qardakı ayaq izləri


763   1   0   0
qardakı ayaq izləri 2.nəsil yazar
reytinq xalı: 1027
karma xalı:26
entry sayı:763
izləyənlər:4
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog

peyğəmbərlərin ilahlaşdırılması bir növ şəxsiyyətə pərəstiş, daha doğrusu, ən yüksək halı. bir əvvəlki entridə qeyd edildiyi kimi, kraldan çox kralçı olmaqdır. bu proses həmin şəxsin sağlığında olarsa, o da bu vəziyyət qarşısında heç bir şey etməyib buna inana və özünü, həqiqətən də, peyğəmbər zənn edə bilər.
əgər bir cəmiyyət buna meyllidirsə, heç vaxt öz müqəddəratını həll etmək səviyyəsinə çata bilməyəcək. başda duran istənilən şəxs özünün də azca təşəbbüsü ilə peyğəmbər pilləsinə qalxacaq. o cəmiyyət də həmişə başdakına sitayiş edəcək. beləcə, monarxiya.
debian ubuntunun son dövrlər ağırlaşmasından sonra istifadə etmək üçün distro axtarışları nəticəsində rahat nəfəs ala bildiyim linux distrosu. cinnamon masaüstü mühiti rəngi və dizaynı ilə gözə xitab etdiyi kimi yüngüllüyü ilə də insanı yormur.
atanın istədiyini tapana qədər keçən hər saniyə daha çox uşaq vaxtı yaşadığımız, qorxu və stressin həndəsi silsilə ilə artdığı anlardır. tapa bilmədikcə stress artır, stress artdıqca əlin ayağın bir birinə qarışır, nə axtardığını belə unudursan. və birdən o səs gəlir: 'n'ooldu, tapa bilmədinmi poxu? götürdüyünüzü yerinə qoysanız'. artıq bütün bədən boşalıb, amma son bir ümidlə axtarmağa davam edirsən. eyni zamanda dilindən qırıq qırıq, zorla eşidilə biləcək bir səslə bunu deyirsən: bur...da ...lm...lıyd.... ata gəlir və səhərdən bəri eşələndiyin yerdən özünə lazım olanı götürüb deyir: ' bədbaxtın balası elə bil kordu. sizin axırınız nə olacaq, bilmirəm'. wtf üz ifadəsi ilə baxa baxa qalırsan.
insan və cəmiyyət məktəb illərində lazımsız olaraq gördüyüm, amma indi, əgər normal tədris edilsə, şüur səviyyəsi daha yüksək bir nəsil formalaşdırma potensialı olduğunu düşündüyüm bir fənn. ən azı fəlsəfənin əsas anlayışları öyrədilir o kitabda. indi isə belə bir fənn yoxdur, bildiyim qədərilə. onun əvəzinəmi, yoxsa tam dəxlisiz olaraqmı, həyat bilgisi dərsi var. biraz göz gəzdirdim. bir vaxtlar keçdiyimiz təbiətşünaslıqdan mövzularla birlikdə hökumətin təbliği və sonda da əsl bomba dinimiz və mənəviyyatımız mövzusu var. özü də 5-ci sinif. yəni dinə əsaslanan bir mənəviyyat və əxlaq aşılanır uşaqlara (bax: dinin əxlaq monopoliyası). 'insan və cəmiyyət' isə 9, 10, 11-də keçilirdi, səhv etmirəmsə. azdan-çoxdan müəllimlə kainatın yaranması ilə bağlı müzakirələr edirdik. onda indiki kimi dinə meyl yox idi. hətta bir sinif yoldaşım deyəndə ki, 'kainatı allah yaradıb', müəllim onun sözünü kəsib demişdi ki, bizim mövzumuz allah deyil. o vaxt qatı bir ateist kimi bu, çox xoşuma gəlmişdi. müəllim gözümdə bir xeyli yüksəlmişdi. bu dərsdən əsas yadımda qalan epizod bu olub.
alphataurus 1973-cü ildə yaranmış və cəmi 2 albom (alphataurus-1973, attosecondo-2012) çıxarmış italyan prog qrupu.
yazarların ən pis pərt olduğu an elə indicə yaşadığım bir vəziyyət. buna pərt olmaq demək olarmı, onu da bilmirəm. türkcə "dumur olmaq" ifadəsi daha yaxşı ifadə edir. bəlkə, o da eyni şeydir elə. nəysə, keçim mətləbə.
sintezator adlı elektrikli musiqi alətini bilməyənimiz yoxdur, hər halda. hər bir orta statistik azərbaycanlı ömründə ən azı bir dəfə toyda olub və bu aləti tanıyır. biraz böyüyüb dünya gördükcə, xarici musiqi qruplarını tanıdıqca synth və ya synthesizer adını da görmüş oldum. təbii olaraq da bu söz dilimizə sintezator kimi keçib, çox güman ki, ruscadan. o vaxtdan sonra özümü bir dartmaq dartıram ki, bəs deməzsənmi, biz bu alətin adını səhv bilirmişik, əslində synthesizer olmalı imiş. tələffüzdə dəyişklik olubmuş. ancaq bu iki sözün eyni şeyi ifadə etdiyi ehtimalını heç düşünmürəm. elə hesab edirəm ki, bunlar ayrı-ayrı şeylərdir. hələ üstəlik bu adı tapıb qoyduqlarına görə bizim millətin "yaradıcılığına" gülürəm də içdən içə. birdən nədənsə bu sözü araşdırmaq fikrinə düşdüm. araşdırmaq dediyim də "google translate"də yazıb tərcüməsinə baxmaq. sintez sözünün synthesis-dən gəlmiş olduğunu indi öyrəndim. düzdür, buna görə utanc hissi keçirdim. mənim durumumda bunu bilməmək, həqiqətən, böyük ayıb hesab olunmalıdır. ancaq "heç vaxt gec deyil" deyib özümə təsəlli verdim və bu bilgini sözlüyə yazmaq fikrinə düşdüm. sən demə, hələ əsas məsələ burada imiş. "sintezator" başlığına girdim və yuxarıdan aşağı baxa baxa getdim ki, görüm məndən qabaq bunu yazan olubmu. ahan da biri yazmış: (#112105). lan bu mənəm ki. 4 il bundan qabaq yazmışam özü də. amma heç cür xatırlaya bilmirəm ki, hansı düşüncə və bilgi vəziyyətində yazmışam. bu da böyle bir anımdır.
iqtisadi mövzulardan iyrənmək mənasız keçilmiş iqtisadi mövzulu universitet dərslərinin insanda yaratdığı travma. hər nə qədər müasir dövrün reallığı pul və iqtisadiyyat ətrafında olsa da, bu cür söhbətlər açılanda istər istəməz allergiya tutur məni. hər rastıma çıxanda maliyyə-kredit, vergi, mühasibat sahəsində məsləhət verir. mühasibatlıq belə gəlirli işdir, vergilərdə qəşəng pul var, filankəs maliyyə-kredit oxuyub indi bankda işləyir falan filan. bəsdir də "mazgi" elədiyiniz. hələ şəxsi biznesdən danışanlar da olur ki bu, onlar da ayrı bir dərddir. gündəlik tələbatı ödəyəcək qədər pul qazanıramsa, əlavə nəyə görə başımı ağrıtmalıyam ki? olmaz olsun o əlavə pula ki, insanın rahatlığını pozur.
musiqi dinləyərkən yuxuya getmək qəribə, qarışıq yuxular görməyə səbəb olan durum. ümumiyyətlə, çalışıram ki, yuxuya getməmiş musiqini dayandırım. amma istəmədən də olsa, yuxu tutur və qulağındakı "səs küyün" təsirilə narahat bir halda yuxular görürsən. birdən oyanırsan ki, qulağında gurultular filan. düşdüyün vəziyyətə lənətlər yağdıraraq boğazına dolaşmış kabeli açırsan və daha sakit bir yuxu üçün yatmağa davam edirsən.
yazarların 17 yaşlarındakı hallarına deyəcəkləri tələbə dövrünü boş boş dərsləri oxumaqla hədər etmə. indidən özünə bir gün ağla. dil öyrən, daha həvəsli olduğun sahəyə aid biliklərini artır. bir səhvdir edibsən. heç olmasa, bundan sonra düzəltməyə çalış. imkan tapan kimi də cəhənnəm ol bu ölkədən.
qohum daha artığını tanımaq istəmədiyim insanlar. qohumluq mənim üçün formal xarakter daşıyır artıq. sadəcə qan bağımız var deyə niyə mütləq kimisə tanımaq məcburiyyətindəyəm? həm də heç bir ortaq yönümüz olmadığı halda. tanımaq bəs etmir. gərək arada bir əlaqə də saxlayasan. təsadüfən hardasa qarşılaşsanız, "belə də qohum olar, niyə zəng edib əlaqə saxlamırsan" filan, başlayacaq sünilik etməyə. sən də ondan beş betər süniliklə "başım qarışıq olur zad" deyib yola verirsən. hamısının da ortaq bir xüsusiyyəti var: toy elə, gələk.
zorla qohum çıxmağa çalışanları da var hələ. onlar da ayrı bir dərddir
homoseksuallıq elmə olan münasibətimi bəziləriniz bilir deyə düşünürəm. yenə də bildirim ki, elmin gücünə ən az sizin qədər inanıram (ilahi qüvvəyə inamla qarışdırmayasınız bunu. sadəcə, başqa cür ifadə etmək mümkün deyil). və bir çoxları kimi də hansısa bir qrup insanın oturub kütləni elm yolu ilə nələrəsə inandırdığını düşünmürəm, əksinə mənasız bir yanaşmadır bu. burada nəzərdə tutduğum şey, məsələn, yerin kürə formasında olmasının guya "masonların" bizə zorla (sadə insanlar tərəfindən anlaşılması çətin elmi açıqlamalar yolu ilə) yeritdiyi kimi bir fikir olduğu tipli konspiroloji iddialardır (cümlə bir qarışıq ola bilər, amma təxminən nə demək istədiyimi başa düşərsiniz). yəni mən o cür paranoyak fikirli biri deyiləm.
di gəl ki, bu homoseksuallıq mövzusunda razılaşa bilmirəm. burada həqiqətən də qəsdli bir hərəkət olduğu düşüncəsindəyəm.
durumu ən yumşaq şəkildə bunun insan tərəfindən şüurlu bir seçim olub olmaması kimi dəyərləndirmək olar.
1. şüurlu seçimdir. bunu nə dərəcədə "məsum" hesab etmək olar? cinsi əlaqənin nəsil artırmaq üçün həyata keçirilməsini atıram bir kənara. insan növü bunu zövq üçün edir artıq. arada əsas məqsədə də yönəlmiş olur, bu ayrı. əgər insan təbii (normal erkək və dişi cins arasında olan) cinsi əlaqədən bezib daha "fərqli" zövqlər dalınca gedib homoseksuallığı seçirsə, bu, psixi pozulmanın xəbərçisidir. ki bundan sonrası psixi xəstəlik sinfinə girir.
2. doğuşdan gələn bir haldır, fərdin şüurlu seçimi deyil. bu da gendəki bir anormallıq və hormonal pozulmadan qaynaqlana bilən bir durumdur. ortada yenə normal olmayan bir hal var.
insanın özündən asılı olmaması və doğuşdan gəlməsi son qəbul olunmuş versiyadır. bir şeyin anadangəlmə olması onun xəstəlik olmadığı mənasına gəlmir. əksinə, o qədər anadangəlmə xəstəliklər var ki. bu da onlardan biri. sadəcə, bu, insanların həyat tərzinə çevrildiyi üçün bunun düzəlməsi istiqamətində aktiv fəaliyyət aparmaq insanlara çətin gəlir, bu cür qəbul olunmalarını istəyirlər. qəbul edənlər də var, etməyənlər də. amma bizim qəbul etməyimizdən asılı olmayaraq, xəstəlik, ya da anormallıq bir vəziyyət olaaq qalmaqda davam edəcək. necə ki, təkamül bizim nə düşündüyümüzdən asılı olmayaraq mövcuddur.
homoseksuallıq seçimdir, yönəlimdir, xəstəlikdir, hər nədirsə, normal qarşılaya bilmədiyim bir vəziyyət. insanların bir-birilə çox yaxın münasibəti ya ailə bağlılığı, ya dostluq, ya da əsasında cinsi əlaqənin dayandığı sevgi, məhəbbət.

sonuncudan başlayım. çoxlarının ilahiləşdirdiyi sevgi məfhumu nəsilartırma instinktinin günümüz insanı tərəfindən daha obrazlı ifadəsidir. nəsilartırma isə insan növü üçün yalnız və yalnız əks cinsdən olan iki normal fərdin əlaqəsi ilə mümkündür. burada normal fərd dedikdə fiziki, bioloji və psixi cəhətdən normal cinsi əlaqəni həyata keçirə bilən və bunu normal şəkildə gələcək nəslə ötürə bilən fərdlər nəzərdə tutulur. yəni bunun bizim normal anlayışını necə qəbul etməyimizlə əlaqəsi yoxdur. təbiətin tələbi belədir. başqa heyvanlarda homoseksuallıq varsa, bu ya onların nəsilartırma bacarığının bunu da dəstəkləməsi deməkdir, ya da yenə başqa bir anormallıqdır. nəticə olaraq, kişi görünüşlü biri özünü qadın kimi hiss edib kişilərlə münasibətə üstünlük verirsə, bunu normalmış kimi qələmə vermək doğru gəlmir. əks vəziyyət üçün də eyni hökm keçərlidir.
yox, əgər desəniz ki, hər şey cinsi münasibət demək deyil, onda yaxınlıq formaları üçün də bunun normal olduğunu deyə bilmərəm. dostluq iki insanın bir-birini yaxından tanıyıb, bir-birinə kömək olub dərdlərini və sevincini paylaşması falan filan kimi şeylərdir. homoseksual davranışın buraya qarışacağı yoxdur.
ailə bağlılığından isə danışmağa belə dəyməz.
əgər arada qaçırtdığım bir yer varsa, bilgiləndirin, zəhmət olmasa.
azərbaycanlılar üçün application ideyaları (bax: camaat nə deyər)
milli mentalitetə uyğun bir çox reaksiyaları bazaya toplayıb, edəcəyin bir hərəkətə görə nə reaksiya veriləcəyini əvvəldən göstərən bir proqram. beləcə, camaat qarşısında biabır olmadan edəcəyimiz hərəkətləri əvvəldən formalaşdıra bilərik.
hər şeyə qarşı ikrah hissi yaranması bəlkə çox depressiv və pessimist bir yanaşmadır, amma bir an gəlir ki, ətrafındakı insanların bir-birinə uzun ömür, xoşbəxtlik və sağlamlıq arzulaması belə bir iyrənməyə səbəb olur içəridən bir qışqırma istəyi yaranır: "bəsdir artıq, illərdir eyni sözləri işlətməkdən bezmədinizmi?". ayda ən azı bir nəfərin doğum günü olur-eyni şablon cümlələr, birinin uşağı olur-yenə bu sözlər, toy olur, sünnət olur və s. və s...
bundan başqa, biri ilə söhbət edirsən. tutaq ki, evlənib, uşağı filan da olub. hörmətsizlik olmasın deyə qısaca bir təbrik edirsən (bayaqki şablona özümü də daxil edirəm. nə də olsa, bu cəmiyyətin "məhsuluyam"). qayıdıb deyir ki, sənə də qismət olsun. burda qayış qopur. bir insan niyə öz başına gələn və yaxşı hesab etdiyi hər şeyi başqasına da arzulamaq istəsin? hadi, xoşbəxtlik arzulamasını başa düşdüm də, konkret bir həyat hadisəsini arzulaması çox absurd görünür. hamının xoşbəxtlik anlayışı eyni ola bilməz ki.
nə bilim. hamı bir qəlibdən çıxmış kimi eyni şeyləri etməyə can atır. hara üz tutursan, eyni davranışlar, eyni mentalitet, eyni düşüncə tərzi. bütün bunlar yetməzmiş kimi, sənin də həyatına qarışmaları və yönləndirməyə çalışmaları bezdirib artıq. bir insanın yol gedərkən qulaqlıa taxmasına belə qarışan bir cəmiyyətdən heç ümidim qalmayıb.
1 2 3 4 5 6 7 8 9 10 11 12 13 14 15 16 17 18 19 20