ufc

ultimate fighting championship.
əksər adamlar bunu qaydasız döyüş müsabiqələri kimi kimi tanısa da əslində qarışıq əlbəyaxa döyüş sənətkarlarını cəmləyib yarışdıran təşkilatdır. yəni qaydasız zad deyil bir çox qayda mövcuddur ki bu da qaydasız adından məhrum edir bu idman növünü.

ilk turnirlərini aztvdə 90-ların başında izləmiş biri kimi indi hər hansı tvdə elə bir turnir göstərilsə o kanalın sonu olar deyə düşünürəm. bəli başlanğıc olaraq qayda yox idi. misal üçün əlcək yox vaxt yox hətta çəki fərqi belə yox idi. üstəlik ağlınıza gələcək hər şey sərbəst idi. ən önəmlisi hakim qərarı yox idi bir tərəf mütləq ko tko və ya submission ilə qalib gəlməli idi ya da rəqibin məşqçisi dəsmal atmalı idi. bu sözün əsl mənasında izləyə biləcəyiniz ən şiddət dolu reality show idi. van damme'ın blood sport və quest filmlərinin gerçək həyatda olanı idi yəni. aztv nə ağılla yayımlamışdı bilmirəm amma abş da ilk çıxdığı vaxtda belə yalnız ödənişli kanallar və video kasetlər vasitəsilə izləyicisinə çata bilmişdi. bununla birlikdə bir çox ştatda da qadağan olunmuşdu.

ilk ufc indikindən fərqli olaraq turnir şəklində təşkil olunmuşdu döyüşçü eyni gün içində 3 rəqibini məğlub etsə yarışın qalibi hesab olunurdu. ilk bir neçə yarışa brazilyadan olan jui jitsu ustası royce gracie damğasını vurmuş qabağına çıxanın qolunu ağzına vermək surətilə dalbadal submission'larla qəfəsin kralı olduğunu sübuta yetirmişdir. daha sonra dan severn ken shamrock oleg taktarov kimi əfsanələr ortaya çıxsa da ilk yarışları izləyənlərin əksəriyyəti formada olan royce gracie'ni məğlub edəcək bir döyüşçünü hələ də təsəvvür etməkdə çətinlik çəkirlər.

ufc qısa müddət ərzində özünəməxsus azarkeş kütləsi toplasa da yuxarıda göstərilən səbəblərdən daha geniş kütlələrə çatdırıla bilmirdi. buna görə də gəlirləri potensialının çox altında qalırdı.

beləliklə tədricən müəyyən qaydalar qoyuldu bunula birlikdə daha profesional idarəçiliyin gəlməsilə yenidən çiçəklənmə dövrü yaşamağa başladı.
müasir ufc'nin uğurunda ən böyük rol prezident dana white'a məxsusdur desək yanılmarıq. onun dövründə ufc zuffa adlı las vegaslı kazinolar sahibi lorenzo ferritaya məxsus şirkıt tərəfindən satın alındı.
dana white ufc yarışlarını profesional boks müsabiqələri formuluna uyğun təşkil etdi və bununla da fox kimi nəhəng kanalda belə artıq ufc yayımlana bilir. bu yaxınlarda reebok'la da sponsorluq müqaviləsi imzalayan ufc artıq jon jones conor mcgregor ronda rousey kimi ulduzlar çıxarıb və bunlar ufc'nin reklam sifəti kimi istifadə olunacaqlar.(jon jones bu şərəfdən məhrum da ola bilər öz ağılsızlığı ucbatından)
zuffa tərəfindən satın alındıqdan sonra ilk vaxtlar zərər etsələr də tədricən mma yarışları keçirən təşkilatlar arasında mübahisəsiz lider olmağı bacardılar. bunda əsas rəqibləri strikeforce pride kimi qurumları satın alma yolu ilə tərkibinə qataraq böyümələri əvəzsiz rol oynamışdı.
hal hazırda ufc'yə az da olsa rəqib ola biləcək bellator var ki ordan da potensialı olan döyüşçülər bir müddət sonra ufc'ni seçməli olacaqlar.