam allah deyə trek çıxarıb sonra da kitabında gah ateistləri "niprav" çıxarırsan, gah "prav" . şou biznesə söyüb maşın şou adlı səviyyəsiz proqrama qatılmağı və sonrasında ayrılarkən dediyi "bomba" sözlərlə də gündəmə yaxşıca oturmuşdu. hələ qaraqan bi ara kitablarımın oxunmasında hostun nə bilim rolu yoxdu, öz uğurumdu tipli cümlələr də qurmuşdu. ondan sonra lap gözdən düşdü. səhv ya da düz bir zamanlar öz fikirləri var idi və onları ifadə edirdi. indi haqqın yolun tapıb, nəyi var publikaya oynayır. hələ o gün facebook səhifəsində kuponlarımızı alıb bizə olan güvəninizi göstərdiyiniz üçün təşəkkürlər yazması * glş . özüm də dinləmişəm, oxumuşam. hətta dərzi treki çıxanda kiçik bir nostalgiya da yaşamışam -* amma hosta since2007 məhəbbət bəsləyənlərin düşüncələrinə refresh verməsini diləyirəm. bir sözlə həvəsdi, bəsdi. hostun aşıladığı tək şey ayrımcılıq, yobazlıq idi.

uşaqlıq dövründəki tanrı təsəvvürü

deməli nənəm deyirdi allah hər yerdədi, hamını görür. mən də zehnimdə allahı uzatdıqca uzadırdım, eninə uzununa böyüdürdüm ki, hər yerə yayılsın görsün hər yeri. buludların üstündə, bulud materialından. elə bilirdim buludlar onun paltosunun ətəyidi. o oturub palto yayılıb. saç saqqal da ağ appaq. ala ama nə qədər edirdim bütün göyə yayammırdım. sora dünya yumrudu bu necə ər yerə yayılır axı fikirləşirdim. * glş sonra gördüm olmur, yayılmır hər yerə lap yuxarı qaldırdım. sonra dedim dinine de imanına da. * glş glş glş dedim olmur da olmur. vapşe kim yarattı e bunu? yoxdu belə şey. * içmisən, çəkmisən? ayda, hələ nənəm öyrətmişdi ki, dua edim. mən də anam atam bacım nənəm 4lüsünə dua etmək istəyirdim. bunlara dua edirdim. sonra da nənəm məcbur bütün qohumlar, evsizlər, küçədə qalanlar deyə siyahını uzatdırırdı. mən də yuxum gələ-gələ bunlara dua edirdim zorla. nənəm yanımda olmayanda da vicdan əzabı çəkirdim deyə təzdən duama bu sonrakı kateqoriyaları da əlavə edib yuxumun içinə edirdim * glş
hər şeyi keçdim mən o vaxt uşaq vaxtı tualetdə rahat otura bilmirdim ala. indi bu allah qocadı axı, hərşeyi də görür. ayıbdı məni görməsin zad. * wtf yarattığın allah fiquru belanı versin nənə. uşaqlığımın içinə etdin * glş

allah şəfa versin deyən ateist

insanların əksəriyyətinin müsəlman olduğu və demək olar ki, bütün ifadələrin də bu din çərçəvəsində formalaşdığı bir cəmiyyətdə böyüdüyü üçün dini görüşünü dəyişdirsə də yaşadığı ərazinin lüğətini dəyişə bilmədiyindən işlədir. düzdü, bəzi alternativlər tapmağa çalışan insandır.
allah qoysa, inşallah - ümid edirəm yaxşı olar.
şükür oldu bu da - axır ki, yaxşı ki filanşey də oldu
allah şəfa versin - keçmiş olsun.
amma bir az da insani bir instikdi. kimsə ölüb. durub fikirləşmirsən ki, ala mən ateistəm içində allah olmayan cümlə deyim. həm də yuxarıda da deyildiyi kimi səmimiyyətsiz gəlir insana qulaq alışmadığından. salamlaşanda belə məcbur allahın adın işlətmiş olur. hətta salamlaşmaq felinin belə kökü salamdı. bir sözlə istəsə də dini ifadələrdən qurtuluşu yoxdu

sözaltı günlük

bugün normaldakından fərqli olaraq axşamüstü 4-5 radələrində oyanmadım. boğulurdum, nəfəsim kəsilirdi. boğazım qurumuşdu. evdə də adam yox idi. bugün fərqli bir şəkildə normal insanlar kimi 11də oyandım yuxudan. gedib su içdim. bügün fərqli gün idi. bugün tez durmuşdum, bugün oyanma səbəbim evdəki dava səsləri yox, susuzluq idi. bugün oyansam da əsəbləşib təzdən yatmamışdım. öz-özümə dedim ki, bugün yaxşı bir gündür. sonra da yan binadakı adamın öldüyünü eşitdim. bura yay ilə əlaqədar olaraq gəlmişdim. öz evimiz deyil. o adamı da tanımıram. amma bugün yaxşı gün idi və o adam səhər tezdən ölüb getmişdi. mənsə vecimə almırmış kimi davrandım. çünki bilirdim ki, o adam bugün yan binada ölüb və mən xəbərdaram. amma hər gün kimsə hansısa binada, küçədə, dənizdə, səhrada ölür gedir. sonra da bir anlıq özümdən iyrəndim. amma bunu özüm seçmişdim. dünya həqiqətən iyrənc bir yer idi. amma mən facebookda profilimə hansısa ölən gəncin şəklini qoymağın mənasızlığını da başa düşürdüm. çünki başqa ölənlərə haqsızlıq idi. sözdə ədaləti bərpa etmək üçün içimdəki bir-iki hissi öldürmüşdüm. soyuqqanlı olmağı seçmişdim. gecələr oyaq qalıb, gündüzlər yatırdım ki, baş verən pislikləri görmüyüm guya. payız da gəlsəydi millət olaraq depresivləşərdik belə özümü çox yalnız hiss edirəm. hə bir də ki, bugün yaxşı bir gün deyildi.

facebook

artıq türklərin deyimiylə çivisi çıkmış olan sosyal şəbəkədir. yox, facebookda xüsusi bir problem yoxdur, sadəcə insanların çivisi çıkmışdır. yenə türklərin deyimiylə ayrımcılığın daniskasıdır. tamamilə görüntü və sosyal statusun, az-maz populyarlığın ön planda olduğu, fikirlərə çox da qoz qoyulmayan bir ortamdı. düzdü, facebook fəlsəfə kitabı zad deyil ki sən orda öz fikirlərini zorla camaatın gözünə salmağa çalışasan. amma hamı nəsə yazır da ala. necə deyərlər hər klaviaturası olan yazır. hansısa gözəlçənin yazdığı "ən sevdiyim meyvə pomidordu"nun sənin yazdığın çox daha əhəmiyyətli bir yazıdan 2-3 dəfə daha çox bəyənilməsi adama qoyur. hətta ondan da pisi var. bir dəfə bir statusa rəy yazmışdım, qızın biri də mahiyyət etibarilə eyni cümləni yazmışdı məndən sonra. 8 like gəlmişdi adi bir rəyə ala. niyə? çünki mənim profilimdə karikatura şəkli idi. qız isə gözəl idi. yəni belə. kimsə sənin nə dediyinə yox, adına, üzünün quruluşuna, saçının rənginə baxır. qozduyan 1-2 nəfər də sənin kimi qozlanmayan hər hansı bir loserdi. diskriminasiya sözünün sayt halı. hələ sözlüyün dadına baxandan sonra gözünüzdə daha da iyrəncləşə bilər.
hamı da bir-birini qınayır facebookda. biri də gəlir qınayanı qınayır. o da onu, o biri də bunu, bu da onu, o da bunu. nolub ala?

edit: yox. təbii ki mənim məqsədim insanlar tərəfindən bəyənilmək deyil. sadəcə narahatçılığıma səbəb mənəviyyat və insanlıqdan dəm vurub davamlı nələrisə qınayıb, bəyənməyən insanların bu hərəkəti etməsidir.

yanlış başa düşülən sözlər

bəziləri yanlış başa düşülə bildiyi halda bir çoxları qarşıdakı tərəfin içinin fəsatlığından səhv başa düşülən sözlər/ifadələrdi. məsələn
(baxma: oğlanlar tərəfindən hər daim səhv başa düşülən vermək sözü)
(baxma: hehehe verim dedi)
(baxma: neyin kafası lan?)