qardakı ayaq izləri

sözlük yazarlarından aforizmlər

24.10.2016 - 01:45 #235120 mesaj

-bir kərə yüksələn dollar (və ya qiymət) bir daha enməz

24.10.2016 - 01:37 #235119 mesaj

barok musiqi

adını eşidərkən beynimdə kilsə orqanının tükləri biz biz edən melodiyalarının canlandığı musiqi janrı. o akkordlar, bir birinə çatmağa çalışan polifonik melodiyalar kimi insana heç bir şey həzz verə bilməz.
sifarişi verən: qu quşu körfəzi

24.10.2016 - 01:33 #235116 mesaj

mistik vokal

(bax: annie haslam)

o musiqiləri başqa biri ifa edə bilməz onun kimi. onun səsi dəniz kimi sakitləşdirici və eyni zamanda coşğundur (bax: sounds of the sea)

24.10.2016 - 01:13 #235112 mesaj

aphrodite's child

bu qrup haqqında necə olar başlıq açmamışam, məəttəl qaldım. çoxları demis roussos-u tanıyır, amma desən ki, əvvəllər bu cür bir qrupun üzvü olub, heç bilməzlər. hamısı pop musiqi sənayesi ucbatından.

heyvan növlərinin dişi cinsinə görə adlandırılması

24.10.2016 - 01:07 #235110 mesaj

əsasən, ev heyvanlarında müşahidə etdiyim hal.
məsələn,
inək-dişisi inək, erkəyi cöngə və ya öküz
qoyun-dişisi qoyun, erkəyi qoç
toyuq-dişisi toyuq, erkəyi xoruz
keçi-dişisi keçi, erkəyi təkə və ya dıvır
at-dişisi at, erkəyi ayğır
camış-dişisi camış, erkəyi kəl

bütün quş növlərinin erkəyi xoruz adlandırılır, dişisi də uyğun olaraq həmin növün adı ilə gedir. bəzi heyvanların isə dişisinin və erkəyinin ayrıca adları olur. məsələn, it (dişisi-qancıq, erkəyi-köpək)

20 əjdaha! qardakı ayaq izləri

24.10.2016 - 01:03 #235107 mesaj

stargate sg-1

yavaş yavaş izləməyə başladığım serial. belə pis deyil, amma... ammasını spoiler daxilində qeyd edəcəm.

--spoiler--

filmin sonunda ra özünün daha da gücləndirdiyi bomba ilə gəmidə partladılaraq öldürülür. dilçi-alim daniel isə getdiyi planetdə sevdiyi qızla qalır, digər bütün heyət geri qayıdır. bunun ardından serialın ilk pilot bölümü children of the gods sirri açılan ulduz keçidinin yanında keşik çəkən növbətçilərin stol ətrafında kart oynaması ilə başlayır. bu əsnada keçiddə bir hərəkət hiss olunur. keçid açılır və ilan başlı bir neçə yadplanetli gəlib növbətçilərdən qadın olanını oğurlayıb aparır. beləcə yeni bir macəraya ilk addım atılır. aydın olur ki, bu ulduz keçidləri kainatın bir çox yerində mövcuddur və hər planet üçün ayrıca simvollar kombinasiyası yığılmalıdır. sg1 adlı xüsusi dəstə bu keçidlərin aşkarlanıb yer üçün potensial təhlükələri aradan qaldırmaq üçün təşkil olunur. hər bölüm bir keçidin fəth olunub o planetdəki hadisələri əks etdirir. yuxarıda verdiyim amma isə odur ki, getdikləri hər yerdə ingiliscə danışlır. bu biraz serialın imicini zədələyir. yenə də dözmək olar.

--spoiler--

24.10.2016 - 00:36 #235104 mesaj

40 satrap və çoban

məni ifşa edərək özünü ifşa etmiş yazar.
#233855 bu entrisini də bilmədim, umbaylayım yoxsa əjdahalayım. ona görə də əvvəl umbayladım, sonra bunu geri alıb, əjdahaladım -*

24.10.2016 - 00:21 #235102 mesaj

it's a beautiful day

amerikalı psixedelik-folk rok qrupu. deep purple məşhur child in time mahnısını bu qrupun bombay calling mahnısından "ilhamlanaraq" yazıb. dırnaq içində yazmağımın səbəbi odur ki, ortada, sözün əslə mənasında plagiat var. giriş melodiyaları, demək olar ki, eynidir. istəyən müqayisə edə bilər

deep purple-child in time

(youtube:

)

it's a beautiful day-bombay calling

(youtube:

)

15.10.2016 - 23:17 #234425 mesaj

bakubus

(baxma: kakabüs)

14.10.2016 - 23:09 #234345 mesaj

təkamül nəzəriyyəsi

adından nəzəriyyə olduğunu görmək onun elə nəzəriyyə olaraq qalacağına dəlalət etmir ki. dəfələrlə təsdiq olunub. nə bizim inanmağımızdan, nə də inkar etməyimizdən asılıdır. əgər təkamül deyə bir şey varsa, onu sözlərlə ifadə etdikdə avtomatik nəzəriyyə halını alır. başqa cür necə olmalıdır ki, mənə çatmır.

0 əjdaha! qardakı ayaq izləri

14.10.2016 - 23:06 #234342 mesaj

stargate

nə vaxtdan beynimdə olan, nəhayət ki, dünən izləyə bildiyim roland emmerich filmi. 1994-cü ilin məhsuludur və öz dövrünə görə olduqca uğurlu elmi-fantastik bir filmdir. baş rollarda kurt russell, james spader, jay davidson və mili avital oynayıb. filmin mövzusu barədə qısa məlumat verim.

--spoiler--

hadisə 1928-ci ildə giza piramidaları yaxınlığında qəribə formalı daşlar və elmə məlum olmayan metaldan hazırlanmış üstündə müxtəlif simvollar olan çevrə formalı bir qurğunun tapılması ilə başlayır. misirşünas və dilçi olan daniel jackson (james spader) bu qurğunun simvollarının nə məna verdiyini və necə işlədiyini ortaya çıxarır. bu qurğu interqalaktik səyahətlər üçün bir ulduz keçididir (stargate). ulduz keçidini işə salırlar və danillə birlikdə bir qrup əsgər həmin keçiddən içəri keçir. keçidin digər ucu orion ulduz topasında başqa bir planetə açılır. orada yadplanetlilərin yerdəki ilə eyni formada tikdiyi piramidaları görürlər. bu piramida kosmik gəmilərin eniş platforması rolunu oynayır. yadplanetlilər öz irqini davam etdirə bilmək üçün insan irqinin bədənindən istifadə edir və özünü günəş tanrısı ra kimi göstərərək insanları itaətdə saxlayır. eynilə qədim misirdə də bu cür olduğu aydınlaşdırılır. həmin planetdəki insanlar da min illər əvvəl yer planetindən aparılıbmış. lakin qədim misirdə insanlar bir şəkildə üsyan qaldırmış və yerdə ki ulduz keçidini bağlamağa müvəffəq olublarmış. sonradan həmin yadplanetlilər hökmranlığını öz planetinə apardığı insanlar üstündə davam etdirir. heç bir üsyan olmasın deyə də insanlara oxuyub yazmağı, dolayısı ilə nəsə öyrənməyi qadağan edir. yenidən açılan ulduz keçidi sayəsində o planetə gedən alim və əsgərlər oradakı insanlarla birləşərək yadplanetlilərə qalib gələ bilirlər.

--spoiler--

film o qədər maraq doğurur ki, sonradan seriyalar şəklində illərlə davam edir.

misir tarixinin mistikasına və bu cür filmlərə də maraq göstərən biri olaraq filmdən çox zövq aldım. jay davidson ra rolunu çox məharətlə oynayıb. ancaq tipik amerika filmlərindəki irqçi yanaşma bu filmdə də özünü göstərir. zülm görən insanların etnik kökü, amerika əsgərinin onları xilas etməsi və bir sıra elementlərdə bunu hiss etmək mümkündür. yenə də izləməyə dəyər. imkan olduqca serialını da izləməyə çalışacam.

14.10.2016 - 23:00 #234339 mesaj

v ixtisas qrupu

bir zamanların ali təhsil almaq istəyib də biliyi kifayət qədər olmayan abituriyentlərin xilaskar ixtisas qrupu. keçid balı aşağı olduğu üçün girmək daha asan olurdu. bədbəxtliyimiz ondadır ki, gələcək nəsillərimizi yetişdərəcək olan ibtidai sinif müəllimləri bu qrupda təhsil alırdı. yəni ən əsas şeyə bu cür laqeyd yanaşan bir cəmiyyətik. sonradan 3-cü qrupla birləşdirildi. bəlkə bundan sonra biraz daha ciddi yanaşarlar. amma bu nəyi dəyişdirir. onsuz da müəllimlik peşəsi yenə də son ümid yeri kimi seçilir.

13.10.2016 - 22:13 #234242 mesaj

sözaltı sözlük

yerli televiziya kanalları kimidir. gecə saatlarında +18 entrilər görünməyə başlayır.

13.10.2016 - 00:03 #234157 mesaj

symbian sistemli telefonlar üçün bu ilin sonuna qədər dəstək müddəti qalıb. yanvardan etibarən işləməyəcək. hətta indidən son proqram yenilənməsindən sonra işləmədi məndə.

12.10.2016 - 23:37 #234152 mesaj

yolu yarılamaq

zenon paradokslarından birinə mövzu olmuş hərəkət (daha doğrusu hərəkətsizlik). tısbağa ilə yarışda tısbağaya çata bilməyən axilles burada nəinki tısbağaya çatmaq, heç yerindən tərpənə də bilmir.

deyir ki, bir yolu qət edə bilmək üçün əvvəl bu yolun yarısını, bu yolun yarısını qət edə bilmək üçün bu yolun da yarısını getmək lazımdır və s... məlum olur ki, bu yolu qət etmək heç vaxt mümkun deyil.

12.10.2016 - 11:07 #234075 mesaj

sözaltı radio

(bax: east of eden)

(baxma: eddie mars)