əslində bu entry-nin yazılacağı başlıq buradımı bilmirəm. amma bu hekayə mənə cındırlıq hekayəsi kimi gəlir həmişə. ona görə bura yazıram.
12 yaşım filan olanda qonşu məhlədə biri 9-10 yaşlarında, o biri isə 5-6 yaşlarında olan iki qardaş yaşıyırdı. böyüyü bizimlə futbol oynuyurdu həmişə. o biri də bizim ətrafımızda dolaşırdı özü üçün. yay tətilində bütün günü dəli kimi futbol oynuyurduq. günorta olanda hamının anası pəncərədən çağırardı ki, gəl yemək ye. sonra gedib oynuyarsan. ancaq bu uşaqlar nadir hallarda yemək yeməyə evə gedirdilər. nə vaxt baxsan küçədə qoğal filan yeyirdilər. həyətdə dayanıb analarını çağırardılar. anaları da pəncərədən baxıb pul atırdı ki, gedin dönər zad alın. bunlar da sevinə-sevinə gedirdilər. mən də həmişə fikirləşirdim ki, nə axmaq anadı bu. yemək bişirmir bəyəm evdə?
nəysə. bir gün məhlədə uşaqlarla söhbət eliyəndə söz bu uşaqlara gəldi. biri qayıtdı ki, bəs filankəsin anası qəhbədi. mən "wtf?" sifətlə baxmağa başlamışdım ki, o biri də bunu təsdiqlədi. "hardan bilirsiz, ala?" zad dedim. bir neçəsi dedi ki, bəs anasını bloka yad kişilərlə girəndə görürük. hər dəfə də başqa adam. o biri də qayıtdı ki, bəs görmürsən heç vaxt uşaqlar evə getmir. anası "müştəri" olanda evə qoymur onları. mənim ağzım açıq qalmışdı. o yaşa qədər məndəki fahişə təsəvvürü belə deyildi. bu bildiyin evli, iki uşaq anası qadın idi. necə ola bilərdi?
sanki dünya mənim bu xəbəri öyrənməyimi gözlüyürdü. -* bir növ sinxornizm baş verdi. bir neçə həftə sonra uşaqların atası işdən tez gəlib. evə girib xanımı başqa kişi ilə tutub. bir-iki şillə xanıma, bir-iki yumruq da kişiyə vurub qan töküb. səs-küyə qonşular polis çağırıblar. xanımın ailəsi də hadisə yerinə gəlib tez plan cızıblar. xanımın qapı qonşusu dul bir xanım var idi. tək yaşıyırdı. ona deyiblər ki, polisə izahat ver ki, kişi mənim müştərim olub. yanlış anlaşılma var. qoy məsələ böyüməsin. əvəzində sənə pul verərik. polis də bunu necəsə anlıyıb. əsas xanımın izahatını birinci alıblar. deyiblər ki, məsələdən xəbərimiz var. qonşu xanım üstünə götürəcək. siz açın danışın bizə. biz də əlimizdən gələn köməyi edək. xanım da açıb sandığı töküb pambığı. polis çıxıb o dul qonşuya deyib siz gedin day lazım olmadız. -*
bu hadisə olanda ailə haqqında hər şey yayıldı qonşuluğa. xanım gəlib olanları ört-basdır eləməsin deyə kişi məhlədəki mağzada satıcı işləyən bir xanıma hər şeyi danışmıdı. demişdi ki, yayarsan, hamı bilsin nələr dönüb. -* üzü olmasın bu məhlədə qalmağa.
bu hekayənin cındırlıq harasıdı desəniz, elə xanımın özü. bu xanım pula görə, məcburiyyətdən filan etmiyib bu hərəkəti. əri işliyirdi, ev və maşın var idi. normal bir ailə yəni. sırf zövqünə fahişəlik eliyən insan varmıdır? varmış.
söhbət yayılmışdı ki, bu xanımla kişi bir-birilərini seviblər. tərəflərdən birinin ailəsi razı olmadığına görə də qaçıb evləniblər. yəqin ki, belə bir şeydən sonra bu cür xəyanətə məruz qalmaq kişi üçün dəhşətli bir şey olub.
və ən vacibi uşaqlar. balaca olan bəlkə çox şey anlamıyıb o vaxt. amma böyük olanın hər şeyin fərqinə vardığına əminəm. yəqin ki, həyat başına yıxılıb. balaca da əvvəl axır öyrənib hər halda. biraz qeybət teması kimi səslənir. amma bu hekayə yadıma düşəndə xanımın hərəkəti, polis teması filan yox uşaqlar gəlir ağlıma. balacası indilərdə universitet yaşlarında olmalıdı. həmin hadisədən sonra heç vaxt eşitməmişəm onlar haqqında.
baş verənlər necə təsir edib görəsən onlara? onsuz da göt günündə bir həyat şəraiti var ölkədə. gəl bir də bunun kimi bir travma ilə yaşa.
)
göstərir ki, spikevax 
