bərbər qiymətləri

hardasa 2010-dan filan bu tərəfə saçımı eyni adama kəsdirirdim. laçından olan yaşlı bir dayı idi. təzə-təzə gedəndə bir-iki dəfə soruşdu necə kəsməli olduğunu. onunla da bitdi. gedirdim heç nə demədən başlıyırdı kəsməyə. kəsim vaxtı da cavanlığından, əsgərliyindən zaddan danışıb kefimi açırdı. əvvəl uşaq idim evdən verilən pulla gedirdim. 4 manat alırdı. sonradan əlim pula çatanda həmişə iri pul verirdim ki, bəlkə qiyməti artırmaq istiyər. amma kişi həmişə 4 çıxıb qaytarırdı. arada soruşurdum ki, az deyil 4 manat? deyirdi bəsdi.
bu ilin əvvəli telefonu dəyişdim. necə bacardım bilmirəm amma həm köhnə telefondan həm də təzədən kişinin nömrəsini tapa bilmədim. backup-da bütün nömrələr çıxdı ondan başqa. dedim illərdi ordadı da. hara gedəsidi ki? növbəti dəfə gedəndə gördüm işlədiyi yeri bağlıyıblar. yandakı marketə birləşdiriblər. kişi bildiyin yoxa çıxdı. getdim biraz dolaşdım təzə bir yer tapdım. artıq 9 ay filan olar gedirəm. indi də bu qaqaş dirəşib 7-dən çox almır. deyir ki, tək saç 7 manatdı. saqqal da olsa 10 alardım. sonra başlıyır kəsməyə, arada saqqalımı da düzəldir asqsfsf. allah razı olsun nə deyim. joseph gordon-levitt tərzi, dümdüz saçım olduğundan bahalı deyil deyəsən.

loveyoustepan

spirit animal-ım olduğunu düşünyüm, instagram məhşuru pişik. 7/24 kənardan belə göründüyümə əminəm. sifata bax sfjlsDJg

disturbed

(baxma: osikisoxamanın başlıq açmadığı musiqi qrupları)

1994-də şikaqoda qurulmuş heavy metal qrupu. arada fasilə versələr də hazırda aktivdilər. simon and garfunkel-in "The Sound Of Silence" mahnısına özlərinin stilinə uyğunlaşdırıb ifa ediblər. paul simon da bu versiyanı bəyəndiyini deyib.

(youtube: )

(youtube: )

(youtube: )

(youtube: )

ölüm

ölənlərinizə rəhmət keçən həftə nənəm rəhmətə getdi. nənəm mənim üçün nənədən çox atamın anası olduğu üçün bu ölümdən çox təsirləndiyimi deyə bilmərəm. yəni adam təəssüflənir amma kədərə, qüssəyə boğulmadım. ancaq sonradan oturub fikirləşəndə ağlımı həmişə qurcalıyan ölüm qorxusu özünü biruzə verdi.
nənəm həyatda tanıdığım ən güclü qadınlardan biri idi. yaşlı insanlar arasında isə ümumiyyətlə ən güclüsü. uşaq olanda atası müharibədə itkin düşüb, məktəb oxumağa qoymuyublar, 3 uşaq anası, 37 yaşlı qızını torpağa tapşırıb, 2008-dən bu tərəfə də elə ya belə xəstəliklərlə mübarizə aparırdı. buna baxmayaraq, nənəmin öz dili ilə desək, cağ idi. 90 yaşına çatmaq üzrə olan bu qadının həmişə həyətində özünün əkdiyi göy-göyərtisi olurdu (elə indi də var). öz yaşıdları kimi beli bükülməmişdi. "qolum, dizim ağrıyır" - deyirdi amma heç nədən də qalmırdı. bundan əlavə ahıl da * bu söz belədi? deyildi. biz nəvələri unidə oxuyanda kimin harda oxuduğunu əzbərə bilirdi. indilərdə də nəticələrinin yaşlarını, hansı nəyi xoşlayır hamısını xatırlıyırdı. məni ən çox təəccübləndirəni isə məktəb yaddaşı idi. qısa müddət oxuduğu məktəbdə, ona çox az müddət keçilən ingilis dili dərsində öyrədilənləri xatırlıyırdı. həftənin günləri, aylar, rəqəmlər və s.
indi bu tündxasiyyət, inadkar amma güclü qadın ölüm döşəyinə düşmüşdü. indiyə qədər çox xəstələnib, yatağa düşüb. amma beləsi olmamışdı. son günlərində yanında olan əmimlə danışırdım. deyir su gətirirdim əli ilə itələyirdi ki, istəmirəm, ehtiyacım yoxdu. ağrıları azalsın deyə iynə vururdum. iynə vuracağımı deyəndə əsəbiləşirdi amma gətirib vuranda da qolunu çəkmirdi. çünki mənəvi, ruhi cəhətdən son ana qədər inadkarlıq edib mübarizə aparmaq istəsə də bədəni artıq təslim olmuşdu. eşitdikcə qəribə oldum. insan 90 yox 190 il də yaşasa ölümü qəbullanmaq olmurmuş. bu fikir də məni həmişə narahat eliyən başqa fikri yenidən ortaya çıxartdı. mən ölümdən qorxuram aq.
nənəmi dəfn elədiyim ilk insan idi. bundan əvvəl bibim rəhmətə getmişdi. onda uşaq idim. heç nə anlamırdım. sonra xidmət vaxtı əskər yoldaşım vəfat elədi. onda da sadəcə xəbərini aldıq. ölümünü anladım amma dəfnində olmadım. nənəminsə həm ölümünü qavradım həm də özüm dəfn elədim. həmişə nənəmlə bir masa ətrafında oturduğum insanlarla qadını qəbrinə yerləşdirdik, sonra növbə ilə torpağını atdıq, duasını oxuduq çıxdıq gəldik. bu bir gün mənim anama, atama, sevdiyim digər insanlara və mənə olacaq. mən öz valdiyenlərimə, mənim övladlarım da mənə torpaq atacaqlar. bəlkə də tərsi. ümid edirəm tərsi olmaz. özüm övlad dəfn edə bilmərəm. yəqin elə oralarda gedərəm mən də. ailəmə də arzu eləmirəm.
arada bir yadıma düşür, dəli oluram. necə yəni öləcəyik, hər şey bitəcək??? bu konsepti necə belə qəbul eləmişik? anlıyıram təbiət ana, həyatın bir parçası-filan. amma necə də yəni? ölümü necə qəbullanmaq olar ki? necə qorxmamaq olar bundan? necə bunun fikri olmadan yaşyıb gedirik mk? arada belə fikirlər gəlir. beynimə direl soxulurmuş kimi hiss eliyirəm. tez fikrimi dağıdıram. o biri dünya, axirət anlayışları çox babat temadı. camaat çox fikirləşməsin deyə "yox, qaqa, bu son dööör" deyib basıblar elə. mın qoyum öləciyik. sonra heç nə olmayacaq. çoxumuzu xatırlayan belə olmayacaq.

nightmare alley

rejissorluğunu və ssenaristliyini Guillermo del Toro-nun etdiyi, eyniadlı kitaba əsaslanan neo noir, psixolojik triller filmi. rollarda Bradley Cooper, Cate Blanchett, Willem Dafoe, Rooney Mara, Ron Perlman və s. var.

(youtube: )

train to busan

yayılan xəbərlərə görə the last train to new york adı altında hollywood remake-i çəkiləcək. bundan əvvəl oldboy və snowpiercer * serial remake kimi böyük filmlər də remake olunmuşdu.
bu arada filmin Peninsula adında bir davam filmi var.

əmək müqaviləsi və xidmət müqaviləsi arasındaki fərqlər

1. əmək müqaviləsi əmək məcəlləsinə əsaslanır.
xidməti müqavilə isə iki sahibkarlıq subyekti arasında bağlandığı üçün mülki məcəllə, vergi məcəlləsi və s. kimi şeylərə əsaslanır.

2. hər iki müqavilənin də ləğv olunma riski, rahatlığı demək olar eynidi. hər iki müqavilə içərisində qeyd olunanan maddələr qədər "möhkəm"di. sadəcə əmək müqaviləsinin haqsız ləğv olunmasını əmək müfəttişliyinə rahatlıqla şikayət edə bilirsiz. xidməti müqavilədə isə iş kommersiya məhkəməsinə və s. gedir. həmçinin xidməti müqavilə çox vaxt qısamüddətli işlər üçün (it xidməti kimi) nəzərdə tutulur. xidməti müqavilə müddətsiz bağlansa belə sahibkarın göstərdiyi xidmət bitən kimi müqavilə ləğv olunur.
sahibkarlar işçiyə ödədikləri əməkhaqqına müvafiq olaraq dövlətə ödənişlər etməldilər. bu ödənişləri azaltmaq üçün işçiləri xidməti müqavilərə keçririr, dövlət bunun qarşısını almaq üçün xidməti müqavilə ilə işləməyi çətinləşdirir. (ödəniş məbləğlərinə aşağıda baxıb müqayisə edə bilərsiz) ona görə də banklar da etibar eləmirlər. sonsuz bir döngü.

3. əmək müqaviləsi bağlanan işçiyə şirkətin hesabı olan bankda əməkhaqqı kartı açılır və əməkhaqqı məbləği ora köçürlür.
xidməti müqavilə ilə işləyən işçi özünə vöen və bank hesabı açmalı, göstərdiyi xidmətə görə işlədiyi şirkətə elektron qaimə göndərməli, vergi, sosial və tibbi sığortasını bank hesabına daxil olan puldan özü ödəməlidi.

4. əmək müqaviləsi bağlanarkən elektron hökumət portalında qeyd olunur. buna görə kredit verən təşkilatlar (bank, bokt, elektronika mağazaları və s.) bu portal vasitəsi ilə işçinin rəsmi maaşına baxıb onun gəlirini təyin edə bilirlər. həmçinin əgər işçi əməkhaqqı kartına sahib olduğu bankdan kredit almağa çalışırsa bank onun kartına daxil olan məbləğə baxa bilir.
acnaq xidməti müqavilə hökumət portalında qeyd olunmadığından bank məcburi şəkildə çıxarış istəməli olur.

5. əmək müqaviləsi ilə işləyən işçinin əməkhaqqı məbləğindən aşağıdakı tutulmalar olunur (2021-ci il üçün, gələcəkdə bu rəqəmlər dəyişə bilər):
özəl şirkətlərdə işləyələr üçün:
gəlir vergisi:
Vergiyə cəlb olunan məbləğ 8000 manatadək olduqda: 0%
Vergiyə cəlb olunan məbləğ 8000 manatdan çox olduqda: (əməkhaqqı) x 14%
qeyd: hesablanan əməkhaqqına daxil olan bəzi şeylər vergidən azad ola bilir. ona görə "Vergiyə cəlb olunan məbləğ" yazılıb.
DSMF ayırmaları:
Əməkhaqqı 200 manatadək olduqda: (əməkhaqqı) x 3%
Əməkhaqqı 200 manatdan çox olduqda: 6 azn * 200 x 3% + (Hesablanan aylıq əməkhaqqı-200) x 10%
işsizlikdən sığorta haqqı: (əməkhaqqı) x 0.5%
icbari tibbi sığorta haqqı:
Əməkhaqqı 8000 manatadək olduqda: (Hesablanan aylıq əməkhaqqı x 2%)/2
Əməkhaqqı 8000 manatdan çox olduqda: 80 * 8000 x 2%/2 + (Hesablanan aylıq əməkhaqqı-8000) x 0.5%

dövlət və neft-qaz sektorunda işləyənlər üçün:
Gəlir vergisi:
Vergiyə cəlb olunan məbləğ 2500 manatadək olduqda: (Vergiyə cəlb olunan məbləğ - 200) x 14%)
Vergiyə cəlb olunan məbləğ 2500 manatdan çox olduqda: 350 azn * 2500 x 14% + (Vergiyə cəlb olunan məbləğ - 2500) x 25%
DSMF ayırmaları: Sığorta haqqına cəlb edilən aylıq gəlir x 3%;
işsizlikdən sığorta haqqı: Hesablanan aylıq əməkhaqqı x 0.5%;
icbari tibbi sığorta haqqı:
Əməkhaqqı 8000 manatadək olduqda: Hesablanan aylıq əməkhaqqı x 2%
Əməkhaqqı 8000 manatdan çox olduqda: 160 + (Hesablanan aylıq əməkhaqqı-8000) x 0.5%

xidməti müqavilə ilə işləyənlər qazandıqları gəlirə görə aşağıdakı ödənişləri edirlər:
gəlir vergisi: (gəlir-gəlirdən çıxılan xərclər) x 20%.
əgər xidməti müqavilə ilə işləyən şəxs başqa bir xərc eləmirsə (xidmət və ya mal almırsa) onda onun gəlirdən çıxılan xərcləri ödənişlərdən tutulan bank komisiyyaları, hesabında olan pulu nağdlaşdırarkən tutulan bank komisiyya və hesabında olan pulu nağdlaşdırarkən tutulan 1% sadələşdirilmiş vergi olur.
qısaca desək: (qaimədə göstərilən məbləğ - bank komisiyya - 1% vergi) x 20%
mikro sahibkarlıq subyektləri üçün hesablanan vergi məbləğinə 75% güzəşt olunur.
yəni (gəlir-gəlirdən çıxılan xərclər) x 5% kimi hesablanır.
fəaliyyətdə olduğu (yəni elektron qaimə göndərdiyi) ayda göndərdiyi qaimənin sayından və məbləğindən asılı olmayaraq 62.50 sosial sığorta və 10 azn icbari tibbi sığorta.

the elder scrolls vı

e3 2018-də "alun hələlik bu bəsivizdi" tərzində treyler ilə təqdim olunmuş oyun. ekrana sadəcə oyunun adı yazılmışdı ki, o da tam deyil. the elder scrolls v: skyrim kimi tam adı yox idi. bu da o deməkdi ki, oyun yoxa bərabərdi.
2020-də zenimax media və bilavasitə ona daxil olan bethesda microsoft tərəfindən satın alındı. bu günlərdə də Phil Spencer oyunun pc və xbox üçün eksklüziv olacağını yəni playstation, switch üçün çıxmayacağını açıqlayıb. bundan əvvəl yeni ip olan Starfield-ın da eksklüziv olacağını açıqlamışdılar.
(baxma: let the games begin)

john krasinski

The Office serialındakı Jim Halpert rolu ilə məhşurlaşan amerikalı aktyor. 2010-da emily blunt-la evlənib. A Quiet Place filminin ssenaristi, rejissoru və emily blunt ilə birgə baş roludu. çəkildiyi ən məhşur film 13 Hours: The Secret Soldiers of Benghazi-di. tom clancy-nin Ryanverse dünyasına əsaslanan amazon prime video serialı Tom Clancy's Jack Ryan-da da baş roldu sifarişi verən: sonra dedilər ki alınmadı

qızıl qol

fifa tərəfindən 1993-də qəbul olunub 2002-ci ildə ləğv olunmuş futbol qaydası. əsas vaxtı bərabərliklə bitən oyuna 30 dəqiqə (15+15) əlavə olunur. bu müddət ərzində qol qeydə alınan kimi oyun yekunlaşır və qol vuran tərəf qalib elan olunur. əgər bu vaxt ərzində qol qeydə alınmazsa qalib penaltilər seriyası ilə müəyyən edilir.
son qızıl qol 2002-ci il dünya çempionatının 1/4 final mərhələsində türkiyə-seneqal matçında ilhan mansız tərəfindən vurulub.

(youtube: )

uşaq vaxtı qorxulan şeylər

xalamgilin evi.
xalamgil həyətlərində həmişə it saxlıyırdılar. itlər də nə itlər. canavar boğan cinsdən. amma mən itlərdən çox evin özündən qorxurdum.
xalamın yoldaşı özləri üçün kənddə, düz dağın ətəyində sıfırdan ev tikmişdi. şəxsi imkanlarla (imkansızlıqlarla) tikilən evin bitməsi çox uzun çəkmişdi. mənim uşaqlığım da bu evin tikintisinin ən son mərhələsinə düşürdü. xalamın yoldaşı da elə bu vaxtlarda ağır xəstəliyə düçar olduğu üçün evin yekunlaşması daha da çox yubanmışdı.
evin dəhliz hissəsinə, döşəmə əvəzinə müvəqqəti olaraq uzun-uzun taxtalar atmışdılar. güya sonradan döşəmə edəcəkdilər. amma xəstəlik söhbətinə görə o taxtalar illərlə qaldı orda. taxtalar həddindən artıq səliqəsiz idi. biri uzun, biri qısa, yarımçıq, çatlarla dolu və s. üstündə gəzəndə qorxu filmərindəki cırıltı səslərindən gəlirdi. ən pisi isə o idi ki, taxtalar bir birindən aralı idilər. müvəqqəti olduğu üçün necə gəldi atmışdılar. üstündə durub aşağı baxanda evin zirzəmisi görünürdü. orda dayanıb aşağıda öz anamı gördüyüm yadımdadı. həmişə evə girib dəhlizin başında gözlüyürdüm. keçməyə qorxurdum ki, ayağım o aralıqlara düşər, yıxılaram. xalam da gülə-gülə deyirdi ki, qorxma heç nə olan deyil.
evin təmiri çoxdan yekunlaşıb. indi xalamın nəvələri dəli kimi qaçıllar o döşəmədə. fikirləşirəm görəsən mən uşaq gözü ilə o aralıqları çox böyütmüşəm yoxsa həqiqətən də elə idi.
itlərdən biri də belə çox pis şəkildə öldü. yadıma düşəndə əsəb keçirirəm həmişə. o da başqa entry-nin mövzusudu.

dune

spoiler ola bilər.

heç kim də demir ki, bu kino yarımçıqdı aq. bildiyin sonu yoxdu filmin. indi baxdım bir-iki xəbər olub filmin iki hissədən ibarət olacağı barədə. amma avengers ya da hunger games də olduğu kimi elan eləmiyiblər. avengers infinity war elan olunanda demişdilər iki part olacağını. hunger games-in də adı part 1 idi elə. hələ bir də "dune 2 confirmed" deyə xəbərlər çıxır. lan, onsuz da bunun ikincisinin olmaması absurd olardı. bu film, oyun dünyasını idarə edən amma bu sektordan anlamayan qalustuklu dayılar öldürür də məni.

bilmirəm, məni çox üzdü sonu. işdən çıxıb qaça-qaça gedib izləmişdim ki, ürəyimdə qalmasın. amma sonunda əllərim, ağzım açıq qaldı. son? hanı bunun sonu? tak deyə kəsildi film. bir az promotion kimi gəldi. zendaya cəmi 7 dəqiqə görünür filmdə. həmçinin treylerdə önəmli görünən bəzi şeylərdə filmdə öncəgörmə olaraq göründü. yəni yoxdu. ikinci də olacaq yəqin.

bunu çıxsaq qalan hər şey zordu. yarımçıq olmasına baxmayaraq disney-in çəkdiyi bütün star wars filmlərindən daha yaxşıdı. star wars-ın fərqli-fərqli bir çox film və hekayədən ilhamlandığını bilirdim amma dune lap kökü imiş kimi gəldi. muzıkantdar lap əjdaha iş görüblər. onlara kudos.
inş., ikincisi çıxanda tam toparlayar hər şeyi, mən də "yaxşı ki, yarımçıq olub birinci. belə daha əla olub" deyərəm.
bir də hollywood-da kim varsa bu filmdədi. hara baxırsan məhşur biri çıxır. rebecca ferguson da maşallah, maşallah şərab kimi qadındı. yaşlandıqca gözəlləşir.

oppenheimer

#336035
cristopher nolanın 2023-də çıxacaq yeni filmi. Robert Oppenheimer və ilk atom bombası haqqında olacaq. Robert Oppenheimer-ı Cillian Murphy, onun həyat yoldaşını isə Emily Blunt * bebişim, aşkısı canlandıracaq. bundan əlavə Matt Damon və Robert Downey-də fimdə rol alacaqlar.
nolan indiyə qədər çəkdiyi filmlərin çoxunda warner bros studiyası ilə işləmişdi. warner bros-un hbo max siyastəyinə görə artıq bu şirkətlə işləməyəcək. yeni filmi universal studiyası ilə çəkəcək. warner bros üçün böyük itki saymaq olar məncə. çünki nolan artıq kult rejissordu. öz kütləsi var. (baxma: kult film/-332939)
bu arada bilməyənlər üçün warner bros pandemiya dönəmində çıxan filmləri kinoteatrla eyni vaxtda hbo max saytında da yayımlamaq qərarı verib. buna görə filmlərin hamısı çıxan kimi pirat olaraq internetə düşüb və həm saytda həm də kinoteatrlarda izlənmə sayı aşağı düşüb.