vincent van gogh

ilkin əsərlərində daha çox qəhvəyi, qara kimi tünd rənglərdən istifadə edən, ardından qardaşının daha açıq rənglərdən istifadə etsə, bəlkə də əsərləri satıla bilər düşüncəsi üzərinə möhtəşəm sarı və yaşıl rənglərlə ölümsüz əsərlər yaratmış rəssam. psixoloji problemlərini, qulağını kəsməsini, boyaları yeməsini öyrənənlər əsərlərinin bu problemdən qaynaqlanan mistikası olduğunu düşünür, halbuki, theoya məktublarında dahiliyi daha da aydın görünür. kartof yeyənlər, günəbaxanlar, məhbusların halqası, ulduzlu gecə və bir çox məşhur əsərlərin müəllifi.

tənqidi nəzəriyyə

immanuel kant, hegel, max weber, karl marks və sigmund freudun düşüncələri əsasında yaradılmış sosial və bəşəri elmlərini əsas götürərək cəmiyyət və mədəniyyəti irdələmə və tənqidinə söykənən nəzəriyyədir.
(baxma: herbert marcuse)
(bax: frankfurt məktəbi)

kannibalizm

insanın öz növündən olan başqa bir canlını yeməsini təyin edən terminologiyadır.
səbəbləri:
1. mədəni və sosial səbəblər
2. aclıq
3. psixoloji pozğunluq və ya xəstəlik.
kannibalizmin mədəni və sosial səbəbləri də iki yerə bölünür:
1. ekso-kannibalizm: düşmanlarının ətini(əsasən ürəyini) yeməklə onların gücünü özlərinə götürdüklərinə inanırlar.
2. endo-kannibalizm: ailə və ya qəbilə içində ölmüş yaxınlarının ətlərini yeyərək onların ruhlarını yaşatdıqlarına inanırlar.
bunlardan əlavə buğumayaqlılarda görülən seksual yamyamlıq da var ki, bu cütləşmədən sonra partnerlərdən birinin digərini yeməsi ilə nəticələnir.
(bax: dişi peyğəmbər dəvəsinin cütləşmədən sonra erkəyini yeməsi)
(baxma: qaradul)

hannibal

fəlsəfi və psixoloji söhbətlər ilə sənət rejissorunun yaratdığı əla ab-havanın birləşməsinin ssenarinin fantastik tərəfini yaxşı ram edə bildiyi serial. antony hopkinsin möhtəşəm hannibal obrazından kifayət qədər fərqli, heç də geri qalmayan mads mikkelsenin aktyorluğunu da xüsusi vurğulamaq gərəkir. bütün bunlara baxmayaraq, serialın özünü təkrarlayan bir ssenarisi var, hə, deyə bilərsiniz ki, bir dedektiv serialından nə gözləyirsən ki? açığı, ssenaristlərin dialoqlardakı yaradıcılığına baxanda hekayənin axışını da daha yaxşı edə bilərdilər deyə düşünürəm. hərçənd ki, thomas harrisin seriyasından kifayət qədər kənara çıxırlar, niyə də bunu etməsinlər.

acı uşaqlıq xatirələri

atamın anama xəyanətlərinə şahid olmaq. bir neçəsini anlatım cənablar.
1. yolda atamı kəndin məşhur qəhbəsi ilə görürəm, hər şeyi anlayıram. atamsa uşaq olduğuma görə tez unudacağımı zənn edib mənə 3 məmməd rüşvət verib anama deməyəcəyim haqda söz alır.
2. atam və iş yoldaşları balaca bir dükkan açıb elektronik əşyaları təmir edirlər, mən də atamın iş yoldaşının oğlu ilə dostam, tez-tez bir-birimizin evinə gəlib gedirik, şahmat oynayırıq, balaca, hər yerə qaçan o şarik toplarla oynayırıq. nəysə, bir gün yenə onlara getdim, çağırdım-çağırdım, heç kim yox idi həyətdə. həyətə girib evə qalxdım, qapını açmaq istəyəndə məndən öncə atam açdı qapını, yarıçılpaq idi, arxa fonda iş yoldaşının arvadı görünürdü.
3. bir dostum mənə dovşan hədiyə etmişdi, hər səhər həyacanla durub ona yonca biçir, kələm yarpağı verirdim. heç bir həftə keçmədi ki, anam israrla dovşanı qaytarmağa məcbur etdi məni. anlamamışdım, çox ağlamışdım. sən demə atam bu dostumun da anasını sikib, anamın da xəbəri olub.
və s. əziz sözlük. bunların üstünə anamın ağlamağı, dava-dalaşları da gəl. bu travmalara görə asexual olmuşam, cır-cındırda gəzib, bacardıqca yaraşığımı gizləməyə çalışıram. həyatım atam olmamaq üzərində formalaşıb.
(bax: uşaqlıq travmaları)

marduk

əfsanəvi planet. babillilər bu planeti marduk adlandırırdılar, şumerlilər isə nibiru. azərbaycanlı şumerşünas zaxariya sitçinin əsərlərində araşdırılan, hər 3661 ildən bir dünyaya yaxınlaşdığı və dünyadan 4 dəfə böyük olduğuna inanılan planetdir. babillilər və şumerlilərdən başqa misirlilər və mesopotomiya xalqlarının da əfsanələrində rastlanılır. bir çox fanatiki var, dünya ilə toqquşaraq dünyanın sonunu gətirəcəyinə inanılır. deep webdə və bir çox xəyalpərəstin yığıldığı formlarda riyazi hesablamalar, şəkillər, müxtəlif nəzəriyyələrlə varlığı sübut olunmağa çalışılır. lars von trierin melancholia filminin də çıxış nöqtəsi olduğunu düşünürəm. bundan başqa bir çox fantastik filmə də mövzu olmuşdur.
(baxma: qabağına çıxan hər zibili oxumaq)
(baxma: qabağına çıxan hər filmə baxmaq)

aminhotep

bu sifarişi verən: boyumaqamışölçdülər
dörd versiyası mövcud olmuş misir fironu: aminhotep ı, aminhotep ıı, aminhotep ııı, aminhotep ıv. eyni zamanda qədim misirdə yayğın olan ad. qədim misirlə bağlı fantastik və cizgi filmlərdə tez-tez qarşımıza çıxar.

alejandro gonzalez inarritu

amores perros və biutiful filmləri ilə diqqətimi çəkməyi bacaran, hollywoodda film çəkəcəyini öyrəndikdə gözümdən düşən rejissor. hə, birdman yaxşı filmdi amma birinci dünya problemlərini işləyib, inerritunun vəhşi həyat səhnələrindən əsər əlamət qalmayıb.
(baxma: yaşayarıq görərik)

knut hamsun

misteriyalar, aclıq, torpağın bərəkəti kimi azərbaycan dilinə də tərcümə olunmuş möhtəşəm əsərlərin müəllifi. ilkin dönəm əsərlərində əsasən insan psixologiyasını araşdırır, şüuraltı (id), ego və superego kimi anlayışları ilk üç əsərində ardıcıl olaraq ələ alıb, irdələyir. yetkin dönəm əsərlərində isə təbiətə qayıdış fikrini müdafiə edir, şəhərləşməyə qarşı böyük bir etiraz hiss olunur.