the formation of damnation

2008-ci ildə çıxmış testament albomu. olduqca uzun bir müddətdən sonra ərsəyə gəlib. eyni zamanda, drummer paul bostaph-ın “testament” ilə çıxardığı yeganə albomdur.
qrupun 2000-ci illərdəki ilk albomu 2001 çıxışlı first strike still deadly idi. 2002-ci ildə qrupun ritm gitaristi eric peterson yeni albom üzərində işləməyə başladıqlarını və olduqca sərt bir albom olacağını açıqlayır. 2004-cü ildə paul bostaph-ın albomda drummer qismində çıxış edəcəyi açıqlanır. aprel-may aylarında albom üzərində işlərin başlayacağına dair xəbər verilir. ancaq sonra qrupun başına bir çox iş gəlir. eric peterson ayağından əməliyyat olunur. vokalist chuck billy xərçəng xəstəsi olur. sağaldıqdan sonra qrup yer dəyişdirir. 2005-ci ildə məşhur lead gitarist alex skolnick uzun bir müddətdən sonra qrupa geri qayıdır. 2007-ci ildə albom üzərində işləməyə davam etdiklərini açıqlayırlar. elə həmin il qrup, nuclear blast ilə müqavilə imzalayır. daha sonra albomun adı və üz qabığı nümayiş etdirilir. nəhayət, 2008-ci ilin aprelində albom işıq üzü görür.
şəxsi fikirlərim: necə qaz bir albom olduğu girişindəki qısa instrumental mahnıdan məlum olur və eyni şəkildə davam edir. gitarada alex skolnick yenə gözəl iş çıxarb. paul bostaph-ın drum performansını da çox bəyəndim. üz qabığı çox xoşuma gəlir. ümumiyyətlə, ən sevdiyim “testament” albomudur. mahnılar:
(bax: for the glory of)
(bax: more than meets the eye)
(bax: the evil has landed)
(bax: the formation of damnation)
(baxma: dangers of the faithless)
(baxma: the persecuted won’t forget)
(baxma: henchmen ride)
(baxma: killing season)
(bax: afterlife)
(baxma: f.e.a.r.)
(baxma: leave me forever)

marko hietala

məşhur fin vokalist və bassist.
1966-cı ildə kuopio, finlandiyada anadan olub. ailənin ən kiçik övladı idi. konservatoriya təhsili almış marko, musiqiyə yaxşı bələd idi. 1984-cü ildə qardaşı zachary ilə birlikdə tarot adlı bir qrup qurur. 1986-cı ildə bu qrup ilk albomunu çıxarır və turda iştirak edir. peşəkar musiqiçiliyə başlamazdan əvvəl, studiya və konsertlərdə səs mühəndisi kimi də fəaliyyət göstərir.
marko-nun nightwish ilə ilk tanışlığı 1998-ci ildə “tarot” ilə çıxdığı növbəti turda olur. “Nightwish”-in həmin vaxtları haqqında marko belə deyir: “mahnıları çox xoşuma gəlmişdi. ancaq səhnə performansları çox pis idi.”
marko 2001-ci ildə “nightwish” qurucusu tuomas holopainen və qrup menecerinin dəvəti ilə qrupa qatılır. bu müddətdə qrupa çox böyük qatqısı olur, eləcə də bir çox əlavə layihədə iştirak edir. bassdan əlavə, vokalist olaraq da xeyli önə çıxır və performansı da olduqca bəyənilir.
“Nightwish” konsertlərində qrupun keçmiş vokalisti tarja turunen müəyyən fasilələr verirdi. qrup da bu fasilə müddətində instrumental mahnılar çalırdı. marko gəldikdən sonra isə, fasilələrdə başqa məşhur qrupların mahnılarını cover etməyə başlayırlar. ozzy osbourne-un crazy train, dio-nun don’t talk to strangers, megadeth-in symphony of destruction, pink floyd-un high hopes parçaları bunlardan bəziləridir.
2009-cu ildə marko sapattivuosi adlı yeni bir qrupa qatılır. bu qrup black sabbath mahnılarını fin dilində cover edirdi. marko bu qrupda bass gitara çalmır, sadəcə vokalist olaraq çıxış edirdi.
2019-cu ildə marko mustan sydämen rovio adlı ilk solo albomunu yayımlayır.
2020-ci ildə digər layihələrinə daha çox vaxt ayırmaq üçün “nightwish”-dən ayrıldığını açıqlayır. həmin vaxtlar depressiyadan da əziyyət çəkirdi. covid-19 pandemiyası da bu mental sıxıntılarına böyük təsir göstərmişdi.
son olaraq 2023-cü ilin iyulunda keçmiş qrup yoldaşı tarja ilə isveçrədə canlı konsertdə çıxış edib. ikili məşhur phantom of the opera parçasını burada yenidən ifa edib.

zombie army trilogy

2015 istehsalı oyun. adından da göründüyü kimi, 3 oyunun bir araya gəlmiş versiyasıdır. 2013-cü ildə çıxmış və 2012 istehsalı sniper elite v2-nin zombili standalone versiyası olan sniper elite: nazi zombie army və sniper elite: nazi zombie army 2 oyunları remaster edilib və 3-cü hissə də əlavə olunaraq, trilogiya tamamlanıb. hər hissə 5 missiyadan ibarətdir. trilogiya versiyası pc-dən əlavə, konsollara da çıxıb. pc versiyasına ekskluziv olaraq left 4 dead personajları da gətirilib.
gameplay: oyun left 4 dead-in third person shooter versiyası adlandırıla bilər. hər missiyada zombiləri öldürərək və təhlükəsiz otaqlardan keçərək irəliləyirik. bu otaqlarda silahları dəyişdirə və təchizatı doldura bilərik. eynilə l4d-dəki kimi maşın üçün benzin axtardığımız missiya da var. qaranlıq bir atmosfer var ki, bu da çox xoşuma gəldi. adi, snayper, kamikadze, pulemyotçu zombilər və skeletlər kimi düşmənlər var. silah çeşidliliyi yaxşıdır.
hekayə: ikinci dünya müharibəsinin son dövrləridir. adolf hitler bunkerdə generalları ilə müşavirə keçirir. generallardan biri məğlub olduqlarını və yeganə çıxış yolunun təslim olmaq olduğunu deyir. buna qəzəblənən hitler luger p08 ilə onu öldürür, heç vaxt təslim olmayacaqlarını deyir və müharibəni udmaq üçün son bir həmlə olaraq “z planı”nı icra etməyi əmr edir. ölmüş alman əsgərləri xüsusi bir ayinlə zombi olaraq dirildilir və avropanın 4 bir tərəfinə böyük bir zombi ordusu göndərilir.

karl logan

əsl adı karl mojaleski olan, daha çox səhnə adı ilə karl logan olaraq tanınan keçmiş manowar gitaristi.
1965-ci ildə pennsylvania-da doğulub. 1994-cü ildə bir motosikl qəzasında “manowar”-dan joey demaio ilə tanış olur və qrupa daxil olur. uzun müddət yazdığı riff və sololar ilə bəyənilir.
ancaq hər şey o qədər də yaxşı bitmir. 2018-ci ildə karl, kompyuterində uşaq pornosu tapıldığı üçün qrupdan çıxarılır və həbs edilir. bu hərəkəti ilə həm özünü gözdən salır, həm də qrupun imicinə böyük zərbə vurur.

vinnie paul

https://i.imgur.com/ZKl3Vyj.jpg

mortal kombat 1

2023-cü ildə çıxması gözlənilən yeni mortal kombat oyunu. ilk trailer və gameplay görüntülərindən göründüyü qədər, oyunda böyük dəyişikliklər var. bunlardan biri də kameo sistemidir. yəni, əsas döyüşçünün yanında bir köməkçi döyüşçü də seçilə bilir və bu döyüşçülər döyüş boyu kənardan dəstək verir. biraz mortal kombat komplete edition-dakı tag ladder-ə bənzəsə də, tam olaraq eyni deyil. üstəlik, kameo döyüşçülərin geyimləri də 90-cı illərdə çıxan ilk mk oyunlarından götürülüb.
hekayə: mortal kombat 11-in aftermath dlc-nin yaxşı sonunun ardından tanrı olan liu kang hər şeyi sıfırlayır və son 3 oyundakı hadisələr yaşanmamış olur. yəni, silsilə yenidən reboot edilib.
qeyd: scorpion, sub-zero, raiden kimi döyüşçülərin gənc hallarına heç cür öyrəşə bilmədim. oyuna marağım indidən itdi.

frictional games

horror oyunları ilə məşhur olan studiya. əsası 2007-ci ildə thomas grip və jens nilsson tərəfindən isveçin malmö şəhərində qoyulub. studiyanın oyunları qorxu janrının ən çox bilinən və ən sevilən oyunlarının başında gəlir. studiya, öz oyunlarında jumpscare kimi ucuz üsullardan istifadə etmir. bunun əvəzinə insanın içinə narahatlıq salan və ürəyini daraldan bir atmosfer yaradır. oyunlarda müəyyən bir fəlsəfi məna da olur və bu, hekayəyə daha da maraq qatır. studiyanın bu vaxta qədər çıxardığı oyunlar:
penumbra: overture - 2007
penumbra: black plague - 2008
penumbra: requiem - 2008
amnesia: the dark descent - 2010
amnesia: a machine for pigs - 2013
soma - 2015
amnesia: rebirth - 2020
amnesia: the bunker - 2023

amnesia: the bunker

2023 istehsalı horror oyunu. frictional games yenə gözəl bir iş çıxarıb. oyunda amnesia silsiləsinə bir çox yeniliklər gətirilib.
gameplay: oyunda odlu silah olaraq revolver, qumbara və daha sonrakı qisimlərdə shotgun istifadə etmək olur. ancaq bu oyunda silah resident evil və ya the evil within-dəki kimi deyil. silahla bədheybətə atəş açdıqda onu sadəcə qorxudub, biraz keyitmək olur. əllə doldurulan kiçik bir yumru fənərimiz var. bu fənər, doldurularkən çox səs çıxarır və bədheybətin diqqətini çəkir. ətrafdan yanacaq taparaq, bunkeri işıqlandıra bilərik. ancaq oyundakı inventar çox kiçikdir və bəzən yanacağa yer açmaq üçün bir neçə əşyanı atmaq lazım gələ bilər. əşyaları inventardan çıxarıb, xüsusi sandığa da qoya bilərsiniz. bir digər düşmən isə siçanlardır. bunları da qumbara və ya molotov kokteyli kimi vasitələrlə öldürmək olur. oyunda ətraf çox klastrofobikdir və bu, həyəcanı biraz da artırır. save etmək üçün sadəcə bir yer var. ətrafdan tapdığınız qeydləri oxuyaraq, hekayənin təfərrüatlarını öyrənə bilərsiniz. oyunlarda qeydləri oxumağı sevən biri olaraq, yenə böyük maraqla oxudum.
hekayə: hadisələr birinci dünya müharibəsi dövründə, 1916-cı ildə baş verir. baş qəhrəman henri clement adlı bir fransız hərbçisidir. oyun bir səngər döyüşü ilə başlayır. döyüş zamanı almanlar zəhərli qazdan istifadə edir. ancaq əsgər yoldaşı augustin lambert henri-nin köməyinə gəlir və ona əleyhiqaz verir. birtəhər almanlardan qaçıb, bir bunkerə çatırlar. aradan bir müddət keçdikdən sonra henri içəridə gözlərini açır. ancaq aradan keçən müddətdə bunkerdə necə dəhşətli hadisələrin baş verdiyindən xəbərsizdir.
qeyd: kaş oyunda fransızları ingiliscə danışdırmasaydılar. əksər fransızların ingilis dilinə olan münasibətini biləndə, o qədər də realist olmur.