Son yazılanlar
Hazırki streak: 0 gün ardıcıl post yazılıb.
Rekord: 12 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: axşam yazarı
Pik saat: 19:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 3 (karma əsasında)
Növbəti səviyyəyə: 97 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 41,077
Toplam simvol: 246,460
Orta entry uzunluğu: 580 simvol
Kitab ekvivalenti: ~0.6 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
unspoken
unspoken
titans of creation
kastamonu ayısı
sadie adler
ispanların kriminal, thriller film və plot twist işlərindəki məharətini göstərən film. film boyu cinayətin və cinayətlə bağlantısı olan hadisələrin necə baş vermiş ola biləcəyinə dair səhnələri bir neçə formada görürük və filmin sonunu bəyəndiyimi deyə bilərəm.
filmdə, adrian doria adlı iş adamının sevgilisi laura-nın ölümü və bu cinayətin ətrafında cərəyan edən digər hadisələr ələ alınır.
rock/metal albomlarının genişləndirilmiş yaponiya versiyaları. belə ki, yaponiyada musiqi albomları qərbə nisbətən daha bahalı olduğu üçün əvvəllər əksər yaponlar albomları xaricdən sifariş edirdi. yayım şirkətləri yaponiya bazarından daha rahat qazanmaq və burada daha rahat satış edə bilmək üçün qruplara albomlarının yapon versiyası üçün “japanese bonus track” olaraq bilinən əlavə mahnılar çıxarmağı təklif edirlər. bu bonus mahnılar əsasən instrumental, cover, remix və ya konsert versiyası olur. məsələn, lamb of god-ın 2022-ci ildə çıxmış omens albomunun yapon versiyasında evidence adlı instrumental bir bonus mahnı yer alır.
türk metal qrupu pentagram-ın keçmiş gitaristi.
https://i.imgur.com/JNlSgFg.jpg
panteranın 5 minutes alone mahnısı 6 dəqiqədir.
unspoken albomundan əfsanəvi pentagram və ya mezarkabul mahnısı. mahnıda 50 yaşlarına qədər zindanda saxlanılmış və 50 yaşlarında taxta çıxıb, 3 ilə yaxın hakimiyyətdə olmuş osmanlı hökmdarı iii osmandan bəhs edilir. solosu çox gözəldir. vokalda murat ilkanın ifası ilə parça daha gözəl alınıb. canlı performansı da albom versiyasından daha yaxşıdır.
five finger death punch-ın qurucularından biri və qrupun ritm gitaristi olan macar musiqiçi.
1978-ci ildə anadan olub. gənc yaşlarında amerikaya köçür. amerikaya ilk gəlişi haqqında bir reportajında belə deyir: “amerikaya, içində bir neçə geyim olan çantam, biraz pul və gitaramla gəlmişdim.”
2004-cü ildə u. p. o. adlı qrupa bassist olaraq qoşulur. 2005-ci ildə bu qrupdan ayrılaraq, “five finger death punch”-ı qurur və musiqi karyerasına ritm gitaristi olaraq davam edir.
musiqidən əlavə, idmanla da məşğul olan zoltan, cüdo və jiu-jitsu-da qara kəmər və bir çox medal sahibidir.
musiqi və idmandan əlavə, qrupunun digər üzvləri kimi amerikan müharibə veteranlarına dəstək məqsədilə bir çox layihədə iştirak edib. həmçinin, vetpaw adlı təşkilatın da üzvüdür. bu təşkilat, amerikan veteranları tərəfindən afrikanın flora və faunasını qorumaq və heyvanların qanunsuz ovunun qarşısını almaq məqsədilə qurulub.
2011-ci ildə çəkilmiş ispaniya-kolumbiya ortaq istehsalı thriller filmi.
baş rollarda quim gutierrez, clara lago və martina garcia çəkilib. 2013-cü ildə çəkilmiş hindistan istehsalı murder 3 və 2017-ci ildə özcan denizin rejissorluğu ilə çəkilmiş türkiyə istehsalı öteki taraf bu film əsasında çəkilib.
ssenari: baş qəhrəman adrian adlı bir orkestr şefidir. film, adrianın bir müddətdir münasibətinin pisləşdiyi sevgilisi belenin bir video çəkərək itməsi ilə başlayır. adrian isə sevgilisinin itməsinə məhəl qoymayaraq, tanış olduğu yeni sevgilisi ilə həyatını davam etdirməyə çalışır və hadisələr inkişaf edir.
amnesia: the bunker-dəki #73014 nömrəli alman əsir.
https://i.imgur.com/zbgiGES.jpg
far beyond driven albomunda yer alan məşhur pantera mahnısı. qrup üzvlərinin yerində dura bilmədiyi, kameraya bol-bol pivə tullanan klipi var. mahnı, hər nə qədər qəribə səslənsə də, phil anselmo-nun həmin dövrlərdə yaşadığı və çox əziyyət çəkdiyi bel ağrısından bəhs edir.
amnesia: the bunker personajlarından biri.
https://i.imgur.com/ot1iPib.jpg
amnesia: the bunker-in baş qəhrəmanı olan fransız əsgər.
https://i.imgur.com/qPELH1j.jpg
amnesia: the bunker oyunundakı əsas qəhrəmanlardan biri olan fransız əsgəri. evlidir və bir oğlu var.
spoiler!
oyunun baş qəhrəmanı henri clement-in yaxın dostudur. oyunun başlarında henri ilə birlikdə bir səngər döyüşündən sağ çıxır və bunkerə gedirlər. günlərin birində gecə növbəsi (patrul) vaxtı gəlib çatır. patrula kimin gedəcəyini müəyyən etmək üçün mərc oynayırlar və uduzan lambert olur. aradan bir müddət keçsə də, geri qayıtmır. lambert-i axtarmaq üçün çölə çıxan henri, onu böyük bir çuxurun içində yaralı halda tapır və kömək etmək üçün aşağı düşüb, ona su içirir. ancaq bu, əslində, adi su deyil və başqa bir dünyadan gəlir. lambert-i çiynində daşıyarkən almanlara görünürlər və top atəşinə məruz qalırlar. bundan sonra isə əsas oyun başlayır.
henri top atəşindən sonra yaddaşını itirdiyi üçün çox şeyi xatırlamır. lambert-in çuxurda içdiyi su ona kömək edir, yaraları sağalır və gücü yerinə gəlir. hətta top atəşindən sonra henri-ni lambert bunkerə gətirib çıxarır. ancaq bu su, vaxt keçdikcə lambert-ə pis təsir edir. lambert oyundakı bədheybətə (the beast) çevrilir və bütün silah yoldaşlarını vəhşicəsinə öldürür. lambert-in oyun içindəki qeydlərini oxuduqda görə bilərik ki, onun özü də nəyə çevrildiyini ilk başda anlamır və bəzi yoldaşlarını özünün xəbəri olmadan öldürür. bir qeydində bundan “oyananda əlim qan içində idi” deyə bəhs edir.
(baxma: rock’cı serpil)
tam bir “zurnanın səsi uzaqdan xoş gəlir” vəziyyəti. həmin işə başlayana qədər əvvəlcə yaxşı gözləntilər içində olursan (seks filan nəzərdə tutmuram). başladıqdan sonra isə bu dünyada cəhənnəmi yaşayırsan. sənin tək oğlan olmağından istifadə edib, işlərin yarısını sənə yükləyirlər. əlavə işləri görməkdən çox vaxt öz işini bitirməyə fürsət tapmırsan, onda da sən pis olursan. bütün gün qeybət, işdəki qadınların ailədaxili vəziyyətləri, ərlərinin performansı, ifritə qaynanaları və s. mövzular haqqında söhbətləri eşidirsən. bir-birlərinin üzünə gülüb, arxalarınca necə danışdıqlarına şahid olursan. bir də üstünə sənin arxanca danışmaları gəlir. velhasıl kelam, çəkiləcək şey deyil.
sniper elite oyunlarının baş qəhrəmanı.
alman əsilli amerikalıdır. berlində doğulub böyüyür və bu müddətdə almanca da öyrənir. ikinci dünya müharibəsi başladıqdan sonra isə almaniyanı tərk edir. bundan sonra müttəfiq qüvvələr üçün xidmət etməyə başlayır və kəşfiyyatçı-snayper olur. karl-ın şöhrəti müharibənin bütün tərəfləri arasında yayılır. bu obraz əvvəlcə 2005 istehsalı sniper elite və onun reboot versiyası olan 2012 istehsalı sniper elite v2-də görünür. bu oyunlarda karl-ın berlin missiyasından bəhs edilir. silsilənin davam oyunlarında isə karl-ın berlindən əvvəlki hekayəsi danışılır. karl bu oyunlarda şimali afrika, italiya və fransa cəbhələrində müxtəlif missiyalara göndərilir və alman-italyan qüvvələrinin müharibəni udmaq üçün həyata keçirdiyi müxtəlif hərbi layihələri və planları məhv edir. bundan başqa, “sniper elite” silsiləsinin spin-off versiyası olan zombie army trilogy-də də görünür. silahları snayper tüfəngi, ikinci silah (əsasən smg), səsboğuculu tapança və bıçaqdır. bundan başqa qumbara, dinamit, zirehli texnika və ya piyada əleyhinə minalar və s. vasitələrdən də istifadə edir.
(bax: robinzon kruzo)
28 avqust 1988-ci ildə almaniyanın ramstein qəsəbəsində yerləşən amerikan hava bazasında frecce tricolori adlı italyan hava şousu komandasının şousu zamanı baş vermiş faciəvi qəza. belə ki, şou zamanı 3 qırıcı təyyarə “parçalanmış ürək” adlı hərəkəti nümayiş etdirərkən bir-biri ilə toqquşur. daha sonra təyyarələrdən birinin tamaşaçıların üstünə düşməsi nəticəsində 75 nəfər yanaraq ölür, 500 nəfərə yaxın insan ağır yaralanır. “pony-1” qırıcısının pilotu toqquşmadan əvvəl təyyarədən çıxa bilmiş, ancaq paraşütünü aça bilmədiyi üçün yerə çırpılaraq həyatını itirmişdi. təyyarə isə yaxınlıqdakı maşın yoluna düşmüş və bu zaman əraziyə gedən tibbi helikopterlə toqquşaraq, helikopter pilotunu ağır yaralamışdı. “pony-2” isə sərt bir şəkildə yerə çırpılır və pilot heç nə edə bilmədən həyatını itirir. qəzadan sonra yanğınsöndürən və tibbi bölmələr əraziyə gəlir.
əfsanəvi musiqi qrupu rammstein da adını bu hadisədən götürüb. sadəcə qarışıqlığa yol açmamaq üçün qrupun adına daha bir “m” hərfi artırılıb.
1992-ci ildə çıxmış əfsanəvi pantera albomu. qrupun ən çox satılmış albomu və 90-cı illərin ən bəyənilən albomlarından biridir. 2017-ci ildə rolling stone tərəfindən “bütün dövrlərin ən yaxşı 100 metal albomu” siyahısına 10-cu sırada daxil edilib. ən sevilən “pantera” mahnılarının böyük əksəriyyəti bu albomdandır. 2012-ci ildə albomun 20 illiyi münasibətilə reissue versiyası yayımlanıb və bu versiyaya piss adlı bir bonus mahnı da əlavə edilib.
albomun mastering prosesi new york-da həyata keçirilib. albomda gitarist diamond darrell olaraq göstərilib, amma daha sonra hamının bildiyi dimebag darrell adını götürüb. bassist rex brown da “rexx rocker” adını götürüb.
1991-ci ildə metallica tərəfindən the black album yayımlandıqda “pantera” üzvləri də “metallica”-nın sözügedən albomda thrash metal sound-undan uzaqlaşdığını düşünənlərdən idi və bu vəziyyəti də sərt sound-a sahib bir albom çıxarmaq üçün fürsət olaraq görmüşdülər.
dimebag darrell albomun əfsanəvi mahnılarından walk-un rifflərini hələ cowboys from hell turunda soundcheck edərkən yazmış və qrup üzvlərinin çox xoşuna gəlmişdi.
albomun adı 1973-cü il istehsalı the exorcist filmindəki bir səhnədən götürülüb. səhnə belədir:
Rahib: if you’re the devil, why not make the straps disappear?
qız: that’s much too vulgar a display of power, karras.
albomun adı həmçinin 2007-ci ildə çıxmış a vulgar display of power: courage and carnage at the alrosa villa adlı kitabda istifadə edilib, ki kitabın fəsillərinin adında yenə bir çox “pantera” mahnısına yer verilib. Kitabda, həmçinin dimebag-in ölümünə səbəb olan proseslərdən də bəhs edilir.
albomun üz qabığında üzündən yumruqlanan bir adam təsvir olunub. iddiaya görə şəkildəki şəxs drummer vinnie paul idi və düzgün şəkil çəkilənə qədər 10 dollar qarşılığında 30 dəfə yumruqlanmışdı. ancaq bu iddia təkzib edilir və bildirilir ki, şəkildəki şəxs sean cross adlı bir modeldir və qətiyyən yumruqlanmayıb. eləcə də, üz qabığının ilkin versiyasında sean boks əlcəyi ilə yumruqlanırdı. ancaq qrup üzvləri bu versiyanı bəyənmədikləri üçün sonradan əlcək yalın əllə əvəzlənir.
albomun “reissue” versiyasındakı “piss” adlı bonus mahnı albom yazılarkən yazılmış, ancaq orijinal alboma qoyulmamışdı. Hətta vinnie paul da bu unudulmuş mahnını “reissue” versiyasında görənə qədər xatırlamamışdı.
albom çıxdıqdan sonra “pantera” əvvəlcə skid row və soundgarden ilə amerika turuna, ardınca isə megadeth və white zombie ilə avropa turuna çıxır. qrupun sound-u və canlı performansları şöhrətlərini daha da artırır. mahnılar:
(baxma: mouth for war)
(baxma: a new level)
(baxma: walk)
(baxma: fucking hostile)
(bax: this love)
lamb of god-ın ritm gitaristi. 1976-cı ildə anadan olub. qrupa 1998-ci ildə əvvəlki ritm gitaristi abe spear ayrıldıqdan sonra gəlib. qrupun keçmiş üzvü, əfsanəvi drummer chris adler-in kiçik qardaşıdır. qrupun əsas söz yazarlarındandır. əsasən les paul gitaralarından istifadə edir. qrupla işləmədiyi və turda olmadığı vaxtları ailəsi ilə keçirir. həmçinin, ev işlərini və yemək bişirməyi də xoşlayır.
1990-cı ildə çıxmış məşhur pantera albomu. bu albomla birlikdə “pantera” glam stilindən uzaqlaşıb və groove-a keçid edib. albom, ilk groove metal nümunələrindən biri sayılır. qrupun bundan əvvəlki işləri ilə müqayisədə daha sərt bir sound-a sahibdir.
albomun yazılmasına 80-ci illərin sonunda başlanılır. bu müddətdə sıra ilə əvvəlcə vinnie paul drum parçalarını yazır. ardınca dimebag darrell gitara riff və sololarını, ən sonda isə rex brown bassları yazır.
qrupun bu albomdan əvvəl də müəyyən işləri olsa da, qrup üzvləri “cowboys from hell”-i özlərinin ilk albomu hesab edirdi. çünki bu albomla birlikdə qrup öz tərzini tapa bilmişdi. albomun üz qabığındakı şəkil 20-ci əsrin əvvəllərində çəkilmiş bir bara aiddir və qrup üzvlərinin şəkilləri buraya əlavə edilib.
albom yayımlandıqdan 1 il sonra, 1991-ci ildə “pantera” tura çıxır və bu tur çərçivəsində həmin ilin sentyabr ayında moskvada da konsert verir. mahnılar:
(bax: cowboys from hell)
(baxma: primal concrete sledge)
(baxma: psycho holiday)
(baxma: heresy)
(baxma: cemetery gates)
(bax: domination)
(baxma: shattered)
(baxma: clash with reality)
(baxma: medicine man)
(baxma: message in blood)
(baxma: the sleep)
(baxma: the art of shredding)
Son bəyənilənlər
