mosin nagant

məşhur rus tüfəngi. dizayneri serqey mosindir. nagant isə tüfəngin istehsalını təşkil edən belçika silah fabrikinin adıdır. ruslar bu tüfəngi “vintovka mosina” adlandırır.
istifadəsinə 1891-ci ildə başlanan tüfəng, hər iki dünya müharibəsində aktiv istifadə edilib. bundan başqa, çanaqqalada türklər, ruslardan ələ keçirilmiş mosinlərdən də istifadə ediblər (türklər bu silaha “rus mauzeri” (mauzer də alman tüfəngidir) deyirdi). simo hayha, lyudmila pavliçenko, vasiliy zaytsev kimi məşhur atıcıların silahı olub. ikinci dünya müharibəsindən sonra daha bir müddət sovet ordusunun xidmətində qalan silahın istifadəsi, 60-cı illərdə svd-in ortaya çıxması ilə dayandırılır.

abyss watchers

dark souls 3-ün ən məşhur bosslarından biri. “heçliyin gözətçiləri” mənasına gəlir.
lore-a görə bu döyüşçülər, lord gwyn-ın ən yaxşı adamlarından olan artoriasın izindən gəlməkdədir. uzun müddət dünyanı şərdən qorusalar da, sonda bir lənət üz verir və bir-birlərini öldürməyə başlayırlar. bossa gəldikdə də bir-birlərini öldürdüklərini görə bilərik. döyüş zamanı müəyyən aralıqlarda daha 2 gözətçi gəlir. bunlardan biri bossun tərəfində olub sizə qarşı döyüşərkən, digəri də sizin tərəfinizdə bossa qarşı döyüşür. əgər səhvən öz yanınızdakı döyüşçünü vursanız, o halda tərəf dəyişdirib sizə hücum etməyə başlayır.
qeyd: bu bölümün musiqisi də əfsanədir.

m1 carbine

ikinci dünya müharibəsi və koreya müharibəsində istifadə edilmiş yarı-avtomatik amerikan piyada tüfəngi. ən böyük problemi ağırlığı olan m1 garand-a alternativ olaraq ortaya çıxıb. olduqca yüngül olan bu tüfəng, 15 gülləlik bir darağa sahib idi. m1a1, m2 carbine və m3 carbine kimi modelləri də var.

m1 garand

amerika istehsalı yarı-avtomatik piyada tüfəngi. adını dizayneri john garand-dan alır. istifadəsinə 1936-cı ildə başlanılır. istifadəyə başlanması ilə amerikan ordusunun əvvəlki piyada tüfəngi olan bolt action m1903 springfield-i əvəz edir. springfield-in istifadəsinə isə sadəcə snayper tüfəngi olaraq davam edilir.
M1 garand, 30 kalibrlik güllələrdən istifadə edirdi. tüfəngə üst tərəfdən 8 gülləlik bir clip yerləşdirilirdi. suda çox tutulmurdu. güllələr bitdikdə clip özlüyündən tüfəngdən çıxır və bu zaman ikonik “çink” səsi gəlirdi. ən böyük problemlərindən biri ağırlığı idi. müharibənin irəliləyən dövrlərində isə alternativ olaraq m1 carbine-ın istifadəsinə başlanılır. bundan əlavə, xüsusi nişangahla snayper tüfəngi olaraq da istifadə edilə bilirdi.
koreya və qismən vyetnam müharibələrində də istifadə edilib. 1958-ci ildə m14 ilə əvəz edilməyə başlanılır və 1966-cı ildə də istifadəsi tamamilə dayandırılır.
ikinci dünya müharibəsindən sonra isə marşal planı çərçivəsində thompson və colt m1911 ilə birlikdə bu tüfənglərdən də çox sayda türkiyə və yunanıstana satılır. həmin dövrdə türkiyə, amerikadan sonra 2-ci ən böyük garand istifadəçisi idi. silah 80-ci illərə qədər türk ordusunun xidmətində qalır. günümüzdə isə tsk tərəfindən hərbi akademiyalarda təlim məqsədilə istifadə edilir. bundan başqa, bir sıra hərbi paradlarda da türk əsgərləri tərəfindən çiyində daşınır.

gewehr 43

ikinci dünya müharibəsi dövrünün almaniya istehsalı yarı avtomatik piyada tüfəngi (“gewehr”, almanca tüfəng deməkdir). wehrmacht müharibənin əvvəllərində gewehr 41-dən istifadə edirdi. ancaq bu tüfəng sovet svt 40 və amerikan m1 garand qədər effektiv deyildi. buna görə də 1943-cü ildə walther fabriki yeni bir silah üzərində işləməyə başlayır və ortaya gewehr 43 çıxır. xüsusi nişangah taxmaqla snayper tüfəngi olaraq da istifadə edilirdi. müharibədən sonra isə istehsalı tamamilə dayandırılır.

sevilla

əndəlüsün ən böyük şəhəri, bölgənin mədəniyyət və iqtisadiyyat mərkəzi. ispaniyanın ən böyük 4-cü şəhəridir. ərəb hakimiyyəti dövründə də müsəlman ispaniyanın paytaxtı olub.
şəhər flamenco mərkəzi olaraq bilinir. həmçinin, sevillanas adlı yerli bir rəqs də var.
şəhərin iqtisadiyyatına limançılıq (dəniz ticarəti), sənaye, kənd təsərrüfatı və qolları, turizm kimi başlıca sahələr yön verir.
onsuz da isti və günəşli bir ölkə olan ispaniyanın ən isti şəhərlərindən biridir.
şəhər, meydanları, dar küçələri, məğrib üslubunda inşa edilmiş evləri ilə də tanınır. santa maria katedralı, alcazar sarayı, giralda qülləsi, plaza de españa, san telmo sarayı burada yerləşir. guadalquivir çayının sahilindədir. xristofor kolumb bu şəhərdə dəfn edilib. şəhər ispaniya vətəndaş müharibəsi dövründə milliyətçi qüvvələrin əlində olub və dağıntılara məruz qalmayıb.
amerikadan kansas city və columbus, polşadan krakow, fransadan angers, meksikadan guadalajara kimi şəhərlərlə qardaşdır.
sevilla fc və real betis olmaqla 2 futbol klubu var.

italiya

şimalı və cənubu 2 ayrı dünya kimi olan ölkə.
ölkənin əsas şəhərlərinin çoxu şimalda yerləşir. şimallılar minimalist toy mərasimi keçirmələri ilə bilinirlər. cənubluları da tənbəl hesab edirlər.
cənub tərəflər isə turizm potensialı ilə önə çıxıb. ispaniyanın əndəlüsü kimi, italiyanın cənubu da bu ölkə və mədəniyyətini daha yaxşı tanımaq üçün ziyarət edilməlidir. cənubdakı toy mərasimləri də bizimkilər kimi böyük olur və yüzlərlə insan iştirak edir. buralarda danışılan italyan aksenti də şimaldakından fərqlənir.

easy spanish

easy languages konsepti altında yaradılmış youtube kanallarından biri. videolarda ispaniya və müxtəlif latın amerika ölkələrində cürbəcür mövzulara dair küçə sorğuları keçirilir, həmin ölkələrdə edilməməli olan şeylər, oralarda yaşayan xaricilərin başına gələn mədəniyyət şokları kimi məqamlara da toxunulur. əgər ispanca öyrənirsinizsə, bu kanal sayəsində həm dinləmənizi təkmilləşdirə, həm də ispaniya haqqında yerli insanlar vasitəsilə daha geniş anlayışa sahib ola bilərsiniz.

girlfriends review

iki sevgilinin maraqlı və gülməli bir youtube kanalı. qaqaş oyunları oynayır və videoları editləyir. sevgilisi də səsləndirmə ilə məşğul olur. normalda oyunlardan o qədər də anlamayan qız, sevgilisi oynayarkən apardığı müşahidələr üzərindən oyunları dəyərləndirir. videolarının başlığı da “should your boyfriend play ....?” şəklində olur.
xüsusilə sekiro videosundakı bu cümlə ilə yarmışdır: “nəhayət, hekayəsini başa düşmək üçün vaatividya izləməyə ehtiyac olmayan bir from software oyunu” (təxminən belə bir cümlə idi).

demon’s souls

soulslike janrının təməlini qoymuş 2009 istehsalı oyun. orijinal versiya sadəcə playstation 3-ə çıxıb.
oyun, çıxdığı ilk dövrlərdə insanları şoka salmışdı. çünki hack n slash oyunlarındakı kimi düşmənlərə allah nə verdisə dalmaq olmurdu. zərbə alanda canın böyük bir hissəsi itirilirdi. save sistemi ağır və cəzalandırıcı, istər bosslar, istərsə də moblar (adi düşmən) daha aqressiv idi. stamina sisteminə görə tez-tez qaçmaq olmurdu. bir yerdə öldükdə, həm yığılan ruhlar itirilir, həm də oyun çox uzaq bir yerdə başlayırdı.
amma yenə də oyun böyük bir auditoriya tərəfindən bəyənilir və istehsalçı from software-in gələcəkdəki daha böyük işlərinə zəmin hazırlayır. oyun 2020-ci ildə remake edilərək playstation 5-ə də çıxarılıb. remake versiyasının qrafikası da son dərəcə yaxşıdır.

lore

ingiliscə “bilgi toplusu” mənasına gələn söz. bir kitab, film və ya oyunun dünyası haqqında həmin işin içində yer almayan məlumatlar toplusudur. məsələn, bloodborne-da yharnam şəhərində xəstəliyin necə yayılması və bossların keçmişi oyun içində danışılmır. bunlar, oyunun lore-a daxildir.
ne olduğu bilinmeyen kanal, bu mövzunu belə izah edir: “souls oyunları və doom-da tam olaraq bir hekayə yoxdur. hekayə və lore fərqli şeylərdir. bu oyunların maraqlı bir lore-u var. amma bu oyunlar, oynayanda sizə heç bir hekayə danışmır. hamısı “vur, öldür, irəlilə” oyunlarıdır. amma sekiro shadows die twice xaric, çünki “sekiro” həqiqətən də bir hekayə danışır”.

ashes of the wake

2004-cü ildə çıxmış lamb of god albomu. albomun çıxışından əvvəl chris adler, “as the palaces burn tərzində bir şey gözləməyin” deyə açıqlama vermişdi. gitarada megadeth-dən chris poland və testament-dən alex skolnick də iştirak edib. hər “log” albomu kimi yenə ortaya sərt bir iş çıxıb. mahnılarda həmin illərdə baş vermiş iraq işğalına tənqid və göndərmələr var. albomun eyni adlı instrumental mahnısının əvvəlində və sonunda jimmy massey adlı bir amerikan hərbçisinin iraqdan qayıtdıqdan sonra verdiyi reportajdan parçalar istifadə edilib.
mahnılar:
(bax: laid to rest)

as the palaces burn

2003-cü ildə çıxmış və prosthetic records tərəfindən yayımlanmış lamb of god albomu. dinləyicilər tərəfindən olduqca bəyənilən bu albom, bir çoxları tərəfindən də qrupun ən yaxşı işi hesab edilir. mahnılarda mistik bir hava var. ən sevdiyim “log” albomu olmasa da , sahib olduğu mistik havaya görə mənim də çox bəyəndiyim bir işdir.
mahnılar:
(bax: ruin)